Atong, jackpot sa dyowa… SUNSHINE, PROUD NA 48 NA PERO HITSURANG 28 LANG

ni Mercy Lejarde @Showbiz Talkies | July 20, 2025

Photo: Sunshine Cruz - IG

Nagdiwang ng kaarawan ang aktres na si Sunshine Cruz noong nakaraang July 18, 2025. Nagbahagi ang magandang aktres ng larawan na nagpapakita kung gaano pa siya kaganda at ka-sexy sa edad na 48.

Kung titingnan si Sunshine ay mukha lang siyang 28 at hindi 48 dahil sa ganda ng mukha at katawan nito.

Saad ni Sunshine sa post niya, “48 today! (red heart & folded hands emoji).

“I’m incredibly grateful for another year. My heart is full thanks to the unwavering love and support of those around me.”

Napakarami ng mga artistang bumati kay Sunshine, tulad nina Ara Mina, Vina Morales, Arlene Muhlach, Yana Concepcion. Bumati rin ang mga pinsan niyang sina Rodjun Cruz at Geneva Cruz.

Sabi nga ni Geneva sa comment section ng post ni Sunshine ay “48 going on 28! Love you, cous (cousin)! Happy Birthday!”

Sabi naman ni Vina Morales ay “Ang ganda n’yang babaeng ‘yan. B-day girl, wishing you good health and more blessings. Love you, Sis.”

Happy birthday, Sunshine! Kantahan na nga lang natin si birthday girl ng… “You are my sunshine, my only sunshine, you make me happy, when skies are gray. You'll never know, dear, how much I love you. Please don't take my sunshine away…”

Pak, ganern!

Kaya naman, parang naka-mega jackpot sa lotto itong si Atong Ang sa kanyang pretty and sexy dyowa.

---

Kumain lang sa noodle house, nag-concert na…

ROBIN, NAKIPAG-JAMMING SA MGA TAGA-BRUNEI NG OPM SONGS

SA social media post ng aktres at TV host na si Mariel Rodriguez ay nagbahagi siya ng video clip noong nakaraang adventure nila sa Brunei ng kanyang pamilya.

Makikita sa video ang saya ng senador at aktor na si Robin Padilla at ng asawa nitong si Mariel sa pakikipaglaro sa mga anak nila.

Sigurado si yours truly na hindi makakalimutan ng mga anak nina Senator Robin at Mariel ang mga masasayang moments nila kasama ang butihing ama at ina.

Kuwento nga ni Mariel sa post niya, “On our last Brunei adventure, hindi lang food trip ang nangyari dahil may pa-mini-concert din si Robin along the way! (smiling face with smiling eyes emoji).

“Unang stop: kumain kami sa sikat na beef noodle soup place na Soto Pabo, and guess what? Some locals knew a Tagalog song kaya nakipag-jam si Robin on the spot! (microphone emoji & musical notes emoji).

“Next, we explored Jerudong Park Playground, and sobrang surprising lang because almost empty ang place except us kaya parang private theme park experience ang feel namin this time!

"And to cap off the day, habang nagdi-dinner kami ay biglang tumugtog na naman ng another Tagalog song… pero this time, boses ni Robin ang narinig namin! (face screaming in shock & fire emoji).

“Grabe, from Manila to Brunei, umabot na talaga kung saan-saan ang OPM! (CD & globe showing Asia-Australia emoji).”

Ang suwerte ng mga anak nina Robin at Mariel, meron silang mapagmahal na mga magulang. Hindi importante ang mga material na bagay sa kanilang pamilya, mas importante ang panahon at oras na ibinigay nila sa mga anak nila. 

Bongga kayo d’yan, Sen. Robin Padilla at Mariel Rodriguez.

‘Di raw pinipigilan ni Oyo… KRISTINE, GUSTUNG-GUSTO NANG BUMALIK SA SHOWBIZ

ni Mercy Lejarde @Showbiz Talkies | July 19, 2025

Photo: Kristine Hermosa-Sotto - IG

Sa bagong online show sa YouTube (YT) na may title na House of D (HOD) ng aktres na si Dina Bonnevie ay mapapansin na hindi nagbago ang ganda ng mukha at katawan ng aktres. Mukha pa ring bata, at sure si yours truly na dahil biyuda na si Ms. D ay marami na ulit ang manliligaw sa kanya.

Kaya naman no wonder, na pumili rin ng magandang makakasama sa buhay ang only son niyang aktor na si Oyo Sotto.

Sabi nga ni Dina, nu’ng ipinakilala ang aktres na si Kristine Hermosa, sa HOD, “My beautiful daughter-in-law. The face that could launch a thousand ships.”

Kuwento pa ni Dina, “‘Ika nga nila nu’ng Bonnevie reunion namin recently, ‘Oh, that girl’s so pretty.’ Sabi ko, ‘Oh, that's my daughter-in-law. That’s Kristine, she’s married to my son.’ ‘She’s your daughter-in-law? She’s so pretty!’ Ganu’n lang si Tin, diyosa-diyosahan lang.”

Sa question and answer portion ng HOD ay natanong ni Dina si Kristine ng “Kumusta ka na, diyosa? Ang tagal mo ring nawala.”

Sey ni Tin, “Okay naman, Ma (Dina), ito, buhay pa rin,” sabay tawa.

Sinundan ulit ng tanong ni Ms. D ng “Ang daming nagsasabi, ‘Naku, si Oyo, pinipigilan n’ya si Tin na mag-show.’ Totoo ba?”

Sey ni Tin, “Hindi.”

Dagdag pa ni Ms. D sa tanong niya ay “Choice mo lang talaga?”

Sey ni Tin, “Choice ko talaga.”

Another question ni Ms. D, “Sabi nga nila, ang ganda-ganda ni Tin. Sayang, ba’t hindi na s’ya nag-aartista?”

Sey ni Tin, “May anim na anak, Ma (Dina), kailangang palakihin nang mabuti.”

Kuwento pa ni Ms. D na may kasamang tanong, “Pero ‘di ba, sabi mo, after 6 kids, parang you said ‘I think I’m ready to bounce back.’ ‘Di ba, sabi mo?”

Sey ni Tin, “Yes.”

Sey ni Ms. Dina, “Kaya s’ya pumayag na sumama sa House of D.”

Sa huli ay natanong ni Ms. Dina ang mga netizens ng “Mukha bang may 6 kids ‘yan? Grabe!”

Well, ang sagot ng mga netizens, “Hindi s’ya mukhang may 6 na anak. Mukha pa rin s’yang dalaga at puwedeng-puwede pang magbida sa teleserye.”

‘Di ba naman, Ateng Janiz?

---

SA social media post ng aktres na si Danica Sotto ay nagbahagi siya ng larawan kasama ang asawang si Mark Pingris, mga anak na sina Jean Michel, Anielle Micaela, Jean-Luc at ang kanilang alagang aso na si Bruno.

Ibinahagi ng anak nina Bossing Vic Sotto at Dina Bonnevie ang lungkot na naramdaman sa paglisan ng tatlong taong gulang na alagang aso na si Bruno.

Saad ni Danica sa post niya, “We will really miss you, Bruno. We are grateful for the three wonderful years we had with you. I wish it could have lasted longer (Broken heart emoji).”

Rest in peace, Bruno. Run free…

Kaya laging puyat… MIKAEL, PRANING SA UNANG ANAK NILA NI MEGAN

ni Mercy Lejarde @Showbiz Talkies | July 18, 2025

Photo: Mikael Daez at Megan Young - IG

Good vibes ang hatid ng social media post ng Kapuso actor na si Mikael Daez sa video clip na ibinahagi niya bilang first-time daddy, kasama ang asawang aktres na si Megan Young, at ang nag-iisa nilang anak na si Leon.

Siguradong makaka-relate ang mga first-time parents sa ibinahagi nitong video na nagpapakita ng dahilan kung bakit kulang sa tulog ang mommy at daddy dahil sa oras-oras na pag-check kung humihinga pa ang sanggol.

Saad ni Mikael sa kanyang post, “For first time parents, I’m sure some of you can relate! Actually, this also might be a major reason why we would lack sleep.

“Even when the baby is sleeping so well, it’s hard to shake the feeling that something might happen or that we overlooked something.

“It gets better with time but for now, praning parents on the loose muna kami (nervous face, fingers crossed and heart on fire emoji).”

Marami namang mga netizens ang umamin at nagsabing, “Yes po, relate na relate.” 

Meron ding nakapansin na kamukha ni Megan ang anak nila.

Saad pa ng netizen, “Ang lakas ng dugo ng mommy... kamukha ni Megan. Hehehe! Okey lang ‘yan, Paps, apelyido mo naman.”

Oh, mga bagets, paalala lang, appreciate your parents. You never know what sacrifice they went through for you. 

Boom, ganern!

---

BONGGANG-BONGGA ang pagbabalik ng aktres na si Dina Bonnevie sa bago nitong online show sa YouTube (YT) channel na may titulong House of D (HOD). Kasama niya sina Oyo Sotto, Danica Sotto Pingris, Kristine Hermosa Sotto, at Marc Pingris.

Masaya ang naging kuwentuhan na may kasamang konting iyakan ang unang episode ng HOD.

Sa nasabing show, kinumusta ni Dina ang anak na si Oyo.

Sinagot naman ni Oyo, “‘Yan, ito anim na ang anak, pagod. Hahaha!”

Sey naman ni Kristine, “Pero masaya.”

Sey ulit ni Oyo, “Nakakapagod, hindi naman madaling magpalaki ng anim na bata.”

Tinanong ulit ni Dina si Oyo ng “How important is family to you right now?”

Sey ni Oyo, “S’yempre naman, well, I’m sure kayo, ganu’n din. God first, family pangalawa.

“Family is very important kasi alam mo ‘yung kahit bali-baligtarin mo ang mundo, ‘yang pamilya mo, nand’yan ‘yan, ‘di ba?

“May mga nangyayari minsan na nag-aaway-away ang pamilya pero at the end of the day, o ‘pag matatapos na ‘yung buhay mo, pamilya mo lang din ‘yung nandu’n, eh, para sa ‘yo.

“So ‘yun ‘yung design ng Panginoon, eh, ‘di ba, na pamilya tayo. Lahat, mga kaibigan nga natin kino-consider natin na pamilya, minsan kahit bagong kilala mo, parang close na kayo agad, ‘di ba, family.”

Kuwento pa ni Dina, “Ako, in my personal experience, I went through hell and back but at the end of the day, kahit na ano’ng depression ang pagdaanan ko, kahit na anong negativity ang daanan ko, I’m just so thankful to God for giving me my family.”

Tinanong din ni Dina ang basketball player at asawa ng kanyang only daughter na si Mark Pingris.

Tanong ni Dina kay Mark, “‘Yung daddy mo, nasa France, ‘yung mommy mo, nasa Pangasinan. How can you feel a sense of family with them?”

Sey ni Mark, “Nakilala ko ‘yung father ko nu’ng 26 years old na ako, so for me, mahirap ‘yun.”

Kuwento pa ni Dina, “‘Di ba nu’ng tinanong kita kung bakit gusto mong hanapin ang daddy mo, na all these years, hindi ka naman pinansin because you said you wanted to know where you came from, ‘di ba?”

Sey ni Mark, “Kasi kulang ‘yung ano, ibang kailangan. Kulang kasi ‘yung pagkatao ko. Every Father’s Day, parang may hinahanap ako, Ma (Dina).

“Tapos parang ‘yun nga, kulang and na-appreciate ko si Danica, ‘yung ginawa n’yang hinanap n’ya si daddy ko.

“And then, doon nabuo ang pagkatao ko nu’ng nakilala ko ‘yung daddy ko.”

Sey naman ni Danica, “Sensitive talaga si Mark ‘pag pinag-uusapan mga daddy, pati lalo na mommy.”

Sey ulit ni Mark, “I’m so blessed na nand’yan talaga ‘yung mother ko na naging tatay, naging nanay s’ya sa aming tatlong anak n’ya na kahit anong hirap talaga ng buhay namin dati, talagang hindi n’ya kami pinabayaan, Ma (Dina), talagang pinapakain n’ya kami nang tatlong beses sa isang araw.

“So ‘yun, mahirap man pero talagang sobrang ano ko sa mga anak ko ngayon, sobrang nai-spoil ko sila dati kasi ‘yung mga hindi ko napagdaanan or hindi nangyari sa buhay ko talagang ibinigay ko. Even though na kahit minsan, eh, may mali, go pa rin ako. ‘Pag sinabi ni Danica dati na tama na ‘yan, hindi ‘no, okey lang ‘yan, masaya ako, eh, nakikita ko ‘yung anak ko, masaya. So okey na ko doon. So ‘yun din pagkakamali ko, minsan na kailangan, balance talaga. Sobrang balance talaga na hindi mo puwedeng kung ano ang napagdaanan mo dati, kailangan kumbaga pagdaanan nila or maramdaman nila.

“Kailangan balance talaga. Ang ibig kong sabihin is like ‘yung hindi mo sila ma-spoil nang mabuti dahil mahihirapan ka paglaki nila.”

Napakasuwerte ni Danica sa asawa niyang si Mark Pingris, mapagmahal sa mga magulang kaya for sure, mahal na mahal din ni Mark ang asawa’t mga anak niya, ‘di ba naman, Danica?

Samantala, sina Oyo at Kristine, may 6 na anak pero kung titingnan sila, mukha pa rin silang binata at dalaga. Korek si Miss D. sa pagsabing diyosa ang daughter-in-law niya na si Kristine Hermosa. At si Oyo, halata sa mga ngiti niya na masaya siya kasama ang mga anak at si Kristine.