Nag-interview sa mga Discaya, bayani raw… SIGAW NI LOUIE: ANOMALYA SA FLOOD CONTROL, NABULGAR DAHIL KINA JULIUS AT KORINA

ni Nitz Miralles @Bida | September 3, 2025

Photo: Julius Babao Unplugged - YT

Nabasa namin ang Instagram (IG) post ni Louie Heredia patungkol sa interview nina Korina Sanchez at Julius Babao sa Discaya couple at ang sagot ni Korina sa post ni Louie.

Post ni Louie, “Korina Sanchez and Julius Babao are actually heroes! I say this because of their interview with that woman... a can of worms was opened... and now, we are seeing all the different personalities that are involved in it. IF THEY DID NOT INTERVIEW THIS WOMAN... we would never have seen the different personalities involved in this flood control corruption.”

Sinagot ni Korina ang post ni Louie, “We asked them if it was okay to show all the evidence of wealth. They said go ahead, we are transparent.”

Nag-agree kay Louie ang mga netizens at “silver lining” pa nga ang itinawag nila. May nag-comment naman, “We still like you, Ms. Korina, but please next time, don’t give undeserving people a chance to be popular.”

Sa kanyang IG, may mga nagpapasalamat din kay Korina sa interview niya sa Discaya couple at pansin namin, natigil na ang pamba-bash sa kanya. 

May nagpayo sa kanya, “Sometimes you really just have to pray and forgive them. Ikaw na lang iintindi. And for that you have gained my RESPECT! Thank you Korina and @juliusbabao!”

Sagot ni Korina, “Forgiveness.”

---

SINUNOD ni Edu Manzano ang request ng mga followers niya sa Instagram (IG) na ituluy-tuloy lang niya ang pagpo-post ng memes tungkol sa mga corrupt na tao dahil sunud-sunod na naman ang post nito.

Sa isang post, ginaya niya ang mga anak ng contractors o nepo babies sa pagpo-post ng kanilang OOTD (outfit of the day) na umabot sa $2,820,450 million lahat.

Nakakatawa rin ang sagot ng aktor sa mga nag-comment at sa nagbiro na humingi ng barya. Ani Edu, wala na siyang barya, puro buo.

Sa meme post ni Edu ng Fast and Furious movie na ginawa niyang “Fast and Fallacious: Manila Heist Ride or Hide,” may tagline siyang “Brothers by Flood not by Blood.” 

Nakakaloka pa ang hashtag niyang #takaskotse #singilanna #korupt #TaxpayersUnite #StopTheFloods.

Pati mga celebrities, nag-e-enjoy sa posts ni Edu at may mga requests pa sila kung ano ang dapat sunod na corruption series na kanyang ipo-post. 

Huwag daw niyang tigilan hanggang hindi nakakarating sa mga corrupt at hanggang walang nakakasuhan at nakukulong.

---

Aktres, napikon, pumalag sa netizen…

NADINE, TODO-BANAT DAW SA MGA KORUP, NAGPO-PROMOTE NAMAN NG ONLINE GAMBLING

PAGKATAPOS ng ‘nonchalant’, ang ‘performative’ ang favorite word ng GenZ ngayon na ibig sabihin ay “dramatic or artistic performance” na ipinag-react ni Nadine Lustre. 

Sa sagot nito sa netizen, obvious na hindi nito nagustuhan na tinawag na “performative” ang kanyang interview.

Na-interview si Nadine ni MJ Marfori sa News5 tungkol sa controversial flood control projects sa bansa.

Sagot ni Nadine sa interview, “Obviously, people are going to react kasi with everything that’s been going on, the typhoons, the flood, and everything, people are not seeing improvements. So mali talaga. 

“I’m really sad seeing people struggling, going through all of these like losing their homes, their pets, their livelihood just because we cannot find a solution to it. S’yempre, nakakagalit at nakakalungkot na makita na ‘yung ibinabayad na buwis, sa ganu’n lang napupunta. Nakakainis talaga.”

Ang comment ng netizen na ipinag-react ni Nadine ay “100% I don’t hate Nadine, but she gives off huge performative energy. Plus the fact na isa s’ya sa mga big celebrities na nagpo-promote ng online gambling dito sa Pilipinas. But that’s a discussion for another day.”

Nabasa ni Nadine ang comment at sinagot, “There’s nothing performative about that interview. Nakakagalit naman talaga ‘yung sitwasyon ng Pilipinas ngayon. Ano ‘kala mo sa akin, manhid? Lol (laugh out loud) at the ‘I don’t hate Nadine but...’ statement, just admit that you do.”

In fairness kay Nadine, isa siya sa mga celebrities na nagsasalita kapag may nakitang mali sa gobyerno, sa mga politicians at sa mga dapat i-call out. Tama naman ang sagot niya, kaya ipinagtatanggol siya ng kanyang mga fans.

Kaya ginagalingang umarte… BELA, IPINAGSIGAWANG TODO-KAYOD PARA SA MGA ‘DISNEY PRINCESS’

ni Nitz Miralles @Bida | September 2, 2025

Photo: Bela Padilla - IG

May 4 million views na ang TikTok video ni Bela Padilla ng POV (point of view) niya tungkol sa pagkayod niya para sa mga “princess,” ang tawag ng mga netizens sa mga anak ng mga kurakot na contractors.

Sa clip na ipinost ng aktres ng 100 Awit Para Kay Stella (100APKS), makikita siyang umaarte na parang eksena sa movie. 

Sa caption nito, nag-react ang mga netizens dahil sabi ni Bela, “POV: Kailangan mo galingan umiyak at masaktan kasi may mga pinapaaral kang mga Disney princess.”

Mabilis nag-viral ang post at nag-comment ang mga netizens na sinagot ni Bela. 

Sa nag-comment na akala niya, mayayaman ang mga artista pero nagtatrabaho sila nang fair, sagot ni Bela, “I work 16-18 hours (excluding travel) 7 days a week.”

Anyway, malapit na ang simula ng showing ng 100 Awit Para Kay Stella na kasama ni Bela sina Kyle Echarri at JC Santos. 

---

Pinahuhulaan pa lang, inunahan na…

CARLA, IBINUKING NA BUNTIS SI LOVI

[0'pNatawa na lang ang mga fans kay Carla Abellana dahil inunahan nito si Lovi Poe at ang

Bench sa pag-a-announce na preggy ang aktres. 

Nag-post ang Bench ng preggy belly ng isang aktres suot ang underwear line na ine-endorse nito at pahuhulaan pa sana sa caption ang identity ng preggy actress.

Nanguna si Carla sa pagko-congratulate at sabi, “Congratulations, @lovipoe,” bagay na ikinatawa ng mga fans. 

Inunahan daw ni Carla si Lovi at ang asawa nito to announce that they are pregnant. 

Sa caption ng clothing line, wala silang clue na ibinigay.

“Because loving your body means honouring every chapter it writes. This one is a story of change, beauty, and the most intimate kind of love. Soon, we’ll reveal her most radiant transformation yet,” sabi sa caption.

May mga dumepensa naman kay Carla, baka hindi raw nito nabasa ang caption na soon pa ang revelation at baka na-excite lang, kaya binanggit ang pangalan ng aktres. 

May iba pang taga-showbiz na sumunod kay Carla na nag-congratulate sa aktres na hindi binanggit ang pangalan ni Lovi.

Kung may nainis sa ginawa ni Carla dahil nawala ang excitement nila na manghula, mas marami naman ang nagpasalamat sa aktres. Hindi na raw sila nahirapan pang manghula dahil pinangalanan na nito si Lovi Poe.

Congratulations, Lovi! Have a blessed pregnancy journey.

---

‘Di takot iboykot ng fans nila ni David… 

BARBIE, TODO-LANTAD NA KAY JAMESON

IN fairness kina Barbie Forteza at Jameson Blake, hindi natatakot ma-bash sa sunud-sunod na spotted silang magkasama. 

Lalo na si Barbie, hindi natakot sa galit at banta ng ilang BarDa (Barbie at David) fans nila ni David Licauco na dahil kay Jameson, ika-cancel siya at ibo-boycott ang kanyang mga projects.

Pagkatapos makita sina Barbie at Jameson watching a movie at holding hands na naglalakad, may bago na namang sightings sa dalawa. Mas personal ito dahil isinama ni Jameson si Barbie sa bahay ng lola niya at ipinakilala. 

Ipinost ng mom ni Jameson sa Instagram (IG) ang larawan ng dalawa kasama ang lola ng aktor.

Wala pang post ang mom ni Jameson na kasama niya si Barbie, pero may reels na magkasama sila. 

Kasama naman ni Barbie ang dad niya, kaya meet the mom and lola of Jameson and dad ni Barbie ang nangyari. Na-meet din ng aktres ang iba pang family members ni Jameson.

Ang hinihintay ng mga shippers nila ay dalhin ng aktor si Barbie sa bahay nila sa Pampanga at dalhin ng aktres si Jameson sa bahay nila at ipakilala sa mom niya.

Sabi ng mga fans, FS o fan service ang sweetness na ipinapakita nina Barbie at Jameson dahil streaming simula September 11 sa Netflix ang Kontrabida Academy (KA). Bagay na ayaw paniwalaan ng BarSon fans nina Barbie at Jameson dahil hindi raw pang-FS ang nakikita nila sa dalawa.

May mga BarDa fans na ayaw maniwalang may relasyon sila kahit may ilang sightings na ng holding hands sa dalawa. 

Hintayin na lang natin ang mga susunod pang fun run na sasalihan nina Barbie Forteza at Jameson Blake at ang mga date nilang dalawa na hindi nila itinatago.

Kaya raw todo-displey naman… KARYLLE, SINISI ANG MADLANG PIPOL NA INEENGGANYO ANG MGA RICH NA IPAKITA ANG YAMAN

ni Nitz Miralles @Bida | September 1, 2025

Photo: Karylle - FB

Pati si Karylle, nagsalita na sa talamak na korupsiyon sa ating bansa. 

Sa isang TikTok video, nagpahayag ang singer-actress ng pagkadismaya.

“I just saw it on Facebook (FB). It’s a retired journalist who said this, her name is Chelo Banal-Formoso in the FB post so we still need to verify. ‘Let’s say that the Discaya piece was not a paid placement. They claim that this was a lifestyle feature, okay, good, because that happens, I guess, ‘di ba? 

“But the second that they saw the huge car garage, and those many super expensive cars, that lifestyle story should have instantly turned into an investigative story. That has a point there. Not then and then pero siguro, dapat may follow-up story,’” pahayag ni Karylle.

Binanggit din ni Karylle ang fascination ng tao, ng society sa kayamanan at pagiging mayaman.

“The flaunting is so 2025, that’s what I keep saying. We like these things,” ayon pa kay Karylle at sinundan ng “We encourage it kaya ang tapang nila ipakita,” na ang tinukoy ay ang publiko o tayong mga tao na nag-e-enjoy sa display ng wealth ng ibang tao.

---

‘Di nagtatago…

BARBIE AND JAMESON, HOLDING HANDS SA MALL AFTER MANOOD NG SINE

Spotted uli sina Barbie Forteza at Jameson Blake na holding hands habang naglalakad after manood ng sine. Hindi kumpleto ang info ng nag-post ng photos ng dalawa kung saang cinema ng mall sila nanood at kung ano’ng movie ang kanilang pinanood.

Ang sabi lang ng TikToker na nag-post, may new celebrity couple na raw pala at sina Barbie at Jameson ‘yun. 

Pinuri nito ang dalawa dahil hindi umiwas sa mga fans at game pang nagpa-picture. Hindi rin nila itinago na nag-holding hands sila dahil nakunan silang nakatalikod na naglalakad.

Obvious na sinundan ng netizen sina Barbie at James dahil likod lang ang nakunan niya habang sila’y naglalakad. 

Comment ng mga fans, kahit daw nakaharap, papayag silang makunan ng larawan dahil hindi nga nagtatago.

May tsika pa na galing Isabela si Jameson at pagbalik ng Manila, sila ni Barbie ang magkasama. Isa pang tsika, binigyan daw ni Jameson si Barbie ng book at ang pagiging bookworm ang isa sa kanilang pinagkakasunduan.

Anyway, may Viu Hallyu Dash 2025 Fun Run kahapon at kabilang si Jameson sa mga tumakbo kahit wala siya sa cast ng Beauty Empire (BE) na katatapos lang ang streaming sa Viu. Si Barbie ang nasa cast ng series, pero wala ito, nasa Cebu para sa promo ng series na airing pa rin sa GMA-7. Si Jameson daw ang representative ni Barbie, bagay na ikinatuwa ng mga fans.

Sa September 11, streaming sa Netflix ang Kontrabida Academy (KA), ang project nina Barbie at Jameson kasama si Eugene Domingo. May chance na ang BarSon fans na mapanood together sina Barbie at Jameson.

---

NAPANOOD namin ang TikTok Live ng Kapuso at Sparkle artist na si Lexi Gonzales na na-trapped sa baha sa Bgy. Quirino 2-C, Pajo Street sa Quezon City. Umiiyak ang aktres na nanawagan na tulungan ang mga residente ng nasabing lugar sa dinanas na baha noong Saturday, August 30. Kahit binaha, tinulungan pa rin siya ng mga residente na maiahon ang binaha niyang kotse at makaalis.

Sabi ni Lexi, “Natatakot ako para sa sarili ko kasi lumulubog na ‘yung kotse ko sa baha. Nawala lahat noong nakita ko ‘yung sitwasyon nila rito. “Walang-wala ‘yung problema ko sa problema nila. At walang rescue, walang pumunta rito para tulungan sila.”

Dagdag ni Lexi, “Pero kahit na lagi ‘tong nangyayari, walang pumupunta para tumulong. Sila-sila lang. Pero kahit na nahihirapan na sila, tinulungan pa rin nila ako.”

Nakiusap si Lexi sa mga nanood ng kanyang TikTok Live na tulungan ang mga residente ng Quirino 2-C.

“Kung mayroon pong gustong magpadala ng tulong, ‘wag n’yo pong kakalimutan ang mga tao sa Bgy. Quirino 2-C, Pajo Street. Please send help po sa kanila, matindi rin po ang baha sa lugar nila,” panawagan ni Lexi.

May mga epal lang na inakusahan ang isa sa cast ng Cruz vs. Cruz (CVC) na attention seeker lang daw si Lexi.

Agad naman siyang ipinagtanggol ng mga netizens na nakapanood ng kanyang TikTok Live. Hindi raw ito umiyak para mapansin siya, kundi para humingi ng tulong para sa mga naapektuhan ng baha.