Horoscope | Agosto 22, 2025 (Biyernes)

ni Maestro Honorio Ong @Horoscope | August 22, 2025

Sa may kaarawan ngayong Agosto 22, 2025 (Biyernes): Ang mga suwerte mo ay nagmumula sa mga kaaway mo. Kaya naman marami kang suwerteng makukuha ngayon dahil marami kang kaaway.

ARIES (Mar. 21-Apr. 19) - Nagkukubli sa mga kaganapan ang magagandang kapalaran mo. Masuwerteng kulay-beige. Tips sa lotto-6-17-23-28-33-42.

TAURUS (Apr. 20-May 20) - Kusang darating sa iyo ang mga suwerte. Kaya ang mga hinanakit mo sa langit na parang nakakalimutan ka na Niya ay mapapalitan ng saya at pasasalamat. Masuwerteng kulay-blue. Tips sa lotto-9-16-28-32-37-42.

GEMINI (May 21-June 20) - Dumikit ka sa mga masisigla para mawala na ang pananamlay mo. Tandaan mo, hindi lang sakit ang nakakahawa dahil maging ang mga masisiglang kilos ay ganundin. Masuwerteng kulay-black. Tips sa lotto-4-11-14-23-25-34.

CANCER (June 21-July 22) - Hindi maganda na madagdagan pa ang lungkot mo. Mamasyal ka at isama mo ang mga kaibigan mo na may masayang personalidad. Ito ang mensahe para sa iyo. Masuwerteng kulay-violet. Tips sa lotto-2-6-20-29-33-41.

LEO (July 23-Aug. 22) - Sarado ang pang-unawa ng mga taong galit. Hintayin mo munang humupa ang kanilang galit. Kapag okey na sila, pakitaan mo na sila ng maganda. Masuwerteng kulay-peach. Tips sa lotto-1-13-18-22-38-41.

VIRGO (Aug. 23-Sept. 22) - Sumandal ka sa mga taong nakasandal sa pader, dahil may mga pagkakataon na hindi mo kakayanin ang mga pangyayari. Masuwerteng kulay-red. Tips sa lotto-5-11-15-29-33-43.

LIBRA (Sept. 23-Oct. 22) - Kung saan ka madadalian, iyon ang piliin mo. Sa huli, matatagpuan mo ang sarili mo na sobrang saya. Masuwerteng kulay-burgundy. Tips sa lotto-6-11-26-36-38-44.

SCORPIO (Oct. 23-Nov. 21) - Kung minsan, nagagawa natin saktan ang ating sarili, at ito mismo ang mangyayari sa iyo Masuwerteng kulay-white. Tips sa lotto-2-17-22-27-31-40.

SAGITTARIUS (Nov. 22-Dec. 21) - Kahit mabagal ang mga kilos mo, makakabuti pa rin ito sa iyo, dahil sa kabagalan ay nakukuha mong mag-isip. Masuwerteng kulay-green. Tips sa lotto-3-18-25-30-33-45.

CAPRICORN (Dec. 22-Jan. 19) - Tutukan mo ang gustung-gusto mo. Sa huli, sasaya ka dahil walang kahirap-hirap na ito ay mapapasaiyo. Masuwerteng kulay-yellow. Tips sa lotto-4-19-24-28-34-41.

AQUARIUS (Jan. 20-Feb. 18) - May kapares ang lahat ng bagay. Gayunpaman, meron din namang walang kapares, pero nabubuhay naman sila sa kalungkutan. Hindi ka puwedeng mabuhay sa kalungkutan. Kaya hanapin mo na ang kapareha mo. Masuwerteng kulay-purple. Tips sa lotto-5-13-15-21-24-29.

PISCES (Feb. 19-Mar. 20) - Nakakatuwa ang kapalaran mo ngayon dahil kung sino ang galit na galit sa iyo, siya pa pala itong inlab sa iyo. Ito ang nakakagulat na mensahe para sa iyo. Masuwerteng kulay-pink. Tips sa lotto-2-19-26-34-36-44.

Horoscope | Agosto 21, 2025 (Huwebes)

ni Maestro Honorio Ong @Horoscope | August 21, 2025

Sa may kaarawan ngayong Agosto 21, 2025 (Huwebes): Mananatili ka sa mataas na kalagayan kapag ang mga paa mo ay laging nakasayad sa lupa. Kaya panatilihin mo ang pagpapakumbaba. Ito ang sikreto ng iyong kapalaran.

ARIES (Mar. 21-Apr. 19) - Magdaratingan na ang magagandang kapalaran na noon pa inilaan para sa iyo. Kaya ‘wag mong kaligtaan na isabuhay ang pagkakaroon ng positibong pananaw, upang lalo ka pang suwertehin. Masuwerteng kulay-purple. Tips sa lotto-9-19-26-34-40-45.

TAURUS (Apr. 20-May 20) - Huwag mong katakutan ang mga pagsubok sa iyong harapan. Ito ang tandaan mo ngayon. Masuwerteng kulay-pink. Tips sa lotto-6-15-29-31-33-34.

GEMINI (May 21-June 20) - Magbawas at magdagdag ka! Bawasan mo ang mga bagay na nasa sa iyo. Unahin mo ang mga abubot at kalat sa iyong silid, upang umaliwalas naman ng iyong kuwarto. Ito ang sikreto ng kapalaran mo. Masuwerteng kulay-beige. Tips sa lotto-5-11-23-25-36-42.

CANCER (June 21-July 22) - Itapon mo ang negatibong pananaw mo. Ito ang hadlang kung bakit hindi makadapu-dapo sa iyo ang mga suwerte. Masuwerteng kulay-blue. Tips sa lotto-2-16-20-22-24-38.

LEO (July 23-Aug. 22) - Kumilos ka na parang hindi mo iniinda o pinapansin ang mga pinagsasabi ng mga tao laban sa iyo. Masuwerteng kulay-black. Tips sa lotto-3-10-18-21-32-42.

VIRGO (Aug. 23-Sept. 22) - Hindi pa man nagsisimula ang laban, pero ang mga duwag at mahihina ang loob ay nabibilang na agad sa mga talunan. Higit kailanman, ngayon mo kailangang magpakita ng tapang. Masuwerteng kulay-violet. Tips sa lotto-7-14-25-29-36-43.

LIBRA (Sept. 23-Oct. 22) - Kung ayaw mo, eh ‘di ayaw mo. Pero bago ka umayaw, pag-aralan mo munang mabuti. Masuwerteng kulay-peach. Tips sa lotto-4-16-23-31-38-41.

SCORPIO (Oct. 23-Nov. 21) - Mag-ingat ka, dahil ang taong sa biglang tingin ay umaabante, ay nakakaranas din pala ng mga hindi magandang kapalaran. Masuwerteng kulay-red. Tips sa lotto-9-17-21-26-34-40.

SAGITTARIUS (Nov. 22-Dec. 21) - Nagbabala ang iyong kapalaran na maaari kang matulad sa gamu-gamo na naakit sa kislap ng liwanag na sa huli ay nasisira din ang pakpak at hindi na muli pang nakakalipad. Masuwerteng kulay-burgundy. Tips sa lotto-3-15-25-33-39-42.

CAPRICORN (Dec. 22-Jan. 19) - Kahit malakas ang tao, kailangan niya pa rin ng makakasama sa buhay. Piliin mong mabuti ang para sa iyo, dahil may ilang na ang layunin ay ang makinabang lang sa iyo. Masuwerteng kulay-white. Tips sa lotto-4-18-23-36-38-45.

AQUARIUS (Jan. 20-Feb. 18) - Nakakasawa rin ang masarap na buhay. Kaya naman, makipagsapalaran ka sa ibang larangan dahil madarama mong nakakabagot ang mga pangyayari. Masuwerteng kulay-green. Tips sa lotto-1-13-22-28-34-40.

PISCES (Feb. 19-Mar. 20) - Kung ano ang ikinikilos ng mga taong nakapaligid sa iyo, iyon din ang ikilos mo. Anumang sobra ay posibleng pagsimulan ng inggit. Masuwerteng kulay-yellow. Tips sa lotto-6-10-11-24-31-44.

Horoscope | Agosto 20, 2025 (Miyerkules)

ni Maestro Honorio Ong @Horoscope | August 20, 2025

Sa may kaarawan ngayong Agosto 20, 2025 (Miyerkules): Malambot ang iyong damdamin. Kaya madalas ka ring maawa sa mga taong ‘di naman dapat kaawaan. Pero dahil sa iyong kabaitan, mas lalo kang pinagpapala.

ARIES (Mar. 21-Apr. 19) - Labanan mo ang iyong emosyon. Sa negosyo, hindi dapat pinaiiral ang damdamin. Ito ang mensahe para sa iyo. Masuwerteng kulay-burgundy. Tips sa lotto-9-17-20-23-35-41.

TAURUS (Apr. 20-May 20) - Mag-ingat ka, naglipana ngayon ang mga mapagsamantala na ang hinahanap ay ang may mahihinang kalooban. Masuwerteng kulay-white. Tips sa lotto-1-19-21-26-31-44.

GEMINI (May 21-June 20) - Hanapin mo ang mga bagay na magpapasaya sa iyo, at layuan mo naman ang mga magbibigay sa iyo ng kalungkutan. Sa ganitong paraan, mas lalakas ang iyong kalusugan. Masuwerteng kulay-green. Tips sa lotto-3-15-24-25-36-42.

CANCER (June 21-July 22) - Manghiram ka ng susi ng tagumpay mula sa nakikita mong umaasenso. Hindi masama ang manghiram upang gumanda ang buhay mo. Ang masama ay ang manatili sa kahirapan. Masuwerteng kulay-yellow. Tips sa lotto-7-18-28-30-33-37.

LEO (July 23-Aug. 22) - Maganda ang pagiging maawain. Subalit pag-isipan mo munang mabuti ang gagawin mo. Masuwerteng kulay-purple. Tips sa lotto-4-15-18-22-26-35.

VIRGO (Aug. 23-Sept. 22) - Magdaratingan na ang mga suwerte mo sa buhay dahil nakita ng langit na ang iyong kabaitan. Masuwerteng kulay-pink. Tips sa lotto-2-11-17-29-31-43.

LIBRA (Sept. 23-Oct. 22) - Huwag mong ipagdamot ang iyong pagmamahal sa mga taong tunay na nagmamahal sa iyo. Masuwerteng kulay-beige. Tips sa lotto-3-18-21-29-32-38.

SCORPIO (Oct. 23-Nov. 21) - Ibinabalita ngayon na ang mga bituin sa langit ay maiuugnay sa magagandang kapalaran. Masuwerteng kulay-blue. Tips sa lotto-9-12-20-24-35-45.

SAGITTARIUS (Nov. 22-Dec. 21) - Isip ang paganahin mo at ‘wag ang damdamin. Madalas, kapag ang damdamin ay nakialam sa hanapbuhay, nagreresulta ito sa pag-atras ng kabuhayan. Masuwerteng kulay-orange. Tips sa lotto-5-19-28-34-36-41.

CAPRICORN (Dec. 22-Jan. 19) - Pera o ligaya? Walang pagdududa na ang huli ang iyong pipiliin, at magtataka naman ang ilan sa gagawin mong pagpapasya. Masuwerteng kulay-violet. Tips sa lotto-8-17-22-26-30-38.

AQUARIUS (Jan. 20-Feb. 18) - Kapag sumasakit ang ulo mo dahil sa problema, mamasyal ka! Kapag naguguluhan ka at hindi ka makapagpasya, lumayo ka. Ito ang gawin mong gabay ngayon. Masuwerteng kulay-peach. Tips sa lotto-1-18-23-30-39-44.

PISCES (Feb. 19-Mar. 20) - Lalapit sa iyo ang suwerte mo. Kaya sinuman ang biglang lumapit sa iyo, siya na at wala nang iba ang suwerte mo. Muli, lalapit sa iyo ang suwerte. Masuwerteng kulay-red. Tips sa lotto-7-10-14-16-24-31.