Pagtulong kay Ate Gay, never daw ipinag-ingay… HEART: ANG IMPORTANTE SA ‘KIN AY ‘YUNG POINTS KO SA HEAVEN

ni Mercy Lejarde @Showbiz Talkies | April 12, 2026

Photo: Heart Evangelista sa Fast Talk with Boy Abunda

Kuwentuhan tungkol sa magkaibigan ang naging ganap sa programang Fast Talk with Boy Abunda ng GMA Network nang mag-guest ang aktres na si Heart Evangelista.

Sa panayam ng mahusay na TV host na si Boy ay napag-usapan kung gaano kalalim ang pagiging magkaibigan nina Heart at Angelica Panganiban.

Sey ni Heart, "If I had mom, if I had a Miriam Defensor, I had also Angelica Panganiban. I'm always attracted sa mga strong girls.

"And isa siya sa alam mo 'yun, hindi ako mapakali na bakit hindi kami magtugma? ‘Yung ang arte-arte ko kasi, not in a bad way.

"Pero s'ya kasi, ‘Ang arte-arte mo’, so, ayun, hindi kami magtugma. Ayun, nagkaroon siya ng anak na napakaarte. So ngayon, naiintindihan n'ya na ‘ko. Ngayon, love na love na ‘ko ni Bean (anak ni Angelica Panganiban). Sabi ko, 'Ako talaga ang nanay niya.' 

"The circle of life. But I'm so happy na okay kami (Angelica Panganiban) kasi ganu’n ako magmahal. Naiyak naman ako, ganu'n ako magmahal ng kaibigan. As in every napkin or everything, I treasure every moment. So, I'm very, very sentimental and isa siya talaga. 

"Alam mo 'yung naalala ko nu’ng bata ako? ‘Yung mga letters namin, 'yung mga diary entries ko, lahat kini-keep ko 'yun kasi parang feeling ko, ebidensiya 'yun 'pag nag-usap kami ulit na talaga, 'Pal, mahal na mahal kita. Tingnan mo, oh!' So, nu'ng nagkita kami, lahat 'yun, dinala ko sa kanya, 'di niya expect. 

"Nagulat siya! And I think that's what really made it special na alam niyang hindi siya nagkamali dahil ako pa rin 'yung pal niya nu’ng mga times na 'yun. Hindi ako nagbago."

Tanong ni Boy, "What do you most appreciate about Angelica?"

Sey ni Heart, "Na never namin pinag-awayan 'yung fame. Dito kasi sa showbiz, it's always parang pagandahan… kumpitensiya. 

"Never naming naging problema 'yun. And 'yun 'yung talagang sukatan ng true friend. Sa mata ng true friendship sa show business. 

"She's so happy for me and I'm so happy for her. Talagang genuine happiness. Ito talaga si pal ‘pag nakikita n'ya ‘ko sa fashion week, kahit nu’ng magkaaway kami. Ito talaga si pal, ito talaga s'ya. Nakakatuwa na naa-appreciate talaga n'ya 'yung may narating ang kaartehan ni pal.

"I love her, totoong tao siya."

Sa panayam ay napag-usapan din ang tungkol sa pagpapasalamat ng komedyanteng si Ate Gay kay Heart dahil sa tulong na ibinigay niya.

Sey ni Heart, "Actually, nagulat ako na binanggit niya (Ate Gay). Kasi we've never met, like, after, and never kami nag-usap talaga. Trivia, 'yung sinabi niyang nag-usap kami, kausap niya 'yung assistant ko, tapos after that, kinausap niya ako. Gusto lang niyang magpasalamat, pero hindi niya alam na ako 'yun.

"Kasi, Tito Boy, for me, it's sad but I've not given so much thought of it, but there's always going to be color in whatever we do as public people. But my points in heaven are far more important... Pero salamat din kasi iba rin pala marinig na nagpapasalamat sa iyo 'yung tao, kasi most of the time, people don't really know it's me. 

"So, I really appreciate and in fact never ko ini-inform sa kanya na ako 'yun. So, na-touched ako kasi yeah, I work hard and not just for me, but for a purpose and for me to write a story that would be so great to read one day when I'm no longer here. But for now, I'll leave it at that. 

"Kasi 'yung points ko talaga in heaven, pinakaimportante sa lahat."

Well, in fairness kay Heart ay puwedeng-puwede naman siyang mag-inarte dahil may K naman siya, as in karapatan. Ang importante, matulungin siya sa kapwa.

'Di ba naman, madlang people?

---

GANAP nang recording artist ang singer-songwriter na si Sofi Fermazi matapos niyang ilunsad ang debut extended play (EP) na u4me sa ilalim ng Star Music.

“I honestly can’t explain the happiness in my heart right now. This moment feels surreal. From dreaming about it to finally living it, it’s all worth it,” saad ni Sofi sa Facebook post.

Mula sa orihinal na komposisyon ni Sofi ang anim na awitin na Beep, Dito, ‘Di Na Bale, U 4 Me, Places Where We Hug, at Candy.

Nagsilbing producers nito sina ALAS, Hans Jason Canteras, at Lian Kyla.

Tampok bilang key track ng EP ang Beep na sumasalamin sa tibok ng pusong nahuhulog sa pag-ibig at sa nakakakilig na excitement na dulot nito.

Bago ang kanyang recording debut, nakilala ang Kapamilya singer sa kanyang viral song covers ng mga awitin nina  Adele, Taylor Swift, Olivia Rodrigo, Sharon Cuneta, at Ben&Ben, at umani na siya ng mahigit sa 143,000 followers at 1.3 million likes sa TikTok. Naging bahagi rin si Sofi ng segment na Expecially For You sa It’s Showtime noong nakaraang taon.

Napapakinggan ang U4me EP ni Sofi sa iba’t ibang digital streaming platforms. 

'Yun lang and I thank you.

Sa lahat ng ex-BF, pinakainiyakan… HEART, UMAMING BRUTAL SILA SA ISA’T ISA NI JOHN NOON

ni Mercy Lejarde @Showbiz Talkies | April 11, 2026

Photo: File / John Pratts at Heart Evangelista - Instagram

“I was confused. So, parang iniisip ko, parang pagmamahal ba ‘yun?” ang tanong ng aktres na si Heart Evangelista nang mapag-usapan ang tungkol sa kanyang first love na si John Prats nang mag-guest siya sa Fast Talk with Boy Abunda (FTWBA).

Sa panayam ay ibinulgar ni Heart na pinaiyak siya noon ng kanyang first love at former love team na si John Prats.

Tanong ng King of Talk na si Boy Abunda, “John Prats, let’s talk about Praty (John). First love?”

Saad ni Heart, “You can say that, yes. Actually, never kong naibigay naman sa kanya ‘yung koronang ‘yun kasi, ewan ko, looking back, parang siguro naisip ko, sobrang bata namin.”

Sey naman ni Boy, “Nakita ko kayong dalawa noon.”

Saad ni Heart, “Oo, ang lilikot at ang haharot.”

Dagdag pa ni Heart, “I was confused. So, parang iniisip ko, parang pagmamahal ba ‘yun? Pero looking back and when I saw him again, I realized that I think I dethroned him by giving him the title of first love kasi pinaiyak n’ya ‘ko. As in pinakabrutal na iyak! You know Wuthering Heights?”

Sey ni Boy, “Yes.”

Saad ni Heart, “Para kaming dalawang bata ru’n. Brutal kami sa isa’t isa. So, iniisip ko, ‘di naman ‘yun pagmamahal kasi parang brutal kami. We grew up together, 6 years of my life from 13 to 19, kami ‘yung love team. So, I never really thought kung work ba talaga s’ya or love. So maybe, that’s why I was confused for the longest time. But maybe, tanungin natin s’ya.”

Hirit na tanong ni Boy, “Napag-usapan n’yo ‘yun?”

Saad ni Heart, “Yes, sa Heart World. Nagulat ako sa sagot n’ya. Sabi n’ya, ‘Love.’ Ikinagulat ko.”

Well, kantahan na lang natin si Heart Evangelista ng makabagbag-damdaming awitin that goes… “Sana’y maaaring ibalik ang kahapon… At doon ay magising na ang pag-ibig mo… Sa dalangin ay hinihiling kong… Lumakad sanang pabalik ang panahon…

“Sana’y maaaring ibalik ang kahapon… At iguhit na muli ang nakaraan… Sana’y kaya kong baguhing lahat… Sa nakalipas nating kasaysayan… O sayang…”

Boom, ganern!

---

Proud na proud na may magandang anak…

HIRIT NI POKWANG: MALIA, BAGONG ANGELICA PANGANIBAN

“GUSTO ko ‘yung mga anak ko, lahat makatapos ng pag-aaral,” ang pahayag ng komedyanang si Pokwang nang mag-guest siya sa YouTube (YT) channel ng komedyanteng si Chad Kinis.

Sa panayam ay napag-usapan nila ang tungkol sa kagandahang taglay ng bunsong anak ni Pokwang na si Malia.

Tanong ni Chad, “Sa tingin mo, ano ‘yung traits na nakuha ni Malia sa ‘yo?”

Sey ni Pokwang, “S’ya ‘yung bagong henerasyon ng Angelica Panganiban. Kasi sinabi ko talaga dati, lagi kong sinasabi, sana magkaroon ako ng anak na parang Angelica.”

Dagdag na tanong ni Chad, “So, na-manifest mo?”

Sey ni Pokwang, “Oo, during the Wowowee days pa, sabi ko, sana magkaroon ako ng anak na parang Angelica, parang Bea Alonzo, ganu’n.”

Dagdag na tanong ni Chad, “Sa physical attributes, ano sa tingin mo ang nakuha ni Malia sa ‘yo?”

Mabilis na sagot ni Pokwang na may kasamang ngiti, “Wala.”

Dagdag na sey ni Pokwang, “Malia is such a very beautiful blessing na galing sa maling tao.”

Tanong ni Chad, “Dahil maganda si Malia, gusto mo s’yang mag-artista?”

Sey ni Pokwang, “Ako naman kasi, nakikita ko papunta na s’ya ru’n. Gusto kong nag-e-enjoy s’ya. Pero ako, as much as possible, kasi kulang ako sa pag-aaral, wala kaming perang pang-aral, gusto ko ‘yung mga anak ko, makatapos. Hangga’t maaari, gusto kong makatapos sila ng pag-aaral.”

Hirit na tanong ni Chad, “Bago mag-artista?”

Sey ni Pokwang, “Oo, puwede naman siguro kung mag-aartista s’ya basta ‘yung pag-aaral, nandu’n.”

Well, korek ka riyan, Pokwang. Mas maganda pa rin ang may pinag-aralan dahil education is the most powerful weapon.

Pak, ganern!

Mga Pinoy, hirap na hirap na sa krisis… BIANCA: PRESYO NG LUXURY ITEMS NG MGA CELEBS, ‘WAG NANG I-POST SA SOCMED

ni Mercy Lejarde @Showbiz Talkies | April 10, 2026

Photo: File / IG _iamsuperbianca

Sa gitna ng hirap ng buhay at sunud-sunod na taas-presyo, hindi pinalampas ng aktres at host ng Pinoy Big Brother (PBB) na si Bianca Gonzalez ang mga celebrities na todo-flex ng marangyang lifestyle sa social media.

Sey ni Bianca, “Sa mga media platforms featuring luxury items ng mga celebs, ‘wag na muna sanang isama sa feature ‘yung presyo ng mga ito.

“Malamang ay pinag-ipunan nila ito, oo, pero sa ekonomiyang ‘to, sa taas ng presyo ng gas at bilihin, sa nangyayari sa mundo, sa hirap na pinagdadaanan ng mga kababayan natin, ‘di ito ang panahon para detalyehin pa at ibida ang mga ganitong bagay.

“Hindi naaayon. Salamat.”

Well, may katwiran ang katwiran ni Bianca Gonzalez, ‘di ba naman, madlang people?

---

Respeto raw sa kaibigan…

MAX, BUMUSINA KAY MARIAN SA MGA TIKIMAN NILA NI DINGDONG

Ibinulgar ng aktres na si Max Collins nang mag-guest siya sa Fast Talk with Boy Abunda (FTWBA) na kinausap niya ang loving wife ni Dingdong Dantes na si Marian Rivera tungkol sa pagtatambal nila ng aktor sa seryeng The Master Cutter (TMC).

Sa panayam ay napag-usapan ang tungkol sa teleserye na pagtatambalan nila ni Dingdong.

Tanong ng King of Talk na si Boy Abunda, “You are the leading lady of Dingdong Dantes? May mga napanood na kaming mga trailer, but what is Master Cutter about?”

Saad ni Max, “The Master Cutter, it’s about a very skilled, handsome man who is always undercover and takes him into dark and dangerous places with crime.

“But at the same time, you’ll see that there is a lot of love. It’s about bringing him back to his loved ones and things like that, so you’ll find out later on.

“And we filmed on an island also, kaya malapit sa puso ko ‘tong show na ‘to kasi island girl ako sa show, and it’s very close to home for me, and du’n kami nag-meet ng character ni Dingdong.”

Tanong ni Boy, “Du’n sa dalawang trailer na aming napanood ay medyo sexy ‘yung appearance and I was told by someone that you have a love scene in this material, is there?”

Saad ni Max habang nakangiti, “I don’t know yet, maybe. I mean maybe, parang that’s to be expected in an action show. It’s something you just have to wait and see in May.”

Hirit na tanong ni Boy, “Sa mga pagkakataong ganito, bumubusina ka, halimbawa kay Marian Rivera?”

Saad ni Max, “I do. I actually talked to her a lot. I got her support. Kasi nagtrabaho kami before together sa My Guardian Alien, so we became friends.

“And then now with this new show, I already talked to her even before we started.

“I love her, I respect her. I spoke to her about this. We talked about the show, and she is very supportive.

“Every time I post something, I always message her and ask. I make paalam out of respect. So we have a very good relationship, and our kids all met.

“We have Christmas before kasi Dingdong and I have the same management, PPL Entertainment also.”

So, pak na pak ka d’yan, Max Collins, as in tumpak ang respeto na ibinibigay mo kay beautiful Marian Rivera.

---

LUMABAS na ang opisyal na poster ng mystery horror drama film na Poon (The Hallowed), kasabay ng world premiere nito sa 48th Moscow International Film Festival (MIFF) sa Russia mula April 16–28.

Pinagbibidahan ito ng mga award-winning actors na sina Ronaldo Valdez (RIP) at Jaclyn Jose (RIP) sa kanilang huling pagganap sa pelikula, kasama sina Gina Pareño, Janice de Belen, Lotlot de Leon, Allen Dizon, Ara Mina, JC de Vera, Martin del Rosario, Bembol Roco, at Elora Españo.

Kasama rin sina Kelvin Miranda, Althea Ablan, Joao Constancia, Nella Dizon, at Pinoy Big Brother Celebrity Collab Edition (PBBCCE) former housemate na si Will Ashley.

Written by Jerry Gracio and directed by Adolfo Alix, Jr., kasama rin dito si Dennis Evangelista bilang line producer. 

Ipinrodyus ito ng mahusay na aktres na si Kristel Moreno ng C-Frame Production at partner niya na Banana Entertainment.

Isa sa pinakamagagandang mystery horror movies ang Poon na ipapalabas sa international film festival sa Russia mula April 16-28.

Ang Poon ay tungkol sa misteryosong pagkamatay ng isang patriyarka ng pamilya sa panahon ng Semana Santa na nagpilit sa tatlong magkakahiwalay na apo niyang babae, at isang mapanumbat na tagapag-alaga na muling magsama-sama sa kanilang lumang tahanan.

Habang sumasabog ang matagal nang galit at hinanakit sa isa’t isa, nagsisimula namang manakot ang isang mapaghiganting supernatural na nilalang.

Nakaugnay sa isang nakakatakot na rebultong panrelihiyon na tinatawag na ‘ika-13 Apostol’, tina-target ng nilalang ang pinakabatang apo sa tuhod na si Faye, gamit siya bilang sisidlan upang ilantad ang pinakamadilim na lihim ng pamilya.

Sa makapangyarihang mystery horror drama na ito, kailangang tuklasin ng pamilya ang katotohanan sa likod ng kahina-hinalang pagkamatay upang harapin ang nakakatakot nilang nakaraan.

‘Yun lang, and I thank you.