Nancy Binay 84/155

Panahon na para mapaunlad ang kabuhayan ng mga magsasaka’t mangingisda

BULGAR

ni Nancy Binay - @Be Nice Tayo | July 29, 2022

Noong Lunes, July 25, idinaos ang pagbubukas ng ika-19 Kongreso at ang unang State of the Nation Address ni Pangulong Ferdinand Marcos, Jr.

Klaro at komprehensibo ang SONA, at binibigyang-diin ang mahahalagang isyu na kailangang tugunan ng pamahalaan.

Natutuwa tayo na ginawang top priority ang food security sa gitna ng patuloy na pagtaas ng presyo ng mga bilihin.

Magiging mahalaga rin ang inilahad niyang plano na gawing modernisado ang agrikultura sa pagresolba sa inseguridad sa pagkain at para na rin mapabuti ang antas ng pamumuhay ng ating mga magsasaka’t mangingisda na nanatiling pinakamahirap na sektor ng lipunan.

Malaki rin ang papel ng pagsulong ng sektor ng agrikultura at maging ng turismo sa paglikha ng trabaho at muling pagbangon ng bansa.

Makakaasa ang pangulo na makikipagtulungan ang Kongreso sa pagsasabatas ng kanyang legislative agenda.

☻☻☻

Tuwing SONA ay itinatampok din ang mga local fabric na ginagamit sa mga kasuotan at accessories ng mga dumadalo.

Nakatutuwa na mas marami na ang sumusuporta sa lokal na pananamit.

Personal na adbokasiya natin ang pagsuporta sa ating local clothing industry.

Mahalagang salik ito ng ating kultura’t kasaysayan na kailangang protektahan.

Makakaasa ang mga kababayan nating sa huling tatlong taon ng inyong lingkod sa Senado ay tututukan natin ang pagsulong ng mga konektadong industriya sa paglikha ng damit. Mula growers, weavers at pagbenta, maraming problema, maraming dapat ayusin at magiging katuwang tayo sa pagresolba ng mga ito.

☻☻☻

Naniniwala rin tayo na kailangang siguruhin ng Department of Education ang paggamit ng teknolohiya sa education system natin, tulad ng sa ibang bansa.

Dahil sa pandemya, napilitan tayong gumamit ng teknolohiya upang maipagpatuloy ang paghahatid ng edukasyon.

Dapat mapadali ang access ng mga mag-aaral at guro sa teknolohiya at mga gadgets na makatutulong sa kanila.

Kailangan ding matutukan ang kahinaan ng mga estudyante sa mathematics, science at reading comprehension sa harap ng mababang performance nila rito.

☻☻☻

Masalimuot ang mga isyu na konektado sa krisis sa edukasyon.

Umaasa tayong gagawing prayoridad ng bagong administrasyon ang pagtugon sa krisis at pati na rin sa mga isyung nakakabit sa muli nating pagbangon mula sa pandemya.

Nawa’y sa muling pagbubukas ng Kongreso sa susunod na Lunes kung kailan idadaos ang unang State of the Nation Address ni Pres. Ferdinand Marcos, Jr. ay ilahad niya ang mga plano para sa pagtugon sa mga problema ng bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

P-BBM, may solusyon sana sa epekto ng pandemya at pagtaas ng presyo ng mga bilihin

BULGAR

ni Nancy Binay - @Be Nice Tayo | July 23, 2022

Tulad ng marami nating kababayan ay inaantabayanan natin ang magiging State of the Nation Address (SONA) ni Pangulong Ferdinand Marcos, Jr..

Sa pagbubukas ng Kongreso bukas ay inaasahan natin na klarong ilalatag ng Pangulo ang kanyang road map para sa Pilipinas sa susunod na anim na taon.

Nais nating marinig ang direksyon na dapat tahakin ng bansa, lalo na ang mga konkretong plano ng kanyang administrasyon.

Dahil ito ang unang SONA ng Pangulo ay nais nating mapakinggan kung anu-ano ang mga pangunahing polisiya at programa na nais niyang maisakatuparan sa tulong ng Kongreso.

☻☻☻

Kasama sa mga inaasahang babanggitin ng Pangulo ay ang plano niya sa mga pangunahing isyu, tulad ng pag-ahon ng bansa mula sa epekto ng pandemya at pagtaas ng presyo ng produktong petrolyo.

Matatandaan na muling tumataas ang kaso ng COVID-19 sa bansa, na dulot ng mas nakahahawang subvariants ng Omicron strain ng virus.

Dagdag pa rito ang domino effect ng pagtaas ng presyo ng mga produktong petrolyo sa ating ekonomiya, na nagpapataas din ng presyo ng mga pangunahing bilihin.

Marami sa ating mga kababayan ang lalo pang naghihigpit ng sinturon upang magkasya ang budget para sa pagkain at iba pang batayang pangangailangan.

Napipilitan ding tumigil ang ilang driver sa pamamasada, na nagdudulot naman ng kakulangan ng pampublikong transportasyon.

Partikular na apektado rito ang mga manggagawa, na araw-araw na kinahaharap ang haba ng pila upang makarating sa trabaho sa oras at makauwi mula rito.

☻☻☻

Umaasa tayong bibigyan ng agarang tugon ng pamahalaan ang mga pangunahing isyung ito.

Apektado nito ang lahat ng mga Pilipino, lalo na ang mahihirap at iba pang bulnerableng sektor ng lipunan.

Nakahanda naman ang Kongreso na umupo kasama ang Ehekutibo, lalo na at malapit na ang pagdinig ng pambansang badyet, upang matugunan ang mga problemang ito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

Malaking porsyento ng mga Pinoy, dismayado sa K-12 program

BULGAR

ni Nancy Binay - @Be Nice Tayo | July 20, 2022

Mayroon tayong kasalukuyang krisis sa edukasyon na lumala dahil sa pandemya.

Dumarami ang mga kababayan nating hindi nasisiyahan sa sistema ng K-12 education sa bansa.

Ayon sa Pulse Asia survey na ipina-komisyon ni Sen. Sherwin Gatchalian noong Hunyo, 44 percent ng respondents ang “dissatisfied” sa K-12 program. 1,200 respondents ang lumahok sa survey.

Dahil dito, naghain si Sen. Gatchalian ng resolusyon upang imbestigahan ang status ng implementasyon ng Republic Act 10533 (Enhanced Basic Education Act of 2013 o K-12 Law), sampung taon matapos itong maipatupad.

Makaaasa ang mga kababayan natin na aktibo tayong lalahok sa imbestigasyong ito na sa tingin natin ay makatutulong sa pagtukoy sa mga isyung kailangang matutukan bilang pagtugon sa krisis.

☻☻☻

Naniniwala rin tayo na kailangang siguruhin ng Department of Education ang paggamit ng teknolohiya sa education system natin, tulad sa ibang bansa.

Dahil sa pandemya, napilitan tayong gumamit ng teknolohiya upang maipagpatuloy ang paghahatid ng edukasyon.

Dapat mapadali ang access ng mga mag-aaral at guro sa teknolohiya at gadgets na makatutulong sa kanila.

Kailangan ding matutukan ang kahinaan ng mga estudyante sa mathematics, science at reading comprehension sa harap ng mababang performance nila rito.

☻☻☻

Masalimuot ang mga isyu na konektado sa krisis sa edukasyon.

Umaasa tayong gagawing prayoridad ng bagong administrasyon ang pagtugon sa krisis na ito, at pati na rin sa mga isyung nakakabit sa muli nating pagbangon mula sa pandemya.

Nawa’y sa muling pagbubukas ng Kongreso sa susunod na Lunes kung kailan idaraos ang unang State of the Nation Address ni Pres. Ferdinand Marcos, Jr., ilahad niya ang mga plano para sa pagtugon sa mga problema ng bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

Panahon na para mapaunlad ang kabuhayan ng mga magsasaka’t mangingisda

P-BBM, may solusyon sana sa epekto ng pandemya at pagtaas ng presyo ng mga bilihin

Malaking porsyento ng mga Pinoy, dismayado sa K-12 program

RECOMMENDED