Naibenta ng P29,026,000… WILLIE, TALO SA BIDDING NG ROLLS ROYCE NG DISCAYA COUPLE

ni Erlinda Rapadas @Teka Nga | February 12, 2026

Photo: FB Wilyonaryo

Nagkaroon ng auction ang Bureau of Customs (BOC) para sa mga nakumpiskang luxury cars ng Discaya couple, at kasama na rito ang kontrobersiyal na Rolls Royce na may kasamang payong. 

Tatlo ang nag-bid sa Rolls Royce Cullinan na may starting bid na P29 milyon. Isa sa mga nag-bid para sa Rolls Royce ay ang TV host-comedian na si Willie Revillame. 

Sad to say, hindi napanalunan ni Wil ang sasakyan ng mga Discaya. Ang nanalo sa auction ay ang Igorot Stone Kingdom, Inc., na siyang nagpagawa ng Igorot Stone Kingdom sa Baguio. 

Ayon sa balita, nabenta ang kontrobersiyal na Rolls Royce ng Discaya couple sa halagang P29,026,000.

---

SA February 14 pa ang kanyang kaarawan, pero isang advance birthday celebration na ang isinagawa ni Heart Evangelista para sa kanyang 41st birthday. 

Bumisita siya sa mga foundation na kanyang sinusuportahan. May sarili na siyang foundation, ang Heart Can Foundation, na tumutulong sa mga batang may sakit. 

Maging ang Corridor of Hope at Cerebral Palsy of Sorsogon ay suportado rin ng Heart Can Foundation. 

Aktibo ang aktres-fashion icon sa kanyang mga advocacies, tulad ng pagsuporta sa karapatang-pantao ng LGBTQIA+ community, mental health awareness at pagtulong sa Philippine Animal Welfare Society (PAWS) na sumasagip sa mga stray dogs at cats. 

Malapit din ang puso ni Heart sa mga senior citizens, kaya bumisita siya sa Homes for the Elderly at namigay ng mga basic needs ng mga seniors. 

Kaya naman naging fulfilling para kay Heart Evangelista ang kanyang 41st birthday celebration.

---

NATATAWA na lang ngayon si Luis Manzano kapag naaalala niya na tinatawagan siya ni Toni Gonzaga kahit na madaling-araw kapag broken hearted ito. At to think na isa siya sa mga masusugid na manliligaw nito that time, ha? 

Masakit iyon para kay Luis, pero hindi niya matiis ang aktres-TV host. At kahit hindi siya pinalad, naging best friends naman sila at sinusuportahan ang isa’t isa. 

Happy si Luis para kay Toni na nakahanap ng perfect guy na tulad ni Direk Paul Soriano. Sila talaga ang meant for each other. 

May chemistry sina Toni at Direk Paul. Mas nag-grow ang aktres at mas humusay sa pagho-host. Nag-level-up nang husto ang career niya. 

Maraming aktor ang nanligaw noon kay Toni Gonzaga, pero si Direk Paul Soriano ang tumagal at hindi sumuko sa panliligaw, kaya pumasa rin siya sa pamilya Gonzaga.

Ayaw pang ilantad in public… SANYA, MAY RICH BF, NAIPAKILALA NA SA MGA BFF NA AKTRES

ni Erlinda Rapadas @Teka Nga | February 9, 2026

Photo: IG Sanya Lopez

May nagpapasaya na sa puso ni Sanya Lopez at naipakilala na niya ang lucky guy sa mga kapwa niya Sang’gre na sina Glaiza de Castro, Kylie Padilla at Gabbi Garcia. 

Kung dati-rati ay ‘no boyfriend since birth’ o NBSB ang lagi niyang sinasabi sa mga interviews, ngayon ay ‘taken’ na ang aktres. 

Pero wala pa siyang ipino-post sa social media na anumang larawan ng lalaking bumihag ng kanyang puso. Hangga’t maaari ay gusto raw niyang maging pribado ang kanilang relasyon. 

Kaya naman maging ang mga fans ni Sanya ay excited nang makilala ang kanyang boyfriend. Guwapo ba ito at richie-richie? 

But one thing is sure, isang AFAM o foreigner ang BF ni Sanya at tiyak na may pera ito at negosyo na babagay sa isang celebrity na katulad niya. Wala namang magiging problema si Sanya kung sakaling magpakasal na siya. 

Well, kapag AFAM ay hindi seloso at hindi possessive. Maiintindihan niya ang trabaho ni Sanya Lopez bilang artista. For sure, hindi nito hihilingin na i-give-up ng aktres ang kanyang showbiz career.

---

Fans, tuwang-tuwa…

BINI, BIG SURPRISE SA CONCERT NG SEXBOMB

MARAMING fans ang labis na nag-alala nang maaksidente si Aira Bermudez sa kanyang buwis-buhay na pagsasayaw sa Round 4 ng Get, Get, Aww! concert ng Sexbomb Girls. Nahulog at bumagsak sa sahig ang Sexbomb dancer.

Ganunpaman, itinuloy pa rin ni Aira ang kanyang partisipasyon sa concert. 

Maraming pasabog na naganap sa concert. Nag-guest si Sugar Mercado at kasamang nag-perform. Nagpasirku-sirko sa stage si Sugar at ginaya ang mga moves ng Sexbomb Girls. 

Ang dating miyembro naman na si Izzy Trazona ay dumating din at pinaakyat sa stage, kaya naging emotional ang lahat ng Sexbomb Girls. 

Sa lahat ng girls, si Izzy ang pinakamabait, conservative at walang kaere-ere kaya mahal siya at kasundo ng kanyang mga kapwa dancers. 

Masayang-masaya si Izzy na natuloy at naging malaking tagumpay ang reunion concert. Gustuhin man niya na maging bahagi ng concert ay hindi niya magawa dahil sa ilang personal na kadahilanan. 

Samantala, biggest surprise sa lahat ang guesting ng girl group na BINI sa Round 3. Nagsanib ang lahat ng mga fans at pinatunayan ng Sexbomb na hindi sila kayang pataubin ng mga BINI sa hatawan. Sulit na sulit ang ibinayad ng mga nanood.

---

SUCCESSFUL at napakasaya ng Love Ablaze pre-Valentine concert ng Daughters of Saint Paul na ginanap sa Music Museum last February 6. Isa itong fundraising concert para sa mga maysakit at elderly Sisters ng St. Paul. 

Pinamunuan ng Charity Diva na si Token Lizares ang pagbuo ng concert. Nag-perform sa nasabing fundraising show sina Mitch Valdez, Jun Polistico, Patricia Javier, Lindsay Custodio, Thor Valiente, kasama ang Moments Band. Si Ryan Englis naman ang nag-host.

Kahit na galing sa sakit, naging bahagi rin ng concert si Token na sobrang sipag sa pagkuha ng mga sponsors at pagbebenta ng mga tickets. 

Samantala, matagal naming hindi napapanood sa concert scene si Jun Polistico. Matagal siyang nanirahan sa USA mula 1972 at bumalik lang sa ‘Pinas noong 1990 at ipinagpatuloy ang kanyang singing career. 

Sa edad niyang 73, hindi pa rin nagbabago ang hagod ng boses ni Jun. Gustung-gusto ng audience ang version niya ng mga kanta nina Frank Sinatra, Matt Monro, Engelbert Humperdinck at Neil Diamond. 

Sa panahon ng kanyang pagiging recording artist, nagkaroon si Jun Polistico ng 18 hit songs.

Aktres, bina-blackmail… RELASYON DAW NI RHIAN KAY WIL DASOVICH, ISINUMBONG NG DRIVER KAY SAM

ni Erlinda Rapadas @Teka Nga | February 2, 2026

Photo: File / FB Rhian Ramos & Wil Dasovich

Isang malaking balita sa mundo ng showbiz ang pagrereklamo o pagdedemanda ng driver ni Rhian Ramos laban sa kanya at sa dalawa pa niyang kaibigan na sina Michelle Dee at Samantha Panlilio. Inaakusahan ang tatlo ng pambubugbog at illegal detention.

Buwelta naman ni Rhian, may nawawala siyang mahalagang personal na bagay na diumano’y kinuha ng kanyang driver. At plano raw ng driver na i-blackmail siya at pagkakitaan.

Sa puntong ito, dapat na talagang kumilos ang kampo ni Rhian upang linisin ang pangalan ng aktres. Makakaapekto ang ganitong iskandalo sa kanyang career, at dapat ay maging maingat na siya sa pagkuha ng bagong driver. 

May pagka-Marites diumano ang dati niyang driver na ngayon ay nag-aakusa sa kanya, may pagka-pakialamero at sumbungero rin. 

May mga kumakalat pang tsismis na ang dating driver niya ang nagpaparating sa ex-BF niyang si Sam Verzosa tungkol sa diumano’y relasyon niya sa celebrity vlogger na si Wil Dasovich. Mistulang perya na tuloy ang mga kaganapan ngayon sa love life ni Rhian Ramos. 

How sad!

---

MAKAKABUTI sa career ni Jillian Ward ang pagtanggap niya ng bagong action-drama serye ng GMA-7 na Never Say Die (NSD), kung saan kasama niya sina Raymart Santiago, David Licauco, atbp.. 

Panahon na rin para iwan muna ng aktres ang kanyang cutie-cutie image. Kaya na niya ang mga seryosong roles upang mag-level-up ang kanyang pagiging aktres.

Hindi na rin kailangan ni Jillian ang ka-love team upang i-boost ang kanyang career, kailangan niyang patunayan na isa siyang versatile actress. 

Tamang-tama ang kanyang role sa NSD dahil mapapasabak siya sa matinding action scenes na hahamon sa kanyang kakayahan.

Excited naman si Jillian dahil bago ang karakter na kanyang gagampanan, hindi tulad ng dati na puro mabibigat na mga dramatic scenes ang ginagawa niya sa mga serye ng Kapuso Network. 

Samantala, puring-puri naman ni David Licauco ang pagiging professional ni Jillian Ward sa trabaho. Wala raw itong kaarte-arte kapag nasa taping.

Magsisimula nang mapanood ang Never Say Die sa primetime slot ng GMA-7.

---

MAY paliwanag si Carla Abellana kung bakit garden wedding ang naganap na kasal nila ni Dr. Reginald Santos at hindi sa simbahan. 

Divorced lang sila ng ex-husband niyang si Tom Rodriguez, pero hindi kinikilala ang divorce sa Simbahang Katoliko kaya hindi sila puwedeng magpakasal sa church, kahit iyon ang pangarap ng aktres.

Anyway, ang importante naman ay legal ang kasal nila ni Dr. Santos. Bale civil wedding lang ang naganap, pero masaya si Carla sa kanilang intimate garden wedding. 

Ngayon ay panatag na ang loob niya at makakapagsimula na siya sa bagong chapter ng kanyang buhay.

Suportado ng kanyang mister ang kanyang showbiz career. Hindi nag-demand si Dr. Santos na tumigil siya sa pag-aartista.

Looking forward ngayon si Carla Abellana na magkaroon na sila ng sariling anak. Posibleng mangyari ito dahil dati nang nagpa-freeze ng kanyang mga egg cells ang aktres.

---

PAGKATAPOS ng napaka-successful na Sexbomb reunion concert na dinumog ng marami sa Araneta Coliseum at SM Mall of Asia (MOA) Arena, mabentang-mabenta na ang Sexbomb Girls at maraming kumukuha sa kanila para sa out-of-town shows. 

Well, kahit hindi sila kumpleto ay okey pa rin dahil super-hataw sila sa pagpe-perform on stage.

Tulad ng pag-imbita sa kanila sa pistahan sa Tarlac at maging sa lalawigan ng Abra, mainit silang tinanggap at pinagkaguluhan. 

Marami ring mga offers na mag-show ang Sexbomb Girls sa key cities tulad ng Cebu, Davao, atbp.. 

May ilang mga producers din na gustong dalhin ang Sexbomb reunion concert sa world tour. Patunay lamang na muling nanumbalik ang ningning at kasikatan ng Sexbomb Girls. 

Samantala, napag-alaman namin na ang CEO at big boss ng TV5 na si Manny V. Pangilinan (MVP) ay isa sa mga major sponsors ng Sexbomb Girls reunion concert. Masaya si MVP sa tagumpay ng pagbabalik ng girl group sa concert scene.