Nancy Binay 100/155

Plano tungkol sa maayos na disposal ng medical waste, now na!

BULGAR

ni Nancy Binay - @Be Nice Tayo | February 06, 2022

Nakababahala ang balita na may mga batang tinamaan ng COVID-19 sa Catanduanes dahil sa paglalaro diumano ng medical waste na ilegal na itinapon sa dalampasigan.

Bagama’t sinabi ng Department of Health (DOH) na malabong dulot ng nagamit na hiringgilya ang pagkakasakit ng mga bata, nariyan pa rin ang peligro na dulot ng hindi maayos na pagtatapon ng medical waste.

Maaari kasing ma-expose ang medical workers at mga taong nagha-handle ng medical waste, pati ang mga miyembro ng komunidad, sa mga pathogen o kaya’y matusok ng karayom at iba pa, kung hindi maayos ang pagtatapon ng medical waste.

Sa ating palagay ay sintomas lamang ang insidenteng ito ng tila lumalalang problema tungkol sa pagtatapon ng medical waste.

☻☻☻

Matatandaan ng ating mga mambabasa na noong isang taon ay inihain natin ang Senate Resolution 656 na humihimok sa Inter-Agency Task Force for the Management of Emerging Infectious Diseases at sa mga eksperto at kinauukulan na gumawa ng plano tungkol sa maayos na disposal ng medical waste.

Bagama’t nakatuon ito sa medical waste na dulot ng pagbabakuna laban sa COVID-19, dapat ituon na rin natin ito sa pangkalahatang problema ng medical waste disposal.

Ayon sa Department of Environment and Natural Resources (DENR), nasa 1,000 metric tons ng medical waste ang nakokolekta, araw-araw. Katumbas ito ng 166 na trak na may kapasidad na six tons.

Noong Abril 2021 naman ay sinabi ng Department of Environment and Natural Resources (DENR) na humigit-kumulang 52,000 tons ng medical waste ang na-produce mula noong simula ng pandemya. Sa bilang na ito, 14,000 lamang ang na-treat.

Sa isang pagdinig naman ng Kamara noong September 2021 ay sinabi ng ahensiya na hindi sapat ang kasalukuyang pasilidad ng bansa upang i-dispose ang medical waste.

☻☻☻

Hindi lamang Pilipinas ang may kinakaharap sa ganitong problema. Nagbabala na ang World Health Organization (WHO) na may banta sa kalusugan ng tao at kalikasan ang medical waste na napo-produce ng iba’t ibang bansa upang labanan ang COVID-19.

Kailangan nating kumilos agad upang maiwasan ang lalong pagdami pa ng medical waste, lalo na at karamihan dito ay hindi biodegradable.

Hindi pa siguro huli kung muling bibisitahing ng mga kinauukulan ang kasalukuyang protocol at makikipag-ugnayan sa mga stakeholders upang humanap at magsagawa ng praktikal at sustenableng solusyon.

Tulad ng ating sinabi noong nakaraang taon, kung hindi tayo kikilos agad ay baka magising na lang tayo balang araw na puno na ng mapanganib na medical waste ang ating mundo.

☻☻☻

Paalala lamang sa lahat na manatili sa loob ng bahay, ugaliing maghugas ng MGA kamay, bigyang-halaga ang kalusugan at huwag kalimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Tigilan na ang ‘trial and error’ sa pandemya

BULGAR

ni Nancy Binay - @Be Nice Tayo | February 03, 2022

Tutol tayo sa biglaang pagtanggal ng pamahalaan ng quarantine requirements sa mga galing sa ibang bansa nang wala pa rin tayong komprehensibo at localized na surveillance system.

Nitong nakaraang linggo, idineklara ng IATF na hindi na ipatutupad ang “green-yellow-red list” system na ginagamit para tukuying ang COVID-19 risk level ng ibang bansa.

Sa halip, mula February 1 ay kailangan na lamang magpresinta ng negative RT-PCR test na kinuha sa loob ng 48-hours bago umalis mula sa kanilang country of origin ang mga fully-vaccinated travelers.

Hindi na nila kailangan pumasok sa mandatory facility-based quarantine, ngunit dapat mag-self-monitor para sa mga sintomas ng COVID-19 sa loob ng pitong araw.

☻☻☻

Ang tanong natin, hindi pa ba tayo natuto sa nangyari kay “Poblacion Girl”? Kung sa loob na nga ng facility ay nalulusutan na tayo, paano pa kapag hinayaan natin nang walang outside monitoring ang mga galing sa ibang bansa?

Hirap na hirap na nga tayo sa pag-control sa community transmission, bibitawan pa natin ang border control?

Nangangamba tayong dahil sa relaxed border control at sa karanasan ng ibang bansa na dumaranas din ng surge ay muli pang magkaroon ng mga bagong variant at sub-variant.

☻☻☻

Sinusukuan na ba tayo ng pamahalaan?

Parang pilit nating tinatalikuran ang mga aral na mapupulot sa huling dalawang taon na dinanas natin ang pandemya.

Malaki ang pinsala ng maling polisiya, hindi lamang sa ekonomiya, kundi sa mismong buhay natin.

Sana naman ay itigil na natin ang tila “trial and error” approach natin sa pandemyang ito.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalimutang magdasal.

Malalagpasan din natin ito.

Be Safe. Be Well. Be Nice!

I-exempt sa tax ang honoraria ng mga titser at poll workers

BULGAR

ni Nancy Binay - @Be Nice Tayo | January 30, 2022

‘Wag na patawan ng buwis ang kikitain ng mga guro at iba pang poll workers ngayong eleksiyon. Ito ang matagal na nating panawagan na ma-exempt sila sa pagbabayad ng income tax para sa honoraria na kanilang natatanggap sa pagseserbisyo tuwing eleksiyon.

Ngayong malapit na ang Eleksiyon 2022 ay muli tayong nananawagan sa kinauukulan tungkol sa kahilingang ito.

Umaasa rin tayo na pagtutuunan ng pansin ang panukalang ito ng ating mga kasama sa Senado bago matapos ang sesiyon sa Pebrero. Naipasa na kasi sa ikatlong pagbasa ng House of Representatives ang kanilang bersiyon ng panukalang ito.

Ayon sa Commission on Elections (Comelec), makatatanggap ng honoraria na mula P3000 hanggang P7000 ang mga poll worker ngayong Eleksiyon 2022, bukod pa sa travel allowance.

☻☻☻

Hindi na bago ang ating panawagan, dahil noong nakaraang 17th Congress ay inihain natin ang Senate Bill number 1941.

Ipinanawagan din natin ito sa Bureau of Internal Revenue (BIR) noong 2018.

Ngayong 18th Congress ay muli nating inihain ang panukalang ito, sa pamamagitan ng Senate Bill number 117.

Kung noon ay nag-iisa tayo, ngayon naman ay kasama natin sina Senador Win Gatchalian at Leila de Lima na naghain din ng kanilang sariling bersiyon ng panukalang ito.

☻☻☻

Ilan pa sa ating ipinanawagan ngayon ay ang pagkakaroon ng poll workers ng proteksiyon laban sa COVID-19, lalo na ang libreng testing at karampatang medical care kung sila ay magkakasakit.

Tuwing eleksiyon ay may malaking papel na ginagampanan ang ating poll workers.

Bukod sa sinisiguro nila ang maayos na pagboto, tinitiyak din nila ang kredibilidad ng eleksiyon at nabibilang ang bawat boto.

Buhay at integridad ng election board at iba pang poll workers ang nakataya bawat eleksiyon kung kaya’t nararapat lamang na suklian ng estado ang serbisyong ito.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

Plano tungkol sa maayos na disposal ng medical waste, now na!

Tigilan na ang ‘trial and error’ sa pandemya

I-exempt sa tax ang honoraria ng mga titser at poll workers

RECOMMENDED