CTG Pilipinas 3x3: Anderson, Tallo at Desiderio, abangan

ni Anthony E. Servinio / MC - @Sports | November 17, 2022

Muling masisilayan ng fans ang mataas na kalidad na 3x3 action ng Chooks-to-Go Pilipinas CTG Quest 2.0 sa Ayala Malls Solenad 3 sa Sabado, Nob. 20.

Isa sa makaka-excite sa fans ang pinakaabangang paboritong players na maglalaro ng live o online. Si Mac Tallo ng Cebu Chooks ay ika-84th sa world FIBA 3x3 individual rankings, siya rin ang highest-ranked Filipino player sa 3x3 basketball. Siya ang tinaguriang SpidaMac ang palagiang inaabangan.

Bilang aktor, hindi naman maikakaila ang pagmamahal ni Gerald Anderson (Botolan Hayati) sa larong basketball kung saan naipakikita rin niya ang husay sa paglalaro nito.

Regular na rin ang aktor sa mga Chooks-to-Go 3x3 tournaments mula pa noong 2019 nang maglaro sa Marikina. Mamumuno siya sa Botolan team.

Si Paul Desiderio (Talisay EGS) ay nasa team na bago lamang sa 3x3 basketball at sasabak sa Chooks-to-Go Pilipinas Quest 2.0 na underdog. Ang pagbalik ni Desiderio sa competitive basketball ay kakampi ang all-Cebuano squad.

Dagdag pa ang Davao native at dating UE Warrior Leon Lorenzana sa Manila Chooks.

Sariwa pa ang kampanya ng Manila Chooks sa FIBA 3x3 NEOM Super Quest sa Saudi Arabia kung saan nabigo sila 18-19 sa Olympic champion at world number 3 Riga ng Latvia.

Si Leon Lorenzana (Manila Chooks) sa taas na 6-foot-4 ang pinakamaliit sa Manila Chooks roster kung saan ipaparada sina 6-foot-10 Henry Iloka, 6-foot-6 Dave Ando, at 6-foot-5 Dennis Santos. Tampok din si Hamadou Laminou (Quezon City) na six-foot-eight Cameroonian na lilider sa Quezon City team na pawang beterano. Nasa Quezon City rin sina dating UAAP juniors mythical five team member Reinier Quinga, veteran Jonix Rosales, at former FEU Tamaraw Jeson Delfinado.

Novino at Napoles, bida sa judo ng Martial Arts Fest

ni VA / MC - @Sports | November 16, 2022

Bumida sina Sophia Nicole Novino at Rhian Napoles sa kani-kanilang weight categories sa judo ng 8th Philippine Sports Commission Women’s Martial Arts Festival na idinaraos sa Philippine Judo Federation training gym sa loob ng Rizal Memorial Sports Complex sa Maynila.

Nanguna si Novino, ang sophomore ng National Academy of Sports sa women’s -44kg division matapos umiskor ng ippon win (1-0) kontra Mikeighla Louise de Vera ng Baguio Judo Club habang si Gabrielle Lorine Dizon at Princess Maurine Villafranca ang naka-bronze medals.

Ang 6-day event ay bahagi ng unang preparasyon ng bansa para sa 6th Asian Indoor Martial Arts Games sa Bangkok, Thailand sa 2023, eksaktong 365 na araw matapos ang closing ceremony ng WMA Festival sa Huwebes.

Ang iba pang gold medalists sa judo ay sina Analyn Dino (-52kg), Samara Nina Vidor (-57kg), Maegan Motilla (-63kg), Raphaela Estrada (-70kg) at Francesca Michaela Roces (+70kg).

Sa Rizal Memorial Coliseum, nagpakitang husay din sina national wrestlers Jiah Pingot at Grace Loberanes. Tinalo ni Pingot si Lady May Carabuena ng Mandaluyong City para sa gold medal sa freestyle -53kg senior habang ginapi ni Loberanes si Kimberly Jhoy Bondad sa traditional wrestling 57kg.

Nakaginto rin sina Cathlyn Vergara (classic 52kg), Mary Jhol Cacal (58kg), Jean Mae Lobo (63kg), junior grapplers Melissa Tumasis (52kg), Nicole Pinlac (58kg), Rhea Cervantes (63kg), Amber Arcilla (57kg at Nashica Tumasis (freestyle 53kg).

Habang isinusulat ito ay idinaraos ang kompetisyon sa arnis habang ang sambo, taekwondo at muay ay magsisimula sa Miyerkules.

Cardinals, tinambakan ang AU; Coach Tiu, pinuri ang Blazers

ni Gerard Arce / MC - @Sports | November 10, 2022

Nagsusumikap ang Mapua University Cardinals na buhayin ang pag-asa sa Final 4 nang sungkitin ang ika-apat na sunod na panalo at tambakan ang Arellano University Chiefs sa iskor na 67-47 sa unang laro ng 98th NCAA men’s basketball tournament kahapon sa FilOil EcoOil Centre sa San Juan City.

Nanguna sa opensiba ng Mapua si Juaqui Garcia sa game-high 13pts, 2 rebounds at tig-isang assist at steal kasama ang 3-of-6 sa tres, habang may ambag si Adrian Nocum na 10pts at Jomer Mercado sa 10pts upang umangat sa 6-9 kartada katabla ang Arellano.

Kontrolado ng last season runner-up ang kabuuan ng laro ng itala ang 36-21 sa halftime at palobohin sa 28 puntos ang kalamangan, kung saan mas lalong tumindi ang depensa sa third period ng limitahan lamang sa 7 puntos ang Arellano.

Samantala, isa si Terrafirma Dyip import Lester Prosper na nakapanood ng video sa insidente ng pananakit ni JRU player John Amores sa laban ng Bombers kontra CSB Blazers noong Martes ng gabi.

Sa kanyang socmed post, sinabi ni Prosper sa JRU player na nais niyang makausap ito ng personal sa isang dinner. "I got some advice for you king to help save your career and what you can do to be better moving forward," saad ni Prosper. "We don’t give up on each other."

Naging proud naman si Benilde head coach Charles Tiu sa kanyang players na naging kalmado lang matapos ang insidente na ipinahinto kaagad ng Management Committee.

"It's an unfortunate situation but I can say I'm in a way proud that for the most part, our guys held it together and didn't fight back because to us, we're just trying to play basketball and our goal is to win a championship," isang kampanteng saad ni Tiu. "We're not out there to start fights or hurt people."

Pananagutan ni Amores ang pananakit kina Benilde players Taine Davis, Jimboy Pasturan, at Migs Oczon.