Mga doctor hinamong tuklasin ang katotohanan sa tobacco harm reduction*

ni Chit Luna @Brand Zone | February 29, 2024

Hinamon ng mga tagapagtaguyod ng tobacco harm reduction (THR) ang kanilang mga kasamahan sa medical na propesyon na magtulungan sa pagbibigay ng mga siyentipikong impormasyon tungkol sa THR at ang mahalagang papel nito sa pagtigil ng paninigarilyo sa buong mundo.

Ayon kay Dr. Konstantinos Farsalinos, isang cardiologist, eksperto sa kalusugan ng publiko at mananaliksik sa University of Patras at University of West Attica sa Greece, may mataas na antas ng maling impormasyon tungkol sa THR at nikotina ang kumakalat sa komunidad ng pangangalaga sa kalusugan.

Maraming doktor ang hindi nauunawaan na ang masamang epekto ng pagsunog ng sigarilyo ay milya-milya ang layo sa minimal na panganib sa kalusugan ng nikotina, sabi ni Dr. Farsalinos.

Dagdag pa niya, kailangang kumbinsihin ang mga doktor tungkol sa agham sa likod ng THR, dahil itinuturing silang mapagkakatiwalaan sa pamamahagi ng impormasyon sa kalusugan ng publiko.

“We need to convince doctors about the science behind THR, as they are considered credible sources of health information by the general public,” sabi ni Dr. Farsalinos.

Sinuportahan ito ni Dr. Rohan Sequeira, isang cardio-metabolic physician sa Sir JJ Hospital at medical director sa St. Elizabeth Hospital Mumbai, na nagsabing ang impormasyon tungkol sa mga smoke-free alternatives ay hindi available sa buong komunidad ng medisina.

May ilang doktor pa nga ang naniniwala na mas mabuti ang paninigarilyo kaysa vaping dahil hindi nila nauunawaan ang pagkakaiba ng usok mula sa sigarilyo at aerosols mula sa vapes, sabi ni Dr. Sequeira.

Binigyang diin ni Dr. Sequeira ang kahalagahan ng edukasyon ng mga doktor at pagbibigay sa kanila ng tamang impormasyon tungkol sa mga vapes at iba pang produktong nikotina.

Ang mga vapes, heated tobacco products (HTPs) at oral nicotine ay itinuturing na mga produkto ng THR na hindi naglalabas ng usok na nagtataglay na nakakasama at potensiyal na nakakasamang kemikal,

Sinuportahab naman ni Dr. Lorenzo Mata Jr., isang tagapagtaguyod ng THR sa Pilipinas at occupational medicine physician, ang mga pahayag nina Dr. Farsalinos at Dr. Sequeira.

“Tinatawagan ko ang mga tagapagtanggol ng THR at iba pang mga may kaalaman sa pangangalaga sa kalusugan sa Pilipinas na magkaisa sa pagbibigay sa mga doktor ng mga siyentipikong katotohanan tungkol sa THR at kung paano ito makatutulong sa milyun-milyong Pilipino na tumigil sa paninigarilyo sa pamamagitan ng mga alternatibong produkto,” sabi ni Dr. Mata na pangulo ng Quit for Good, isang non-profit, non-stock na organisasyon na nagtataguyod ng harm reduction bilang isang makabuluhang estratehiya para mabawasan ang pinsala sa kalusugan ng tao at lipunan dulot ng sigarilyo.

Ang THR ay isang pampublikong estratehiya sa kalusugan na layuning magbigay ng mas ligtas na alternatibo upang mabawasan ang pinsala ng sigarilyo at magbigay ng nikotina sa mga taong hindi kaya o ayaw tumigil sa paninigarilyo.

Kasama rito ang iba't ibang mga praktikal na patakaran, regulasyon at aksyon na nagpapababa ng panganib sa kalusugan sa pamamagitan ng pagbibigay ng mas ligtas na mga produkto.

Sa pamamagitan ng pagkakaroon ng mas ligtas na mga produktong nikotina, nag-aalok ang THR ng mga bagong pagpipilian sa milyun-milyong tao sa buong mundo na nais lumipat mula sa paninigarilyo.

Sinabi ni Dr. Mata na bilang mga respetadong eksperto sa medisina at mapagkakatiwalaang pinagmumulan ng impormasyon sa kalusugan, mahalagang papel ang ginagampanan ng mga doktor sa pagtulong sa mga tao na tumigil sa paninigarilyo.

Ang mga doktor ay maaaring magbigay ng mga payo sa mga pasyente na tumigil sa paninigarilyo, mag-alok ng maikling counseling, magreseta ng mga gamot para sa pagtigil sa paninigarilyo, ikonekta sila sa karagdagang mga mapagkukunan para sa pagtigil sa paninigarilyo at magpatuloy sa suporta para maiwasan ang pagbabalik sa dating gawi, dagdag niya.

Isang survey ang nagpatunay na may malawak na maling impormasyon tungkol sa vaping, at maraming mamimili at doktor ang nalilito at napagkakamalang ang nikotina ang sanhi ng iba't ibang sakit na dulot ng paninigarilyo.

Ang maling impormasyon na ito ay pumipigil sa maraming naninigarilyo na lumipat sa vaping at sa mga doktor na magrekomenda na mas ampat na impormasyon para sa kalusugan ng publiko, ayon pa kay Dr. Mata.

Liza, nagsalita sa mental health sa Pilipinas

ni Rensel Sabando - Trainee @Entertainment | February 9, 2024

Tinawag ni Liza na “taboo topic” ang mental health sa Pilipinas dahil ibinahagi niya na ang “resilient in facing challenges” ay naging pamantayan nito.

Sa isang podcast ng “Broad Ideas with Rachel Bilson & Olivia Allen,” inamin ni Soberano na maraming Pilipino ang hindi mahilig magsalita tungkol sa usaping mental health dahil nakikita ito bilang hindi pangkaraniwang paksa sa bansa.

Dugtong pa niya, hindi katulad sa States kung nasaan siya ngayon, very broad ang topic at understanding sa mental health issues.

“Dito sa Pilipinas, hindi masyadong pinag-uusapan ang mga ganito,” dagdag niya.

Ayon naman sa aktres, isang epekto nito ang kolonisasyon ng Pilipinas sa mahabang panahon, isa rito ang pagiging “utang na loob” culture raw ng mga Pilipino.

Ibig sabihin niya rito ay forever in debt ka with gratitude sa kung anong meron ka ngayon. At sinasabi pa na resilient ang mga Pilipino pagdating sa pagharap sa mga problema sa buhay.

Pero sa totoo lang, ayon kay Liza, “people pleaser tayo”, ayaw natin na mag-complain o pag-usapan ang hardships. “Everything has to be happy and pleasant,” saad ng aktres.

Hindi naman ganu’n tumatakbo ang mundo na parang we try our best to be happy pero sa Pilipinas, hindi dapat ito pinag-uusapan at dapat may perfect time kung kailan puwede.

Inilahad naman ng aktres ang kanyang “An Open Mind” na podcast at nag-take-up siya ng Psychology para lang dito. Isa iyan sa ultimate goal ni Soberano at maging accessible sa bansang Pilipinas ang mga ganitong issue.

“I got a lot of message from my Filipino fans,” wika niya.

Nakakatulong daw kasi na mag-seek ng professional help in time of need, at hindi ito dapat ikahiya.

Samantala, nakakuha ng maraming comments ang recent vlog niya patungkol sa pressure on the entertainment industry.

Pilipinas inilahad ang diskarte sa pagsugpo sa paninigarilyo

ni Chit Luna @Brand Zone | February 8, 2024

PANAMA CITY — Itinulak ng Pilipinas at New Zealand ang konsepto ng tobacco harm reduction (THR) sa isinasagawang Conference of the Parties (COP) ng Framework Convention on Tobacco Control (FCTC) ng World Health Organization bilang tugon sa problema sa paninigarilyo.

Ang mga delegado mula sa 183 na bansa ay nagtitipon sa Panama para sa 10th Conference of the Parties (COP 10) para isulong ang pagkontrol sa tabako at iwasan ang pagkamatay ng 8.7 milyong tao sa buong mundo bawat taon dahil sa paninigariloyo.

Sinabi ni Senior Deputy Executive Secretary Hubert Guevara, ang pinuno ng delegasyon ng Pilipinas sa 10th COP, na ang bansa ay nagtala ng pagbaba sa paninigarilyuo mula 23.8 porsiyento noong 2015 hanggang 19.5 porsyento noong 2021 bilang pagpapatupad nito ng FCTC treaty.

“This key achievement is the result of a collective and balanced approach, with whole-of-society and whole-of-government efforts, in advocating for and implementing effective policies and legislative measures,” sabi ni Guevara.

Sinabi ni Guevara na noong 2022, pinagtibay ng Pilipinas ang Republic Act No. 11900, o ang "Vaporized Nicotine and Non-Nicotine Products Regulation Act" para i-regulate ang vaporized nicotine at non-nicotine products (VNNPs) at novel tobacco products (NTPs).

Binigyang-diin ni Guevara ang kahalagahan ng angkop at multi-sectoral na diskarte sa pagpapatupad ng FCTC, pagkilala sa Artikulo 1(d) ng FCTC, iba't ibang pambansang konteksto at priyoridad at lokal na batas.

Ang Pilipinas, aniya, ay patuloy na makikibahagi sa konstruktibong pag-uusap at pakikipagtulungan sa mga kapwa partido sa COP 10 para malampasan ang iba't ibang hamon.

Samantala, ang pinuno ng delegasyon ng New Zealand ay nagpahayag din ng malakas na suporta para sa harm reduction at binanggit ang malaking pagbaba sa antas ng paninigarilyo sa 6.8 porsiyento mula sa 8.6 porsiyento noong nakaraang taon at 16.4 porsiyento noong 2011-2012, sa tulong ng harm reduction na nakabatay sa ebidensya.

Sinabi niya na ito ay bahagi ng layunin ng New Zealand na makamit ang smoke-free status kung saan mas mababa sa 5 porsyento ng populasyon ang naninigarilyo.

Nakamit ito ng New Zealand sa pamamagitan ng mga hakbang na inendorso ng FCTC kabilang ang regulasyon, mga inisyatiba na nakabatay sa komunidad at naka-target na suporta sa pagtigil sa paninigarilyo, dagdag niya.

Kabilang din dito ang pagpapatupad ng mga hakbang sa harm reduction, ayon sa pinuno ng delegasyon ng New Zealand.

Inilarawan ni Guevara ang RA 11900 sa Pilipinas bilang isang "landmark na batas" na naglalayong bawasan ang pinsalang dulot ng paninigarilyo, at nagtatatag ng komprehensibo at naiibang balangkas ng regulasyon para sa pag-aangkat, paggawa, pagbebenta, pag-iimpake, pamamahagi, paggamit at komunikasyon ng vaporized nicotine at mga produktong hindi nikotina, kasama ang iba pang mga nobelang produktong tabako.

Pinoprotektahan din ng batas na ito ang mga menor de edad sa pamamagitan ng paghihigpit sa pagbebenta, kabilang ang online na kalakalan, pamamahagi at marketing ng mga VNNPs o NTPs, at pagbabawal ng mga aktibidad na nauugnay sa produktong tabako sa loob ng 100 metro ng mga paaralan, palaruan, at pasilidad na madalas puntahan ng mga menor de edad, aniya.

Ang Pilipinas ay nagsabataas din ng mga legislative measures tulad ng Tobacco Regulation Act of 2003, Graphic Health Warning Law at Excise Tax Laws sa mga novel tobacco products.

Sinabi ni Guevara na ang excise tax sa tabako at vape products ay umabot ng halos $3 bilyon noong 2022, at ito ay tumulong sa pagpopondo ng mahahalagang serbisyo ng gobyerno kabilang ang mga programa sa pangkalusugan at recovery mula sa COVID-19, mga proyektong pang-imprastraktura tulad ng farm-to-market roads, paaralan, ospital at pasilidad ng kalusugan.

Sinabi niya na bilang pagsunod sa FCTC Article 6 mula 2012, ang Pilipinas ay patuloy na nagtaas ng excise tax rates sa mga sigarilyo at produktong tabako, na ginagawang mas mahal ang mga ito, at dahil dito ay bumababa ang pagkonsumo.

Ang Pilipinas ay nasa proseso din ng pagpapatibay ng bagong batas na "Anti-Agricultural Economic Sabotage Act" na nagdedeklara ng pagpupuslit ng tabako bilang economic sabotage at naglalayong bawasan ang ipinagbabawal na kalakalan ng tabako sa Pilipinas.

Samantala, sinabi ng pinuno ng delegasyon ng New Zealand na kasama sa diskarte nito ang paggawa ng isang hanay ng mga produktong pamalit sa nikotina na magagamit ng mga taong naninigarilyo, kabilang ang mga therapeutic na produkto tulad ng mga patch, gum at mga gamot na makakapagpahinto sa paninigarilyo.

Nagpasa din ang New Zealand ng mga batas para i-regulate ng vaping products. Kasama dito ang paghihigpit sa kung saan sila maaaring ibenta at kung sino ang maaaring magbenta ng mga ito.

Sinabi niya na sa kabila ng mababang antas ng paninigarilyo para sa lahat ng grupo ng mga taga-New Zealand, ang antas ng pang-araw-araw na paninigarilyo para sa mga Maori, mga mahihirap, m5ga nasa hustong gulang na may mga kapansanan at mga taong nakakaranas ng pagkabalisa sa isip at mga isyu sa adiksyon ay mas mataas kaysa sa iba.

Bilang karagdagan sa umiiral na mga diskarte sa pagkontrol sa tabako na nakabatay sa ebidensya, nakatuon din ang New Zealand sa pagbibigay sa mga tao ng mga praktikal na tool at suporta para matulungan silang lumayo sa pagninigarilyo, aniya.