Edad ng mga dapat managot sa krimen, pinabababaan ni Sen. Robin… BB SA MGA SENADOR: IT’S JUST COMMON SENSE

ni Nitz Miralles @Bida | June 28, 2026

Photo: Robin Padilla at BB - FB

Nagpunta sa Tacloban City si Sen. Robin Padilla at ang kapatid na si BB Gandanghari at habang nasa sasakyan pabalik ng Manila, ikinuwento ni Robin kung paanong pinasaya ni BB ang mga tao sa airport.

Nag-Facebook (FB) Live si Robin at naki-share si BB, kung saan nanawagan siya kina Sen. Kiko Pangilinan at Sharon Cuneta. May kinalaman ang kanyang panawagan sa isinusulong ni Robin na babaan ang age of criminal responsibility ng mga menor-de-edad.

Pahayag niya, “I’m actually parang nanawagan ako kay Sen. Kiko. Kasi alam n’yo, ipinagkampanya ko po si Sen. Kiko noon. At ipinaalala ko ito kay Sharon. At sinabi ko ito, ipinagkampanya ko si Sen. Kiko nu’n dahil naniniwala ako kay Sharon.

“Pero Sharon, ngayon nananawagan ako sa ‘yo. Parang ‘di na yata ako naniniwala, parang binabawi ko na po ‘yun.

“Unang-una, kami po pinalaki ng mga magulang namin sa disiplina. My dad and my mom didn’t spare the rod para disiplinahin kaming lahat. At lumaki po kami na may takot sa Diyos, may takot sa magulang, may takot sa authorities, may takot sa mga teachers, principal, sa lahat po.

“‘Di po ako laging nagsasalita kasi umiiwas po ako sa pulitika but this time, this is not political. Kaya kayo gumagawa ng batas para protektahan ‘di lang ang mga bata kundi ang mga magulang din.”

Kasunod nito, may panawagan si BB sa mga mambabatas na i-consider ang proposal ni Robin to lower the age of criminal responsibility of minors.

Aniya, “Sana naman, eh, ‘di lang puro ‘yung side ninyo ang pakinggan ninyo. Tingnan din n’yo ‘yung side why we are pushing for this, why my brother is pushing for this. ‘Di po ito pulitika, ‘di po ito para mag-grandstand, but it is really valid at meron pong cost, eh.

“Sana maintindihan lang po ‘yun ng mga senador natin. Nakapag-aral naman tayong lahat. It’s simple logic. It’s just common sense.”

Wala pang reaksiyon sina Sen. Kiko Pangilinan at Sharon Cuneta sa panawagang ito ni BB Gandanghari.

---

Inalok ng one-night stand…

HERLENE KAY GOV.: P*KYU, SA ‘YO NA P150 K MO!

May pahabol na comment si Herlene Budol sa nagpakilalang gobernador na nag-offer sa kanya ng one-night stand. 

Hindi lang ang gobernador ang nakabasa ng kanyang sagot, pati ang mga followers ni Herlene.

Unang ipinost ni Herlene ang message sa kanya ng nagpakilalang gobernador, ang amount offered at ang kanyang sagot.

“Hello, I’m Gov. Can I ask if available ka for one-night stand at magkano?” At sinundan ng message na, “P150K.”

Sagot ni Herlene, “Hello Gov., p*kyu, sa ‘yo na ang P150K mo! Itulong mo na lang ‘yan sa nasasakupan mong lugar. God bless. Hahaha!”

Sinundan pa ito ng comment ni Herlene na, “Women are not for sale! Let’s normalize respect, not objectification.”

Na-curious ang mga netizens kung sino ang gobernador na nag-message kay Herlene at handang magbayad ng P150 thousand for a one-night stand. Dapat daw ay pinangalanan siya ni Herlene para malaman kung tunay siyang gobernador at baka nagpapanggap lang para lokohin si Herlene at pumayag sa offer.

Hindi naisip ng mga nagre-request na kapag pinangalanan ni Herlene ang gobernador ay puwede siyang mademanda kapag nagbanggit ng pangalan. Hindi naman kasi sure kung tunay na gobernador iyon at kapag binanggit ni Herlene Budol ang pangalan, may posibilidad na mag-deny lang at magdemanda.

---

Tinawag na Lotus Feet sa It’s Showtime…

RYZZA, IN-UNFOLLOW DAW SI KIM

HINDI pa tapos ang isyu nina Kim Chiu at Ryzza Mae Dizon na nag-ugat dahil inakalang si Ryzza Mae ang tinukoy ni Kim na ‘Lotus Feet’ sa It’s Showtime. Ang daming nag-comment. May pabor kay Kim dahil joke lang ang sinabi nito.

Saka, hindi naman daw si Ryzza ang tinukoy ni Kim kundi ang hitsura ng co-host niya sa It’s Showtime (IS) na si Jugs Jugueta. 

Ang payo ng mga fans ni Kim sa mga namba-bash dito, panoorin muna ang buong video para malaman na walang masamang sinabi si Kim kay Ryzza.

Ang latest, in-unfollow daw ni Ryzza si Kim sa Instagram (IG) pagkatapos ng episode na ‘yun sa IS. Pero baka naman hindi talaga naka-follow si Ryzza kay Kim at ngayon lang napansin dahil sa isyu.

Wala pang pahayag si Kim sa iniisyu sa kanya at lalong walang reaksiyon si Ryzza. NR o no reaction ito at comment ng mga netizens, maganda kung hindi na magsasalita ang dalawa para matigil na ang isyu.

Mainit pa naman ngayon ang IS at Eat… Bulaga! (EB!) na pinagtatapat na naman ng mga fans dahil sa lumalakas na tambalan nina Ryzza Mae Dizon at Bimby Aquino.

Future magbalae, nagkita na rin… FIRST DATE NINA RYZZA AT BIMBY, KASAMA ANG MGA NANAY

ni Nitz Miralles @Bida | June 27, 2026

Photo: Team Ryzza - FB

After ng pagbisita ni Kris Aquino kay Bimby Aquino sa Eat…Bulaga! (EB!) nag-dinner ang mag-ina kasama sina Ryzza Mae Dizon at ang mom nito na si Rizza Dizon at si Miles Ocampo na co-host din ng EB! at close kina Kris at Bimby.

Ang biruan ng mga netizens, nag-date raw sina Ryzza at Bimby. 

Comment naman ni Bimby, “First date kasama ‘yung mga nanay,” sabay tawa.

Sabi ng mga fans, parang meeting ‘yun ng future magbalae dahil first meeting ni Kris at mom ni Ryzza Mae.

‘Kaaliw ang tanungan nina Ryzza at Bimby, gaya ng tanong ni Ryzza kay Bimby kung nanligaw na ito, na sinagot ni Bimby ng “Oo.” 

Hindi na natanong ni Ryzza kung sino ang niligawan ni Bimby na for sure, hindi naman

nito sasabihin.

Sobrang aliw din si Kris. Sinabi niya kay Ryzza na hindi mahilig sa burger at pizza si Bimby. Kung napansin daw ni Ryzza, steak ang favorite nito. 

Sey ni Kris, “‘Di mabubuhay si Bimby sa burger at pizza,” sabay tanong kay Ryzza kung mahilig siya sa steak na sinagot nito ng “Opo.” 

Dagdag pa ni Kris, kailangang maghanap sina Bimby at Ryzza ng food na pareho nilang gusto. Nagkatawanan nang may mag-suggest ng ‘sarsyado’ na hindi yata aware si Kris kung ano. Hahaha!

Ibig sabihin nito, masusundan pa ang date nina Ryzza at Bimby na kasama pa rin si Kris at dapat daw kasama ito para mas masaya.

Malakas ang tambalan nina Bimby at Ryzza at sa Thursday episode ng EB! na araw din ng pagbisita ni Kris sa show, umabot sa 30M ang views in less than 24 hours. Mas lalo pang lalakas ang tambalan ng dalawa kapag araw-araw silang mapapanood sa EB!.

---

‘Pag naghiwalay pa… NADINE, AYAW NANG MAGDYOWA ULI AFTER CHRISTOPHE

STREAMING na sa Viu ang Love, Siargao (LS) series nina Alden Richards at Nadine Lustre na kinunan sa Siargao. First team-up ito ng dalawa at mapapanood din sa GMA sa mga susunod na araw. 

Tatakbo ang series ng 26 weeks kaya hindi matagal ang ipaghihintay ng mga viewers sa ending.

Sa interview ni Karen Davila kay Nadine, natanong ng broadcaster ang aktres kung posible bang ma-in love uli siya sa kanyang screen partner.

“‘Wag na! Alam mo naman ‘yan, nangyari na ‘yan. ‘Wag na nating ulitin!” paunang sagot ni Nadine.

“It’s not possible naman but I’m very happy with where I’m at and eto talaga, taga n’yo sa bato, if Chris and I break up, ayoko nang magdyowa.

“Pagod na ‘ko. But really, I told myself that. If this is not the last relationship that I will have, I’m probably going to be single for the rest of my life,” dagdag ni Nadine.

Ang Chris na tinukoy ni Nadine ay ang boyfriend na si Christophe Bariou na matagal na niyang karelasyon. Maganda ang relasyon ng dalawa, walang isyu at walang intriga, kaya bakit nga naman gugustuhin pa ni Nadine ang iba?

May ilan na hindi naniniwalang hindi na uli magbo-boyfriend si Nadine kapag nag-break sila ng BF niya ngayon kahit siniguro na niya ito. Kaya abangan na lang natin!

---

MARAMI pa rin ang umaasa na magkakasundo sina Ellen Adarna at Derek Ramsay para dalawa raw silang magpapalaki sa anak nilang si Lili. Dahil ito sa latest reels video na ipinost ni Derek na karga niya ang anak nila ni Ellen.

Walang caption si Derek sa post niya kung saan karga ang anak, nakipaglaro at panay ang kanyang halik.

Sey ng isang fan, “I hope you can fix your family again. You have an amazing family and a cute little baby.” 

Isa pa ang nagsabi, “Prayer to the marriage of the parental. Sayang ang aking idol, mag-hope na lang tayo.”

Kaya lang, inalala ang minsang sinabi ni Ellen Adarna na hindi na siya nakikipagbalikan sa ex niya, pero baka raw mabago ang paniniwala nito dahil sa anak nila ni Derek Ramsay.

ANNE, NILEKTYURAN NG NETIZEN SA PAGTUTOL NA BABAAN ANG EDAD NG MGA BATANG MAKUKULONG

ni Nitz Miralles @Bida | June 26, 2026

Photo: Anne Curtis-Smith - IG

Nakikipagsabayan si Anne Curtis kay Heart Evangelista sa pagrampa sa mga international fashion events. Kung si Heart ay galing sa Shanghai, si Anne naman ay nasa Singapore para sa Tiffany & Co. event.

Kasabay din niyang um-attend sa event si Win Metawin, isang sikat na Thai actor, at iba pang celebrities. In fairness, hindi nagpahuli si Anne sa ibang celebrities sa dami ng mga fans na nagkagulo sa kanya. Maririnig na ang daming tumawag sa kanyang pangalan, kasunod ang sigawan.

And speaking of Anne, may open letter sa kanya si Cho Moreno at kinol-out ang pagtutol niya na babaan ang edad ng criminal responsibility ng mga menor-de-edad. Naniniwala si Anne na mas dapat ang rehabilitation kaysa makulong at harapin ang parusa.

Maganda ang open letter at ang daming inilatag na facts para ipakita kung bakit mali ang paniniwala ni Anne Curtis. Ang comment ng mga netizens, sana ay mabasa ito ng aktres at baka sakaling magbago ang paniniwala nito.

---

Masaya ang mga shippers ng RyBimb love team nina Ryzza Mae Dizon at Bimby Aquino dahil tinawag ni Kris Aquino si Ryzza na “My future daughter-in-law”. 

Bumisita kasi si Kris sa Eat… Bulaga! (EB!) kahapon at nang lumapit si Ryzza kay Kris para bumati, ‘yun agad ang bati sa kanya ng mom ni Bimby.

Tinukso pa ni Kris sina Ryzza at Bimby. Siya raw ang pumili ng wardrobe ni Bimby at nang makitang may letrang ‘R’ sa long-sleeved t-shirt, binili niya agad. 

Pinansin din nito na malaki raw ang iginanda ni Ryzza Mae kaya nagsigawan ang audience. 

Ibig sabihin daw, tanggap ni Kris si Ryzza kaya layag na layag ang love team ng dalawa. May mensahe pa nga si Kris kay Ryzza sa pagkikita nilang iyon na sigurado namang ipinagpasalamat ni Ryzza.

Nakarating kay Kris ang kuwento ni Ryzza nang mag-guest sa Toni Talks (TT) ni Toni Gonzaga na nakaranas siya ng pang-aapi sa kapitbahay. 

Ang paalala ni Kris kay Ryzza, “And du’n sa nabalitaan kong nang-aapi sa ‘yo, don’t mind them because success is the best revenge.”

Nakaganti rin naman si Ryzza dahil nabili nito ang bahay ng kapitbahay na nang-api sa kanya at sa kanyang pamilya. Hindi lang nabanggit kung sa nabiling bahay ng kapitbahay sila nakatira ngayon.

Anyway, first live TV appearance ni Kris Aquino iyon na ikinatuwa ng kanyang mga fans na matagal nang naghihintay na muli siyang mapanood sa telebisyon. Si Bimby lang daw pala ang magiging dahilan para muli siyang lumabas at mapanood.

---

NASA South Korea si Bianca Umali ngayon dahil sa World Vision at sa mga video at photos na isine-share nito, makikitang nag-e-enjoy siya. 

Sumabak pa ang aktres sa Global 6K at ipinamalas na kayang-kaya niyang takbuhin ang tinakbo ng mga participants.

Sabi ni Bianca, “I am truly honored to be present today at the Global 6K.

“Beyond grateful to be joining participants from different parts of Korea and from many countries around the world, all united by one shared purpose—to help give children access to clean water and a better future.

“I am here representing World Vision Philippines, and I carry with me the hope, stories, and dreams of the children and communities we serve.

“In the Philippines, many children still walk long distances every day just to access safe water, something many of us often take for granted.

“Today, we run not only for fitness but for awareness, and more importantly, for action. Every step we take is a reminder that together, we can help create real and lasting change in the lives of children.”

Nami-miss na ni Ruru Madrid si Bianca at madalas ang comments nito ay “I miss you,” “Maganda ka pa sa umaga,” “Ayyyy,” at “I miss you, my love.”