Hiwa-hiwalay na investment at paninirahan sa ibang bansa, susi ng Wood Sheep sa pagyaman

ni Maestro Honorio Ong - @Forecast 2020 | July 25, 2020

Sa pagpapatuloy ng pagtalakay sa bawat animal sign ngayong 2020, talakayin naman natin ang ugali at magiging kapalaran ng Sheep o Tupa ngayong Year of the Metal Rat. Ang Sheep o Tupa ay tinatawag ding Goat o Kambing.

Alalahaning ang Sheep o Tupa ay nahahati sa limang uri, batay sa taglay nilang elemento at ito ay ang mga sumusunod:

• Metal Sheep o Bakal na Tupa - silang mga isinilang noong 1931 at 1991

• Water Sheep o Tubig na Tupa - silang mga isinilang noong 1943 at 2003

• Wood Sheep o Kahoy na Tupa - silang mga isinilang noong 1955 at 2015

• Fire Sheep o Apoy na Tupa - silang mga isinilang noong 1967

• Earth Sheep o Lupa na Tupa - silang mga isinilang noong 1979 at 1939

Sa nakaraang mga isyu, tinalakay natin ang kapalaran ng Metal Sheep at Water Sheep, kaya pagkakataong ito, dumako na tayo sa magiging sadlakang kapalaran ng Wood Sheep o Kahoy na Tupa.

Kilala sa pagiging may ambisyon at dedikasyon ang Kahoy na Tupa at talaga namang nagsisikap siya upang maabot ang kanyang mga pangarap sa buhay, lalo na kung para sa kapakanan ng kanyang pamilya. ‘Yun nga lang, minsan, dahil sa sobrang ingat at may hindi maunawaang takot na nadarama sa kaibuturan ng kanyang puso, may mga gawain na kadalasan ay iniiwanan niya o hindi tinatapos. Maaaring dahil may kinatatakutan o lihim na alinlangan sa kanyang sarili, minabuti niya na iwanan na lang basta-basta at hindi na tapusin ang proyektong nasimulan niya.

Kung uugaliin ng Kahoy na Tupa na tapusin ang anumang bagay na nasimulan niya, tiyak na may pangako ng maunlad, matagumpay at maligayang buhay ang aanihin niya hindi lamang ngayong 2020 kundi maging sa 2021.

Sa negosyo at pangangalakal, ang mga Wood Sheep ay magaling sa pagsisimula ng negosyo kaya naman, napapaunlad nila ang negosyong dating may simula na, pero hindi nila ito napapanatili sa mahabang panahon. Ibig sabihin, halimbawang may existing na negosyo at ito ay pinamahalaan ng Kahoy na Tupa, mapapaunlad niya ito sa loob ng lima hanggang sampung taon, pero kapag sobrang tagal na, mahihirapan din siyang patakbuhin ito, kaya ang nasabing negosyo ay malamang na ma-bankrupt o tuluyang malugi.

Kaya naman sinasabing napakahalaga sa Kahoy na Tupa na may iba pang source of income, investment o negosyo na hindi siya ang namamahala kundi pinamamahalaan ito ng ibang tao para palaguin. Puwede rin namang parang diskarteng stock market, may nagsusugal o may nagnenegosyo para sa kanya. Sa ganu’ng paraan, napaghiwa-hiwalay ng Kahoy na Tupa ang kanyang investment o financial interest, upang kapag dumating ang panahon ng pagkalugi, hindi ito masisimot agad-agad, bagkus, may matitira o may maitatabi pa siya para sa future.

Bukod sa paghihiwa-hiwalay ng investment, mahalaga rin sa Kahoy na Tupa ang pangingibang-bansa o ang pagi-invest ng kanyang pera sa ibayong-dagat. Sapagkat sinasabing kapag ang Kahoy na Tupa ay sa ibang lugar o bansa nagnegosyo o nanirahan, maaaring doon siya lalong umunlad hanggang sa maging ubod ng yaman.

Bukod sa pagbu-business sa ibayong-dagat, ang real estate o pamimili ng mga lupa upang i-develop ay bagay na bagay din sa Wood Sheep.

Sa pangkalahatan, lubhang magiging maunlad at masagana ang 2020 sa Wood Sheep, pero hindi naman siya pinapayagang magdagdag o magbukas ng bagong investment.

Upang maiwasan ang tuluy-tuloy na pagkalugi ng negosyo ngayong 2020, dapat panaigin ng Kahoy na Tupa ang dati na niyang ugali na sobrang maingat at dahan-dahan lang sa pagdedesisyon.

Bagama’t may mga problemang hatid ang 2020 dahil sa Covid-19 pandemic, may posibilidad naman na ang mga negatibong pangyayaring ito ay mai-convert ng Kahoy na Tupa sa positibo at mahusay na diskarte, na kung tatama siya ng desisyon o pagpapasya, may malaki siyang tutubuing salapi na lalo pang ikauunlad at ikadaragdag ng materyal na biyaya sa kanyang umaapaw ng kaban-yaman.

Kaya naman kung may oportunidad na biglang darating at magiging dahilan upang magkaroon ng malalaking halaga ng salapi na makakasalubong ang Kahoy na Tupa ngayong 2020 hanggang 2021, walang pag-aalinlangang sunggaban niya dapat ito agad dahil ang minsang pagkakataong bibigyan siya ng langit ng napakalaking tsansa upang lalo pang yumamaman ay maaaring matataglan o sadyang hindi na ito babalik kailanman.

Itutuloy

Love life na darating sa Water Sheep, mabilis ding mawawala

ni Maestro Honorio Ong - @Forecast 2020 | July 23, 2020

Sa pagpapatuloy ng pagtalakay sa bawat animal sign ngayong 2020, talakayin naman natin ang ugali at magiging kapalaran ng Sheep o Tupa ngayong Year of the Metal Rat. Ang Sheep o Tupa ay tinatawag ding Goat o Kambing.

Alalahaning ang Sheep o Tupa ay nahahati sa limang uri, batay sa taglay nilang elemento at ito ay ang mga sumusunod:

• Metal Sheep o Bakal na Tupa - silang mga isinilang noong 1931 at 1991

• Water Sheep o Tubig na Tupa - silang mga isinilang noong 1943 at 2003

• Wood Sheep o Kahoy na Tupa - silang mga isinilang noong 1955 at 2015

• Fire Sheep o Apoy na Tupa - silang mga isinilang noong 1967

• Earth Sheep o Lupa na Tupa - silang mga isinilang noong 1979 at 1939

Sa nakaraang isyu, tinalakay natin ang kapalaran ng Metal Sheep, at ngayon, pag-usapan naman natin ang magiging kapalaran ng Water Sheep o Tubig na Tupa ngayong 2020.

Ngayong 2020, sa panahong patuloy na nananalasa ang Covid-19, hindi lang sa ating bansa kundi maging sa buong mundo, malalaki at hindi inaasahang suwerte ang bigla-biglang darating sa iyo, higit lalo sa mga bagay na may kaugnayan sa materyal na bagay at salapi. Anumang halaga ang iyong mahawakan, ito ay dapat mong sinupin at ingatan, dahil may babala na kahit gaano pa kalaking halaga ang iyong mahawakan ngayong 2020 hanggang 2021, kapag ito ay hindi mo itinabi o iningatan, agad-agad itong mauubos at mawawala.

Kung ikaw ay isinilang noong 1943, tulad ng nabanggit na sa itaas, may malalaking halaga ng salapi na darating sa iyo, na dapat mong pahalagahan, kasabay nito, ingatan mo rin ang iyong kalusugan upang ang malaking halaga ng salapi ay magastos mo pa sa pagpapasaya at pagpapasarap ng iyong buhay. Tandaan mong habang malakas ang iyong katawan, mas marami pang suwerte at magagandang kapalaran ang tuluy-tuloy na bubuhos at darating sa iyo ngayong 2020 hanggang 2021.

Sa pag-ibig at pakikipagrelasyon ay halos ganundin, may darating ngunit biglang mawawala at lilipas agad ang damdamin. Ngunit dahil ikaw ay teenager pa lang, partikular kayong mga isinilang noong 2003, ang mga kabiguan o pagkasiphayong ito sa pag-ibig ay hindi mo dapat damdamin dahil ito ay pasamantala lamang. Sa halip, ang mas mainam ay mag-concentrate ka sa career at pag-aaral, ibig sabihin, sa panahong ito ng iyong buhay, i-priority mo ang pag-aaral at career bago ka tuluyang lumusong sa malalim at seryosong pakikipagrelasyon. Sa ganu’ng paraan, magkakamit ka ng mas matagumpay at maligayang kapalaran habambuhay.

Sa pangkalahatan at bilang gabay mo para sa buong taon, tandaang sa panahong ikaw ay namumroblema, lalo na ngayong laganap pa rin ang Covid-19, i-focus mo ang iyong isipan sa iyong mga layunin at sundin mo ang intuition o malalim na pakiramdam na bumubulong sa iyong damdamin. Kapag sinunod mo ang intuition sa halip na reason o isip, tiyak na dadalhin ka ng iyong matalas at mahusay na pandama sa mas matagumpay at maligayang buhay sa buong 2020 hanggang 2021.

Itutuloy

Metal Sheep, dapat i-express ang anumang nararamdaman at ‘di dapat sarilihin

ni Maestro Honorio Ong - @Forecast 2020 | July 21, 2020

Sa pagpapatuloy ng pagtalakay sa bawat animal sign ngayong 2020, talakayin naman natin ang ugali at magiging kapalaran ng Sheep o Tupa ngayong Year of the Metal Rat. Ang Sheep o Tupa ay tinatawag ding Goat o Kambing.

Alalahaning ang Sheep o Tupa ay nahahati sa limang uri, batay sa taglay nilang elemento at ito ay ang mga sumusunod:

• Metal Sheep o Bakal na Tupa - silang mga isinilang noong 1931 at 1991

• Water Sheep o Tubig na Tupa - silang mga isinilang noong 1943 at 2003

• Wood Sheep o Kahoy na Tupa - silang mga isinilang noong 1955 at 2015

• Fire Sheep o Apoy na Tupa - silang mga isinilang noong 1967

• Earth Sheep o Lupa na Tupa - silang mga isinilang noong 1979 at 1939

Sa pagkakatong ito, ang tatalakayin natin ay ang magiging kapalaran ng Metal Sheep o ang Bakal na Tupa.

Bagama’t ikaw ay may pagka-ambisyosa at kabaitan, bakas din sa iyong pagmumukha at pagkatao ang pagiging masipag sa trabaho. ‘Yun nga lang, minsan ay lagi kang parang aburido at mainit ang ulo, kaya kaunting mali lang ng iyong mga kasama, hindi mo maiwasan na nakasungit o nakasigaw agad. Napagkakamalan tuloy na masungit ka, kahit sa totoo lang ay hindi naman dahil likas sa iyo ang pagiging mabait at humble.

Ngayong 2020, magkakaroon ka ng bagong simula at ito ay maaaring patungo sa pag-unlad o pagkalas sa mga dati nang nakaugalian at nakasanayan.

Kung magiging maunlad o negatibo ang pagbabagong magaganap, ito ay matutuklasan sa magiging suporta sa iyo ng malalaki at kinikilalang tao. Sabi nga, mahalaga ang mga may kaibigan at sumusuporta dahil sa pagabagong magaganap sa iyo mula ngayong 2020 hanggang 2021 kung saan nakasalalay ang iyong tagumpay at pagwawagi ay kung gaano katapat at katotoo ang mga sumusuporta at nakapaligid sa iyo.

Sa kabila ng mga nakagugulat na pagbabago, may malalaking halaga naman ng salapi na biglaang darating sa iyo, ‘wag na ‘wag kang magkakamali na lustayin o ubusin ito agad dahil sa malaking salaping ito nakasalalay ang future ng career, negosyo o pamilya mo. Kaya dapat tulad ng nasabi na, ingatan mong mabuti ang gaanumang kalaking halaga na mahahawakan mo ngayon hanggang sa 2021.

Sa pag-ibig, kung mananatili kang kimi, mahiyain at tahimik, hindi ka gaanong magiging maligaya sa iyong love life. Kaya kung may asawa o karelasyon ka man o wala, naghahanap ng makakataling puso at makakasama habambuhay, isa lang ang dapat mong ugaliin ngayong 2020 hanggang 2021. Una, dapat na maging assertive ka, ibig sabihin, tiyak sa iyong sarili at walang pagdadalawang-isip.

Pangalawa, dapat maging showy ka, kumbaga, ‘wag mong itatago ang iyong damdamin. Sa halip, kung ikaw ay malungkot, i-express o ibulalas mo ito kahit ikaw ay nag-iisa sa iyong silid, pero mas maganda kung ikukuwento mo ang iyong kalungkutan at kadramahan sa buhay sa isang matalik na kaibigan. ‘Wag na ‘wag mong sasarilihin ang mabibigat na problemang dumarating sa iyo dahil kapag sinarili mo lang ito, lalong papalpak ang iyong desisyon at pagpapasaya. Pang-huli, kung mahal mo ang isang tao, i-express mo at ‘wag mong itago ang iyong damdamin. Sa ganyang paraan, matutugunan ng isa pang pagmamahal ang inukol mong pag-ibig sa iyong kapwa. Dahil sa isiniwalat na pag-ibig na ito, hindi lang sa pag-ibig at pakikipagrelasyon ka magiging maligaya kundi sa lahat ng aspeto ng iyong buhay.

Tandaan ding ngayong 2020 hanggang 2021, kapag masaya ka, i-express mo ito at i-share sa iyong kapwa, upang ang ligayang ito ay madama ng mas nakararami, lalo na ng iyong pamilya at mahal sa buhay.

Itutuloy