Gomez, silver sa shotgun, Messi, tinalo ng Saudi

ni MC - @Sports | November 25, 2022

Nasungkit ni athlete-actor Richard Gomez ang silver medal sa 4th FITASC (Fédération Internationale de Tir aux Armes Sportives de Chasse) Asian Sporting Championships (senior category) na ginanap sa Photaram, Thailand, noong Nobyembre 16 at 17.

Nakuha rin ng mambabatas ang ika-4 na puwesto sa Asian Senior Sporting Championship para sa Sporting Clay. “Salamat Panginoon sa tagumpay! Nanalo ako ng 2nd place para sa Asian Senior Champion para sa Compak Championship at ika-4 na pwesto para sa Asian Senior Sporting Champion para sa Sporting Clay. Mabuhay ang Pilipinas!” ani Gomez sa kanyang social media page.

“Ako ay lubos na nagpapasalamat sa aking mga kaibigan, pamilya, Juliana at sa aking asawang si Lucy sa pagiging very supportive sa mga bagay na kinagigiliwan kong gawin tulad ng shotgun sports,” sabi rin ni Gomez.

Ang sporting clay ay isang bagong mabilis na lumalagong isport sa Pilipinas na kinabibilangan ng pagbaril ng mga lumilipad na clay target gamit ang isang shotgun. Si Gomez, na isang kilalang sharpshooter ay ang organizer ng Sporting Clays Association of the Philippines.

Nakuha ni Gomez ang pangalawang puwesto sa Senior Category matapos niyang talunin ang kanyang French na kalaban na si Philippe Delbos, ng isang puntos sa sudden-death round. May kabuuang 97 katunggali mula sa 22 bansa ang lumahok sa kompetisyon sa pagbaril.

Samantala, gumawa ang Saudi Arabia ng isa sa mga pinakamalaking upset sa kasaysayan ng World Cup ngayon Martes matapos talunin ang Argentina na pinangungunahan ni Lionel Messi 2-1 sa isang kahanga-hangang laban sa Group C.

Inaasahan ng marami na ang koponan ng Timog Amerika, na nasa ikatlo sa mundo, na walang talo sa loob ng tatlong taon at kabilang sa mga paborito na manalo sa torneo, ay wawalisin ang kalaban nito na ranked 48 sa mundo.

Loman, impresibo, pinasuko si Fernandes sa ONE Prime 4

ni MC - @Sports | November 20, 2022

Naging malakas sa bantamweight title shot si Stephen Loman nang dominahin ang dating kampeon na Brazilian na si Bibiano Fernandes sa main card ng ONE on Prime Video 4: Abbasov vs. Lee noong Biyernes ng gabi.

Impresibo si "The Sniper" nang talunin ang highly-decorated grappler sa sarili niyang estilo, pinahina si Fernandes sa ilang sunod na pressure para sa unanimous decision win sa kanilang 153-pound catchweight bout. Sa panalo, pumosisyon si Loman sa posibleng laban kontra sa magwawagi sa title rematch sa pagitan nina Jon Lineker at Fabriacio Andrade. "The game plan went well," ayon sa Team Lakay stalwart matapos ang panalo. "I was confident with my striking and wrestling. He's a former champion is a legend in the sport and he's tough."

Sa opening bell pa lamang, pinulbos na agad ni Loman si Fernandes ng mga sipa, na hindi natitinag laban sa maaring takedown attempts ng BJJ specialist. Ginulat din niya ang Brazilian nang umiskor ng takedown at ground and pound assault.

Humina si Fernandes pagpasok sa third round na habol pa rin ang paghinga, kaya ito na ang tsansa ni Loman na tapusin siya. Muling pinabagsak ng Pinoy si Fernandes sa ground sa huling bahagi ng laban. "Our hard work paid off," ani Loman, na nakakolekta na ng panalo kontra Fernandes, Yusup Saadulaev at Shoko Sato. Ito ang kanyangika-11 straight win niya sa 17 MMA career victory.

Samantala, sumuko naman ang teammate niyang si Kevin Belingon at natalo ito sa kanyang pagbabalik sa cage laban kay Kim Jae Woong.

Nasukol ang dating ONE bantamweight champion sa malulupit na right straight-left hook combo habang ubos ang lakas nito hanggang bumagsak ang Pinoy sa mat.

Loman at Belingon, todo handa Vs. Bibiano at Jae

ni VA / MC - @Sports | November 17, 2022

Triple ang paghahanda nina fifth-ranked bantamweight contender Stephen Loman at dating bantam champion Kevin Belingon para sa kani-kanilang mga kalaban.

Sasagupain ni Loman si Bibiano “The Flash” Fernandes, habang sasalubungin ni Belingon si “The Fighting God” Kim Jae Woong sa bantamweight division sa dalawang kapana-panabik na salpukan sa ONE Fight Night 4: Abbasov vs. Lee sa Sabado ng umaga sa Singapore Indoor Stadium.

Dahil ilang beses na nakalaban ni Belingon si Fernandes, kaya ginagabayan nito ang kanyang nakababatang kasamahan sa pinakamalaking laban sa kanyang karera. “For sure I’ve shared a lot of things with Stephen, things that I’ve experienced with Bibiano. I’ve given him some tips entering this match,” ani Belingon, na apat na beses na lumaban kay Fernandes.

“I think he has really prepared well and he’s at an advantage against Bibiano. Naging smooth ang training niya, solid ang preparation niya, so I expect great things.”

Nang tanungin kung ano ang natutunan niya sa kanyang teammate, pabiro ang sagot ni Loman. “Sinabi niya sa akin na kaya kong talunin si Bibiano dahil matanda na siya,” natatawang sabi niya.

Samantala, muling magiging host ang Pilipinas sa isa sa mga preliminary event ng Volleyball Nations League men’s tournament sa 2023.

Inihayag ng liga noong Biyernes na ang Pasay City ang magiging venue para sa ilan sa mga laro sa Hulyo 4-9. Makakalaban ng Pilipinas sa Philippine leg ng torneo ang Japan, China, Slovenia, Brazil, Poland, Italy, Netherlands, at Canada. Noong nakaraang Hunyo ang Araneta Coliseum sa Quezon City ay nag-host ng mga laro para sa parehong men’s at women’s tournament sa Philippine leg ng VNL.

Bukod sa Pasay City, ang iba pang host city para sa men’s tournament ay ang Ottawa, Canada; Nagoya, Japan; Rotterdam, Netherlands; Orleans, France; at Anaheim sa California, USA.