Kaya todo-kayod… DIANNE AT RODJUN, MAY LUPA NANG PAMANA SA 2 ANAK

ni Mercy Lejarde @Showbiz Talkies | June 13, 2025

Photo: Dianne Medina at Rodjun Cruz - IG

Kung si Mylene Dizon ay walang balak pamanahan ng mga ari-arian ang mga anak dahil mas gusto niyang magkaroon ang mga ito ng properties sa sarili nilang pagsisikap, kabaligtaran naman niya sina Dianne Medina at Rodjun Cruz, na kahit bata pa lang ang mga anak ay unti-unti nang nagpupundar ng ipamamana ang mag-asawa.

Kamakailan lang ay nag-post sa social media si Dianne ng video na nagpapakita ng kanilang bahay, at sa harap ng kanilang bahay ay may bakanteng lote na nabili nila noong 2022 na para sa anak nilang si Joaquin. 

At ngayong 2025 naman ay bumili ulit sila ng lote para naman sa anak nilang si Isabella.

Ito naman ang sinabi ni Dianne sa kanyang Instagram (IG) post: “Dreams do come true! Anything is possible with my Lord Jesus! Year 2022 when we got the LOT across our house for Joaquin.

“May katabi siyang LOT so naisip namin for Isabella pero ayaw ibenta for the longest time. Everyday, Rodjun (RJ) and I will pray over the LOT and manifesting na makukuha namin ni Daddy RJ.

“Ngayon, nakuha na namin. Thank you Jesus ikaw po talaga lahat ito. We are nothing without you! Thank you Jesus for blessing us more than we deserve.

“@rodjuncruz Teamwork makes the dream work! Kayod again! More more work! In Jesus name! Looking forward to our next investment! Claiming it!

“Posted this not to brag but to inspire and remind everyone that WITH GOD ALL THINGS ARE POSSIBLE Matthew 19:26.”

Marami naman ang humanga sa mag-asawang Dianne at Rodjun sa pagsisikap na mabigyan ng magandang buhay ang mga anak.

Pak, ganern!

---

THE one and only Gerald Anderson is making a comeback. Ano nga kaya ang magiging ganap ng Action Royalty?

Abangan siya at mga ganap niya sa Pinoy Big Brother (PBB) Celebrity Collab Edition. 

Marami ang natuwa sa pagpasok ulit ni Gerald sa Bahay ni Kuya. May mga netizens na nagtatanong kung sino kaya ang isasama ni Gerald sa loob ng Bahay ni Kuya — si Kim Chiu, si Maja Salvador, si Sarah Geronimo, si Pia Wurtzbach, si Bea Alonzo, o si Julia Barretto?

Pakihulaan na nga lang po, Madam Damin.

---

Na-extend daw ang buhay dahil sa stemcell…  

“HANDA NA AKO KUNG HANGGANG SAAN ANG IBIBIGAY SA AKIN NG LANGIT” — LOLIT

Ito naman ang latest update sa kalagayan ng kalusugan ni Doña Lolit Solis na ibinahagi niya sa Instagram (IG) post.

“Siguro talagang doble-ingat na talaga ang dapat kong gawin sa katawan ko.

“Talagang feel ko na ang pagiging 78 years old ko, at ang tangi ko na nga lang consolation ‘pag naalala ko na ‘yong mga kasabay ko mas una nang umalis at actually, sa batch namin, ako na lang ang naiwan.

“Sure ako na baka hindi na ako kilala ng mga bagong stars na mas kilala na ang mga bagong showbiz writers.

“Eye-opener sa akin itong huli kong pagkakasakit dahil talagang nahirapan ako at parang nagkaroon pa ng mental lapse.

“Natakot nga ako dahil sobra ang pagiging forgetful ko. Saka talagang grabe ang weaknesses na na-feel ko. Halos hindi ako makatayo kung minsan. Talagang bibigay ka physically ‘pag nasa edad ka na, at tanggap ko na ito.

“Pasalamat nga ako actually dahil at my age, parang energetic pa rin ang kilos at salita ko. Pero pagkatapos ko magkasakit, nagkaroon ako ng realization na magdahan-dahan. Baka bigla sa daan ako abutin ng sumpong, bigla ako mahilo, at matumba. So lucky na inabot ko pa ang edad na 78, na ganito pa rin ang energy ko at enthusiasm ko sa trabaho.

“So lucky na nagpapaalam na ako sa mga alaga ko, pero ang sarap pakinggan ng sinabi ni Bong Revilla na habang buhay ako, hindi siya hahanap ng PR/manager.

“I love showbiz. Showbiz people are my family. I will always treasure my beautiful memories all my life. Sure ako aabutin ko pa maging Presidente si Vico Sotto na sure ako, iboboto ko. Pero handa na rin ako kung hanggang saan lang ang ibibigay sa akin ng Langit. Sana nga, totoo na kaming stem cells ladies, Dra. Vicki Belo, Rubby Coyuito, Wilma Galvante, Lorna Tolentino at talagang binigyan ng extension ng injection ni Dr. Muehler at Dr. Morato ng Germany.”

‘Yun lang and I thank you.

‘Wag daw magtitiwala agad kahit sa kadugo… “HINDI LAHAT NG MABAIT AY TOTOO, HINDI LAHAT NG TAHIMIK AY WALANG ALAM” — SOFIA

ni Mercy Lejarde @Showbiz Talkies | June 12, 2025

Photo: Sofia Andres - IG

Kamakailan lang ay nag-post sa social media ang actress na si Sofia Andres tungkol sa kanyang natutunan sa istoryang Maguad Family episode ng Maalaala Mo Kaya (MMK) na ipinalabas sa ABS-CBN.

“One of the biggest lessons I’ve learned from the heartbreaking story of the Maguad Family is this: never trust someone too easily. Kahit gaano pa sila kabait sa harap mo, hindi mo talaga alam kung ano ang iniisip o pinaplano nila kapag nakatalikod ka.

“Some people are experts at pretending. They smile, they act kind, they even try to win your trust. Pero sa totoo lang, may mga tao talagang sinisiraan ka na pala sa iba, or worse, may masama na palang binabalak laban sa ‘yo.

“It’s sad and scary, but it’s a painful reminder to be careful with who we allow into our lives. Hindi lahat ng mabait ay totoo, at hindi lahat ng tahimik ay walang alam.

“Always trust your instincts, and remember your safety,  whether emotional, mental, or physical - should never be compromised for the sake of being ‘nice,’” paglalahad ni Sofia.

Dagdag pa niya, “Kaibigan man o kadugo, ‘wag ibigay ang buong tiwala.

“Second lesson: Be content with what you have. Don’t let jealousy take over — you can do better in your own time.”

Marami namang mga netizens ang nag-agree 100 % kay Sofia.

“Very well said, Sofia. Basta magtiwala lang tayo sa Panginoon nang 100 %, siguradong ligtas tayo.”

“Just always: Trust in the LORD with all your heart and lean not on your own understanding. In all your ways acknowledge Him and He will make your path straight. Proverbs 3:5-6.”

‘Yun lang and I thank you…

---

Dahil sa sipag at tiyaga…

MARVIN, JANITOR NOON, PA-GOLF-GOLF NA LANG NGAYON

TOTOO ang kasabihan na, “Ang buhay ay parang isang gulong. Minsan nasa ilalim, minsan nasa ibabaw.” Itong kasabihang ito ay tugmang-tugma sa buhay ni Marvin Agustin. 

Sa social media post ay ibinahagi niya ang larawan na may caption na: “Grabe this was 1995, TIA MARIA’S Mexican Restaurant days!

“Dito ako natuto respetuhin at mahalin ang kahit na ano’ng klaseng trabaho. Dito all around kami kasi mahina ang benta namin nu’n.

“I remember in a day, ikot ang mga responsibilidad namin, waiter, bartender, kitchen help, cashier, minsan sekyu or janitor, local store marketing. LAHAT! Hahaha!

“Ang sarap pagdaanan at kuhanan ng leksyon ang mga panahon na susubukin ka ng buhay.

“Kaya laban lang nang laban. Walang makakatalo sa taong ayaw magpatalo,” pagbabalik-tanaw ni Marvin.

Ngayong 2025, pagkatapos ng 30 years ay wala ka nang makikitang hirap sa hitsura ni Marvin. Ang makikita mo na lang ay ang mga kaginhawahang nakuha niya dahil sa sipag at tiyaga nito. Halimbawa na lang ang pagpapakita niya ng kanyang restaurant, bahay, at masasarap na pagkain.

Ito lang nakaraang araw ay nag-post si Marvin sa social media ng larawan na naglalaro siya ng golf.

Ani Marvin, “Quick escape lang pero ang rich ng vibes. 1 hour from SG tapos biglang golf with ocean views?! From green to beach in one swing - legit paradise. May bonus pang monkey sightings.”

O ‘di ba naman, ang ganda ng naging life ni Marvin, na tipong mapapakanta ka na lang ng, “Gulong ng palad, ang buhay ay…Gulong ng palad. Ang hantungan, ang kapalaran… Minsa’y nasa ibabaw.”

---

SA latest YouTube (YT) video post ni Mariel Rodriguez na kinunan sa Universal Studios Singapore, kasama ang mga anak at si Robin Padilla ay makikita mo kung paano protektahan ng aktor-senador ang kanyang mga anak. 

Sa sinasakyang rides ay tinanong niya kaagad si Mariel kung may seatbelt ba ang mga sinasakyan ng mga anak nila, na sinagot agad ni Mariel ng “Oo naman.”

Makikita rin sa video na kahit 15 years na silang mag-asawa ay wala pa ring pagbabago sa lambingan at pagmamahalan nina Robin at Mariel. May pasimpleng yakap na tipong naglalambing pa rin si Robin kay Mariel.

Si Mariel naman ay sinisiguradong masaya ang mga anak. Nalalaman daw ni Mariel na masaya ang mga anak ‘pag nakatingin siya sa reaksiyon ng mga ito at ‘pag ngumiti ay sulit na raw lahat.

Pero ibinuking ni Mariel na sa 15 years nila ni Robin ay first time lang na sumakay ang senador sa ganoong klaseng rides.

Samantala, nag-post sa social media si Mariel ng larawan nila na kuha sa Universal Studios Singapore, na may caption na: “Grabe, inulan talaga kami sa Universal Studios Singapore! Good thing, we get to enjoy most of the rides bago bumuhos ang malakas na ulan. Kahit nabasa kami, masaya pa rin ang buong pamilya! Salamat kay Tatay (Robin) na bumili ng extra t-shirts for everyone, para hindi kami magkasakit.”

Marami ang mga netizens na bumilib sa pamilya ni Robin sa pagpapakita ng pagmamahalan at malasakit.

Sey nga ng mga netizens:

“Bihira na ‘yung ganyan na celebrity, ikaw pa lalapitan.”

“Parang sila lang ang artistang hindi mo makita na naka-uniform ang mga kasama.”

“Ang bait ni Robin. Super approachable sa fellow Pinoys.”

Si yours truly ay buhay na patotoo kung gaano kabait ang nag-iisang Senator Robin Padilla, napakabait at mapagpakumbaba.

Feeling seryoso na ang lagay… LOLIT, TODO-PAKIUSAP NA PAUWIIN NA NG MGA DOKTOR

ni Mercy Lejarde @Showbiz Talkies | June 9, 2025

Photo: Lolit Solis - IG

Nag-post sa social media si Doña Lolit Solis ng pakiusap na sana raw ay makalabas na siya ng hospital. Ito ang kanyang mga sinabi sa post:

“Sana makauwi na ako. Talagang kahit love ko ang mga doctors at staff ng FEU Hospital, talagang homesick na homesick na ako. Para bang suffocated na ako at hindi ko na enjoy ang hospital air.

“Kaya sana please let me check out na my dear doctors. I will be happier and stronger ‘pag nasa iba na akong place at hindi sa hospital.

“Naku up to now I really can’t believe na nasa hospital ako being checked every hour para i-monitor ang lagay ko.

“Feeling ko tuloy napakaseryoso ng lagay ko kasi nga, check nang check sa lagay ko. I swear na talagang top of the line ang service ng FEU Hospital sa mga pasyente.

“Pero kahit ano pa sabihin, basta please, check out na ako. Huhuhu! miss na miss ko na mga dogs ko, my old bed, the gulo ng bahay.”

Sey ng mga netizens:

“Sana mapagbigyan ang aming kaibigan na gumaling na agad at makalabas ng hospital.”

“Maganda siguro Doña Lolit kung gagayahin mo si Kris Aquino na tumira malapit sa dagat.”

Pagkatapos ng ilang oras lang ay nag-post ulit si Doña Lolit, at ito naman ang kanyang sinabi, “Para talagang lahat ng mga kamalditahang nagawa ko sa mundo, pinagbabayaran ko na ngayon. Hahaha!

“Kasi nga, lahat ng mga bagay na hindi ko iniisip na mararanasan ko, nangyayari ngayon sa ‘kin.

“Grabe talaga na kung minsan may mga mental lapses ako. Siguro dahil na rin sa edad ko, plus meron pa akong sakit kaya mainipin ako. Hindi ko ma-grasp up to now kung bakit bigla nagkasakit ako at mukhang seryoso pa.

“Natatawa na nga ako sa mga nangyayari sa buhay ko. Siguro nga ito na ang mga kabayaran sa kapilyahan ko noon.

“Life was so good to me. I encountered problems pero lahat minor lang at never really affected me that much. So blessed for having good loyal friends. So nice working with good people.

“Talagang inalagaan ako ng mga angels ko. Kaya nga kahit medyo may mga problema ngayon, kinakaya ko, dahil nga sa naging foundation ko na naging matibay.

“For all the good things, salamat my Lord, so grateful and thank you. If ever, what comes next, madali ko nang matatanggap.

“I know the magic of prayers, kaya tuluy-tuloy lang dasal ko. Kung ano ang gusto N’ya mangyari, buong puso ko tatanggapin. Kung ano ang kapalaran ko sa buhay, iaasa ko sa Kanya.

“Ang dami ko nang biyaya na natanggap mula sa Kanya, kaya Salamat po, buong puso sa Iyo ang buhay ko. Salamat.”

Nothing is impossible with God, just pray hard. Pagaling ka, Doña Lolit naming mahal.

---

MAPAPA-SANA all ka na lang ‘pag nakita mo si Senator Robin Padilla kung paano niya mahalin at alagaan ang kanyang inang si Eva Cariño.

Sa social media post ni Sen. Robin, makikita ang mga larawan na sinusuotan niya ng kuwintas ang kanyang mother dearest at kitang-kita naman sa mukha ni Mommy Eva ang saya at pagmamahal, habang nakatitig sa mukha ng anak.

Ito ang mga sinabi ni Sen. Robin sa kanyang post:

“Alhamdulillah. Ika-11 ng buwan ng Mayo ang huli naming pagkikita ng mahal na ina. Mag-iisang buwan din ‘yun, bagama’t nagkakausap kami sa video call.

“Alhamdulillah ay iba pa rin ang personal na nayayakap ang mahal sa buhay lalo ang Ina. Medyo may halo ng pagkabalisa ang mahal na ina dahil sa tagal ng aming paghihiwalay pero napakilig naman at napasaya naman ang mahal na ina sa pasalubong ko sa kanya na pendant of justice dati na ‘yung kuwintas na puso, regalo ni Kuya Rommel ‘yun.

“Kaya love and justice na ngayon ang larawan ng aking ina, simbolo ng pag-ibig, mapagmahal at hustisya. Tunay na diwa ng ating INANG BAYAN.”

Nakakabilib ang mga anak na tulad ni Sen. Robin, sana ay marami ang tumulad sa kanya.

Ako, I have never known the love of a mother ‘coz baby pa si yours truly noon nang maaga siyang namayapa, straight to heaven. 

Kaya naman sa mga may nanay pa, mahalin ninyo sila to the max…

---

SAMANTALA, inanunsiyo ng mga hosts na sina Gabbi Garcia at Bianca Gonzalez na apat na linggo na lamang at magaganap na ang Big Night ng Pinoy Big Brother (PBB) Celebrity Collab Edition. July 5, Saturday ang pinakaaabangang Big Night.

Ang tatlo pang Final Duos ng PBB Celebrity Collab ay sina Shuvee Etrata at Klarisse de Guzman, Ralph de Leon at Will Ashley, Dustin Yu at Bianca de Vera.

Mula sa 6 na duos ay pipiliin ang apat na duos na makakaabot hanggang sa Big Night.

Sino kaya ang magwawagi? Sino ang bet n’yo, mga Ka-Bulgar?