Kapag nahilingan daw ng madlang pipol… “I’M REALLY PLANNING TO RUN AS PRESIDENT” — GOV. VILMA

ni Nitz Miralles @Bida | September 13, 2025

Photo: Atom Araullo at Karen Davila - Instagram

May bago palang title ang Star for All Seasons na si Ms. Vilma Santos-Recto — ang Star for All Generations, na paulit-ulit binanggit ni Jervi Wrightson a.k.a. Kaladkaren sa ginanap na Manila International Book Fair kahapon sa SMX Convention.

Puwede at dasurv (deserve)!!! Dahil true naman, sa lahat ng mga celebrities natin mula noon hanggang ngayon, si Ate Vi ang masasabing “star” ng lahat ng henerasyon.

Mula nu’ng mag-umpisa siya nu’ng dekada ‘60 at ngayong GenZ na ang audience ng Philippine cinema, kilala at tinatangkilik pa rin ang mga pelikula ni Ate Vi, na masasabing timeless na. At ilan sa mga ‘yan ang isa-isang nirebyu ng mga nagsulat at bumuo ng kanyang unang libro na VILMA SANTOS, ICON: Essays on Cinema, Culture & Society sa pangunguna ni Professor Augusto Antonio “Tots” Aguila, co-director ng UST CCWLS (Center for Creative Writing and Literary Studies).

Isa sa mga patunay na buhay na buhay pa rin ang mga Vilmanians (loyal fans ni Vilma) ang ginanap na book signing kahapon ng VILMA SANTOS, ICON. Muli naming nasaksihan ang mahabang pila ng mga fans sa paghihintay na personal na mapapirmahan kay Ate Vi ang binili nilang libro.

And to think na hindi pa ito formal book launching, pero more than 500 books na ang naibenta kahapon lang.

At ang nakakatuwa, kahit nakakapagod ang pagsa-sign ng bawat libro, game na game pa rin si Ate Vi na para bang hindi nakakaramdam ng pagod at talagang kinaya niyang mapagbigyan ang maraming fans with matching selfie pa sa kanya.

Anyway, dahil busy nga si Ate Vi sa book signing ng VILMA SANTOS, ICON, limited ang Q&A sa mediacon, pero sinagot naman lahat ng Star for All Generations ang mga tanong.

Isa sa mga naitanong kay Ate Vi ay kung ano’ng nararamdaman niya sa nangyayari ngayon sa pulitika.

Aminado si Ate Vi na malungkot siya sa kaguluhang nangyayari ngayon kung saan talamak na nga ang korupsiyon at mismong mga nakaupo pa sa gobyerno ang nasasangkot.

Biniro nga si Ate Vi kung bumaha rin ba sa Batangas, at dahil malakas ang pick-up ng gobernador at sharp pa rin ang kanyang isip at her age na 35 something (hahaha!), agad niyang sagot, “‘Wag n’yo akong idamay sa flood control, malinis ang intensiyon ko sa paglilingkod,” kaya nagkatawanan.

Tumatak din sa amin ang one-liner ni Gov. Vilma na “I am not a saint but definitely, I am not a devil,” na ang gusto niyang sabihin, hindi siya nagmamalinis bilang pulitiko, pero hindi siya demonyo na gagawa ng kasamaan para ikapahamak ng kanyang mga constituents.

May ibinigay ding tips si Ate Vi para hindi raw maligaw ng landas ang mga nasa public service. Ito rin daw ang gabay niya sa kanyang paglilingkod bilang governor ng Batangas.

“First, follow the law. Second, be accountable. And lastly, be transparent. Kung ito ang magiging gabay ng mga public servants, they will never go wrong,” saad pa ng minsan na ring naging mayor ng Lipa, congressman sa 6th District ng Batangas at ngayon ay gobernador uli ng lalawigan.

Samantala, naitanong ng veteran reporter na si Tito Jun Nardo kung ano’ng magiging sagot ni Gov. Vilma kung sakaling hilingan siyang tumakbong presidente dahil sa magandang record niya sa pulitika.

Game namang sumagot ang aktres-gobernadora, “I’m really planning to run as president…” na ikinagulat namin, bago niya dinugtungan ng “I’m really planning to run as president of the senior citizens.”

Hahahaha! ‘Kaaliw talaga si Gov. Vilma!

Anyway, hindi pa man officially nailo-launch ang VILMA SANTOS, ICON, inihahanda na rin daw ang filmography book ni Ate Vi at maging ang coffee table book niya.

Winner!!!

Todo-gaya sa sosyal na buhay ng aktres… NEPO BABIES, DUMAMI DAHIL KAY HEART

ni Janiz Navida @Showbiz Special | September 8, 2025

Photo: Heart Evangelista - IG

Mainit ang mata at dugo ngayon ng madlang pipol sa mga public figures na panay ang flex ng kani-kanilang lavish lifestyle sa social media lalo nga't nabungkal ang issue sa ghost flood control projects ng ilang contractors na sinasabing may koneksiyon sa ilang nakaupong mambabatas natin.

At dahil bago pa nauso ang mga “nepo babies” ay matagal nang idinidispley ni Heart ang kanyang lavish lifestyle, isa rin tuloy siya sa mga pinag-iinitan at sinisilip ngayon ng mga netizens lalo na nga't nadawit pa ang name ng kanyang mister na si Sen. Chiz Escudero sa ilang contractors na kasama sa mga flood control projects na inilantad ni PBBM.

Wala pang reaksiyon si Heart tungkol sa pagkuwestiyon sa kanyang yaman, pero ang veteran broadcast journalist na si Ramon Tulfo ay nag-post sa Facebook page nito para ipatanggol si Heart.

Aniya, kilala niya ang pamilya ng aktres na talagang bilyonaryo na kahit nu'ng wala pa ito sa showbiz dahil sila nga ang may-ari ng chain of resto na Barrio Fiesta.

May isang netizen naman ang nag-agree sa sinabi ni Mon Tulfo at dagdag-info pa nga nito, kung mayaman ang mga Ongpauco, mas mayaman ang mother side ni Heart dahil great-grandfather ng aktres si Don Juan Del Gallego, isang Spanish traveller and tradesman na nagtayo ng Del Gallego town at gumawa ng first lumber mill sa Sitio Pinagdapian.

Bukod dito, nagtayo rin daw ng chapel at school ang lolo sa tuhod ni Heart at nagbigay ng kabuhayan sa mga taga-Del Gallego.

Labing-anim daw ang naging anak ni Don Gallego at ng pinakasalan nitong si Potenciana Ubante. Isa sa 16 siblings, si Conchita Del Gallego na pinakasalan ng isang Jose Payawal, ang parents ng mother ni Heart na si Mrs. Maria Cecilia Del Gallego Payawal, na ikinasal naman kay Mr. Reynaldo Ongpauco.

So, kahit daw hindi talaga magtrabaho si Heart ay mabubuhay ito nang marangya. 

Pero dahil hardworking naman din si Heart na nagsimulang batang artista at nagkaroon din ng ilang teleserye at movies plus endorsements na umaabot na nga raw sa 50, nakapag-ipon na ito nang malaki na nagamit din niyang puhunan sa kanyang mga itinayong negosyo at pagbili ng real properties.

Sa ngayon, malakas daw ang negosyong sun serum ni Heart na Luxelle Centella na madalas ay sold-out sa physical stores nito.

Heard na partner daw dito ni Heart ang kanyang glam team, na sana naman ay hindi mauwi sa hindi maganda tulad ng kanyang past experience, ‘no?

Anyway, dahil nga sa global appeal ni Heart na nakilala sa fashion world kaya naman hindi kataka-taka na siya talaga ang ginagaya ng mga “nepo babies” na parami nang parami at panay ang flex ng kanilang mga branded na suot na damit, shoes, bags, alahas at kung anu-ano pang karangyaan.

‘Yun nga lang, tulad ng una nang nasabi ni Heart, ang kaibahan lang, ang perang ginagamit niya ay pinagpapaguran daw niya at hindi galing sa pera ng kanyang mister na Senate President.

Ang siste lang, kahit ipagdiinan ito ni Heart, ayaw siyang tantanan ng mga bashers niya at ang isa pa ngang iniisyu naman sa kanya ngayon ay kung bakit wala raw siya sa listahan ng mga top taxpayers ng bansa tulad noon ni Kris Aquino.

May isa pa ngang nag-comment na buti pa ang singer na si Darren Espanto, pasok sa mga celebrity taxpayers, pero bakit si Heart, wala?

Well, tingnan natin kung may iba ring magtatanggol kay Heart sa isyung ‘yan.

Baka may opinyon uli si Mr. Ramon Tulfo, hindi kaya?

Game sa mas bata… VINA, NAGSALITA NA SA RELASYON NILA NI JAKE

ni Janiz Navida @Showbiz Special | August 31, 2025

Photo: Vina Morales - FB

Hindi halatang 4 na dekada na sa showbiz industry ang tinaguriang Ultimate Performer na si Vina Morales dahil wala sa hitsura niya ang kanyang edad na 49.

Nakaharap at nainterbyu namin si Vina recently sa Spotlight mediacon ng Star Magic na kanyang talent management.

Proud na proud si Vina na tumagal siya ng 40 yrs. sa industriya na never siyang napahinga talaga nang matagal at nawalan ng mga projects.

In fact, sa edad niya ngayon at kahit pa nagkaanak na siya, isa pa rin si Vina sa mga in demand actresses natin.

Imagine, nagkaroon siya ng kanyang Broadway debut sa disco musical na Here Lies Love na tungkol sa life story ni former First Lady Imelda Marcos kung saan gumanap siya bilang si Aurora Aquino, ina ni the late Sen. Ninoy Aquino.

At ngayon, regular naman siyang napapanood sa GMA Afternoon Prime seryeng Cruz vs. Cruz na pinagbibidahan nila nina Gladys Reyes at Neil Ryan Sese.

Para kay Vina, hindi sapat na talent lang ang puhunan para tumagal ng 40 yrs. sa showbiz. Mas malaking factor pa rin daw ang attitude, ang magandang pakikisama sa lahat mula sa pinakamaliliit na manggagawa hanggang sa mga bossing at ‘yung tahimik ang buhay niya at wala siyang nakakaaway. 

Aminado si Vina na marami rin siyang pinagdaanan sa showbiz at dumaan din sa panahong laging naiintriga ang kanyang love life. Minsan ay nakakaramdam din daw siya ng pagod, especially nu'ng peak ng kanyang career sa Viva Films.

But thankful siya sa kanyang support system, ang family at mga bosses niya na naging karamay niya sa mga ups and down sa personal and career life niya, kaya hindi naman daw siya umabot sa point na gusto na niyang iwan ang showbiz.

Sa ngayon, aminado si Vina na wala man siyang love life ay okay naman siya. Pero siyempre, ipinagpe-pray pa rin niya na may dumating at ‘yung talagang ibibigay na raw ni Lord na karapat-dapat ang mapangasawa niya, hindi ‘yung kung sino ang gusto niya para hindi na siya magkamali sa pagpili.

Wala raw siyang taga-showbiz na suitor ngayon, pero may mga pulitikong nagte-text na ine-entertain naman niya. Mas maingat na lang daw siya siyempre sa pagpili para ‘yung susunod ay ‘yun na talaga si Mr. Right.

Samantala, minsan din palang na-link si Vina sa ex ni Andi Eigenmann na si Jake Ejercito kaya ipinalinaw na rin namin sa kanya kung ano talaga ang real score sa kanila ng anak ni former Pres. Joseph Estrada.

Diretsong sagot ni Vina na in fairness, mukhang sincere naman, “Hindi (nanligaw). Good friend ko ‘yun.”

Pero kung sakaling may younger guy na manligaw sa kanya, open siyang magka-BF ng mas bata?

“I cannot control them, ‘di ba? I cannot stop them naman, ‘di ba?” ani Vina kasunod ang malakas na tawa nang sabihin namin sa kanya na “Why not? You don't look 40 something.”

“Well, let's see,” pagtatapos ni Vina.

---

BUKOD kay Vina Morales, iniharap din sa media sa Spotlight presscon ang grupong WRIVE na binubuo nina Asi Gatdula, Ishiro Incapas, Russu Laurente, Drew Amahan at Matthew Cruz.

Tulad ng SB19 at BGYO, P-Pop boy group din ang WRIVE na nabuo mula sa Dream Maker show ng ABS-CBN.

Honestly speaking, hindi super heartthrob looking ang 5 members ng WRIVE pero ‘pag nagsimula na silang kumanta at sumayaw, du'n na lumalabas ang malakas na appeal nila dahil very talented sila at hindi puwedeng hindi mo lingunin ang performance nila.

Si Asi ang pinakalider ng grupo na ang ganda ng boses kahit acapella, although ‘di rin naman pahuhuli ang apat na magagaling ding kumanta at sumayaw.

Ang dream daw nilang maka-collab ay ang idol nilang SB19 at si Sarah Geronimo.

Opisyal na nag-debut ang grupo nu'ng 2025 sa kanilang digital single album na binubuo ng Ooh La La at Señorita.

Kamakailan lang, mas pinasaya pa ng WRIVE ang fans sa paglalabas ng Ooh La La performance video sa official YouTube channel ng ABS-CBN Star Music.

Proud ang WRIVE sa kanilang sariling tunog at style na very Pinoy, hip hop, swag and sexy.