Nancy Binay 80/155

Suporta sa 2023 FIBA World Cup na gaganapin sa 'Pinas!

BULGAR

ni Nancy Binay - @Be Nice Tayo | September 8, 2022

Co-host ang Pilipinas kasama ng Japan at Indonesia ng 2023 FIBA World Cup na idaraos ng August 25 hanggang September 10.

Ang venue ng mga laro sa bansa ay Smart Araneta Coliseum sa Quezon City, the Mall of Asia Arena sa Pasay City at Philippine Arena sa Bocaue, Bulacan.

Hindi tayo maaaring mapahiya sa hosting na ito, kaya’t bagama't private sector ang nangunguna sa paghahanda, kailangang umaksyon pa rin ang pamahalaan nang masigurong may kapasidad ang bansa na tanggapin ang potensyal na pagdagsa ng mga turista.

Halimbawa, mainam na oportunidad ang dala ng FIBA World Cup para mai-showcase ng Department of Tourism ang ating mga tourist destinations.

Umaasa tayong makikipag-partner ang DOT sa private sector para samantalahin ang pagkakataon. Makipag-ugnayan na sana sila ngayon pa lang sa mga hotel, tour operator, travel agency, para sa mga promo packages at iba pang incentives na maghihikayat ng mga turista.

Puwede na ring mag-set-up ng information desk sa mga hotel at airport.

☻☻☻

Baka kailangan din na bumuo ng inter-agency council para suportahan ang pagsisikap ng private sector.

Kailangang planuhin at paghandaan ng DOT, kasama ang Department of Transportation at iba pang ahensya, ang anumang isyu na maaaring umusbong.

Kailangang ihanda rin ang mga airport, toll, bus/shuttle at gumawa ng balangkas para maiwasan ang matinding trapiko sa mga ruta papunta sa game venues at para hindi mahirapan ang mga manonood ng mga laro.

☻☻☻

Pagkatapos ng ilang taong pagkabagsak dahil sa pandemya, ang 2023 FIBA World Cup ay pagkakataong hindi natin dapat sayangin para ipakitang tayo’y muli nang bumabangon at handang itanghal ang napakaganda nating bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Dedmahin ang mga text na nag-o-offer ng trabaho, rewards, etc.

BULGAR

ni Nancy Binay - @Be Nice Tayo | September 4, 2022

Isa ba kayo sa mga nakatanggap ng text message o messages galing sa (mga) hindi kilalang numero nitong mga nakaraang araw?

Ilan sa mga laman ng mensahe ay nag-o-offer ng kung anumang trabaho, reward o kaya naman ay nakasuhan daw kayo at kailangang ma-settle ito.

Hindi na naman bago ang spam messages kung kaya't mayroong spam filter ang ating messaging apps upang masala ito.

Ngunit nakagugulat na kasama na sa nilalaman ng bagong bersyon ng scam na ito ang inyong pangalan o nickname.

Ilan din sa atin ang natakot o kinabahan, lalo na kung ang ating natanggap na mensahe ay nagsasabing mayroon kang kaso.

☻☻☻

Marami ang umaray dahil sa kaganapang ito, kasama na sina Supreme Court Senior Associate Justice Marvic Leonen at ang ekonomistang si Edson Guido.

Ayon kay Justice Leonen, “Unsolicited or scam text messages on our phones already contain our names. This means that there is a data provider out there that has leaked or sold aor been careless about our information. This makes all of us now vulnerable. Very dangerous.”

Umayon din dito si Digital Pinoys national campaigner Ronald Gustilo, na nagsabing posibleng nakuha ang impormasyon sa mga digital contact tracing forms na ating ginamit noong kasagsagan ng COVID-19 pandemic.

☻☻☻

Iniimbestigahan na ng awtoridad ang bagong bersyon ng scam messages na ito.

Nag-utos na rin ang National Telecommunications Commission (NTC) sa mga telecommunications firms na magbabala sa mga subscriber nito tungkol sa scam.

Maghahain din tayo ng resolusyon sa Senado upang maimbestigahan ito at mapalakas pa ang ating data privacy laws.

Nakakatakot na maaaring nagagamit na pala ang ating mga personal na impormasyon sa kung anumang scam.

Mag-ingat tayong lahat at maging alerto sa mga nagnanais manamantala.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

Umaaray na ang mga fish farmer sa matinding pagtaas ng feed conversion ratio

BULGAR

ni Nancy Binay - @Be Nice Tayo | August 31, 2022

Nananawagan ang mga fish producer ng bansa na tugunan ng pamahalaan ang samu't saring isyu na hinaharap ng kanilang sektor.

Pangunahin na rito ang pagpapababa ng gastos na ginugugol ng mga fish farmers sa pagpapalaki ng mga isdang kagaya ng bangus at tilapia. Pumapangit daw kasi ang kalidad ng fish fry, samantalang may problema rin sa supply ng feeds.

Umaaray ang mga fish farmer dahil sa matinding pagtaas ng feed conversion ratio o kung ilang kilo ng feeds ang kailangan para makapagpalaki ng isang kilo ng isda.

Ayon kay David Villaluz, chairman ng Philippine Association of Fish Producers Inc., sa mga Visayas fish farms, tumaas sa 1.8 hanggang 2 kilo ng fish feed ang konsumo ng isang kilo ng bangus, mula sa nakaraang 1.2 hanggang 1.6 kg na FCR.

Dagdag pa ni Villaluz na ang mas mataas na FCR ay nangangahulugan ng dagdag na P10 sa production cost. Kung idaragdag pa ang P4 per kilo na dagdag sa presyo ng feeds, umaabot ng P14 ang dagdag sa production cost.

Halos kalahati rin daw ng fish pond operators ang namomroblema, ayon kay Joseph Anthony Lanzar, presidente ng Malalag Bay Fish Cage Operators and Fisherfolks Association. Nasa 2.4 hanggang 2.6 kg na daw ang FCR, aniya.

☻☻☻

Umaasa tayong diringgin ng pamahalaan ang hinaing ng ating mga fish producers.

Mahalaga sila sa pagsiguro ng abot-kayang pagkain para sa pamilyang Pilipino, at manganganib ang layuning ito kung hindi matutugunan ang mga problemang kinakaharap nila.

Nawa’y sa lalong madaling panahon ay mapag-usapan ang posibilidad ng pagkakaroon ng Brood Stock Project na iginigiit ng mga fish producers ay magpapababa sa gastos ng fish farming sa bansa.

Malaki raw ang maitutulong ng central fish hatchery para masiguro na maganda ang kalidad ng mga fish fry na maibibigay sa mga producer.

Kailangan din ng matinding diskusyon sa kung paano mabibigyan ng mainam at murang feeds ang ating mga fish farmers.

Umaasa tayo ng agarang aksyon tungkol sa isyung ito.

☻☻☻

Banta sa kaligtasan at buhay ang dengue, lalo na sa mga bata, kaya’t umaasa tayong magtutulungan ang pamahalaan at pamayanan upang makontra ang pagkalat nito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

Suporta sa 2023 FIBA World Cup na gaganapin sa 'Pinas!

Dedmahin ang mga text na nag-o-offer ng trabaho, rewards, etc.

Umaaray na ang mga fish farmer sa matinding pagtaas ng feed conversion ratio

RECOMMENDED