Nancy Binay 46/155

PhilHealth System, na-hack

BULGAR

ni Nancy Binay @Be Nice Tayo | September 29, 2023

Nitong mga nakaraang araw ay laman ng balita ang pagkaka-hack ng system ng Philippine Health Insurance Corporation (PhilHealth).

Nanghihingi umano ang Medusa ransomware group ng US$300,000 o nasa P17 million kapalit ng data na nakuha nito sa PhilHealth.

Nilinaw ni Department of Information and Communications Technology Usec. Jeffrey Ian Dy, na hindi kasama ang data ng mga PhilHealth members sa mga nakompromiso, at magiging available na muli ang online services ng PhilHealth sa susunod na mga araw.

Binigyang-diin din ng DICT na hindi nito babayaran ang hinihinging ransom.

☻☻☻

Seryosong usapin ang cybersecurity para sa pamahalaan.

Nasa 3,000 cyberattack cases daw ang naitala ng DICT mula January hanggang August ng taon na ito.

Maraming mahalaga at sensitibong impormasyon ang nasa database ng iba’t ibang ahensya at government-owned and controlled corporation (GOCC) gaya ng Government Service and Insurance System at Social Security System, Department of Foreign Affairs, at iba pa.

Kaya’t mahalaga na nag-i-invest din ang pamahalaan sa maayos na cybersecurity upang masiguro na ligtas ang mga impormasyon tungkol sa mga kababayan natin.

Suportado rin natin ang pagbibigay ng mas mataas na pondo sa DICT Cybersecurity Bureau upang mapaigi ang kakayahan nilang tumugon sa mga cybersecurity threat.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Batangas, Laguna at Cavite, apektado pa rin ng vog mula sa Taal

BULGAR

ni Nancy Binay @Be Nice Tayo | September 24, 2023

Habang sinusulat natin ang ating pitak, patuloy pa rin sa pagbubuga ng volcanic smog o vog ang Bulkang Taal na lubhang nakakaapekto sa ating mga kababayan sa Batangas, Cavite, at Laguna.

Ayon kay Provincial Disaster Risk Reduction and Management Office (PDRRMO) chief Dr. Amor Calayan, umabot na sa 14 na bayan sa Batangas ang nakakaranas ng zero visibility dahil sa volcanic smog (vog) na dulot ng Bulkang Taal.

Kabilang dito ang mga bayan ng Agoncillo, Alitagtag, Balayan, Balete, Calaca, Calatagan, Lemery, Mataas na Kahoy, Nasugbu, San Luis, Santa Teresita, Taal, Tanawan, at Tuy.

☻☻☻

Samantala, sinabi ng Philippine Institute of Volcanology and Seismology (PHIVOLCS), na hindi pa nila masabi kung hanggang kailan tatagal ang vog dahil patuloy pa ang ibinubugang sulfur dioxide ng bulkan.

Ang vog ay isang uri ng polusyon sa hangin na sanhi ng pagputok ng mga bulkan at binubuo ito ng mga pinong patak na naglalaman ng volcanic gas tulad ng sulfur dioxide na acidic.

Maaari itong magdulot ng iritasyon sa mga mata, lalamunan, at respiratory tract na maaaring maging malubha, depende sa konsentrasyon o tagal ng pagkakalanghap dito.

Kaya naman pinaalalahanan natin ang mga residente ng mga apektadong lugar na manatili muna sa loob ng bahay, magsuot ng N95 mask kung lalabas ng bahay, at uminom ng maraming tubig.

☻☻☻

Samantala, nilinaw din ng DOST na walang kinalaman sa aktibidad ng Bulkang Taal ang smog na bumalot sa ilang bahagi ng National Capital Region (NCR) at mga probinsya sa Luzon.

Ayon kay DOST Secretary Renato Solidum, thermal inversion ang sanhi ng smog sa Metro Manila at walang dapat na ikatakot na may kinalaman ito sa Bulkang Taal.

Ayon naman sa PAGASA, agad din mawawala ang smog kapag uminit ang panahon subalit ngayong maulap ang kalawakan ay makapal pa rin ang haze.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Turismo ng ‘Pinas, panalo sa 2023 FIBA World Cup

BULGAR

ni Nancy Binay @Be Nice Tayo | September 21, 2023

Naging tagumpay para sa turismo ng bansa ang idinaos na 2023 Fiba Basketball World Cup.

Ipinahayag ng Department of Tourism na tumaas daw ang occupancy rate sa 9 official hotels ng Fiba World Cup, bukod sa pagdami ng bisita mula sa mga bansang lumahok sa patimpalak.

Ayon sa DOT, halos kalahati ng 20 participating countries ang rumehistro ng growth rate na mahigit 100 percent sa visitor arrivals mula July 1 hanggang September 12 kumpara sa parehong period noong 2022.

Lumaki rin daw ng 700 percent ang visitor arrivals mula Dominican Republic, 600 percent mula Latvia, 595.85 percent mula China, 444.58 percent sa Lithuania, at 429.07 percent sa Serbia.

☻☻☻

Magandang balita ito, at inaasahan natin na mapapanatili ang ganitong pag-usad sa iba pang international events na idadaos sa bansa sa natitirang buwan ng 2023 at sa susunod pang mga taon.

Magpatuloy nawa ang pagtutulungan ng pamahalaan at private sector sa pagsusulong ng turismo.

Patuloy rin sana nating linangin pa ang ibang salik na magsisiguro ng magandang experience para sa mga turista, maging sarili man nating kababayan o mga buhat sa ibang bansa.

Kasama na rito ang pagsiguro ng maayos na imprastruktura at transportasyon, pagkakaroon ng mga pasilidad gaya ng maayos na banyo at hospital sa mga tourist areas, at iba pa.

☻☻☻

Tutukan natin ang muling pagbangon ng turismo sa bansa dahil may direktang benepisyo ito sa ating mga kababayan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

PhilHealth System, na-hack

Batangas, Laguna at Cavite, apektado pa rin ng vog mula sa Taal

Turismo ng ‘Pinas, panalo sa 2023 FIBA World Cup

RECOMMENDED