Pamilya niya, kahit apektado… ENZO, PABOR NA MAWALA ANG POLITICAL DYNASTY SA ‘PINAS

ni Julie Bonifacio @Winner | December 8, 2025

Photo: FB Enzo Pineda

Six years na ang relasyon ni Enzo Pineda at ng girlfriend niyang si Michelle Vito kaya abangers na ang mga fans nila sa kanilang wedding.

Tinanong namin si Enzo regarding this noong nagkaroon kami ng chance na makausap siya sa mediacon ng movie nila na one of the official entries sa 2025 Metro Manila Film Festival (MMFF), ang Bar Boys 2: After School (BB2AS).

Ayon kay Enzo, “Kami naman po ni Michelle, siguro malalaman n’yo na lang po. We are on that stage and at the same time, uhm, pinag-uusapan din namin s’ya (kasal), even life being a married couple.

“Pinag-uusapan na namin ‘yung mga bagay na ganu’n. And for me, it’s all about God’s perfect timing. I pray for it. At the same time, kumbaga, I pray that I could be a good partner to Michelle. A good husband kung magye-yes po s’ya sa akin. And I also pray for, I guess, financial success. Uhm, mainly because I want to have a family with her, put up a house. So more of those things na ang iniisip ko.”

Samantala, muling ginagampanan ni Enzo ang character niya bilang si Atty. Christian Carlson sa BB2AS. Isa siya sa mga original cast ng first Bar Boys (BB).

“I’m one of the OGs sa Bar Boys. I play a lawyer, successful lawyer from New York.

Nagbabalik po ang character ko rito para mag-reunite kami ng barkada. At the same time, to fix my personal issues with my family,” kuwento ni Enzo.

Palabas na ang BB2AS sa December 25. This is the first time na nagkaroon ng movie si Enzo sa MMFF sa loob ng 15 taon niya sa showbiz.

“And definitely, this is a surreal experience for me. Ang tagal ko ring hinintay ito. Bilang artista, dating pinapangarap kong maging parte ng MMFF. After 15 years, finally, I could say I am part of it because of Direk (Kip Oebanda), because of our family,” pahayag ni Enzo.

Hopeful si Enzo na may laban ang pelikula nila pagdating sa awards and box office sa December 25.

“I do believe as an ensemble cast, may laban kami. I do believe that, especially with Ms. Odette Khan, she has a chance to win an award for this project and I hope she does. She deserves it. 

“Sa tagal na po sa industriya ni Ms. Odette Khan, ‘di po s’ya nagbago. Ganoon pa rin s’ya kagaling simula nu’ng Bar Boys 1 hanggang nu’ng Bar Boys 2,” dasal pa ni Enzo.

Samantala, may ibang pananaw si Enzo Pineda sa nais ng direktor na si Kip Oebanda na tanggalin ang political dynasty sa bansa.

Aminado ang aktor na kabilang ang pamilya niya sa tinatawag na political dynasty. Sinubukan din ni Enzo na tumakbo bilang councilor sa Kyusi last election pero hindi siya nagwagi. At the same time, direktor ni Enzo si Kip sa BB2AS.

Sey niya sa aming exclusive interview sa kanya sa mediacon, “Of course, may questions po. S’yempre, part of the Pineda family. Connected po ako du’n and ako naman po, agree po ako ru’n.

“Pero it’s not just for me, dynasty is about paulit-ulit ‘yung same family member na ibinoboto. Pero for me, what’s important is iboto ang karapat-dapat.

“Dynasty does a big part pero what’s important is iboto natin ‘yung taong may puso talaga na tumulong. And for me, this gives more people the opportunity to try public service.

“Uh, ang dami pong nangyayari sa mundo ngayon. Ang daming nangyari sa bansa natin ngayon. So, we need new breed of public servants, new breed of heroes as well. At sana po, itong pelikula naming Bar Boys ay makapagbigay ng boses sa mga taong nangangailangan to step-up and to fight what is right.”

Bida rin sa Bar Boys 2: After School sina Carlo Aquino, Rocco Nacino and Kean Cipriano, kasama ang new generation of stars na sina Will Ashley, Emilio Daez, Therese Malvar, Sassa Gurl, Klarisse de Guzman at Glaiza de Castro.

Christmas gift ni Carlos? CHLOE, MAY SUOT NA P1M SINGSING

ni Julie Bonifacio @Winner | December 6, 2025

Photo: IG _chloeanjeleigh

Idinispley ng girlfriend ni Olympic gold medalist Carlos Yulo na si Chloe San Jose ang kanyang braless cream silk dress sa recent Instagram (IG) post niya.

Napakaseksi ng outfit ni Chloe dahil litaw ang side ng bandang dibdib. Almost kita na ang magkabilang gilid ng kanyang boobs.

At sa lower part naman ng damit, bukod sa mataas na slit ay meron pang butas sa isang gilid ng kanyang balakang. Kaya hirit ng mga netizens, wala ring suot na underwear si Chloe.

Pero ang isa pang hindi nakaligtas sa mga mata ng mga netizens ay ang suot na singsing ni Chloe.

Sey ng isang netizen, “That rubellite ring is sooo Christmas coded! Happy Holidays, Chloe & Carlos!”

Nag-reply lang si Chloe ng mga emojis na stars, Christmas tree at red heart.

Ayon sa Google, nagkakahalaga ang isang rubellite ring ng mahigit P1 million.

Hindi kaya ang rubellite ring ang Christmas gift ni Carlos Yulo kay Chloe San Jose? Or puwede ring engagement ring, ‘di ba?

---

Puring-puri ni Will Ashley ang kanyang direktor sa Bar Boys 2: After School (BB2AS) na si Kip Oebanda. Kung sa loob ng Pinoy Big Brother (PBB) house ay hindi umiyak si Will kahit minsan, sa shoot ng pelikula, siyam na beses umiyak ang young actor.

Pahayag ni Will, “Actually, ‘yun nga po ang pinag-usapan namin ni Direk Kip, eh, nu’ng paglabas ko ng Bahay ni Kuya. Kasi after po ng Big Night (PBB) namin, mga 3 to 4 days, nag-shoot na po agad kami para sa Bar Boys 2: After School.

“Nu’ng nagwo-workshop po kami, laging sinasabi sa akin ni Direk Kip na parang lumalim nga raw po o lumawak ‘yung range ko. Feeling ko rin nga po kasi, ang tagal ko rin pong nakulong du’n sa Bahay ni Kuya.”

Nakausap namin si Will sa mediacon ng BB2AS na isa sa official entries sa 2025 Metro Manila Film Festival (MMFF).

Bukod sa BB2AS, may isa pang pelikula si Will na ipapalabas sa December 25. Pero bago mag-Pasko ay may parada muna ang lahat ng entries. Mapagbigyan kaya niya na sumakay sa float ng dalawa niyang MMFF entries?

Paliwanag ni Will, “Bale ‘yun nga po, ‘yung parang first lead role ko and kasama po s’ya (BB2AS) sa MMFF. But siyempre, ita-try ko pa ring i-balance of course.

“Kasi itong dalawang pelikula ko, malapit po talaga sa puso ko. At saka malaki po talaga ang impact sa akin, ibina-value ko po talaga nang sobra. So let’s see, let’s see po, baka puwedeng lumipat. Puwede naman pong dalawang floats ang masakyan, ganyan. Why not, ‘di po ba?”

As early as now, ang dami na agad na-accomplish ni Will paglabas niya ng Bahay ni Kuya. Dati kasi ay pa-support-support lang ang aktor.

“Actually, sobrang nakaka-shocked pa rin ang mga pangyayari kasi sobrang biglaan po, eh. Nagulat lang din po ako na biglang paglabas ko, wow! Ganu’n na ‘yung naging takbo ng karera ko,” lahad niya.

Dagdag pa ni Will, “But at the same time, ‘pag binabalikan ko ‘yung mga araw, mga taon na ginugol ko para sa pagtupad ng mga pangarap ko, masasabi ko na kahit paano, worth it naman talaga s’ya. And nakakatuwa po kasi ‘yung mga pangarap ko lang dati ay unti-unti nang natutupad ngayon.”

Samantala, kahit pinagsasabong sila ni Dustin Yu over Bianca de Vera, dedma lang si Will.

Sey ni Will, “Ako po, I don’t really find it as competition talaga, eh. Ako, whenever po ako na binibigyan ng trabaho, ginagawa ko lang po ang best ko. Kumbaga, 100% lang talaga every time na character ang ipino-portray ko.

“Kumbaga, it’s up to the people na po kung paano nila tatanggapin talaga ‘yun. And s’yempre, ‘yung trust ng mga director sa akin, ‘yun po talaga ang pinakaimportante.

“Gusto ko po kasi talaga ‘pag umaarte ako, makaiwan ako ng parang lessons s’yempre. Maiwan ‘yung character, tumatak ‘yung character na ipino-portray ko.

“At gusto ko mabigyan ng magandang buhay ‘yung family ko, ‘yung mom ko at saka ‘yung sarili ko. Kaya po talaga gusto kong mag-work to entertain other people, makapag-inspire. ‘Yun po ‘yung focus ko ngayon.”

Ang 901 Studios na producer ng Bar Boys 2 ay pag-aari nina Leo Liban, Jon Galvez at Carlos Ortiz.

Ang original cast ng Bar Boys ay kasama pa rin sa BB2AS sa pangunguna nina Carlo Aquino, Rocco Nacino, Enzo Pineda and Kean Cipriano.

Vincent, naiwan sa ‘Pinas… BEA, MAG-ISANG NAG-CELEBRATE NG B-DAY SA SPAIN

ni Julie Bonifacio @Winner | November 9, 2025

Photo: Bea Alonzo

Nagniningning ang ganda ni Bea Alonzo sa launching niya bilang endorser ng NUSTAR Online last Friday. 

Kasabay ni Bea na ini-launch si Andrea Brillantes na isa rin sa mga endorsers. 

Puring-puri ng mga taga-media ang ganda at maaliwalas na aura ni Bea that night.

“Happy lang. Happiness talaga keeps you pretty,” pag-amin ni Bea.

Ngayon lang daw naramdaman ni Bea na hindi siya naghahabol at feeling balanse na ang kanyang life.

“I don’t know if it comes with age or experiences, or the people you surround yourself with. I think that’s very important because right now, there’s a certain type of, I don’t know, that comes with that happiness. So, parang okay s’ya,” sabay tango ni Bea.

Noong birthday pala ni Bea ay mag-isa lang siyang nagpunta sa Madrid, Spain – kung saan meron siyang sariling apartment – pagkatapos niyang mag-celebrate ng birthday sa Pilipinas last October 17.

“I went to Madrid last week. Nag-celebrate ako ng birthday ko dito and then I went to Madrid by myself last week. I like doing it na parang, kasi residente na ako. I like visiting and okay siya. Kasi parang local ka,” kinikilig na sabi ni Bea.

Pagpapatuloy niya, “But you know, you got to enjoy the weather. So parang that’s my happy place.”

Meron daw property manager si Bea na nagbabantay ng kanyang apartment sa Madrid.

Pagbalik niya ng Pilipinas, nag-ready na si Bea para sa malaking promotional campaign ng NUSTAR Online with Andrea.

“I like that NUSTAR is actually supporting and celebrating creativity on the big stage because we all know Filipinos are very talented, you know. And now we get to show the world what we can do,” pahayag ni Bea.

Ang #TheStarsHaveArrived NUSTAR Online Press Launch ay nagmarka ng inspiring milestone in our journey toward redefining prestige and experience.

Sa pagsasanib-puwersa nina Andrea at Bea sa event, ang kanilang kagandahan at presence ay nagpaangat ng selebrasyon sa bagong level. Ito ay isang gabi ng pagkamalikhain at pagdiriwang, isang sandali na nagpakita ng kinang ng kung ano ang darating.

May mga naka-lineup pa raw na proyekto si Bea na gagawin for the rest of the year, pero nothing’s final pa as of the moment. 

Kasabay nito ay nagpo-focus daw siya sa kanyang business at take note, sa kanyang personal life.

“But it will come. It will come ‘pag dumating ‘yung tamang proyekto. Alam mo naman ang mga artista, may etch (mood) ‘yan, eh, ‘di ba? ‘Pag nakita mo ‘yung tamang proyekto sa ‘yo, parang kahit na kalmado ako ngayon, I will get out of my shell to do something,” esplika ni Bea Alonzo.

---

PERSONAL na inihatid ni It’s Showtime host Karylle ang award ng kanyang grandfather, ang former boxing referee na si Sonny Padilla, sa bahay nito sa Las Vegas, USA.

Si Sonny ay ama ng kanyang ina na si Zsa Zsa Padilla at isang kilalang international boxing referee. 

Isa sa kanyang mga iconic boxing matches bilang referee ay ang laban ng mga boxing legends na sina Muhammad Ali at Joe Frazier III na ginanap sa Araneta Coliseum noong 1975, ang Thrilla in Manila.

Ipinost ni Karylle ang larawan nila ng kanyang grandparents sa bahay ng mga ito sa Amerika, hawak ang award ng kanyang Lolo Sonny.

Caption ni Karylle, “‘Di lang pampamilya, pang-Thrilla in Manila 50th anniversary pa.

“My lolo missed the big anniversary celebration in Araneta Coliseum last week, so I represented him when they gave him an award and I also sang the national anthem for the main event with @iamjohnsaga and @kimnemenzo_official.

“As the eldest apo, I felt it would be great to make him happy, so I flew to Vegas to bring him his award. It all worked out ‘coz I flew with my miles and road-tripped with my sister Coco and her husband Julius and the boys. Thanks, family!

“Love u all, we love you, Lolo. Get well soon (heart emojis). Thanks for all your prayers!”

Sa isang recent IG post din ni Karylle, binanggit niya na nagkita rin sila sa U.S. ni DJ Mo Twister.

“P.S. A quick visit with my boss? Radio partner @djmotwister. Who would’ve known I would help you move into your new place? Hahaha! Kidding!”

Tanong tuloy ng mga netizens, isasama kaya ni DJ Mo sa nilipatan niyang bahay ang anak nila ni Bunny Paras na si Moira, na may rare disorder?