One week after manganak si Miss World… MIKAEL AT MEGAN, PROUD NA IDINISPLEY SA IG ANG UNANG ANAK

ni Beth Gelena @Bulgary | May 30, 2025

Photo: Mikael at Megan - IG

Masayang ibinalita ng celebrity couple na sina Megan Young at Mikael Daez ang kanilang bundle of joy sa kanilang Instagram (IG) account. Very proud parents sila sa pag-welcome ng kanilang unang baby.

Sa IG ng Kapuso actress, masaya niyang inanunsiyo na siya ay nanganak na. Ipinost din ni Mikael ang photo ng una nilang anak ni Megan.

“Welcome to the outside world, our little one! It’s been a week with him and we’re filled with so much love,” ani Megan sa kanyang IG.

“An explosion of overwhelming emotions, new chapter unlocked,” ani naman ng proud father na si Mikael.

Komento ng mga netizens: “Most anticipated Miss World baby yarn!”

“No words can express how happy I am for you both.”

“OMG! Congrats, Queen! Welcome to the journey of motherhood!”

“Finally! Congratulations, Megs and hubby! Welcome to the world, Baby Jin!”

“Our Best Miss World ever will be the best momma to her bebe. Congratulations, Megan!”

---

MAGMULA nang dumating sa buhay ni Albie Casiño ang anak na si Baby Roman ay ang laki ng impact nito sa aktor.

Ibinahagi niya sa kanyang Instagram (IG) page ang kanyang larawan habang karga-karga ang anak.

Nang malaman daw niya noon na magkakaroon na siya ng anak ay inatake siya ng takot. Pero nang dumating na si Baby Roman, naiba na ang takbo ng kanyang buhay.

Aniya sa isang panayam, “I was always worried that I’d let myself go once I had a child. But having Roman just gave me more motivation to stay in shape to be a good example.”

Giit pa ni Albie, para rin ito sa kanyang kalusugan at masigurong mas mapangalagaan ang pamilya.

“Any dads out there who want to get their fitness journey started, send me a message. Let’s ditch the dad bod for a father,” sey ng aktor.

---

BALIK-ACTING na si Angelica Panganiban, pero hindi sa TV o movies kundi sa teatro!

Present si Angelica sa meeting ng Virgin Labfest bilang debut ng play na Don’t Meow For Me, Catriona (DMFMC) na parte ng Virgin Labfest’s 20th year.

Paano muling napaarte ang Kapamilya actress? 

Ani Angelica, kasama niya ang kaibigang direktor na si Andoy Ranay nang may makasalubong silang kaibigan at tinanong siya kung gusto niyang umarte sa teatro.

“Sabi ko, ‘Sure!’ Chinarot-charot ko lang sila, ‘di ko naman akalain na seryoso pala,” ani Angge.

Nang matanggap niya ang material at nabasa, agad daw na nag-sink-in sa kanya ang karakter.

“Ever since talaga, may interest ako (sa theater), may mga nagtatanung-tanong naman noon. But apparently, schedule at lakas ng loob, wala pa ako noon,” wika ni Angge.

Matagal ding nabakante sa pag-arte si Angge kaya may doubt siya sa sarili kung kaya pa ba niya.

“Nu’ng in-offer nila sa akin ‘yung script nila, ‘Direk,’ sabi ko, ‘Lumundag ako, hinayaan kong lamunin ako nu’ng takot ko, nu’ng doubts ko sa sarili ko and patunayan ko sa sarili ko na

kaya ko talaga,’” pakli niya.

Ang mga kaibigan ni Angelica, family at colleagues ay excited nang mapanood ang pagbabalik-acting niya.

Katunayan, sa opening at closing daw ng play ay sold-out na ang tiket. 

Ang co-actor niya sa play na si Peewee O’Hara ay all-praises kay Angelica. Bale reunion project nila ito dahil una silang nagkasama sa Santa Santita (SS).

Mapapanood ang VLF XX: Hinog sa June 11 to 29 at the Tanghalang Ignacio Gimenez of the Cultural Center of the Philippines (CCP).

Garden, salon at bahay, next na ibibigay… RITA, PROUD NA NAILIBRE SA BORACAY ANG MADIR

ni Vinia Vivar @Frankly Speaking | May 24, 2025

Photo: Rita Daniela - FB

Binigyan ng bonggang bakasyon ni Rita Daniela ang kanyang ina matapos itong makalampas sa remission stage ng breast cancer.

Sa kanyang Instagram ay ipinost ng Kapuso actress ang mga larawan ng bakasyon nila sa Boracay ng kanyang ina at unico hijo na si Uno.

“(Year) 2019, my mom was diagnosed with Breast Cancer. To cheer her up, I promised her that I will bring her to Boracay, eat good food, rest and spend time. 

“Time really is precious since that moment came to us but Pandemic happened, I gave birth, I became a first time mom. I wasn’t able to fulfill my promise right away,” simula ng caption ni Rita.

At ngayong taon nga ay nalampasan na raw ng ina ang remission stage kaya deserve nito ang bakasyon.

Ayon sa Google, “Remission, by definition, is when symptoms of a disease (like cancer) lessen or go away for a period of time. You can have partial or full remission. It can last for months, years or the rest of your life. Remission isn't the same thing as a cure.”

Patuloy ni Rita, “Grateful for God by giving me this chance of fulfilling one of my promises to her. What a treat from a child’s and daughter’s heart. Such a treat when you see your parent/s happy and the happiness comes from within.”

Sa ngayon ay may tatlo pa siyang pangako sa ina and Rita assured her mom na tutuparin niya ito.

“Garden, Salon at Bahay na lang, Ma. Aabot din tayo doon. Uno and I love you!” mensahe ng aktres sa ina.

---

GABI-GABI pa ring sinusubaybayan ng mga Pilipino ang maaaksiyong bakbakan ni Coco Martin a.k.a. Tanggol sa FPJ’s Batang Quiapo matapos itong magtala ng 24.78% average na pinagsamang national TV rating noong Mayo 1 to 20 para manatiling most-watched teleserye sa bansa.

Ang Kapamilya teleserye nga ang nangungunang programa sa primetime matapos nitong magrehistro ng halos dobleng national TV rating mula sa urban at rural homes ayon sa datos ng Kantar Media. 

Patuloy ang pamamayagpag ng FPJ’s Batang Quiapo sa national viewership charts mula noong umere ito noong 2023 sa Kapamilya Channel, A2Z, at TV5.

Bukod sa telebisyon, namamayagpag din ang serye sa online viewership. Para sa Mayo 1 hanggang Mayo 18, nakapagtala ito ng higit 100 million views para sa pinagsama-samang full episodes at highlights nito sa YouTube. Kumpara ito sa 4 million views na nakuha ng katapat na serye para sa parehong panahon. 

Patuloy na kinakapitan ng mga Pilipino ang pakikipagsapalaran ni Tanggol sa mas pinalakas na maaaksiyong engkuwentro bilang ang nag-iisang tagapagmana ng kayamanan ng pamilya Montenegro. 

Lagi ngang trending sa social media ang mga eksena at karakter nito kung saan patok na patok sa mga manonood ang halu-halong emosyon, drama, at aksiyon. 

Taos-pusong nagpapasalamat ang lahat ng bumubuo sa FPJ’s Batang Quiapo sa walang-sawang suporta ng mga manonood na gabi–gabing sinusubaybayan ang buhay ni Tanggol sa TV at online. 

Napapanood gabi-gabi ang FPJ’s Batang Quiapo gabi-gabi, 8 PM, sa Kapamilya Channel, A2Z, TV5, iWantTFC, at Kapamilya Online Live.

Ipinasilip na… BABY NI TOM, MESTIZO

ni Nitz Miralles @Bida | May 20, 2025

Photo: Tom Rodriguez - IG

Parang malapit na ang face reveal ng baby boy ni Tom Rodriguez dahil sa bagong reels post ng aktor, side view na ni Baby Korben ang ipinakita. Ang left side ng face at body nito ang ipinasilip habang naglalaro. Nang lilingon na si baby, ayun, puro heart emojis na ang nakita.

Mestiso si Baby Korben, maputi, at parang auburn ang color ng hair nito at nanggigil ang mga netizens sa braso nito.

Waiting na ang lahat sa face reveal ni Baby Korben, kailan kaya?

Ang cute pati ng caption ni Tom sa reels post sa baby niya at kinowt si Tommy Mott from Love at First Sight. Ang sabi, “Never knew love could be so small. Ten tiny fingers say it all. My whole world is wrapped in cotton white. Learning how to love at first sight.”

May sariling caption si Tom at ramdam mo ang kakaiba nitong saya sa pagkakaroon ng baby boy.

Aniya, “Every day with you has been a quiet kind of magic, my son. Your laughter fills our home, your wonder fills our hearts, and your presence—however small—has made our world infinitely bigger. Your momma and I still catch each other smiling and asking, how did we ever get this lucky? And we meant it, every single time.”

Masayang basahin ang comments ng mga friends and fans sa baby ni Tom at walang nagpe-pressure sa kanya na ipakita na ang face ni Baby Korben.

---

Grad surprise sa anak… YAYA NI FRANKIE, DINALA NINA KIKO AT SHARON SA US

NAG-POST na nga si Sharon Cuneta ng photos sa graduation ni Frankie Pangilinan sa The New School sa New York City. 

Worth it na mas inuna ni Kiko Pangilinan ang graduation ng eldest nila ni Sharon kesa proklamasyon niya dahil kita ang saya ni Frankie na present ang parents niya and her siblings.

Ramdam din ang pagmamalaki ni Sharon kay Frankie sa mga caption nito sa kanyang post, gaya ng: “Our fresh grad!!!” na nakasuot ng toga si Frankie.

Sa isa pang photo, after the graduation ceremony na yata at nasa Chinatown sa NY sila, ang sabi ni Sharon, “Reunited.”

May malaking sorpresa sina Kiko at Sharon kay Frankie, isinama nila paglipad sa NY ang isang taong mahal at very close kay Frankie.

Aniya, “Our surprise for @frankiepangilinan on her grad was her Yaya Irish! We brought her with us because she has taken care of Kakie for years now and they are so close.”

Sa photos, makikita ang mahigpit na yakapan nina Frankie at Yaya Irish niya na pati netizens, natuwa. Siyempre, marami rin ang nag-congratulate kay Frankie mula sa mga friends nina Sharon at Kiko, at pati na sa mag-asawa.

Sa dami ng congratulatory messages, may mangilan-ngilan na nagtanong kung papasukin daw ba ni Frankie ang pulitika? Kapag pumasok daw ito sa pulitika, second generation na siya ng Pangilinan sa politics.

---

MAY rason maging proud si Ruru Madrid sa girlfriend niyang si Bianca Umali dahil kahit teaser pa lang ng Encantadia Chronicles: Sang’gre (ECS), pinupuri na si Bianca. 

Excited na ang mga fans na makilala ang gagampanan nitong karakter na si Sang’gre Terra at kung ano ang ipapakita niya sa ginagampanang karakter.

Mahabang paghahanda ang ginawa ni Bianca bago simulan ang taping, pisikal na paghahanda dahil may training siya sa arnis at iba pang klase ng physical training para hindi ma-shortchanged ang mga viewers.

Mga comment na, “She’s perfectly fit for her role,” “Ang husayyyyy,” “Ang angas,” at “Super hot mo Terra,” ang ilan sa mga mababasa.

Inaabangan din ang backstory ni Terra at ang story kung bakit parang bulag siya.

Sa excitement ng Kapuso viewers, gusto nilang ngayon na umere ang Sang’gre na hindi naman puwede at kailangan pang tapusin ang Lolong: Pangil ng Maynila (LPNM) na bida naman ang jowa ni Bianca na si Ruru Madrid.

Overwhelmed si Bianca sa positive reaction sa teaser ng Sang’gre. Nakakatunaw daw ng puso ang feedback at worth it ang lahat ng hirap nila ng buong cast. 

Hindi raw madali ang naging trabaho nila, kaya very proud silang lahat.

“Ibang experiences at emosyon ang idine-dedicate ko sa show na ito. Dalawang taon ng buhay ko. We all did our best,” wika ni Bianca.