Wala raw kamalay-malay, pero nakatunog na… CRISTINE, IPINA-RECORD SA ANAK ANG PAGPO-PROPOSE NG BF

ni Mercy Lejarde @Talkies | May 29, 2026

Photo: Cristine Reyes - IG

Masayang ibinahagi ng aktres na si Cristine Reyes ang nalalapit na kasal nila ng kanyang non-showbiz fiancé na si Atty. Gio Tiongson nang mag-guest siya sa Fast Talk with Boy Abunda (FTWBA) kamakailan. 

Sa naturang panayam, napag-usapan kung paano nag-propose si Atty. Gio kay Cristine.

Tanong ng King of Talk na si Boy Abunda, “Ano’ng kuwento? Wala kang kamalay-malay? What happened?”

Sey ni Cristine, “Wala po akong malay talaga. One Sunday morning, the usual, pupunta po kami ng church.

“Tapos, umakyat si Gio sa itaas, sa condo ko, kasi we live in the same building. Nasa baba s’ya, nasa taas ako.

“May dala-dala s’yang maliit na paper bag. Parang nakutuban ako kasi knowing Gio, saka alam din n’ya ako, we don’t want something super spectacle, super grand.

“So, when I saw it, tapos ‘yung face, parang seryoso, ay, naramdaman ko na! Alam ko na, ito na ‘yun.

“So, I immediately called Amarah. Parang instinct ko lang, s’yempre, I wanna have a recording or documentation of this special moment na lahat ng babae, pinapangarap na merong someone na mangangako na makasama ka habambuhay.

“Sabi ko, ‘Amarah, record this.’ Malakas na kasi ang kutob ko na ‘yun na ‘yun.

“Tapos, umupo na ako. Seryoso lang si Gio, tapos bigla s’yang lumuhod. He popped the question, ‘Will you marry me?’

“‘Di pa agad ako nakasagot. Parang overwhelming ‘yung feeling na finally, bumuhos agad ‘yung emosyon. Umiyak agad, nagyakapan kami.

“‘Di pa ako nakasalita ng yes, pero based on my reaction, it’s ‘yes.’ He had to ask again. Sabi ko, ‘Yes!’”

Hirit na tanong ni Boy, “May date na?”

Sey ni Cristine, “May date na. Baka next year po, first quarter, if not this year.”

So, isang malaking congratulations kina Cristine at Atty. Gio!

---

Naka-bed rest sa bahay…

PAULEEN, TINANGGALAN NG APPENDIX

NAKA-BED rest ngayon ang TV host-actress na si Pauleen Luna-Sotto matapos sumailalim sa appendectomy o surgical procedure para alisin ang appendix. 

Sa kabila ng kanyang pinagdaraanan, aliw na aliw naman si Pauleen sa pag-aalaga at pagmamahal na ipinararamdam sa kanya ng kanyang mga anak.

Saad ni Pauleen, “3 days post appendectomy. Kisses from my angels is the absolute best during this time.”

Samantala, sa social media post ni Pauleen, maraming netizens at kaibigan mula sa showbiz industry ang nagpaabot ng kanilang well-wishes at encouraging messages.

Praying for a fast recovery and complete healing for the beautiful and loving wife of Bossing Vic Sotto.

---

PALABAN na bersiyon nina Alexa Ilacad, Xyriel Manabat, Reign Parani, Andi Abaya, at Rans Rifol ang matutunghayan ngayong Hunyo sa iWant, the home of Filipino feels, tampok ang bago nitong original series na Miss Behave (MB), na iikot sa usapin ng online privacy sa kabataan.

Sa pasilip sa bagong iWant original, sesentro ang kuwento nito sa science high school girls na handang hamakin ang kanilang mga sarili matapos mag-leak ang kanilang pribadong photos sa buong paaralan na nagmitsa sa kanilang suspensiyon. 

Sa kabila nito, nagsanib-puwersa sila para maghiganti at masugpo ang nagpakalat ng kanilang mga iskandalosong larawan na nagpabalot sa kanila sa kahihiyan.

Mula sa mga creators ng iWant original na Love at First Spike (LAFS) at sa direksiyon ni Ivan Andrew Payawal, bibida rito sina JC Alcantara, Akira Morishita, Raven Rigor, Zach Castañeda, LA Santos, at Zach Guerrero.

Abangan ang premiere ng MB ngayong Hunyo 3 (Miyerkules) sa iWant. 

‘Yun lang, and I thank you.

3 yrs. naging magdyowa… DIREK BOBOT, UMAMING FIRST LOVE SI VILMA

ni Mercy Lejarde @Talkies | May 27, 2026

Photo: IG _mars_suzi

Sa panayam sa aktor-direktor na si Edgar ‘Bobot’ Mortiz ng content creator-filmmaker na si Madam Kring Kim sa YouTube (YT) channel na Think Talk Tea (TTT), inamin nitong sobrang apektado siya sa hiwalayan ng KathNiel love team.

Tanong ni Kring, “Direk, sa current show business, meron ka bang nakikitaan na parang, ‘Alam mo, okay ‘tong love team na ‘to,’ na parang feeling mo, malakas or fan ka?”

Saad ni Direk Bobot, “‘Di ko masabi. Pero ako, apektado ako nu’ng nag-split ang KathNiel. Gusto ko ang KathNiel, eh. Apektado ako. ‘Di nila alam pero ‘pag nanonood ako ng mga news, ‘pag nali-link si Kathryn sa iba, ‘di ko pinanonood.”

At dito nga binalikan ni Direk Bobot ang naging love team nila noon ng Star for All Seasons na si Gov. Vilma Santos-Recto.

“Kasi, ‘yung love team talaga, mabigat. Mabigat talaga ang love team, lalo na sa lalaki. Kasi iba ‘yung nangyari sa akin. That time kasi, ‘di ba, ikinukuwento ko nga sa inyo, in love lang ako kay Vilma, eh. Wala naman akong pakialam sa love team namin, eh. In love lang ako sa kanya, eh.

“Kasi ako, ang personalidad ko, observant ako. Parang ‘di ko masabi ‘pag ang isang tao ay may sinisimulang gawin, parang alam ko na ‘yung gusto n’ya. Kaya n’ya ginagawa ‘to, alam ko ‘yung gusto n’yang puntahan.

“So, parang that time, alam ko na pinaghihiwalay kami ni Vilma. Parang ang dating na ‘di na nagwo-work ‘yung love team, eh, ‘di ba? So, parang kailangang mag-mature na sila, i-partner na natin sa iba si Vilma, i-partner na natin sa iba si Bobot, mga ganu’n.”

Hirit na tanong ni Kring, “Nu’ng time na magka-love team kayo ni Ms. Vilma Santos, naging kayo po ba talaga na magdyowa?”

Saad ni Direk Bobot, “Yes. S’ya ang first love ko. Puppy love kami.”

Dagdag na tanong ni Kring, “Gaano kayo katagal naging magdyowa?”

Saad ni Direk Bobot, “Three years.”

Dagdag pa niya, “At ‘yung pagka-break namin, ikinukuwento ko nga, ‘di kagaya nu’ng kina Kathryn na nag-break pero inalagaan sila ng istasyon.

“Kasi that time, nag-break na kami ni Vilma na iba na, eh. Kasi ‘yung The Sensations namin, inabutan ng martial law. After nu’n, natanggal ‘yung ABS-CBN, nawala.

“So, nalipat kami ng istasyon. Nagkaroon pa rin kami ng show sa KBS, kina Kitchie Benedicto (RIP). Nagkaroon kami ng show. Kaya lang, nag-split na kami ni Vilma. S’yempre, ‘di na kami puwedeng magsama.”

Anyway, isa si yours truly sa mga nakasaksi sa relasyon nina Bobot at Vilma noon. Ang tanging masasabi ko lang, talagang super in love si Direk Bobot sa Star for All Seasons.

Well, at least kahit hindi nagkatuluyan sina Bobot at Vilma, ang nakatuluyan naman niya ay isang Santos din.

Si Direk Bobot Mortiz ay ikinasal kay Milette Santos noong Abril 3, 1977. Sila ay biniyayaan ng apat na anak, kabilang ang mga direktor na sina Frasco Mortiz at Badjie Mortiz.

Samantala, kabilang si Direk Bobot Mortiz sa mga inaabangang karakter sa seryeng Blood vs. Duty (BVD) ng ABS-CBN, kung saan gagampanan niya ang papel ni Omar, ang tiyuhin ng karakter ni Gerald Anderson.

---

NAGLULUKSA ngayon ang aktres-cosplayer na si Myrtle Sarrosa sa pagpanaw ng kanyang lola na si Aleli Porlucas. 

Sa isang madamdaming post sa kanyang social media account, ibinahagi ni Myrtle ang kanyang huling mensahe at pagpupugay sa kanyang lola. 

Saad ni Myrtle, “It’s with a heavy heart that I announce the passing of my Lola Aleli Porlucas.

“She has always been one of my inspirations in pursuing a life filled with dreams. Growing up, she was one of the reasons why I learned how to play the piano, started singing, and why I started performing. My grandparents always loved seeing me on stage, but my Lola had a way of making me feel special long before I ever stepped onto one.

“Even at home, when I would make a huge mess while creating costumes and when I first started cosplaying over a decade ago — admittedly looking a little strange and doing something that many people still considered weird back then — I was always so lucky because she never made me feel that way. She never made me feel embarrassed for being different. Instead, she would support me, encourage me, and let me keep chasing the things that made me happy.

“She was always there, from my practices to my recitals, always one of the first to watch my TV shows, clip out newspaper articles of me, and cheer me on through every little milestone. She would wake up super early at 5 a.m. just to make sure we were well-fed. 

“As a child, I thought those things were ordinary. Now that I’m older, I realize they never were. That was how she consistently showed her love.

“Looking back, before the stages, lights, and applause, there was already one person cheering for me from the very beginning.

“Thank you for loving me before I even knew who I would become. I love you so much, Lola. I know that you are with the Lord Jesus now, finally at peace in His loving embrace. Though our hearts are hurting here, I find comfort knowing that you are home with Him, surrounded by His love and grace. I pray that one day we will meet again, and until then, I know you’ll continue watching over us.

“I would also like to apologize to my community if I had to cut my meet-and-greet short at CODM Summer Fest. Thank you for understanding, and I’ll make it up to everyone in the next events.”

Sending our deepest condolences to you and your family on the passing of your grandmother, Myrtle.

‘Yun lang, and I thank you.

Ang lakas daw siguro ng manager… SUZIE, AMINADONG SUMAMA ANG LOOB NANG PALITAN NI IYA SA SHOW

ni Mercy Lejarde @Talkies | May 26, 2026

Photo: IG _mars_suzi

Inamin ng TV host na si Suzie Entrata-Abrera na nalungkot siya noong pinalitan siya ni Iya Villania sa programang Mars noon.

Kamakailan lang ay nag-guest siya sa Fast Talk with Boy Abunda (FTWBA) kasama ang kanyang mga “Mars” na sina Camille Prats at Iya Villania.

Diretsahang tanong ng King of Talk na si Boy Abunda, “Suzie, nu’ng pinalitan ka nu’ng pumasok si Iya — remember after 7 years from GTV to GMA-7, and then Iya had to come in to do the show with Camille Prats — sumama ba ang loob mo?”

Pabirong sagot ni Suzie na nagdulot ng tawanan ng mga nasa studio, “Yeah. Actually, matagal ko nang itinatago ‘to.”

Dagdag na seryosong sagot ni Suzie, “Actually, s’yempre, I was sad na ‘di ako kasama na lumipat ‘yung Mars. And I would’ve wanted to join the two of them. Or actually, kasi kami naman talaga ni Camille ‘yung original ‘Mars’, eh. Kasi it would have been so awesome kung naging kaming tatlo.

“But unfortunately, si Iya nu’ng lumipat sa GMA-7, s’ya ang nakuha. Ang lakas siguro ng manager nito.”

Hirit na tanong ni Boy, “But why couldn’t you do it? Because you were also with Unang Hirit, ‘di ba?”

Saad ni Suzie, “Of course, I felt bad about it because everybody moved to GMA, except for me, to the main channel. But I made sure to message Iya, to let her know that, although it wasn’t for me to say na ‘It’s okay with me, ha?’ kasi ‘di naman ako ‘yung nagdesisyon na ‘to ‘yung gagawin natin, ha? But I just wanted her to feel comfortable.

“That if it were anybody, I mean, I wanted, it would be so wonderful that it was her.”

Well, kahit sino naman ang nasa kalagayan ni Suzie Entrata-Abrera, masasaktan kapag biglang pinalitan sa show na minahal niya. Tao lang siyang may puso at damdamin.

Pak, ganern!

---

“My birthday became extra special because of all of you,” ang pahayag ng aktres at lider ng Sexbomb Girls na si Rochelle Pangilinan para sa kanyang ika-44 na kaarawan noong Mayo 23, 2026.

Ibinahagi ni Rochelle ang kanyang taos-pusong pasasalamat sa kanyang Sexbomb family, pamilya, mga producer, at sa kanyang loyal fans.

Sey ni Rochelle, “Another year older, wiser... at mas lalong grateful.

“Sa aking Sexbomb family, maraming salamat sa pagmamahal, tawanan, kulitan at pagiging tahanan ko sa loob ng maraming taon. ‘Di man tayo perfect, pero ang samahan natin ay totoong-totoo at habang-buhay kong iingatan.

“Sa aking pamilya, thank you for always being my strength, my comfort and my safe place. Kayo ang dahilan kung bakit patuloy akong lumalaban at nangangarap.

“Sa aming producers at mga taong walang sawang sumusuporta sa amin behind the scenes, thank you for believing in us and for making beautiful things happen.

“‘Di magiging posible ang lahat kung wala kayo.

“At s’yempre… sa aming mga loyal fans na lumaki kasama ang SexBomb, maraming-maraming salamat. 

“Hanggang ngayon, dama ko pa rin ang pagmamahal ninyo. Salamat sa bawat sigaw, suporta, memories at walang sawang pag-stay.

“My birthday became extra special because of all of you. Love na love ko kayo.”

Happy birthday to the Queen Bomb, Rochelle Pangilinan! Get, get, awww!

---

INILUNSAD na ng ABS-CBN Music ang CAT Records, ang record label na magbibigay ng bagong buhay sa mayamang catalog ng Original Pilipino Music (OPM).

Pangungunahan ng music publishing group ng ABS-CBN ang label na magsisilbing platform para sa bagong bersiyon ng mga natatanging komposisyon ng Filipino composers na bahagi ng malawak na catalog ng ABS-CBN Music.

Misyon nito na panatilihin ang mga kuwento at himig ng mga awiting tumatak sa kulturang Pinoy at magbigay ng pagkakataon para sa mga artists, producers, at musicians ngayon na bigyan ang mga ito ng sariling interpretasyon para sa bagong henerasyon.

Kabilang sa mga singers na magiging bahagi ng CAT Records sina CIFRA, Gab Tagadtad, Gino Nazal, Jeri Violago, JM Yosures, at SAGA.

May bagong rendition si CIFRA sa OPM classic na Ipagpatawad Mo mula kina Tito Sotto, Vic Sotto, at Joey de Leon o kilala bilang TVJ. May modern take naman ang singer-songwriter at producer na si Gab Tagadtad sa Panaginip Lang. Isa rin siya sa mga producers na makakasama sa CAT Records.

May instrumental project na ilalabas ang kilalang gitarista na si Gino Nazal. Si Jeri Violago ang unang singer-songwriter ng label. 

Bibigyang-buhay naman ni JM Yosures ang kantang Ang Hirap Maging Mahirap, habang pangmalakasang interpretasyon naman ang handog ni SAGA sa awiting Diamante. 

Makakasama rin sa CAT Records family sina BRYN, Sarvi, at YellowPad.

Samantala, kasama rin sa mga unang proyekto ng CAT Records ang isang koleksiyon ng jazz instrumental versions ng classic songs ng ‘70s icon na VST & Co.. Ipo-produce ang koleksiyon ng music arranger na si Sunny Ilacad at ipe-perform ng saxophonist na si Jun Figueroa na magtatampok sa Awitin Mo, Isasayaw Ko at iba pang classics, na napapakinggan na simula nu’ng Mayo 22, 2026.

Kabilang din sa mga producers at composers na bubuo sa tunog ng CAT Records sina Christian Martinez, Kiko Salazar, Raizo Chabeldin, at Sunny Ilacad.

‘Yun lang, and I thank you.