Donovan, inagaw ng Cavs sa Jazz; Karatedo, sasabak sa Int'l Tilt

ni MC - @Sports | September 4, 2022

Kinuha ng Cleveland Cavaliers si guard Donovan Mitchell mula sa Utah Jazz kapalit ng tatlong manlalaro at tatlong first-round draft pick.

Ipinalit sina guard Collin Sexton, forward Lauri Markkanen at rookie guard Ochai Agbaji na maglalaro na ngayon sa Jazz para sa 2022-23 season.

Bukod sa tatlong manlalaro, makakatanggap din ang Utah ng tatlong unprotected first-round draft choices at dalawang pick swaps.

Ang pag-trade kay Mitchell, isang three-time All-Star, ay nangangahulugan ng isang full-on rebuilding project para sa Jazz dahil hindi nila naabot ang Western Conference finals nitong mga nakaraang season kasama sina Mitchell at star center Rudy Gobert sa roster. Ipinagpalit ng Jazz si Gobert sa Minnesota Timberwolves sa offseason.

Samantala, todo ang ginagawang paghahanda ng Philippine Karatedo League (PKL) para sa lalahukan nitong mga international competitions.

Kabilang sa mga torneo na kanilang sasalihan ang Asia Cup E-Kata Championships sa darating na Oktubre sa England, ang World Chito Ryu Championship sa Indonesia, at ang 2023 World Goju ryu Karate Championship sa Italy.

Ayon kay PKL Founder na si Shihan Denisu Aquino, marami silang ginawang adjustment para sa mga torneo na kanilang sasalihan. Ibinida rin nito na maraming mga kabataan na ang nahihilig sa sport na Karatedo sa panahon ng pandemya.

Zamboanga, gigil nang makabalik sa ONE C'Ship

ni MC - @Sports | September 2, 2022

Hindi pa naranasan ni Denice Zamboanga na makipagkompetensiya sa Mall of Asia Arena nang gawin niya ang kanyang ONE Championship debut noong closed-doors era ng COVID pandemic.

Gayunpaman, sinulit niya ito, umakyat ito sa unang puwesto sa atomweight rankings bago bumangga sa pader at dalawang beses na natalo kay Ham Seo Hee.

Ngayon ay nasa ikatlong puwesto sa dibisyon, tuwang-tuwa si Zamboanga nang malaman na ang ONE ay babalik sa Pilipinas ngayong Disyembre pagkatapos ng mahigit dalawang taon dahil sa wakas ay binibigyan siya nito ng pagkakataong makipagkompetensiya sa harap ng kanyang mga kaibigan at pamilya. “Talagang nasasabik ako na magkakaroon ng isa pang kaganapan sa Pilipinas, lalo na ngayon na babalik tayo sa kung ano ito bago ang pandemya,”

sabi ni Zamboanga.

“Talagang masaya ako na babalik ang ONE Championship sa bansa pagkatapos ng mahigit dalawang taon.”

Wala pa ring balita kung magiging bahagi ng card si Zamboanga o hindi, o kung kailan siya babalik sa Circle sa pangkalahatan, ngunit ang nakumpirma ay ang napakalaking pangunahing kaganapan para sa ONE 164 card.

Ang palabas ay magiging headline ng pinakahihintay na showdown sa pagitan ng ONE strawweight world champion na si Joshua “The Passion” Pacio at ng top-ranked contender na si Jarred “The Monkey God” Brooks.

Tila nagawa na ni Pacio ang lahat sa division. Hawak niya ang mga rekord para sa pinakamaraming panalo sa strawweight (9), karamihan sa mga laban sa world title sa dibisyon (7), at pinakamaraming bilang ng mga panalo sa world title sa dibisyon (5).

Walang ibang Pinoy na nanalo ng higit sa tatlong world title bouts, kung saan tumabla sina Brandon Vera at Eduard Folayang sa pangalawa. Inaasahan ni Zamboanga na ang laban na ito ang pinakamatinding pagsubok ni Pacio, bagama’t siya ay magpapasaya nang husto para sa kanyang kababayan.

Unvaccinated NBA players, may weekly COVID-19 test

ni MC / Anthony E. Servinio - @Sports | September 2, 2022

Sasailalim sa lingguhang testing ang mga NBA players at staff na hindi bakunado laban sa COVID-19 para sa 2022-23 season.

Inanunsiyo ng NBA ang alituntunin sa isang memo na ipinadala sa teams noong Martes.

Ayon sa Associated Press, exempted sa Liga ang "recently recovered" mula sa infection at clear na rin ang kondisyon mula sa kanilang team physician , league physician o government authority."

Bilang dagdag, ang players at staff ay nirerekisa na sumailalim sa testing kapag may nararamdamang sintomas anuman ang status ng bakuna. Nire-required din silang mag-report kapag may nasuring positibo sa mga kasama nila sa bahay.

Karamihan sa NBA players ay bakunado. Hinihikayat din ng liga ang players na ipa-up-to-date ang kanilang vaccination status, kabilang na ang inaabangang booster para sa Omicron variants. Hindi na requirements ang facemasks pero rekomendado sa indoors at mga lugar na may mataas na positivity rates.

Ang alituntunin ay ayon na rin sa kasunduan sa National Basketball Players Association.

Mula na rin sa unang preseason policy na kinakailangan na ang unvaccinated players ay sumailalim sa araw-araw na testing bago maging bahagi ng anumang team activities o pagpupulong sa iba pang personnel.

Napuwersa ang NBA na i-postpone ang ilang mga laro noong winter nang magka-outbreak ng Omicron variant sa liga.