Bibili ng bahay at magtatayo ng resto… JULIA AT COCO, PINAGHAHANDAAN NA ANG PAGTIRA SA BARCELONA, SPAIN

ni Erlinda Rapadas @Teka Nga | August 4, 2025

Photo: CocoJul - IG

Panay-panay ang pag-aaral ni Julia Montes upang matutunan ang iba’t ibang Spanish cuisine. At ang dahilan pala ay may plano sila ni Coco Martin na bumili ng bahay sa Barcelona, Spain. 

Kung si Bea Alonzo ay sa Madrid, Spain bumili ng property, sina Coco at Julia ay mas pinili na sa Barcelona bumili ng bahay.

At mukhang gusto rin nilang magtayo ng Spanish resto sa Barcelona. 

Parehong business-minded sina Coco at Julia kaya sila nagkakasundo. Marunong silang humawak ng perang kanilang kinita sa showbiz, hindi sila bulagsak, at pinaghahandaan ang future ng kanilang mga anak.

---

MASAMA ang loob ng mga fans ni David Licauco kay Barbie Forteza.

Noong GMA Gala 2025 ay si Jameson Blake ang madalas na kasama ni Barbie at marami ang nakakita na panay ang holding hands nila. 

Sobrang close na sila sa isa’t isa, samantalang si David Licauco na dating ka-love team ni Barbie ay solong rumampa sa red carpet.

Kaya naman dismayado ang BarDa fans kay Barbie Forteza. Ano na raw ang mangyayari sa tandem nila ngayong pumasok sa eksena si Jameson Blake? 

Well, tutal naman ay palabas na sa mga sinehan ang horror movie na P77 ng GMA Pictures na pinagsamahan nina Barbie Forteza at Jameson Blake, wala nang dahilan upang patuloy pa rin na makitang magkasama sina Barbie Forteza at Jameson Blake. Mas marami pa rin ang mga fans at supporters ng tambalang BarDa.

---

BAGAMA’T walang exact date kung kailan idaraos ang kasal ni Kiray Celis sa kanyang fiancé na si Stephan Estopia, tiniyak naman ng aktres na sa taong ito (2025) ito magaganap. 

Fully booked daw ang December sa venue na gusto nilang pagdausan ng kasal, kaya puwedeng September, October o November sila pumili ng kanilang wedding date.

Ayon pa kay Kiray, intimate wedding lang ang kanilang gusto at ang mga imbitado ay pamilya at malalapit na kaibigan lamang. 

Handang-handa na ang wedding dress ni Kiray na binili sa shop ni Aurea Vinluan. Pati ang isusuot ng kanyang wedding entourage ay naipagawa na rin. 

Nasabihan na rin nila ang kanilang mga ninang at ninong sa kasal.

Excited si Kiray Celis sa kanyang wedding preparations. Masaya rin ang kanyang parents sa desisyon niyang magpakasal na sa kanyang longtime boyfriend na si Stephan. It’s about time na bumuo na rin daw sila ng sariling pamilya.

---

MASAYA ang ginanap na GMA Gala 2025 sa Marriott Hotel last Saturday. Nagkita-kita ang mga dating Kapuso artists at maging ang ilang StarStruck stars na hindi na gaanong aktibo ngayon tulad na lang nina Mike Tan at Dion Ignacio.

Magaling namang umarte sina Mike at Dion, kaya request ng kanilang mga fans sa pamunuan ng GMA Network ay sana maisama sila sa mga upcoming serye ng GMA Network. 

Maraming bagong aktor ngayon na ibini-build-up ng Sparkle Artist Center upang magbida.

Pero kung talent ang pagbabasehan, hindi naman kayang sapawan ng mga baguhang aktor sina Mike Tan at Dion Ignacio. 

Iba pa rin ang karisma ng mga StarStruck stars na hinangaan noon at kilala pa rin ngayon, kahit na isama pa sila sa mga veteran stars. At magagaling din silang makisama sa media, wala pa silang amnesia.

Parehong palaban sa kantahan… JULIA, PANTAPAT NG EB! KAY ANNE NG IT’S SHOWTIME

ni Erlinda Rapadas @Teka Nga | August 2, 2025

Photo File: Julia Barretto sa EB - EB YT

Masaya pero naging emosyonal sina Tito, Vic at Joey, ganoon din ang ibang hosts ng Eat…Bulaga! (EB!) sa kanilang selebrasyon ng 46th anniversary. 

Espesyal ang nasabing pagtatanghal dahil dumating ang mga dating co-hosts ng show na sina Ice Seguerra, Julia Clarete at Jimmy Santos. May kani-kanya silang production number.

At bumalik na rin si Atasha Muhlach na ilang buwan ding hindi napanood, kaya tuwang-tuwa ang mga fans niya. 

Si Julia Barretto naman ay nagpakitang-gilas din at game siyang kumanta at sumayaw. Sinasabayan niya ang effort ng ibang EB! hosts. Si Julia ang pantapat ng EB! kay Anne Curtis ng It’s Showtime (IS).

Well, pangako nina Tito, Vic at Joey sa kanilang mga loyal viewers, na hangga’t kaya nila ay patuloy silang maghahatid ng saya.

Target ng EB! na mag-celebrate pa ng kanilang golden anniversary (50 years), kaya 4 na taon pa silang mapapanood. Ito ang patunay na ang Eat…Bulaga! ang longest-running noontime show sa telebisyon.

---

TAHIMIK at mahiyain sa personal ang Kapuso actor na si David Licauco. Hindi pa siya sanay na ang bawat kilos niya ay inuusyoso ng lahat. Hindi pa niya ganap na masakyan ang buhay-showbiz, lalo na ngayon na sila ni Barbie Forteza ang paboritong love team ng lahat. 

Kailangan niyang mag-adjust sa mga fans nila ni Barbie, kaya obligado siyang maging sweet sa harap ng mga BarDa fans.

Malaki ang naitulong sa career ni David ng love team. Nagkaroon sila ni Barbie ng malalaking product endorsements. Sila ang hinihiling ng mga fans na magtambal sa serye at pelikula. 

Pero, hanggang ngayon ay hindi pa ganap na nasasanay si David na inuusyoso ng lahat ang kanyang personal na buhay. Napaka-private niyang tao, kaya gusto muna niyang itago sa publiko ang kanyang love life, isang bagay na imposibleng mangyari dahil kasama sa kanyang kasikatan ang kawalan ng privacy.

---

MARAMI ang nahihiwagaan sa tunay na dahilan ng pagkamatay ng mister ni Rufa Mae Quinto na si Trevor Magallanes. Biglaan kasi ang lahat at hindi naibalita na ito ay nagkasakit.

Nakikiusap sa lahat si Rufa Mae at ang pamilya ni Trevor na bigyan muna sila ng privacy habang inaalam ang tunay na nangyari. Magbibigay daw sila ng official statement kapag maayos na ang lahat. 

Ganunpaman, iba’t ibang espekulasyon na ang kumakalat tungkol sa sanhi ng pagkamatay ni Trevor. Balitang may cancer ito at ‘yun ang dahilan ng kanyang pagpanaw. May nagsasabi naman na nagpakamatay dahil hindi nakayanan ang mga personal na problema.

Labis na ikinalungkot ni Rufa Mae Quinto ang pagkamatay ng kanyang estranged husband. Kahit na naghiwalay sila, mahal pa rin niya ito dahil may anak sila.

---

MARAMI ang nagsasabing malaki ang moral support na ibinigay ni Ashley Ortega kay Shuvee Etrata kaya nakayanan ng huli ang buhay sa loob ng Pinoy Big Brother (PBB) house. 

Naging close sina Ashley at Shuvee nang magkasama sa seryeng Heart on Ice (HOI) ng GMA-7. 

Dahil laking-probinsiya si Shuvee, inalalayan ito ni Ashley upang makapag-adjust sa buhay-Maynila.

At maging ang mga personal niyang gamit tulad ng bags at sapatos ay isine-share niya kay Shuvee. 

Sobrang pasasalamat naman ni Shuvee kay Ashley sa mga tulong sa kanya. Para siyang nakatagpo ng isang kapatid. 

Sey naman ng mga netizens, naging eye-opener kay Ashley ang buhay ni Shuvee Etrata. Sa kabila ng kahirapan na pinagdaanan ay nanatiling matatag at masayahin si Shuvee.

Kinakaya niya ang pagtataguyod sa kanyang mga magulang at kapatid na nasa Cebu. Samantalang si Ashley, sa kabila ng maginhawang buhay ay malayo ang loob sa kanyang ina at namumuhay na mag-isa.

May mansion na, nabibili pa lahat ng gusto… KRIS, BUHAY-REYNA SA MISTER

ni Erlinda Rapadas @Teka Nga | August 1, 2025

Kris Bernal - IG

Photo File:Kris Bernal - IG

Ang bongga-bongga ng aura ngayon ni Kris Bernal habang nagbabakasyon sa New York, USA  ang kanyang mister at ang kanilang baby girl. Sosyal na sosyal si Kris Bernal na New Yorker na ang peg. Kahit pansamantala niyang iniwan ang showbiz, wala namang regrets si Kris Bernal dahil masaya siya sa pinili niyang buhay. Naibibigay ng kanyang mister ang lahat ng kanyang pangangailangan. Naipagpatayo siya ng isang mansion at nabibili ang mga material things na gusto niya.

Na-miss ni Kris Bernal ang pag-arte pero prayoridad niya ngayon ang kanyang pamilya. Mabait at very supportive rin ang kanyang hubby. 

Maging ang mga fans ni Kris Bernal ay nagsasabing napakasuwerte niya sa kanyang married life! Hindi siya nagkamali sa pagpili ng lalaking pakakasalan. Secured na ang future nila ng kanyang anak.

---

TODO-REACT ang mga fans ni Barbie Forteza sa balitang si Jillian Ward ang ipapareha kay David Licauco sa bagong action-drama series ng GMA-7, ang Never Say Die. Star-studded ang serye at kasama rito sina Raymart Santiago, Gina Alajar, Richard Yap, Angelu de Leon, Wendell Ramos, Raheel Bhyria at ang Korean actor na si Kim Ji Soo.

Mapapasabak sa mga action scenes si David Licauco at panibagong hamon ito sa kanyang kakayanan.

Samantala, nagtatanong naman ang mga BarDa fans kung may slant daw ng romance sa pagtatambal nina Jillian at David sa Never Say Die? For sure, ‘yun ang babantayan ng mga fans. 

Si Barbie Forteza naman ay ipinareha kay Sam Concepcion sa seryeng Beauty Empire. Pero, hindi gaanong naalarma ang BarDa fans. 

Pakiusap ng mga fans nina Barbie at David sa GMA Network, ‘wag namang tuluyang buwagin ang tambalang BarDa. Sila ang nagsisilbing inspirasyon nila ngayon.

,,,,,,,

---

DIVORCED na si Max Collins sa kanyang mister na si Pancho Magno. Tuluyan na rin siyang naka-move on sa kanilang paghihiwalay.

Balitang nakatagpo na ng bagong pag-ibig si Max Collins, pero hindi pa niya ito inilalantad sa publiko. 

Hindi naman madali para kay Pancho na tanggapin na may bago nang pag-ibig ang kanyang ex-wife na si Max Collins. Tunay ang kanilang pagmamahalan noon at si Skye ang pinakamagandang bagay na dumating sa kanilang buhay.

Five years old na ngayon si Skye at co-parenting ang naging agreement nila ni Max.

Wala pang bagong pag-ibig na ipinakikilala si Pancho Magno. Hindi raw siya nagmamadali na pumasok sa bagong relasyon. Gusto niyang mag-concentrate sa kanyang career. At masaya naman siya kapag kasama ang anak na si Skye.

---

FIRST love pala ni Jessy Mendiola ang aktor na si JM De Guzman. At sobra siyang nasaktan nang sila ay mag-break. 

Marami raw memories na bumabalik kay Jessy kapag naaalala niya si JM de Guzman. Pero marami ang nagsasabing blessing in disguise na hindi sila nagkatuluyan ni JM. 

Si Luis Manzano pala ang sadyang nakalaan para sa kanya. Kaya nagkaroon siya ng cute at lovable na Baby Peanut.

Well, kung minsan, likas na mapagbiro ang tadhana. Ang taong akala mo ay siyang “the one” na ay nawawala pa.

Napunta naman sa maganda ang buhay ni Jessy Mendiola nang si Luis Manzano ang pinili niyang pakasalan. At marami ang nagsasabing mas gumanda ngayon at blooming si Jessy. Pinayagan din siya ni Luis na balikan ang kanyang acting career kaya happy siya.