Dahil sa hiwalayan… ALEX: GERALD AT JULIA, ‘WAG N’YONG SAPAWAN ANG FLOOD CONTROL

ni Mercy Lejarde @Showbiz Talkies | September 21, 2025

Photo: Alex Calleja, Gerald at Julia Barretto - IG

Napagsabihan ng stand-up comedian na si Alex Calleja ang dating magkarelasyon na sina Gerald Anderson at Julia Barretto.

Pabirong sinabi ni Alex sa hiwalayan issue ng lead star ng Sins of the Father (SOTF) na si Gerald at ng magandang aktres na si Julia na huwag daw munang maghihiwalay at baka matabunan ang issue sa flood control dahil sa paghihiwalay nila.

Saad ni Alex, “Sabi na, wala munang maghihiwalay dahil matatabunan ang issue sa flood control!”

Samantala, umani naman ng tawanan ang nasabi ni Alex.

“Hangga’t may baha, may buwaya!” 

Ito naman ang sinabi ng senator at aktor na si Sen. Robin Padilla sa kanyang Facebook (FB) page post.

“Ang ating problema sa mga flood control projects ay tunay na malalim at paulit-ulit. Kaya naman iminumungkahi ko po ang AFP Corps of Engineers bilang katuwang upang masiguro na ang mga proyektong ito ay maisasagawa nang tapat, maayos, at para sa kapakanan ng ating mamamayan.”

Well, mas makabubuti rin po na mag-ingat na lang tayo. Dahil ayon sa balita, ang bagyong Nando ay inaasahang magiging super typhoon sa darating na Lunes, habang hindi pa nasosolusyunan ang flood control project.

Pak, ganern!

‘Yun lang, and I thank you.

---

Nag-share ang aktres na si Arlene Muhlach sa kanyang social media ng mensahe at pagsuporta para sa senator at aktor na si Sen. Jinggoy Estrada.

Saad ni Arlene sa post niya, “This is not a political post, but a message of support for a senator, mentor, and friend I deeply trust.

“I’ve seen the kindness many overlook — he believed in me, gave me the chance to work, and inspired me to finish my studies at 55. He trusted my capabilities even without fully knowing me then, choosing to see me as someone worth believing in.

“It saddens me how easily he is judged, burdened by stories long answered and the malicious attacks still cast today. Yet I remain proud, grateful, and steadfast in my belief in him — in his heart, his kindness, and his quiet service. And through it all, I will always stand by him, not just for what he has done, but for who he truly is.”

Ang post na ito ni Arlene ay tungkol sa pagkakasangkot ni Sen. Jinggoy Estrada sa mga anomalya sa flood control budget.

Mahiya naman daw… SMALL LAUDE, HUMIRIT TUNGKOL SA GHOST PROJECT

ni Mercy Lejarde @Showbiz Talkies | September 17, 2025

Photo: Small Laude - Instagram

Bongga ang ginawang pagpaparinig ng YouTuber, fashion and lifestyle influencer at kilala bilang asawa ng entrepreneur na si Philip Laude na si Small Laude tungkol sa ghost project.

Sa latest YouTube video ni Madam Small ay nag-book siya ng robo taxi sa Los Angeles, California. 

Makikita sa nasabing vlog na naghihintay si Madam Small, kasama ang asawang si Philip at dalawang anak na sina PJ at Allison (unica hija), at ang lagi niyang kasama na si Lotlot.

Dalawang minuto bago dumating ang ibinu-book nilang robo taxi ay nag-dialogue si Madam Small ng, "See you in 2 minutes, pero wala namang driver. Ghost driver naman siya. Pero at least, it's not ghost project.”

Dagdag pa ni Madam Small, "Hello, I'm paying my tax properly and then ganyan kayo? Shame on you, guys."

Samantala, pagsakay ni Madam Small sa robo taxi ay makikita sa video na masaya siya sa bagong experience.

'Yun lang, pagbaba ng robo taxi at pagkatapos nilang kumain ay nalaman niyang nawala ang cellphone niya. Naiwan pala niya sa robo taxi at in fairness, naibalik naman sa kanya nu’ng araw ding 'yun.

Well, bongga si ghost driver, nagbabalik ng naiwang cellphone. 

---

NAGBAHAGI ang professional boxer at former senator na si Manny Pacquiao sa kanyang social media ng larawan nila ng pumanaw na British boxing legend na si Ricky Hatton (RIP).

Nalungkot ang soon-to-be lolo at Pambansang Kamao na si Manny nang mabalitaan niyang pumanaw ang British boxing legend na si Ricky Hatton noong

September 14.

Saad ni Manny sa post niya, "I am deeply saddened to hear about the passing of Ricky Hatton.  

"He was not only a great fighter inside the ring but also a brave and kind man in life.  

"We shared unforgettable moments in boxing history and I will always honor the

respect and sportsmanship he showed. 

"Ricky fought bravely, not just in the ring, but in his journey through life. He truly had a good fight, and we are all blessed to have been part of his wonderful journey. 

"My prayers and deepest condolences go out to the Hatton family and all his loved ones. May the Lord give you strength and comfort in this difficult time. May he rest in peace."

Matatandaan na naglaban sa boxing sina Manny at Ricky noong May 2, 2009 na ginanap sa MGM Grand sa Las Vegas, Nevada, United States.

---

IBIBIDA ng nation’s girl group na BINI ang kanilang makulay na karanasan sa paglibot sa mundo sa kanilang bagong reality series na BINI World Tour Stories na eksklusibong mapapanood sa iWant simula Setyembre 21 (Linggo).

Ibabahagi ng BINI ang kanilang hindi malilimutang experiences mula sa matagumpay at soldout na BINIverse World Tour 2025, na nagsimula sa Philippine Arena at umarangkada rin sa Dubai (United Arab Emirates), London (United Kingdom), at sa iba’t ibang lungsod sa North America gaya ng Toronto (Canada), Washington D.C.,

Hollywood, at Las Vegas (United States).

Mas makikilala rin ng Blooms ang personal na kuwento nina BINI Aiah, Colet, Maloi, Gwen, Stacey, Mikha, Jhoanna, at Sheena tungkol sa pagharap nila sa iba’t ibang pagsubok gaya ng matagal na pagkakalayo sa pamilya at matinding pressure ng kasikatan.

Mapapanood din sa nasabing series kung paano nanatiling matibay ang kanilang samahan bilang isang grupo, na ngayon ay magkakapatid na ang turingan, walang kupas na passion para sa musika, at inspirasyong hinuhugot mula sa kanilang mga pamilya at fans.

‘Yun lang and I thank you.

Malaki raw ang naitulong… SEN. ROBIN, UMAMING PINAG-INITAN SI CHIZ NOON, PURING-PURI NGAYON

ni Mercy Lejarde @Showbiz Talkies | September 10, 2025

Photo: Edu Manzano - IG

Saludo ang senador at aktor na si Sen. Robin Padilla sa asawa ng aktres at fashion icon na si Heart Evangelista na si Sen. Chiz Escudero.

Sa Facebook (FB) page post ni Sen. Robin ay pinasalamatan niya ang dating Senate President.

Aniya, “Assalamu alaikum! Sa aking kababayan mula sa Bicol Region, nais ko lamang magpasalamat sa iyo Senator Francis ‘Chiz’ Escudero ng buong puso at pagkatao lalo na bilang Muslim. Sa iyong pagiging Pangulo ng Senado ay nagkaroon ng pinakamaraming batas na naisulong sa kasaysayan ng Senado at Pilipinas, mga batas na patungkol sa pananampalataya at karapatan ng mga Filipino Muslim.

“Inaamin ko po noong panahon na hindi pa kita kilala at isa pa akong sibilyan, ako’y naniwala na ikaw ay anti-Muslim. Katunayan ay pinag-initan din kita dahil sa mga maling sumbong laban sa iyo.

“Muli, mahal na dating Pangulo ng Senado, ako’y saludo po sa inyong ipinakitang pagmamahal sa amin, sa mga panukalang batas na umabot pa po sa puntong kayo mismo ang nag-iikot nito sa mga kapwa-senador upang matalakay sa plenaryo at tuluyang pumasa at maging mga ganap na batas.

Mahal na dating Pangulo ng Senado, hinding-hindi po makakalimot ang kapatiran ng mga Muslim.

“Una, ang dasal po para sa inyo. Pangalawa, ang hanggang kamatayan na suporta sa inyo. Allah hu Akbar! Assalamu alaikum.”

Bilib talaga si yours truly sa pagiging mapagkumbaba ni Sen. Robin Padilla at pag-amin na minsang naniwala rin siya sa maling sumbong tungkol sa mister ni Heart Evangelista na si Sen. Chiz Escudero.

---

Aliw na may kasamang asaran ang nangyari sa post ng content creator at Pinoy Big Brother (PBB) Celebrity Collab Edition 3rd Big Placer na si Esnyr Ranollo.

Kamakailan lang ay nagbahagi si Esnyr sa kanyang Instagram (IG) account ng larawan niya na nagpapakita ng magandang tanawin sa Mt. Pinatubo at may caption na: “First hike... and last, eme (joke)!”

Sa comment section ng post ni Esnyr ay nagkomento ang former PBB housemate na si Shuvee Etrata. Super-aliw ang mga netizens sa kanilang sagutan sa post.

Saad ni Shuvee, “Ang ganda ng view.”

Sagot naman ni Esnyr, “Very tita-coded ‘yung comment tuwing mag-post ka ng picture sa FB (Facebook).”

Dagdag pa ni Shuvee, “May kadugtong ‘yan. Ang ganda ng view, sayang may nakaharang lang.”

Samantala, kung kay Esnyr ay aliw ang mga netizens sa sagutan nila ni Shuvee, seryoso naman ang naging pahayag ni Shuvee sa post niya sa kanyang IG ng heartfelt birthday greeting para sa kanyang ka-duo na si Klarisse De Guzman.

Saad ni Shuvee sa post niya, “Ringing in dreams of a lifetime with you, Mowm! Thank you for being my final duo - what a ride it’s been! From helping me survive Kuya’s house to being my no-judgment chika buddy (kahit napipilitan ka lang kasi gusto mo ng massage), I honestly don’t know if I can survive PBB without you.

“Dati, mina-massage lang kita sa bahay to doing all these brand collabs, we did that, Mowm! We made it! Happiest birthday to you! Never forget, you've got a real one in me. Enjoy your day to the fullest - you deserve all the love, laughs, and chichirya the world has to offer! Love you always, mowmmmm!”

Simple pero wagas naman ang naging komento ni Klarisse De Guzman sa post ni Shuvee.

Saad ni Klarisse, “I love you, Shuvs! Walang iwanan.”

Matatandaan na ipinagdiwang ni Klarisse ang kanyang 34th birthday nito lamang September 6.

‘Kaaliw talaga ang kulitan ng mga PBB housemates kahit sa labas ng Bahay ni Kuya.

---

PINARANGALAN si Kim Chiu bilang Best Female TV Host sa 37th Philippine Movie Press Club (PMPC) Star Awards for Television. Sa social media post ng aktres at TV host, nagbahagi siya ng larawan niya na may hawak na trophy.

Saad ni Kim sa post niya, “Thank you PMPC for this recognition, I am truly honored. To my @itsshowtimena family, thank you for always being part of my journey.

“This means so much to me. Thank you po. It may have been long overdue, but having the trophy in my hands now fills me with gratitude.”

Congratulations, Kim! Deserve na deserve mo ‘yan!

‘Yun lang, and I thank you.