Buking sa TikTok... 20-anyos, nagbantang mamamaril sa iskul, kulong

by Jeff Tumbado @News | August 21, 2026

Photo: Circulated

Arestado ang isang 20-anyos na culinary graduate matapos umano nitong magbanta sa isang TikTok livestream na magsasagawa siya ng pamamaril sa isang pribadong unibersidad sa Cebu City.

Kinilala ng pulisya ang suspek sa pangalang Clarence, residente ng Brgy. Tabok, Mandaue City.

Naaresto ang suspek makalipas ang halos dalawang araw ng kanyang TikTok livestream kung saan siya nagbanta na pupunta sa isang malaking unibersidad sa Cebu City upang mamaril doon.

Sa comment section ng kanyang livestream, sinabi umano ng suspek: “Mag School Shooting ko ara ugma.” o “Mag-school shooting ako roon bukas.”

Nakita ng isang estudyante ng nasabing unibersidad ang komento at agad humingi ng tulong sa Parian Police Station at sa PNP Anti-Cybercrime Unit upang matukoy at mahanap ang suspek.

Nahaharap ang suspek sa reklamong paglabag sa Cybercrime Prevention Act of 2012 kaugnay ng umano’y pagbabanta na kanyang ginawa online.

70-anyos, tumatawid sa pedestrian lane, nabundol ng motor, dedbol

by Janice Baricuatro @News | August 21, 2026

Photo: FP

Nasawi ang isang senior citizen matapos mabundol ng motorsiklo sa pedestrian lane sa Aguinaldo Highway, Brgy. Panapaan 5, Bacoor City, Cavite kamakalawa ng madaling-araw.

Ang biktima ay isang edad 70 na lalaki, habang ang nagmamaneho naman ng motor ay isang 30-anyos na lalaki na may angkas.

Alas-4:20 ng madaling-araw, habang tumatawid ang biktima sa pedestrian lane nang salpukin siya ng motor. Tumilapon ang biktima at nahulog din sa motor ang rider at angkas nito.

Agad na rumesponde ang mga awtoridad at 161 ambulance, ngunit wala nang buhay ang biktima. Isinugod naman sa ospital ang mga sakay ng motor.

Isinailalim sa hospital arrest ang driver habang inihahanda ang mga dokumento para sa kasong Reckless Imprudence Resulting in Homicide and Physical Injury.

Dalawang taon ang nakalipas matapos karnapin... Van nabawi ng operatiba ng QCPD

by Jeff Tumbado @News | August 21, 2026

Ang 2023 Nissan Urvan Premium na nabawi ng mga operatiba ng District Anti-Carnapping Unit ng QCPD sa Dasmariñas, Cavite matapos itong karnapin dalawang taon na ang nakalipas sa Quezon City.