Tumagal ng 5 yrs., hiwalay na… ALEXA, KUMANTA KUNG BAKIT GUSTONG ITAGO NI SANDRO ANG RELASYON NILA

ni Janiz Navida @Showbiz Special | September 26, 2025

Photo: Alexa Miro interview via Janiz Navida / Bulgar

Diretsahang pinangalanan ng aktres at singer din palang si Alexa Miro ang Presidential Son na si Sandro Marcos bilang ang tinutukoy niyang on-and-off boyfriend niya for 5 yrs..

Nakausap namin ang aktres-TV host-singer sa ginanap na mediacon kahapon para sa bagong season ng Sing Galing sa TV5, ang Sing Galing: Sing-lebrity Edition.

Nakakabilib ang alaga ni Tyronne Escalante dahil napaka-honest nitong kausap at diretso niyang sinagot ang mga tanong tungkol sa 5 taon nga nilang relasyon ni Sandro.

Tinanong kasi namin siya kung part lang ba ng promo ng Sing Galing ang pag-amin niyang hiwalay na sila ng long-time boyfriend.

Diretsong sinabi ni Alexa na na-hurt siya nang malaman ang tungkol kina Sandro at Franki Russell at ‘yun ang nag-trigger sa kanya para magsalita sa Tiktok livestream tungkol sa naging relasyon nila at sa breakup nila ngayon.

“Hindi naman po ako gumigimik o nag-iingay. Meron lang po akong personal na nararamdaman, pinagdaraanan sa buhay ko kaya ako nakapag-Tiktok live nga at kaya ko nasabi ‘yung mga nasabi ko ru'n, pero wala naman akong gustong saktan o paringgan talaga,” bungad ni Alexa na blooming naman at hindi obvious na brokenhearted.

Pero aminado siyang galit siya kaya nagawa niya ‘yun at ‘yun lang ang naisip niyang venue. 

Ayaw na lang sabihin ni Alexa kung gaano na sila katagal na hiwalay ni Sandro pero very fresh pa raw at mutual decision naman ‘yun.

Hindi pa raw nag-reach out sa kanya si Sandro after niyang magsalita, pero sa kabila ng hiwalayan nila, pinuri pa rin niyang mabait ang ex-BF at nagkaroon lang daw sila ng hindi pagkakasundo.

When asked if open pa siya for reconciliation, “Tingnan natin,” ang sagot ni Alexa.

At sa kabila ng nangyari, aniya, “Oh, I always have love for him, that will never change.”

Tinanong namin si Alexa kung nag-reach out din ba sa kanya si Franki Russell at aniya, siya ang nag-block dito para sa kanyang peace of mind dahil ayaw na niyang ma-tempt na i-stalk pa ito para i-compare ang kanyang sarili. 

Natanong din namin si Alexa tungkol sa nabanggit niya sa Tiktok livestream niya na hindi siya ina-allow ni Sandro na magsalita sa relasyon nila. Naitanong ba niya kay Sandro ang dahilan kung bakit?

Photo: IG @alexamiro / FB Sandro Marcos

Sagot nito, “The reason behind that decision was for safety purposes and precautions because siyempre po, sila po ang ating First Family.”

Bakit siya pumayag na itago ang relasyon nila?

“Malaki po ‘yung tiwala ko sa bigger picture. Even though there are many things that we don’t understand, I believe it's always right to look at the bigger picture.”

Gusto rin naman daw siyempre ni Alexa na open sana ang kanilang relasyon ni Sandro pero naiintindihan nga niya ang sitwasyon nila na mas private, mas tahimik.

Nilinaw din ni Alexa na wala namang ibang tao sa parte ni Sandro na nagsabing itago nila ang kanilang relasyon.

Pinuri rin niya ang pamilya ng ex-BF na mababait naman.

Well, sa ngayon, hindi pa raw alam ni Alexa kung ano na ang mangyayari sa kanila ni Sandro, pero sa tono ng pananalita niya, mukhang open pa naman ang aktres-TV host-singer sa balikan. 

Hindi nga naman ganu'n kadali na itapon ang 5 taon nilang relasyon lalo na kung talagang nagmahalan naman sila.

Pero sa ngayon, makakatulong na rin siguro sa healing ni Alexa ang pagiging bahagi ng Sing Galing: Sing-lebrity Edition bilang isa sa mga contestants.

Muling mapapanood ang kinatutuwaang video-kantawanan show ng mga hinahangaan nating celebrities, ang Sing Galing: Sing-lebrity Edition (SGSE) simula sa Sept. 27.

Forty-eight na Sing-lebrities ang maglalaban-laban para sa kanilang beneficiaries at para tanghaling susunod na “Ultimate Bida-oke Sing-lebrity.”

Magbabalik bilang Sing Masters si Donita Nose kasama sina K Brosas at Randy Santiago. 

Magsisilbi namang Jukebosses ang Sing-nior Hitmaker na si Rey Valera kasama sina Ariel Rivera, Nina, Ella May Saison, Mitoy Yonting at Ethel Booba.

Kabilang naman sa 48 celebrities na sasali sina Romnick Sarmenta, Dominic Ochoa, Nikko Valdez, Meryll Soriano, Carmi Martin, Valerie Concepcion, Patricia Javier, Leandro Baldemor, Anton Diva, Tetay, Keanna Reeves at iba pa.

Makakasama rin ang mga Sing-tokers na sina Queenay Mercado, Gab Pascual, Yanyan de Jesus, Muse Jazz at Niko Badayos.

Mapapanood ang second season ng Sing Galing: Sing-lebrity Edition tuwing Sabado, 7:00 PM at Linggo, 8:00 PM simula Sept. 27-28 sa TV5, Sari-Sari Channel at BuKo Channel.

Aktor, todo-diin na ‘di naman siya dyowa… JOJO, NA-BAD TRIP, NAGBANTANG MAY MGA BAGONG PASABOG VS. MARK

ni Janiz Navida @Showbiz Special | September 24, 2025

Photo: Jojo at Mark / File

Hindi nagustuhan at pinalagan ng tinaguriang Revival King na si Jojo Mendrez ang naging pahayag ni Mark Herras sa recent interview sa kanya ni Ogie Diaz sa vlog na The Issue is You sa YouTube.  

Isa kasi sa mga naging statement ni Mark sa interview ay nawalan daw ito ng malaking project (teleserye) dahil sa naging problema nila ni Jojo nang bantaan siyang idedemanda nito.

Sabi pa ni Mark, “Mas malaki pa ang nawala sa akin, sa nakuha ko sa inyo,” na ang tinutukoy ay ang hindi nga niya pagkakasama sa serye kumpara raw sa ‘di niya pagsipot sa isang event kahit pa nabigyan na siya ng pera ng team ni Jojo Mendrez.

Inamin din naman ni Mark na dahil sa kawalan ng trabaho kaya muli niyang tinanggap ang collab nila ni Jojo kahit pa nagkaroon na ng lamat ang dating friendship nila.

Pero bigla raw niyang na-realize na bakit tinanggap pa ang offer nito nang tanungin siya ng misis na si Nicole Donesa at ipaalala sa kanya na kaya siya nawalan ng malaking teleserye ay dahil sa issue nga nila ni Jojo.

Todo-diin din si Mark na hindi siya nagseselos na si Rainier Castillo na ang ka-close at kasa-kasama ngayon ni Jojo Mendrez dahil ‘di naman daw niya dyowa ang Revival King para magselos.

Sabi naman ni Jojo, na obyus na iritado, sa kanyang FB reels, kung ‘di siya tatantanan ni Mark sa pagdawit pa nito sa kanyang pangalan, maaari siyang muling magpatawag ng presscon at magsalita ng mga alam niya tungkol sa aktor.

Ayaw na raw ni Jojo na pag-usapan at gamitin pa siya ni Mark para sa promo ng upcoming movie nito. Sumentro na lang daw ang aktor sa kanyang project lalo’t may kani-kanya na silang buhay ngayon.

Samantala, we heard na balik-collaboration sina Jojo Mendrez at Rainier Castillo para sa bagong content ng singer-content creator.

Magiging bahagi si Rainier sa pinag-uusapang Facebook series ni Jojo na Escashlator at si Rainier din ang kasama ng content creator sa pilot ng bago niyang vlog na Haharangin Kita at maging sa isang malaking event ngayong November sa Gateway na ‘di pa raw puwedeng sabihin. 

Puring-puri ni Jojo na mabait daw talaga si Rainier kaya ito uli ang pinili niyang makasama sa mga ginagawa niyang vlogs at contents.

At kahit busy bilang businessman at content creator, nabibigyan pa rin ni Jojo ng time ang isa pa niyang love — ang pagkanta. 

Ang Somewhere In My Past na revival song niya ay may digital music release ng special performance video on September 26 kasabay ng birthday ni Jojo Mendrez.

---

SAMANTALA, more on Mark Herras’ interview sa The Issue is You, nagtataka kami kung bakit nasabi ng tinaguriang Original Bad Boy ng Dance Floor na dalawa lang ang kanyang anak at ito ay sa misis niyang si Nicole Donesa — ang panganay na si Corky (4 yrs. old) at ang bunsong si Mija (3 months old).

Alam kasi sa showbiz world na may una nang naging anak si Mark sa kanyang road manager na inamin niya mismo nu’ng taong 2014, si Ada.

Pero sa naturang interview, inulit pa ni kapatid na Ogie kung ilan ba talaga ang anak ni Mark at muling idiniin ng aktor-dancer na dalawa lang at parang hindi na niya ino-honor ‘yung unang anak niya.

Well, sana ay mas mabigyang-linaw ni Mark ang tungkol sa bagay na ito dahil masakit para kay Ada at sa ina nito kung itinatakwil na ito ngayon ng aktor.

---

MAINIT na usapin ngayon ang flood control projects, kaya naman interesting ang bagong episode ng Cayetano in Action with Boy Abunda (CIA with BA) kung saan pinag-usapan kung sino ang dapat managot sa mga butas na iniwan ng drainage project, mga batang nahuhulog at mga opisyal na mabagal kumilos.

Puwede nga bang idemanda ang gobyerno dahil sa mga iniwang butas na patuloy na nagdudulot ng peligro?

May naging guest sa show na biktima ang kanyang anak na nahulog sa isang malaking butas na iniwan ng drainage project sa kanilang lugar.

Ipinaliwanag ni Senador Alan Cayetano na malinaw sa batas na may pananagutan ang gobyerno sa ganitong kapabayaan. 

“Nasa batas ‘to mismo… ‘pag ganyan na may mga butas, mga manhole na naka-open, at merong naaksidente, kasalanan [ng gobyerno] kasi nga iniwan na bukas, puwede mong [idemanda] ‘yung gobyerno,” paliwanag niya.

Dagdag pa niya, kung proyekto ng barangay o lungsod, pananagutan ito ng LGU. Kung national project naman, responsibilidad ito ng DPWH. 

Aniya, dapat magsilbing wake-up call ito sa mga opisyal para bigyan ng higit na pansin ang kaligtasan ng publiko.

Sa huli, nagbigay siya ng payo sa mga mamamayan, “At ang isa kong advice sa ating mga citizens, just be respectful pero i-post n’yo rin [sa social media].”

Ang CIA with BA, na pinangungunahan nina Sen. Alan at Pia Cayetano kasama si Boy Abunda, ay napapanood tuwing Linggo, 11:00 p.m. sa GMA-7, at may replay tuwing Sabado, 10:30 p.m. sa GTV.

Rich businessman na taga-Cebu… CHIE, SI MATT LHUILLIER DAW ANG IPINALIT KAY JAKE

ni Nitz Miralles @Bida | September 23, 2025

Photo: Sylvia at Cong. Arjo Atayde - FB

Tsinek namin ang Facebook at Instagram account ni Jake Cuenca kung may reaksiyon na ito sa balitang breakup nila ng sexy actress na si Chie Filomeno, pero habang isinusulat namin ito, wala pang official statement na inilalabas ang aktor.

Nag-viral kasi ang latest Facebook post ng Pambansang Marites na si Xian Gaza na ganito ang nakasaad, “Jake Cuenca natagpuang humahagulgol sa loob ng bahay matapos itong iwan ni Chie Filomeno para sa isang milyonaryong negosyante sa Cebu na si Matt Lhuillier! Atin-atin lang muna huwag na lang sana makakalabas. Salamat.”

Sa comment section ng naturang post, may dagdag-info pa si Xian Gaza na ganito naman ang nakasaad: “THIS IS KOMPIRMD ILANG ARAW NA DAW IYAK NG IYAK HINDI MALAMAN ANG GAGAWIN WALANG GANA SA LAHAT NG BAGAY ULTIMO PAGTU-TOOTHBRUSH AY HINDI DAW MAGAWA SOBRANG BAHO NA NG KANYANG BUNGANGA JUSKO KAWAWA NAMAN.”

Well, marami ang waiting ngayon sa kumpirmasyon nina Jake at Chie. Or baka naman ang Star Magic na lang uli ang maglalabas ng official statement tulad sa hiwalayang Julia Barretto at Gerald Anderson?

---

Magaling lang daw magsalita, wa’ namang ‘K’...

VICE, ‘DI PA RIN IBOBOTONG PANGULO

KAHIT may mga hindi nagustuhan ang paulit-ulit na pagmumura ni It’s Showtime host Vice Ganda sa harap ng madlang pipol na nagpunta sa EDSA Shrine last Sunday kaugnay ng Trillion Peso March protest rally laban sa korupsiyon, marami pa rin naman ang um-agree at nagsabing “pak na pak,” “plangak” “perfect” at “bravo” ang mga binitiwang pahayag ng Unkabogable Star patungkol kay Pangulong Bongbong Marcos at sa lahat ng mga korup na pulitikong nagnakaw ng pera ng bayan.

Gets naman kasi ng marami ang pinanggagalingan ng galit ni Vice at kahit ang mga ordinaryong Pinoy, napapamura na lang din talaga sa kasakiman at kagarapalan ng ilang nakaupong pinagkatiwalaan pa naman ng taumbayan.

Marami rin ang pumuri sa tapang ni Vice. At kung nu’ng mga nakaraang buwan lang ay bina-bash siya ng karamihan sa mga DDS dahil sa bad joke niya kay former Pres. Rodrigo Duterte, ngayon ay may mga nagpapasalamat na sa kanya sa pagiging boses ng mga ninakawan ng mga korup sa gobyerno.

At umabot pa nga sa puntong may mga nagpu-push nang tumakbong pangulo si Vice Ganda sa 2028 elections dahil sa pagiging transparent, kaprangkahan at pagiging makabayan nito.

Pero kung kilala nga natin ang ugali nating mga Pinoy, hindi naman lahat ay natuwa sa ginawa ni Vice. May mangilan-ngilan pa ring nagkokomento na strategy daw ni Vice Ganda ang “pagbibida-bida” nito sa rally para matabunan ang galit sa kanya ng mga DDS at gumanda ang image niya.

May mga kumontra rin agad sa nagtutulak ditong tumakbong pangulo sa 2028 dahil anila, magaling lang magsalita ang Unkabogable Star, pero wala pa rin itong “K” tumakbong pangulo dahil wala naman itong sapat na edukasyon sa batas at karanasan sa pulitika.

Baka ang maging ending daw, puro LGBTQIA+ pa ang ilagay nito para bumuo sa kanyang gabinete.

Wahhh! Grabeng mag-overthink! ‘Wag n’yong hamunin si Vice at baka mamaya i-call niya ang dare n’yo. Hahahaha!

---

Pagkaka-link kay Klea, ‘di promo sa movie…

JANELLA: NAGPAPAKATOTOO LANG AKO!

Photo: Janella Salvador via Janiz Navida / bulgaronline.com

“I’M very happy,” ang pag-amin ni Janella Salvador nang matanong kahapon sa ginanap na Spotlight presscon ng Star Magic sa lagay ng kanyang puso ngayon.

Bakit nga naman ‘di magiging happy si Janella, may upcoming serye na siyang What Lies Beneath sa Kapamilya Channel, may movie pa siyang ipapalabas soon, ang Open Endings na isa sa mga competing films sa 2025 Cinemalaya Film Festival kung saan co-stars niya sina Jasmine Curtis-Smith, Leanne Mamonong at ang nali-link nga sa kanya ngayon na si Klea Pineda.

At dahil marami ngang curious kung ano ba talaga ang real score kina Janella at Klea – kung totoo nga bang may relasyon na sila o promo lang ng Open Endings ang pagkaka-link nila – diretsahan na namin itong itinanong sa aktres.

Sagot ni Janella, “Actually, na-clarify ko naman na. I think there’s nothing much to say anymore. And honestly at this point, I don’t think we owe anyone naman an explanation about personal things. Kumbaga, so if you feel free to think what you think, feel free to interpret kung anuman ‘yung nakikita n’yo. 

“Pero… alam n’yo naman ako, lagi akong nagpapakatotoo, real lang ako palagi. So if I feel like sharing anything in the future, I promise you I will share. So for now, kung ano ‘yung nakikita n’yo, what you see is what you get muna,” dagdag pa ni Janella.

Basta ang inamin ng aktres, nakabuo nga raw silang apat nina Jasmine, Leanne at Klea ng solid friendship mula nang magsama-sama sila sa Open Endings na nu’ng

May, 2025 lang pala nagsimula ang shooting.

Hindi raw talaga sila magkakakilala bago sinimulan ang pelikula, pero ngayon, nagha-hang-out na raw sila na mukhang wala naman nga silang itinatago dahil naipo-post din ‘yun sa social media.