Isinilang sa Year of the Monkey, super-galing mambola kaya yumayaman kahit walang puhunan

ni Maestro Honorio Ong - @Forecast 2020 | August 1, 2020

Sa pagpapatuloy ng pagtalakay ng magiging kapalaran ng bawat animal sign, talakayin naman natin ang pangunahing ugali at magiging sadlakang kapalaran ng animal sign na Monkey o Unggoy ngayong Year of the Metal Rat.

Kung ikaw ay isinilang noong 1920, 1932, 1944, 1956, 1968, 1980, 1992, 2004 at 2016, ikaw ay mapabibilang sa animal sign na Monkey o Unggoy.

Ang Monkey ay ika-siyam sa 12 animal signs sa Chinese Astrology kung saan siya rin ang zodiac sign na Leo sa Western Astrology, na may kaakibat na planetang Sun.

Ang mapalad na oras sa Unggoy ay mula alas-3:00 ng hapon hanggang sa alas-5:00 ng hapon, sa mapalad na direksiyong west-south-west o kanluran hanggang sa timog-kanluran.

Sinasabing higit na masiyahin, maharot, kumikero at malakas ang loob ng Unggoy na isinilang sa panahon ng tag-araw o tag-init kung ikukumpara sa kapatid niyang Unggoy na isinilang sa panahon ng tag-lamig o tag-ulan.

Bukod sa pagiging malakas ang loob, pangunahing katangian din ng Unggoy ang flexibility kung saan ‘ika nga, pangkaraniwan nang makikita ang Unggoy na masayang uugoy-ugoy sa mataas na punong-kahoy. Kaya naman sa pagiging flexible niyang ito sa bawat hamon ng kapalaran, ang Unggoy ay hindi agad-agad maitutuwad ng mga problema at suliranin, tulad ngayong may COVID-19 pandemic kung saan matatagpuan pa rin ang Unggoy na palaging matatag at masaya.

Dahil nagtataglay ng likas na masiyahing personalidad, maharot at kumikero, karamihan sa mga Unggoy ay risk-taker, mahilig sa pakikipagsapalaran at walang ingat. Dahil dito, kadalasan ay nagagawa nilang mag-invest o magnegosyo kahit walang gaanong puhunan, o sabi nga nila ay “laway lang ang puhunan”. Ang ibang mga Unggoy ay nagtatagumpay sa ganitong uri ng negosyo, ngunit may mga pagkakataon ding ang ibang mga Unggoy ay napapahamak dahil ang mga tinanguan nilang produkto sa isang kliyente nila, kung minsan ay sumasablay silang hindi naide-deliver, kaya naman sila ay malimit masuot sa mga legal na usapin. Ngunit sa kabilang dako naman nito, tulad ng nasabi na sa itaas, dahil mahusay din sa pakikipag-usap at pakikipagbolahan ang Unggoy, ang malalaking venture na ito o pakikipag-deal sa mga dambuhalang transaksiyon na walang anumang puhunan ang siya namang ikinayayaman niya.

Bukod sa mahusay magsalita, kumikero, maboladas at masayang kasama, nagagawa rin ng Unggoy na makapag-adapt sa lahat ng uri ng mga tao, sitwasyon at pangyayari, at dahil sa taglay nilang kakaibang talino, karamihan sa mga Unggoy, kahit may pandemya ay hindi nawawalan ng trabaho o gawain na pinagkakakitaan nila, na hindi gaanong nahihirapan, dahil masaya sila habang ito ay ginagawa.

Dagdag pa rito, ang ikinaganda pa sa Unggoy, kayang-kaya nilang pasukin ang isang bagay o gawaing hindi nila masyadong alam. Madali niya itong natututunan at nakukumbinsi niya ang mga nanonood sa kanya na aakalaing alam na agad niya ang isang bagay na ngayon pa lang niya ginawa o nahawakan.

Sa mga panahon ng kapalpakan, dahil masarap kasama ang Unggoy, bagama’t halimbawang may nagawa siyang pagkakamali, sa umpisa ka lang magagalit o magtatampo sa kanya dahil sa bandang huli, hindi mo rin naman magagawang mawalan ng isang tauhan, kaibigan o kasama, na nagtataglay ng animal sign na Monkey, kung saan alam at batid n’yong lahat na kapag nawala ang Unggoy sa inyong grupo o sirkulo ng samahan, ikalulungkot ito ng buong barangay.

Itutuloy

Naudlot na paglago ng kabuhayan ng Earth Sheep dahil sa COVID-19 pandemic, matutuloy sa agosto

ni Maestro Honorio Ong - @Forecast 2020 | July 30, 2020

Sa pagpapatuloy ng pagtalakay sa bawat animal sign ngayong 2020, talakayin naman natin ang ugali at magiging kapalaran ng Sheep o Tupa ngayong Year of the Metal Rat. Ang Sheep o Tupa ay tinatawag ding Goat o Kambing.

Alalahaning ang Sheep o Tupa ay nahahati sa limang uri, batay sa taglay nilang elemento at ito ay ang mga sumusunod:

• Metal Sheep o Bakal na Tupa - silang mga isinilang noong 1931 at 1991

• Water Sheep o Tubig na Tupa - silang mga isinilang noong 1943 at 2003

• Wood Sheep o Kahoy na Tupa - silang mga isinilang noong 1955 at 2015

• Fire Sheep o Apoy na Tupa - silang mga isinilang noong 1967

• Earth Sheep o Lupa na Tupa - silang mga isinilang noong 1979 at 1939

Sa nakaraang mga isyu, tinalakay natin ang kapalaran ng Metal Sheep, Water Sheep, Wood Sheep at Fire Sheep, kaya sa pagkakataong ito, pag-usapan natin ang huling uri ng Tupa batay sa taglay niyang elemento at ito ay ang Earth Sheep o Lupa na Tupa.

Bagama’t naudlot ang tuluy-tuloy na sanang paglago ng kabuhayan dahil sa Covid-19 pandemic, inaasahan namang sa pagpasok ng Agosto hanggang sa last quarter ng 2020, halos papaganda nang papaganda ang career at kabuhayan sa iyong kapalaran. Ang mahalaga lamang ngayon, imbes na magmukmok at magsenti ka sa mga negatibong pangyayari sa kapaligiran, kailangang patuloy kang umasa at anuman ang mangyari, sa positibo at magagandang bahagi ka pa rin ng buhay dapat nakatingin. Dahil habang masaya ka at nag-iisip ng magagandang bagay, tulad ng nasabi na, kahit mabagal, tuluy-tuloy pa ring darating ang suwerte at magagandang kapalaran bago matapos ang Year of the Metal Rat.

Dagdag pa rito, ang mga Earth Sheep ay talagang mabagal ang pag-unlad sa kabuhayan habang sila ay bata pa, pero habang tumatanda at nagkaka-edad, tulad mo na nasa middle-age, kumbaga sa sasakyan at karera ng buhay, tuluy-tuloy namang bibilis ang iyong pag-unlad hanggang sa yumaman.

Oo, yayaman ka dahil ang Earth Sheep ay may pangunahing elementong “lupa” at ito ay siya ring representasyon ng tangible things at lahat ng nahahawakan, nakikita at nagbibigay-sarap sa buhay ng tao, tulad ng magandang bahay, magarang sasakayan, malalawak na mga ari-arian at maraming-maraming ipon sa bangko.

Kaya naman tulad ng nasabi na, matapos ang problema ng mundo sa Covid-19, aarangkada muli ang tuluy-tuloy na pag-unlad at progreso ng iyong kabuhayan, hanggang sa hindi lang ikaw kundi ang buong pamilya mo ay maging napakayaman.

Sa pag-ibig at pakikipagrelasyon, sa mga may asawa na at kasintahan, bagama’t minsan ay nagkakalayo kayo ng iyong minamahal, hindi ito dapat maging dahilan upang tumamlay ang pagmamahalan. Sa halip, ang paminsan-minsang paglalayo ay dapat maging dahilan upang lalo pang uminit at lumago ang inyong pagmamahalan.

Sa mga wala pang asawa o kasintahan, makakatagpo kayo ng lalaki o babaeng mamahalin sa panahong kayo ay nakikisalamuha sa inyong mga katrabaho, kaibigan o sirkulo ng lipunan, kaya kahit may pandemya, basta ugaliin ang health protocol, mas madaling makakatagpo ng love interest kung lalabas pa rin ng bahay kasama ang mga kasamahan sa trabaho at kaibigan. Sa ganu’ng sitwasyon, may pangako ng maligaya at panghabambuhay na pag-ibig, na maaaring dumating ngayong 2020 hanggang 2021, na hindi mo na dapat pakawalan. Ang minsang pagdating ng tunay at wagas na pag-ibig na ito sa iyong buhay sa panahon ng pandemya ay maaaring hindi na maulit pa.

Sa pangkalahatan, ngayong Year of the Metal Rat, magiging maganda ang lahat – ang iba’t ibang aspeto ng iyong kapalaran, basta tulad ng nasabi na, manatili kang nakatingin sa positibo at magandang bahagi ng buhay. Sapagkat kung doon nakatuon ang iyong isipan, ang magagandang bahagi rin na ito ng karanasan ang kusang ipagkakaloob sa iyo ng langit sa buong 2020 hanggang 2021.

Itutuloy

Fire Sheep, makakaranas ng mga pagsubok sa relasyon pero madadaan sa mahinahong usapan

ni Maestro Honorio Ong - @Forecast 2020 | July 28, 2020

Sa pagpapatuloy ng pagtalakay sa bawat animal sign ngayong 2020, talakayin naman natin ang ugali at magiging kapalaran ng Sheep o Tupa ngayong Year of the Metal Rat. Ang Sheep o Tupa ay tinatawag ding Goat o Kambing.

Alalahaning ang Sheep o Tupa ay nahahati sa limang uri, batay sa taglay nilang elemento at ito ay ang mga sumusunod:

• Metal Sheep o Bakal na Tupa - silang mga isinilang noong 1931 at 1991

• Water Sheep o Tubig na Tupa - silang mga isinilang noong 1943 at 2003

• Wood Sheep o Kahoy na Tupa - silang mga isinilang noong 1955 at 2015

• Fire Sheep o Apoy na Tupa - silang mga isinilang noong 1967

• Earth Sheep o Lupa na Tupa - silang mga isinilang noong 1979 at 1939

Sa nakaraang mga isyu, tinalakay natin ang kapalaran ng Metal Sheep, Water Sheep at Wood Sheep, kaya sa pagkakataong ito, pag-usapan naman natin ang magiging kapalaran ng Fire Sheep o Apoy na Tupa.

Sinasabing ang taong ito ng 2020 hanggang 2021 ay pagkakataon upang magkaroon ng ibang career o dagdag na pagkakakitaan ng iba sa dati nang source of income. Ibig sabihin, may mga oportunidad na bagong pagkakaperahan ang darating sa iyong buhay na dapat namang sunggaban mo agad, upang makadagdag ng pasok ng pera sa iyong kaban-yaman.

Sa negsoyo at iba pang aspetong pangangalakal, iminumungkahing hindi ka dapat masyadong umasa sa iyong kakayahan, bagkus sa panahong ito ng pandemya, kailangan ang suporta ng pamilya at mahal mo sa buhay upang magtagumpay ang anumang bagong bubuksang negosyo, upang matiyak ang pag-unlad at tagumpay. Dahil tulad ng nasabi na, kapag sinarili mo ang diskarte sa anumang pangangalakal, may babala na malulugi ka lamang. Subalit kung katuwang mo ang iyong pamilya at mga mahal sa buhay, mas matitiyak ang pag-unlad sa anumang uri ng negosyo na papasukin ngayong 2020 hanggang 2021.

Sa pag-ibig, bagama’t may manaka-nakang pagsubok na mararanasan, ito ay panandalian lang kung saan sa pag-uunawaan, mahinahong pag-uusap at pagtutulungan n’yo ng iyong kasuyo, walang bagay na hindi niya mareresolba ngayong 2020.

Sa pangkalahatan, bagama’t hindi gaanong magiging stable sa aspetong pampinansiyal, hindi naman magtatagal sa ganu’ng sitwasyon ang mga pangyayari dahil bago sumapit ang 2021, may malalaki at biglaang halaga ng salapi na darating at iyong ikatutuwa at igagalak nang labis.

Upang magamit nang maayos at mahusay ang nasabing malaking halaga ng salapi, palaging konsultahin ang mga mahal sa buhay at kapamilya upang tulad ng nasabi na, hindi ka magkamali ng paggastos o pagdedesisyon kung paano gagamitin ang malaking halaga ng salapi na darating.

Dagdag pa rito, ingatan mo ang iyong kalusugan ngayong 2020 hanggang 2021 upang ang magagandang kapalaran at suwerteng darating, hindi lang sa aspeto ng pananalapi kundi sa iba pang bahagi ng buhay ay iyong mapakinabangan nang lubos para sa ikaliligaya at ikauunlad mo at ng iyong pamilya.

Itutuloy