Good news sa mga solo parents!

ni Nancy Binay - @Be Nice Tayo | July 7, 2022

Batas na sa wakas ang panukalang bigyan ng dagdag na benepisyo ang mga solo parents sa bansa.

Noong June 4 ay lumipas ang 30-day period para pirmahan ni Pangulong Rodrigo Duterte ang Expanded Solo Parents Welfare bill, kaya automatic itong naging batas.

Nilalayon ng Republic Act (RA) No. 11861 na amyendahan ang mga probisyon ng RA 8972 (Solo Parents Welfare Act) na mapalawakan ang social protection measures para sa mga solo parent at kanilang anak.

☻☻☻

Komprehensibo ang mga benepisyong matatanggap ng solo parents sa ilalim ng bagong batas. Kasama na ang:

-Ayudang P1,000 kada buwan sa mga below-minimum-wage earners na hindi kabilang sa iba pang cash assistance program, na ibibigay ng lokal na pamahalaan;

-Para sa mga solo parent na hindi hihigit sa P250,000 ang taunang sahod, 10 percent discount at value-added tax exemption sa gatas ng sanggol, food at micronutrient supplements, diapers, mga gamot at medical supplies mula pagkaanak hanggang umabot ang bata ng 6 taong gulang;

-Parental leave na hindi lagpas ng 7 araw na dagdag sa iba pang leave privileges mula sa ibang batas na forfeitable at noncumulative. Ibibigay ang leave sa solo parent anuman ang employment status nito, basta empleyado siya ng hindi bababa sa anim na buwan;

-Inaatasan din ang Department of Education, Commission on Higher Education at Technical Education and Skills Development Authority (TESDA) na magbigay ng scholarship grant sa mga qualified solo parents at full scholarship sa isang anak nito na 22 taong gulang pababa at dependent pa rin.

☻☻☻

Sa mga kumilos upang maging batas ang napakagandang adhikain na ito, congratulations at maraming salamat.

Umaasa tayong agaran ang implementasyon ng RA 11861 upang sa lalong madaling panahon ay matulungan nito ang mga solo parents.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagpapalakas ng special education, ngayon na

ni Nancy Binay - @Be Nice Tayo | July 3, 2022

Ginamit natin ang mandatong ibinigay ng ating mga kababayan noong 2019 upang maipagpatuloy ang pagsusulong ng mga adbokasiya at isyung malapit sa atin.

Ilan sa mga isyung ating tinutukan ay naging ganap na batas nitong 18th Congress, sa tulong at kooperasyon ng ating mga kasama sa Mababa at Mataas na Kapulungan at ng Palasyo.

Maraming salamat sa inyong pakikipagtulungan!

Ngayong natapos na ang 18th Congress ay nais nating ibahagi ang ilan sa mga batas na ating isinulong bilang primary author.

☻☻☻

Isa sa ating isinulong ay ang pagpapalakas ng special education system, lalo na para sa mga may special needs.

Kinikilala, pinoprotektahan at isinusulong ng Republic Act no. 11650 ang karapatan sa edukasyon ng lahat ng learners with disabilities. Dapat silang mabigyan ng pantay na oportunidad at tiyaking hindi ito ipagkakait sa kanila.

Dapat magkaroon ng Inclusive Learning Resource Centers of Learners with Disabilities (ILRC) sa lahat ng lokal na pamahalaan sa ating bansa na magsisiguro ng tamang suporta at serbisyo sa mga learner with disabilities at maisama sila sa general education system ng bansa.

☻☻☻

At dahil isa tayong ina, nais nating mabigyan ng mas malakas na proteksyon ang ating mga anak.

Isinulong natin ang pagtaas ng age of consent sa edad 16 mula sa edad 12. Ang amyendang ito sa ating Revised Penal Code ay naging ganap na batas noong Marso 2022 sa pamamagitan ng Republic Act no. 11648.

Ang batas na ito ay upang lalong mapangalagaan ang ating mga anak laban sa pang-aabusong seksuwal at eksploytasyon.

☻☻☻

Sa pagbubukas ang 19th Congress ngayong Hulyo ay lalo pa nating paiigtingin ang pagsusulong ng mga batas para sa kapakanan ng ating mga kababayan.

Excited na ang inyong lingkod na makatrabaho ang mga kasamahan nating bago at nagbabalik Senado.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Dahil sa katamaran, nadudungisan ang pangalan ng lingkod-bayan

ni Nancy Binay - @Be Nice Tayo | June 29, 2022

Hindi katanggap-tanggap ang intelligence report na dumadawit kay incoming Navotas Cong. Toby Tiangco at iba pang personalidad bilang ‘di umano’y “protektor” ng smuggling ng agri-fishery products na umaabot sa P665.7-million mula 2019 hanggang 2022.

Personal nating kilala si Cong. Toby at pamilyar tayo sa kung gaano siya kaaktibo at kahigpit sa pagkontra sa smuggling sa Navotas.

Bilang mayor ng Navotas mula 2019-2022, siya na nga mismo ang sumulat sa Department of Agriculture para i-report ang mga kaso ng smuggling. Mismong Navotas city government na rin ang nagsampa ng kaso sa Department of Justice laban sa mga smuggler dahil tila hindi umaaksyon ang DA tungkol dito.

☻☻☻

Kaya tayo naguguluhan sa pagkakasama sa pangalan niya sa listahan na isinumite ng National Intelligence Coordinating Agency sa Senado.

Halos walang detalye at paliwanag ang report na isinumite ng NICA sa kung ano ang partisipasyon ng mga pangalang isinama nito sa listahan.

Tinawag na ang pansin ng NICA sa nakaraan dahil sa ganitong klaseng trabaho, na tila ba nais nilang tanggapin na lang ng Senado ang ibinibigay nila kahit walang paliwanag sa proseso at kung tunay nga bang na-cross-check at validate ang mga impormasyon na ipinapasa nila.

Sa katunayan, nakita na rin natin dati ang mga NICA report na nagbuhat sa mga pekeng source at social media post lamang. Marami na rin ang nag-backfire na intel reports dahil sa kawalan ng fact-checking at vetting sa mga hindi mapagkakatiwalaang source.

☻☻☻

Ngayong may bago tayong administrasyon, umaasa tayong magkakaroon din ng pagbabago sa paraan ng pagkalap ng intelligence ng NICA at iba pang ahensya.

Dahil sa katamaran at kapalpakan ay nadudungisan ang malinis na pangalan ng lingkod-bayan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay