Tanggap na sumikat din sa fashion world… HEART, ‘DI INSECURE KAY ANNE

ni Erlinda Rapadas @Teka Nga | August 9, 2026

Photo: IG _iamhearte & _annecurtissmith

Para kay Heart Evangelista, hindi threat sa kanya ang pagrampa rin ngayon ni Anne Curtis sa fashion events sa Paris at New York. In fact, masaya siya para sa aktres-host na naka-penetrate na rin sa fashion world.

Halos magkasabay sila noon ni Heart sa ABS-CBN, kaya naging malapit sila sa isa’t isa. Pareho silang nangarap na magtagumpay sa kanilang career.

At para kay Heart, deserve ni Anne ang lahat ng blessings na dumarating sa kanyang buhay. Mabait ito, humble at napaka-down-to-earth. Wala itong ere at hindi feeling diva kung umasta.

Gusto ni Heart na tulad niya ay tanggapin din si Anne ng mga sikat na designers sa Paris at New York. Babagayan din ang aktres ng mga fashion clothes na kanyang irarampa.

Handa rin si Heart na suportahan si Anne sa kanyang journey bilang isang fashion model. Tulad niya, medyo petite rin ito, pero classy naman ang porma. 

---

DAHIL sa pagpuri ni Barbie Forteza kay Khalil Ramos, co-star niya sa pelikulang Saving Cherry (SC), naging issue ito at hindi nagustuhan ng ilang fans.

Well, para sa amin, hindi naman siguro balak ng aktres na maliitin ang kakayahan ng ibang aktor na nakatrabaho niya sa mga nauna niyang projects.

Natural lang sa isang seryoso at professional na artistang tulad niya na purihin ang sinuman na seryoso sa kanyang trabaho, tulad ni Khalil. Puring-puri niya ang BF ni Gabbi Garcia dahil sa pagiging professional nito sa trabaho.

Ganunpaman, hindi ito nangangahulugan na binabalewala ni Barbie ang ibang aktor na kanyang nakatrabaho tulad nina David Licauco, Jak Roberto, atbp..

Ang naging opinion niya ay base lang sa kanyang point of view bilang isang artist.

Wala naman siyang binanggit na pangalan ng sinumang aktor na laging cause of delay, may attitude at hindi sineseryoso ang kanyang trabaho.

Sad lang ngayon ang BarDa fans dahil mukhang wala nang chance na muling magkatambal sina Barbie at David sa anumang serye ng GMA-7.

Pinagpahinga muna ang dalawa kahit na ang lakas ng impact nila sa publiko nang magtambal sila sa Maria Clara at Ibarra (MCIB). 

Well, parehong nakinabang sina Barbie at David sa kanilang tambalan on screen kaya nakakapagtaka kung bakit sila pinaghiwalay at may kani-kanya nang diskarte sa kanilang career.

---

30 yrs. nang magkasama…

JOLINA, TINUTURUAN NI MARVIN NA MAGKAPERA

THIRTY years na ang tambalang Jolina Magdangal at Marvin Agustin. Pero hindi sila iniiwan ng kanilang mga loyal fans at laging nag-aabang ng kanilang projects.

Hindi pa rin nawawala ang kilig sa tuwing nagbibiruan sina Jolens at Marvin. Wala pa ring kupas ang kanilang chemistry, kaya swak na swak sa kanilang tambalan ang romcom na Mommy Guard (MG), na mapapanood na sa TV5 sa September.

Magkukulitan at mag-aasaran na naman sila sa kanilang mga eksena. 

Sa kabila ng pagkakaroon nila ng kani-kanilang pamilya at pagma-mature, kuwela pa rin ang appeal nina Jolens at Marvin sa mga Gen Z. At tiyak na ibibigay ng kanilang mga tagahanga ang all-out support sa MG.

Kuwento nga ni Jolens noong mediacon ng TV5, solid ang friendship nila ni Marvin at tinuturuan daw siya nito na mag-venture sa business.

Isang matagumpay na businessman ang aktor at marami siyang resto business. Kahit hindi siya magtrabaho sa showbiz ay malaki ang kanyang kinikita. Isa rin siyang chef, kaya sa food business siya luminya.

Tulad ni Jolina, masaya si Marvin sa piling ng kanyang mga anak.

May sked na raw… AWRA, ITINULOY ANG RETOKE SA ILONG KAHIT MAY CANCER ANG MADIR

ni Mercy Lejarde @Talkies | August 9, 2026

Photo: IG _awrabriguela

Nagbahagi ang aktres at social media personality na si Awra Briguela ng pinakabagong update tungkol sa kalagayan ng kanyang ina, na na-diagnose ng stage 2 breast cancer.

Sa kanyang pagbisita kamakailan sa programang Fast Talk with Boy Abunda (FTWBA), napag-usapan ang isyu tungkol sa kanyang rhinoplasty at ang halos magkasabay na paglabas ng balita tungkol sa kondisyon ng kanyang ina.

Tinanong siya ni Boy Abunda, “Halos kasabayan ng pagpapaayos mo ng iyong ilong ay nakuha mo ang balita na may stage 2 breast cancer ang iyong ina?”

Ipinaliwanag ni Awra na naging tampulan siya ng intriga dahil sa timing ng kanyang operasyon.

“Actually, Tito Boy, kahit ‘yun po, iniintriga ako ng mga tao. May mga nagsasabi na isinabay ko pa talaga,” ani Awra.

Nilinaw naman ni Awra na matagal na nilang inaasikaso ang pagpapasuri sa kanyang ina bago pa man ang kanyang rhinoplasty.

Ani Awra, “February pa lang po, may iniinda na ang mama ko. Noon pa lang, sinasabi ko na sa kanya na magpa-checkup s’ya. Bago pa ako magpa-schedule ng rhinoplasty, nagpapa-laboratory tests na rin ang mother ko at nagpapa-checkup na s’ya para malaman kung ano ang bukol sa kanyang breast.”

Aniya, hindi niya sinadya na magkasabay ang kanyang operasyon at ang paglabas ng resulta ng pagsusuri sa kanyang ina.

“‘Di ko po talaga sinadya na magkataon kung ano ang magiging resulta ng test. S’yempre, mas uunahin ko naman ang mother ko kaysa sa sarili ko. Nagkataon lang na nakalatag na ang schedule ko dahil magpapasukan na rin sa school at kailangan ko ng isang buwang recovery,” dagdag pa ni Awra.

Ibinahagi rin ni Awra na bagama’t alam nilang mataas ang posibilidad na cancer ang bukol, patuloy silang nanalangin na hindi iyon ang maging diagnosis.

Aniya, “Ipinagdarasal ko talaga, kasama ang mga kapatid ko, na sana, ‘di cancer ang bukol sa breast n’ya pero mataas talaga ang chance. Kaya kahit medyo inihanda ko na ang sarili ko sa posibleng balita, masakit pa rin nang marinig na kumpirmadong may cancer ang mama ko, lalo na sa sitwasyon ko nu’ng mga panahong ‘yun.”

Sa panayam, tinanong ni Boy Abunda si Awra tungkol sa kasalukuyang kalagayan ng kanyang ina.

Ayon kay Awra, patuloy pa ring ginagamot ang kanyang ina.

Aniya, “S’yempre, ‘di ko naman po puwedeng sabihing okay na po s’ya ngayon. Pero alam na po namin kung ano’ng stage ng cancer n’ya. Nakapag-start na rin po s’ya ng chemotherapy last week po. Ngayon po, tuluy-tuloy pa rin ang kanyang checkup at mga laboratory tests.”

Tinanong din ni Boy kung siya ba ang sumusuporta sa kanyang ina sa aspetong pinansiyal.

Agad naman itong kinumpirma ni Awra.

“Yes po, Tito Boy. Kahit nu’ng nagtatrabaho pa s’ya sa ibang bansa, ako na po ang sumusuporta sa side ng mother ko, lalo na sa lola ko. Ako po ang nagbibigay ng pambayad sa renta, kuryente. Lalo na po ngayon sa nangyayari sa mama ko, ako na po ang sumasagot sa lahat ng kanilang pangangailangan,” ani Awra.

Good job, Awra. Wishing your mother a speedy recovery. Stay strong, and may she continue to heal with God’s guidance and strength.

---

NAGKAROON ng ‘starstruck’ moment ang aktres-comedian na si Donita Nose nang makilala nang personal ang fashion icon-aktres na si Heart Evangelista.

Sa kanyang social media post, ibinahagi ni Donita ang larawan nila ni Heart at inamin na matagal na niya itong hinahangaan.

Ayon kay Donita, “Can't explain my feelings. Super-star struck na naman ako. Iba talaga s’ya, Diyos ko! Ang liit ng fez (face), ang sosyal ng ganda. Super-happy ako na na-meet ko na s’ya. I love Ms. Heart Evangelista super.”

Well, korek ka d’yan, Donita! Super ganda at tunay na sosyal talaga ang dating ni Heart.

CUTENESS overload! Ibinahagi ng singer-actress na si Angeline Quinto ang kanyang throwback photos sa social media, na agad kinagiliwan ng kanyang mga tagahanga.

Nagbalik-tanaw si Angeline sa kanyang kabataan sa Sampaloc bilang bahagi ng pagdiriwang ng kanyang ika-15 anibersaryo sa music industry.

Sa kanyang post, ibinahagi niya ang kanyang taos-pusong mensahe.

Ani Angeline, “Angie! ‘Yan ang batang ako. Sa simpleng mga larawang ‘to ay may masaya at malalim na kuwento. Samahan n’yo ako sa ISANG PANGARAP na muli ninyong tinupad. 

“Sa August 22 na ang AQUINSE sa Araneta Coliseum. Aasahan kayo ni Angie. Ako ‘yan! Angie ang pangalan ko sa Sampaloc noon! Bata pa lang ako, mukhang makulit na, ‘di ba?”

Samantala, mas pinatingkad ni Angeline Quinto ang mensahe ng wagas at matatag na pag-ibig sa kanyang bagong single na Hindi Mawawala, bago ang kanyang inaabangang 15th anniversary concert na AQUINSE sa Agosto 22 (Sabado) sa Smart Araneta Coliseum.

Mula sa komposisyon ni ABS-CBN Music Creatives, Content, and Operations head Jonathan Manalo, umiikot ang emosyonal na ballad sa pag-ibig na nananatiling matatag sa kabila ng panahon, distansiya, at iba’t ibang pagsubok sa buhay.

‘Yun lang, and I thank you.

Nagkasama sa serye noon… KRISTEL, UMAMIN KUNG BAKIT INAYAWANG MAGING BF SI JOHN LLOYD

ni Janiz Navida @Showbiz Special | August 9, 2026

Photo: IG _johnlloydcruz83

Matagal natigil sa pag-arte ang dating sexy actress na si Kristel Moreno, pero hindi naman siya totally umalis sa showbiz. In fact, nag-level-up pa nga siya dahil mula sa pagiging dating aktres, ngayon ay producer na rin siya ng indie film, ang Poon kung saan malalaking artista ang bumubuo sa cast ng pelikula tulad ng mga pumanaw nang sina Ronaldo Valdez at Jaclyn Jose, at sina Gina Pareño, Janice de Belen, Lotlot de Leon, Ara Mina, Bembol Roco, JC de Vera, Allen Dizon at marami pang iba.

Pandemic pa nasimulan ang pelikula pero dahil nagkasakit ang Mommy Anna ni Kristel, ang ina muna ang kanyang tinutukan, kaya ngayong taon pa lang maipapalabas ang Poon na mula sa direksiyon ni Adolf Alix. 

• 

  Kristel Moreno

Bukod sa pagiging producer, direktor din si Kristel ng reality game sa YouTube channel, ang PinaSexy Challenge kung saan tampok bilang mga kalahok ang 8 sexy at palabang content creators-social media influencers na sina Vannesa Raval, Queen Money, DJ Justine Joyce Dayag, Trixie Escosis, Tei Escosis, Aki Mitu, Nikkie Millares, at Eunice Andrea, na haharap sa iba’t ibang masaya, exciting, at kakaibang challenges sa loob ng limang episodes.

Ayon kina Trixie, Aki at DJ Justine, bilib sila kay Direk Kristel dahil grabe raw ang mga naiisip na ipagawa sa kanilang challenge sa PinaSexy Challenge kung saan ‘di nila makalimutan ang mga ipinainom sa kanila na mixture ng kung anik-anik na condiments.

Layunin ng PinaSexy Challenge na maghatid ng bagong klase ng digital entertainment na puno ng saya, kompetisyon, at mga hindi inaasahang tagpo na tiyak na magbibigay-aliw sa mga manonood.

• 

  PinaSexy Challenge

• 

  PinaSexy Challenge

• 

  PinaSexy Challenge

Sa kasalukuyan ay patuloy ang paghahanda ng production team para sa opisyal na paglulunsad ng programa. Hinihikayat ang publiko na abangan ang mga susunod na anunsiyo tungkol sa premiere at iba pang updates sa official social media pages ng PinaSexy Challenge.

Samantala, naalala namin ang dating chika na isa raw si Kristel sa mga niligawan o pinagparamdaman ng interes noon ni John Lloyd Cruz nang magkasama sila sa Betty La Fea serye ng ABS-CBN.

Kaya nang makapanayam namin si Kristel ay ipinalinaw na namin sa kanya ang chismis.

Aniya, hindi naman talaga seryosong ligaw ang nangyari. Parang nag-“da moves” lang nang slight si JLC sa kanya, pero hindi raw kasi ang type ni John Lloyd ang gusto niya at tropa lang ang tingin niya rito, kaya ang ending, hindi nga sila nagkaroon ng relasyon.

At 35 yrs. old, single pa rin daw si Kristel at kuntento naman sa buhay niya ngayon. Hindi raw siya naghahanap ng partner in life. Ang priority niya ngayon ay ang kanyang career at pamilya, bukod sa kanilang mga businesses.

---

• 

• 

Ang pinakamataas na parangal na Legion of Honor ay iginawad kay Timotea Ramos matapos siyang mapili sa pamamagitan ng live voting ng mga dumalo.

IPINAGDIWANG ng NVP1World Entertainment ang ika-8 anibersaryo nito sa pamamagitan ng isang gala night noong Agosto 8, 2026 sa HK Banquet, Chicago, kung saan pinarangalan ang mga indibidwal na may malaking kontribusyon sa arts, music, humanitarian work, and community service.

Kasabay ng selebrasyon ang pagbabalik ng NVP1World Honor Awards matapos itong pansamantalang natigil noong pandemic. Isinusulong din nito ang mga charitable initiatives sa ilalim ng SMILE WORLD Charities.

Kabilang sa mga pinarangalan ang FAASD Dance Group para sa Excellence in Arts (Dancing) at si Evelyn O. Francia para sa Excellence in Music (Singing). Tumanggap naman si Rosalinda Cañete ng Excellence in Humanitarianism, habang ginawaran si Aurelia Pendon ng Pastor Philip Tan Sr. Lifetime Achievement Award.

Kinilala rin sina Gemma Esmalla at Timotea Ramos bilang Distinct Women of Honor 2026, habang si Aaron Del Mar, kandidato sa pagka-Lieutenant Governor ng Illinois, ay tumanggap ng Distinct Man of Honor. Pinarangalan naman si Margie Par, nurse ng Rush Oak Park Hospital, ng Excellence in Nursing dahil sa kanyang kontribusyon sa mentoring ng mga bagong nurse at pagpapabuti ng patient care.

Ang pinakamataas na parangal na Legion of Honor ay iginawad kay Timotea Ramos matapos siyang mapili sa pamamagitan ng live voting ng mga dumalo. Ibinahagi rin niya ang kanyang unreleased single na Sama Sama Tayo na nakatakdang ilabas sa Disyembre 2026.

Samantala, inanunsiyo ni NVP1World Entertainment founder Nick Vera Perez ang kanyang ika-pitong album na Reminiscing, na naglalaman ng revival songs at nostalgic favorites. Nakatakda rin siyang bumisita sa Pinas sa Mayo 2027 para sa promotional tour ng album.

Patuloy na kinikilala ng NVP1World Entertainment ang mga personalidad na nagbibigay-inspirasyon sa pamamagitan ng kanilang talento, serbisyo, at dedikasyon sa komunidad.

---

Nagtago sa takot na ipalaglag, nahanap na rin…

NABUNTIS NA SEXY STAR NG GUWAPONG ANAK NG INFLUENTIAL MALE PERSONALITY, NANGANAK NA

• 

BLIND ITEM:

PART 3 na ng ating Blind Item Serye.

Tungkol pa rin ito sa guwapong anak ng influential male personality na nakabuntis ng sexy star na exotic beauty kaya ‘di ma-take ng mudrakels ng ama ng anak.

Ayon sa aming reliable source, nanganak na pala si sexy star at ilang buwan na rin ang unang apo ng influential male personality at ng kanyang misis.

Matagal ding ipinahanap ng mag-asawa ang sexy star na finally, natagpuan nilang nagtago sa bandang Visayas.

Pero ang tanong ngayon, matatanggap ba nila ang kanilang unang apo at isasapubliko kaya ito soon?

Kilalang-kilala sa bansa ang pamilyang ito, kaya marami ang nagsasabing ang suwerte ng sexy star kung tatanggapin nga ang kanyang anak.

Abangan na lang natin ang bonggang kaganapan sa mga susunod na buwan.