Hinog ang edad ng CCS para sa c'ship dynasty

by Gerard Arce @Sports News | April 25, 2026

Photo: Individual awardees sina Cignal Super Spikers Best Setter Maria Angelica Cayuna, Capital1 Best Outside spiker at Rookie of the Conference Mhicaela Belen, NXLED Chameleons Best Outside Spiker Brooke Van Sickle, CSS-MVP of the Conference Vanessa Gandler, Creamline Cool Smashers best middle blocker Jeanette Panaga, Zus best middle blocker Riza Nogales, FF Foxies best opposite spiker Trisha Tubu at PLDT High Speed Hitters bilang best libero Kath Arado, ayon sa pagkakasunod habang si  CCS Bernadeth Pons ang Finals MVP of the Conference. (Reymundo Nillama via Bulgar) 

Maikukumpara sa isang alak ang itinakbo ng sistema ng Creamline Cool Smashers na habang tumatagal ay lalong lumalakas matapos ang ika-11 kampeonato at ipakita sa Premier Volleyball League (PVL) ang dinastiya bilang winningest team nang malampasan ang Cignal Super Spikers na panalo sa Game 2 ng All-Filipino Finals sa Araneta Coliseum.

Matapos magmintis sa unang pagkakataon sa podium finish noong Reinforced Conference matapos ang 6th place, muling kinakitaan ng tikas ang Cool Smashers mula sa mga beteranong manlalaro para sa kampeonato na huling natikman noong 2024 Invitational Conference at makamit ang Grand Slam title.

“I’m speechless,” wika ni  Alas Pilipinas team captain Julia De Guzman sa 31 excellent sets at 2 puntos. “Lahat ng emotion ngayon, I can’t really describe it. I’m just really happy kasi trinabaho talaga namin ito – five sets. Pinahirapan kami ng Cignal pero thankful kami that in the end, tinyaga namin.”

Bumida sa ratsada sina Bernadeth Pons at Jema Galanza sa triple-doubles para tuluyang sarhan muli ng pintuan ang Cignal na tinalo uli  sa finals.

Pero aminado ang mga manlalaro nito na karamihan ay nasa 25-anyos pataas na. Nasa 32-anyos na ang dating 3-time MVP Alyssa Valdes, gayundin si Ella De Jesus, maging si De Guzman na 30-anyos, may edad sina Denden Revilla na 34 at Michelle Gumabao at Rose Vargas na 33. Nasa 31 na ang tubong Limay, Bataan na si Panaga.

Eala umusad sa next round ng Madrid Open Doubles

by Gerard Arce @Sports News | April 25, 2026

Photo: Alex Eala - Instagram

Matapos ang matagumpay na singles match ay sinegundahan ito ng panibagong tagumpay ni Filipina tennis star Aleandra “Alex” Eala sa women’s doubles kaagapay si Turkish Zeynep Sönmez sa 6-2, 6-2 kontra Chan Hao-Ching ng Chinese Taipei at Fanny Stollar ng Hungary sa 2026 Madrid Open sa Caja Magica sa Manzanares Park, San Fermín, Spain.

Dumiretso sa round-of-16 ang Filipino-Turkish tandem matapos malasap ang 0-2 simula, ngunit hindi na mapigilan sapul nito ang pares nina Eala at Sönmez.

Nagawang mabitbit nina Eala at Sönmez ang momentum sa second set na patuloy na diktahan ang laro laban sa No. 38 at No.23 sa doubles na sina Chan at Stollar.

Bumanat agad ng maagang 4-0 iskor ang Filipino-Turkish duo, bago nakakuha ng unang puntos ang Taiwanese-Hungarian tandem sa 4-1.

Nakabuslo muli ng panalo sa 6th game sina Eala at Sönmez bitbit ang mas magana at matatag na enerhiya para patulot na pataubin ang katunggali sa 5-1 iskor, habang sumagot muli ng panalo sa seventh game ang sina Chan at Stollar, bago tuluyang tapusin ito sa 6-2.

Nakatakdang makatapat ng dalawa sina doubles No.2 ranked Katerina Siniakova ng Czech Republic at No.5 ranked Taylor Townsend ng US. 

Creamline Cool Smashers kampeon sa PVL, PLDT bronze!

by Gerard Arce @Sports News | April 24, 2026

Photo: PVL

Nagkampeon ang Creamline Cool Smashers nang dominahin ang Cignal Super Spikers sa bisa ng 25-23, 22-25, 25-16, 16-25 at 15-11 na umabot sa 5th sets na bakbakan sa Game 2 ng Premier Volleyball League All-Filipino Conference finals sa Araneta Coliseum kagabi.

Kumana si Vanie Gandler ng 26 puntos habang si Alyssa Valdez ang bumanat ng huling puntos para sa kampeonato. 

Sa unang laban kinonekta ng PLDT High Speed Hitters ang ikatlong podium finish sa bisa ng 25-14, 21-25, 25-21, 21-25, 15-5 na panalo kontra Farm Fresh Foxies para sa third place trophy kahapon sa Game 2 ng best-of-three battle-for-third sa Premier Volleyball League All-Filipino Conference sa Araneta Coliseum.

Pambihira ang ipinakita sa floor defense ni 4-time Best Libero Kath Arado para sa 28 excellent digs at 21 excellent receptions at tanghaling Player of the Game kasunod ng back-to-back title sa 2025 PVL On Tour at 2025 Invitational Conference. 

Nanguna sa pagbirada si Kim Kianna Dy sa 21 puntos habang Savi Davison ay 20 marka. Malaking suporta rin ng PLDT sina Kiesha Bedonia sa kontribusyon na 15 puntos at tig-10 puntos nina Mika Reyes at Majoy Baron, habang namahagi ng husto sa atake si Kim Fajardo sa 32 excellent sets. Tumapos si Trisha Tubu ng 23 puntos para sa Foxies.