Sobrang mag-BFF daw sila… BEAUTY, PINAIINOM NG ALAK NG BIYENAN KAHIT BUNTIS

ni Mercy Lejarde @Talkies | May 22, 2026

Photo: IG _beauty_gonzalez

Walang pinirmahang prenuptial agreement (prenup) ang magagandang aktres na sina Kris Bernal at Beauty Gonzalez sa kani-kanilang mga asawa, bagay na inamin nila sa kanilang pagge-guest sa Fast Talk with Boy Abunda (FTWBA).

Sa panayam ay napag-usapan ang tungkol sa relasyon nina Kris at Beauty sa kanilang mga in-laws.

Tanong ng King of Talk na si Boy Abunda kina Kris at Beauty, “How challenging is it to be married to people who come from wealth?”

Pabirong sey ni Beauty, “It’s not challenging to make gastos. Hahaha! Joke!”

Saad naman ni Kris, “Wala naman. Wala rin kasi, parang nu’ng bago rin naman ako mag-artista, may kaya naman din ‘yung family ko.”

Dagdag na tanong ni Boy kina Kris at Beauty, “Ito na lang ang tanong ko. Do you have boundaries with families? Halimbawa, ‘yung mga in-laws?”

Saad ni Kris, “Wala, eh. Very supportive talaga ‘yung mga in-laws ko rin. Walang problema.”

Sey naman ni Beauty, “‘Yung mom ni Norman, sobrang best friend kami, eh. Remember when I was pregnant? Sabi n’ya, ‘You can have one glass of wine.’ Sabi ko, ‘Mom, I’m pregnant.’ Sabi n’ya, ‘Look at Norman, he’s normal.’”

Hirit na tanong ni Boy kina Kris at Beauty, “Kayo ba’y naniniwala sa prenup?”

Sey ni Beauty, “Ako kasi, ‘yung mama ko, gusto n’ya ‘yun, eh. Pero kay Norman, para sa amin, kung ano’ng sa kanya, akin naman talaga lahat. So, wala naman kaming kumplikasyon.”

Dagdag na tanong ni Boy kina Kris at Beauty, “But did you sign one?”

Sey ni Beauty, “No, no, no. Ayaw n’yang (Norman) pumayag. Pero my mom, lagi n’ya akong inire-remind.”

Saad naman ni Kris, “Sa amin, wala rin kaming prenup ni Perry. Siguro, depende rin sa tao. Sa amin kasi, ‘yung personality namin ni Perry, very ano kasi kami, eh, maintindihin. ‘Yung parang alam na namin ‘yung isa’t isa. O kaya, parang dahil siguro sa pagmamahal namin sa isa’t isa, parang okay lang na mawalan ako, o okay lang na walang matira sa akin. ‘Yung ganu’n s’ya, eh. Ganu’n din ako sa kanya.”

Matatandaang ikinasal ang aktres na si Kris Bernal sa kanyang longtime partner at businessman na si Perry Choi noong Setyembre 25, 2021.

Samantala, si Beauty Gonzalez ay ikinasal noong Mayo, 2017 sa kanyang art curator at painter-boyfriend na si Norman Crisologo.

---

MULING binuksan ng Tawag ng Tanghalan: All-Star Grand Resbak runner-up na si Ian Manibale ang kanyang puso sa bagong single na Ganito Ba.

Tungkol ang R&B (Rhythm & Blues) track sa espesyal na koneksiyon sa isang tao sa hindi inaasahang panahon. 

Dala nito ang emosyon ng pagkakaroon muli ng pag-asa na sumubok magmahal. Isinulat ito ni Kiko Salazar at ipinrodyus ni Gabriel Tagadtad sa ilalim ng DNA Music label ng ABS-CBN.

Unang nakilala si Ian na tubong Catanduanes nang maging runner-up ito sa Tawag ng Tanghalan (TNT) Season 5 noong 2021. Muli niyang nasungkit ang ikalawang puwesto nang magbalik siya sa Tawag ng Tanghalan: All-Star Grand Resbak Season 2.

Matapos ang TNT journey, naging ganap na recording artist si Ian at inilunsad ang debut single na Vicente Cruz na sinundan ng Laging Nasa Tabi Mo.

Nakasama niya rin ang Day One para sa Naubos Na at ang kapwa TNT alumna na si Jezza Quiogue para sa Hindi Na Mahal. 

Kasalukuyang bahagi si Ian ng One Music Management.

‘Yun lang, and I thank you.

Andres-de-saya kay misis… ERWAN AT MATTEO, AMINADONG SINA ANNE AT SARAH ANG ‘BOSS’ SA BAHAY

ni Reggee Bonoan @Sheet Matters | May 22, 2026

Photo: IG _erwan & _matteog

“She is (Anne Curtis),” ito ang natawang sagot ni Erwan Heussaff sa tanong ni Matteo Guidicelli kung sino ang boss sa bahay nila sa guesting nito sa Matteo G. Primetime na mapapanood sa YouTube (YT).

Inamin din ni Matteo na ang asawang si Sarah Geronimo ang boss sa bahay nila kaya nagtawanan ang dalawa.

Inamin din ng food content creator, entrepreneur, at media producer na pareho silang independent ni Anne, bagay na itinuturo rin nila sa nag-iisa nilang anak na si Dahlia.

Tanong ni Matteo kay Erwan, “What is the secret of a lasting, strong, loving marriage for Erwan Heussaff?”

“I think for us, it’s really respect. It’s not trying to change who we are or who you were. Obviously, just because you want to see people challenge each other, grow together, and evolve doesn’t mean they can’t change. But if you decide to marry a person, marry that person in that moment and whatever comes with that person,” paliwanag ng mister ni Anne.

Naramdaman ni Erwan na si Anne ang babaeng para sa kanya dahil sobrang supportive nito sa lahat ng bagay. 

Puwede siyang magpaalam anumang oras kung aalis siya at hindi siya tatanungin ng TV host-actress kung bakit siya aalis, saan pupunta, at kung anu-ano pa.

Ganoon din si Erwan sa asawa, kapag may lakad ito o may shooting at hindi makakauwi nang ilang araw ay okay lang din sa kanya.

Ang perpektong halimbawa ni Erwan ay noong hindi pa sila mag-asawa ni Anne, madalas silang gumimik.

“Anne and I, if we go out together—this is way back when we used to go to bars and everything. I’d be like, 10:30 PM I wanna go home, and she’ll be like, ‘Okay, I’ll stay.’ And there was no fight,” kuwento ni Erwan.

Samantala, maraming hindi nakakaalam na marunong palang umawit ang mister ni Anne at sa katunayan ay kinakantahan nito lagi ang anak bago matulog.

“My lullaby for Dahlia was Fix You by Coldplay,” at nagbigay pa ng sample ang mister ni Anne. 

Maganda ang boses nito, kaya biro ni Matteo ay kung kino-coach nito ang aktres.

“Do you coach Anne sometimes?” tanong ni Matteo.

“Sometimes, too!” natatawang sagot ni Erwan.

Samantala, wala ring isyu kay Erwan Heussaff kapag ang pakilala sa kanya ay ‘Asawa ni Anne Curtis’ na kinatuwaan online.

---

NAGPAALAM na ang Filipino idol girl group na MNL48 nitong Mayo 2026, ayon sa post ng kanilang manager sa Facebook (FB) account.

Unang nasilayan ang MNL48 noong 2018 under Hallo Hallo Entertainment.

Pang-apat ang MNL48 sa mga sumikat na girl group sa Pilipinas tulad ng AKB48 sa Japan, pagkatapos ng Indonesia’s JKT48, SNH48 ng China, at Thailand’s BNK48.

Dahil sa pandemya, nawala ang MNL48 dahil bawal lumabas noon, at muli silang nagbalik noong Abril 2025 at muling inilunsad sa isang mini-music festival na Reboot and Rise 2025 sa ilalim ng bagong management, P.O.S. Inc..

Sa FB account ng MNL48 na may 1.2M followers, inanunsiyo ang pamamaalam ng grupo dahil hindi na kayang i-sustain ang kanilang operasyon.

Ito ang official statement ng management company ng MNL48:

“Thank you always for your continued support of MNL48.

“After extensive discussions with all relevant parties, P.O.S. Inc. has made the difficult decision to conclude MNL48’s activities as of the end of May 2026.

“Throughout its activities, MNL48 has been supported by many fans, members, staff, and all those involved. However, after carefully considering the sustainability of the management structure, the future operating environment, and the various conditions necessary to continue supporting the group in a stable manner, we have come to the conclusion that it would be difficult to continue MNL48’s activities going forward.

“As management, we have done our utmost to carry MNL48 forward in the best possible way. We deeply apologize for not being able to fully meet everyone’s expectations in the end.

“We would also like to announce that the music video for Pag-ibig Fortune Cookie, released on YouTube today, will be MNL48’s final work as a group.”

Maraming supporters ng MNL48 ang nalungkot at nagbahagi ng kanilang karanasan sa pagsuporta sa girl group. 

Pang-apat ang MNL48 sa mga girl groups na naging bukambibig sa bansa matapos silang i-launch noong 2018.

Isa kami sa mga nalungkot din dahil naging bahagi kami ng grupo mula noong i-launch sila noong 2018, kasama ang kanilang publicist na si Vangie Ruiz sa pagtatawag ng media, vloggers, at TV para sa presscons ng kanilang mga album, videos, projects, at sa mga dynamics nila bilang grupo, pati na rin ang pagpunta nila sa ibang bansa upang ma-update ang kanilang mga supporters.

Sa kanilang pagbabalik noong Abril 2025, si Vangie pa rin ang humawak ng kanilang media relations.

After daw silang laitin ng vocalist… DDS, NAGBUBUNYI NA NA-POSTPONE ANG CONCERT NG CUP OF JOE SA DAVAO

ni Ambet Nabus @Let's See | May 22, 2026

Photo: IG _cupofjoemusicph

Ngayong na-postpone na ang dapat na May 30 concert ng kilalang banda na Cup of Joe (COJ) sa Davao City, tila nagbubunyi ang mga supporters ng mga Duterte sa napakaepektibong pag-call out dito ni Wency Cornejo.

Bago pa man kasi inianunsiyo ang naturang postponement ng concert ay tahasan nang kinol-out ni Wency ang sa palagay niya ay ‘disrespect’ sa mga Davaoeños, lalo na raw sa mga supporters ng mga Duterte.

Diretso rin kasing ‘nilibak, kinantiyawan o pinrovoke’ ang mga DDS ng lead vocalist ng COJ na si Gian Bernardo sa pamamagitan ng socmed (social media) post nito sa kasagsagan ng promo ng dapat ay Davao City concert.

Sey nga nito sa kanyang post gamit ang isang online game, “Who’s most likely to survive a zombie apocalypse?”

Itinuro umano ni Gian ang kanyang sarili, sabay sabing “Duh, ‘di nila hinahabol ang mga bobo,” obviously referring daw sa mga DDS o mga diehard Duterte supporters.

Sinundan pa raw at nag-share pa si Gian ng screenshot ng naturang game with his quote at caption na: “Suwerte ng mga DDS kung sakali [green heart emoji].”  

Sinagot agad ito ni Wency na isang dating kilalang singer-concert producer artist, na tila nagbababala o nagbabanta sa kanyang tanong na, “Sino kaya (ang) producer ng show ng Cup of Joe sa Davao? Naku, mag-isip isip ka na…”

Ilang araw daw after ng naturang post ng parehong singers ay may lumabas na ngang anunsiyo na ‘postponed’ na ang concert ng COJ sa Davao City.

Sinabi sa anunsiyo na merong pupuntahang awards event ang banda on the same date kaya’t postponed na raw ito at walang binanggit kung kailan ito matutuloy.

Ang paniniwala naman ng marami ay naduwag at natakot nga ang banda sa posibleng kahantungan ng kanilang Davao leg. 

Sey pa ni Wency sa parehong post niya, “Baka langawin, multuhin o ‘di tauhin ang concert ng tila hambog na lead vocalist ng banda.”

Samantala, magkakaroon ang sikat na banda ng SANDALI: The Cup of Joe Music Fest ngayong May 23 sa Philippine Sports Stadium sa Bulacan.

---

Umay na umay na raw… 

REGINE AT OGIE, MAS GUSTO PANG MANOOD NG K-DRAMA KESA BALITA SA ‘PINAS

Marami rin ang nakakaunawa at natutuwa sa pagiging totoo ni Asia’s Songbird Regine Velasquez sa post nito hinggil sa panonood ng K-drama (South Korean Drama) vs. pagtutok sa mga TV news tungkol sa mga kaguluhan sa pulitika.

Kuwela pero napakatotoo nga raw ng post ni Regine dahil sa mga panahong ito, mas importante nga raw ‘yung magkaroon muna ng ‘stable mental health o condition’ ang mga Pinoy dahil sobra-sobra na nga raw ang mga problema ng bayan.

“Totoo namang nakakatorete na ang mga balita,” bahagi pa ng post ni Regine kaya’t sa mga free time raw nila sa bahay ng asawa niyang si Ogie Alcasid at anak na si Nate, mas pinipili nilang manood ng mga K-dramas kesa magbabad sa mga news programs.

Pero hindi naman umano nito ibig sabihin na wala na silang pakialam sa mga nangyayari sa bayan.

Sa mga ganitong panahon daw kasi ay higit na pagdarasal ang kailangan ng lahat para mabigyan ng wastong pag-iisip at mga kalmadong damdamin ang lahat ng mga lider ng bansa na may tungkulin at hangaring maglingkod sa lahat.

At dahil may adbokasiya raw silang mag-asawa hinggil sa pagkakaroon ng stable na mental health, mabuti raw na sila mismo ang makaranas ng kanilang ipini-preach o pagsulong nito batay sa kanilang mga karanasan at kung paano nga nila ito nalalabanan.

“Basta’t may Tagalog o naka-dub sa English, ha? Masakit din kasi sa bangs ‘yung may mga subtitles pa,” hirit pa ni Regine sa panonood nila ng mga K-dramas, kung saan puring-puri nito ang mahuhusay daw na mga batang Korean actors.

Samantala, dedma at tila wala naman itong isinagot sa tanong ng ilang netizens sa kanyang post tungkol sa kanyang saloobin sa nangyayari ngayon kay Sen. Robin Padilla sa Senado, na naging leading man din niya sa pelikula.

Tila sa mga naglalabasang balita sa showbiz, mabibilang lang o baka nga raw wala man lang nagtatanggol o kumakampi sa aktor-pulitiko hinggil sa mga aksiyon at ginagawa nito sa Senado.