Digital na rin ang vote-buying at vote-selling

ni Nancy Binay - @Be Nice Tayo | February 17, 2022

Dahil sa pandemya, maraming proseso at operasyon ang naging digital.

Mabuti naman ang naidulot ng shift sa online, lalo na ang digital banking, dahil nabigyan ang mga kababayan natin ng ligtas at accessible na opsiyon para ayusin ang kanilang mga bayarin.

Ngunit may negatibong aspeto rin ang paglipat sa digital.

☻☻☻

Noong Lunes, idinirekta ng Anti-Money Laundering Council ang mga bangko at iba pang financial institutions na magmatiyag laban sa digital vote-buying at vote-selling.

Naglista ang AMLC ng mga “red flags” na posibleng tumuloy sa mga ilegal na gawain, tulad ng pagbili at pagbenta ng boto.

Kasama sa mga ito ang “significant or large transactions occurring in a short period of time, unjustified large cash deposits and withdrawals” at “transactions that seem to be inconsistent with the customer’s financial profile or declared business.”

Ang iba pang red flags na tinukoy ng AMLC na maaaring konektado sa vote-buying ay ang structured cash deposits at money transfers; paggamit ng multiple accounts ng iisang transactor, at maging ang paggamit ng iba’t ibang money service businesses para magpadala ng pera.

☻☻☻

Noong Enero naman ay nauna nang naglabas ng memorandum ang Bangko Sentral ng Pilipinas tungkol sa isyu ng digital vote-buying.

Naglatag rin ang BSP ng mga red flags na kailangang abangan ng mga bangko.

Inanunsiyo rin nila na nakikipagtulungan sila sa Commission on Elections, Philippine National Police at mga bangko para mapigilan ang digital vote-buying.

Umaasa tayong habang papalapit tayo sa araw ng halalan ay lalo pang paiigtingin ang pagtugon sa isyung ito.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Welcome na ulit sa ‘Pinas ang mga foreign tourists

ni Nancy Binay - @Be Nice Tayo | February 13, 2022

Ikinatuwa ng business community, lalo na ng tourism industry stakeholders, ang pagbubukas ng ating bansa sa mga foreign tourists nitong nakaraang linggo.

Ngunit para lamang ito sa mga fully vaccinated individuals mula sa humigit-kumulang 150 bansa na mayroon tayong visa-free arrangements. Kailangan din nilang magpakita ng negative RT-PCR test na kinuha within 48-hours bago ang kanilang biyahe.

Kasabay ng pagbubukas ay ang inaasahang matagumpay na hosting ng ating bansa ng World Travel and Tourism Council (WTTC) Global Summit sa Marso.

Nakikitang itutulak ng mga pangyayaring ito ang tuluyang pagpapanumbalik ng sigla ng industriya ng turismo sa ating bansa.

Naantala kasi ang planong pagbubukas ng bansa sa foreign tourists noong Disyembre 2021 dahil sa banta ng Omicron variant.

☻☻☻

Alam naman nating lahat na nalugmok ang industriya simula nitong COVID-19 pandemic.

Mula sa 12.8 percent na share ng industriya sa ating Gross Domestic Product noong 2019 ay bumaba ito sa 5.4 percent noong 2020.

Nasa 4.68 milyong Pinoy naman ang nagtrabaho sa industriya noong 2020, na mas mababa ng mahigit isang milyon mula sa 5.72 milyon noong 2019.

Ngunit may pagbangon naman tayong nakita mula noong binuksan muli ang ating tourism spots sa mga turistang Pinoy.

Ayon sa Department of Tourism, tumaas sa P3.1 bilyon ang tourism receipts mula Abril hanggang Setyembre 2021 mula sa P1.6 bilyong naitala sa parehong buwan noong 2020.

☻☻☻

Sa muling pagbubukas ng ating bansa ay kailangan nating gawing consistent at plantsahing mabuti ang mga regulasyon upang maging maayos ang paglalakbay ng mga turista, bukod sa pagsisigurong handang tumugon ang mga ospital at rural health units sakaling may turistang magkasakit.

Makatutulong din ang tuluy-tuloy na pagbabakuna, hindi lamang ng mga tourism workers, kundi ng majority ng populasyon ng lugar upang maiwasan ang malubhang pagkakasakit.

Marami sa ating tourism industry stakeholders ang umaasang tuluyang makababawi ang industriya mula sa epekto ng COVID-19, kung kaya’t sana ay huwag nating hayaang magsara ulit ito.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Extra-effort sa pag-dispose… Hindi dapat tinatratong parang normal na basura ang health-care waste

ni Nancy Binay - @Be Nice Tayo | February 10, 2022

Nasa 1,000 metric tons ng health-care waste ang nakokolekta araw-araw sa bansa, ayon sa Department of Environment and Natural Resources.

Dahil sa kapabayaan sa pagtapon ng mga ito, kamakailan lamang ay pitong bata sa Catanduanes ang namatay dahil sa paglaro sa medical waste na natagpuan nila sa dalampasigan.

Tiyak na madaragdagan pa muli ang medical waste dahil sa pag-apruba sa paggamit ng COVID-19 home test kits.

☻☻☻

Matinding problema, hindi lang sa kalikasan, kundi pati na rin sa kalusugan, ang isyu ng medical waste.

Kung kaya, nananawagan tayo sa DENR at maging sa Department of Health na lumikha ng komprehensibong medical waste management plan.

Iminumungkahi rin natin na magkaroon ng information drive tungkol sa tamang disposal ng mga home test kits upang malaman ng mga kababayan natin na hindi ito dapat tinatratong parang normal na basura.

Kung hindi gagabayan, sa basurahan babagsak ang mga ito. Sa sistema ng marami na iniiwan na lang sa kanto o bangketa ang mga plastic garbage bags, malaki ang tsansa na makalkal ito ng mga hayop at mangangalakal.

☻☻☻

Noong Martes, February 8, nagsimula na ang official campaign season para sa mga tumatakbo sa national positions.

Nananalangin tayo na maging ligtas ang pagsagawa ng kampanya ng mga kandidato at hindi ito magdudulot ng pagtaas ng kaso ng COVID-19.

Napakaraming hamon sa pagsagawa ng kampanya, ngunit umaasa tayong magtutulungan tayong lahat nang masiguro na manatiling ligtas ang lahat.

At sa pagpili natin ng kandidato, isaisip sana nating kilatisin ang mga napupusuan natin. Makinig sa mga plataporma at tingnan ang track record kung may nagawa na.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay