by Jeff Tumbado @News | August 24, 2026
Photo: JT
Tatlo ang sugatan sa nangyaring aksidente sa Roman Highway, Balanga City, Bataan matapos mawalan ng kontrol ang isang 18-wheeler oil tanker na bumangga sa concrete bridge railing.
top of page
Search
ni Mylene Alfonso @News | August 23, 2026
Photo: Impeachment trial ni VP Sara Duterte - Senate of the Philippines
Posibleng ilipat sa hapon ang impeachment trial ni Vice President Sara Duterte-Carpio simula Setyembre.
Ayon kay Senator-Judge Panfilo "Ping" Lacson, nangingibabaw sa mga miyembro ng Senate majority bloc ang pananaw na sulitin ang oras para sa impeachment trial sa pamamagitan ng pagdaraos ng mga legislative session sa umaga at paglilipat ng trial sa hapon at posibleng pagpapahaba nito hanggang gabi.
Sa ilalim ng panukalang setup, maaaring idaos ang regular na session ng Senado mula Lunes hanggang Miyerkules, alas-10 ng umaga hanggang alas-2 ng hapon, at magsisimula ang trial ng alas-2:30 ng hapon hanggang alas-7:30 ng gabi.
Ani Lacson, walang pressure na kailangang eksaktong matapos ang proceedings ng alas-7:30 ng gabi, at maaari itong umabot hanggang bandang alas-10 ng gabi hanggang alas-11 ng gabi kung kinakailangan.
Dagdag niya, magiging pormal ang usapin sa caucus ng mga senador sa susunod na linggo, kung saan kokonsultahin din ang mga miyembro ng minority bloc.
by Jeff Tumbado @News | August 23, 2026
Photo: File
Patay ang isang 50-anyos na babae matapos umanong pagtatagain sa ulo ng kanyang live-in partner sa Tanjay City, Negros Oriental.
Batay sa paunang imbestigasyon, galing sa isang fiesta ang mag-partner kasama ang kanilang dalawang anak nang magkaroon umano ng pagtatalo habang pauwi sila.
Selos umano ang pinaniniwalaang nag-udyok sa away, bagama’t patuloy pang inaalam ng mga awtoridad ang eksaktong motibo sa krimen.
Ayon sa pulisya, una umanong sinuntok ng suspek ang biktima hanggang sa matumba ito.
Kumuha umano ang suspek ng itak at pinagtataga sa ulo ang biktima, na nagresulta sa kanyang agarang pagkamatay.
Tumakas ang suspek matapos ang insidente at patuloy na tinutugis ng mga awtoridad.
RECOMMENDED
bottom of page