40 eksperto: WHO dapat kilalanin ang ebidensiya sa mga alternatibo sa paninigarilyo

ni Chit Luna @News | November 27, 2025

Photo File: World Health Organization (WHO)

Mahigit 40 na eksperto ang nanawagan sa World Health Organization (WHO) na baguhin ang anila’y luma nang pamamaraan nito sa tobacco control at kilalanin ang harm reduction bilang bahagi ng pandaigdigang polisiya.

Inilabas ang kanilang pahayag sa pamamagitan ng “Expert Wall” ng The Counterfactual. Ito’y para sa mga delegado sa Geneva para sa kakatapos lang na COP11 ng Framework Convention on Tobacco Control (FCTC).

Ayon sa mga eksperto, hindi kinikilala ng WHO ang lumalawak na ebidensiya tungkol sa mas mababang panganib ng mga bagong nicotine technologies, at nagreresulta ito sa maling impormasyon sa publiko at mas mabagal na pagbaba ng smoking rates.

"The goal of reducing the toll of death and disease caused by tobacco requires policies that accurately reflect the epidemiological evidence on the harms of different types of tobacco and nicotine products," ayon kay Dr. Robert West ng University College London.

Binigyang-diin naman ni Dr. David Nutt ng Imperial College London ang laki ng problema.

"Smoking causes a massive burden of death and disease worldwide, killing about 8 million people annually," aniya. "We now have vaping and other smoke-free alternatives to cigarettes that can dramatically cut the risks for people who cannot or do not want to quit using nicotine."

Ayon kay Dr. Ruth Bonita, dating opisyal ng WHO, may malinaw na halimbawa mula sa ibang bansa. "Independent evidence, including real-world evidence from New Zealand, shows that regulated, reduced-harm smoke-free nicotine products can accelerate declines in smoking and prevent disease," aniya.

Idinagdag ni Dr. Ann McNeill na dapat makipag-ugnayan ang WHO sa mas malawak na scientific community at hindi lamang sa mga “echo an ideological line.”

Nagpahayag din ng pangamba si Dr. Andrzej Fal na nalilihis ang mensahe ng WHO mula sa tunay na layunin. "As a pragmatist and practitioner, I believe we should prioritize reducing disease and death, and that means we should focus on reducing smoking in any way we can," aniya.

Sinabi ni Dr. Neal Benowitz na dapat suportahan ng polisiya ang paggamit ng non-combusted products sa pagtigil sa paninigarilyo at na ang FCTC ay "should be to promote the elimination of cigarettes and other smoking products" imbes na higpitan ang lahat ng uri ng nicotine.

Ayon naman kay Dr. Kenneth Warner, malinaw ang ebidensiya tungkol sa vaping at ang pagbalewala rito ay magdudulot ng mas maraming pagkamatay, lalo na’t ang pangamba tungkol sa youth vaping ay "grossly exaggerated."

Tinukoy ni Dr. K. Michael Cummings ang karanasan ng Sweden, New Zealand, US at England bilang patunay na nakakatulong ang access sa lower-risk alternatives, at tinawag na patuloy na “blind spot” ng WHO ang hindi pagkilala rito.

Delegasyon ng Pilipinas sa WHO FCTC pinuri sa pagdepensa sa mga magsasaka, komunidad

ni Chit Luna @News | November 21, 2025

Photo File: World Health Organization FCTC celebration event Geneva Switzerland -15 Year Anniversary of the WHO FCTC celebration event Geneva Switzerland 5 March 2020. Photo Credit Secreta

Tumanggap ng matinding papuri mula sa mga grupo ng magsasaka ang delegasyon ng Pilipinas sa nagaganap na ika-11 Conference of the Parties (COP) ng WHO Framework Convention on Tobacco Control (WHO FCTC) sa Geneva, Switzerland.

Ito ay dahil sa mariing paggigiit ng delegasyon sa karapatan ng bansa na suriin ang mga iminumungkahing hakbang alinsunod sa pambansang prayoridad at kapasidad—lalo na kung ang mga hakbang na ito ay makakaapekto sa kabuhayan ng mga taga-bukid at mga komunidad na nagtatanim ng tabako.

Sa kanyang pambungad na pahayag, binigyang-diin ni Ambassador Carlos Sorreta, pinuno ng delegasyon ng Pilipinas sa WHO FCTC, ang kahalagahan ng responsableng transisyon para sa mga komunidad na umaasa pa rin sa tabako dahil sinusuportahan pa rin ng pananim na ito ang mga komunidad sa Pilipinas.

Ayon kay Sorreta, dapat tiyakin na ang mga transisyon ay sosyal at ekonomikal na responsable para pag-ibayuhin ang kabuhayan at panatilihin ang pamumuhunan, na naaayon sa batas at sa convention.

Binibigyan ng Pilipinas ng kahalagahan ang “soberanya at iba't ibang pambansang konteksto sa pagpapatupad ng gabay,” sabi ni Sorreta.

Ang posisyon na ito ay nagbibigay-diin na ang mga posibleng hakbang sa ilalim ng FCTC ay hindi sapilitan at dapat umayon sa umiiral na batas at ginagabayan ng konsultasyon.

Ang paninindigan ng delegasyon ay ikinatuwa ng mga lokal na grupo na nag-aalala tungkol sa epekto ng mga 'matitinding' mungkahi na walang pagsasaalang-alang sa mga lokal na realidad.

Ang Northern Luzon Alliance (NLA), isang kongresyonal na bloc na binubuo ng mga kinatawan mula sa mga probinsyang nagtatanim ng tabako, ay nagsabing nakatulong ang posisyon ng Pilipinas na masiguro na ang mga patakarang hindi tugma sa kondisyon ng agrikultura sa mga rehiyon ng tabako ay hindi ipapataw.

Ayon sa NLA, sinusuportahan nila ang delegasyon ng Pilipinas sa pagtataguyod sa kapakanan ng mga magsasaka, konsyumer at komunidad sa mga probinsyang nagtatanim ng tabako at hindi pagsang-ayon sa mga panukala na tapusin ang suporta ng gobyerno para sa mga nagtatanim, magpataw ng quota at tuluyang itigil ang pagbebenta ng tabako na hindi makatotohanan.

Hindi tugma ang nasabing panukala sa agrikultural at ekonomikong realidad ng Pilipinas, sabi ng grupo.

Idinagdag pa nila na kung tinanggap ang mga mungkahing ito, katumbas ito ng isang 'economic death sentence' para sa mga probinsyang agrikultural at mga industriyang konektado sa kanila.

Ang mga hakbang na ito ay lubhang makakasama sa kabuhayan ng mga taga-bukid, makakagambala sa mga legal na industriya at ilalagay sa panganib ang mga kita na nagpopondo sa mahahalagang pampublikong serbisyo, ayon sa NLA.

Samantala, binigyang diin ng Federation of Free Farmers (FFF) ang matagal nang papel ng tabako sa ekonomiya ng mga taga-bukid.

Ang tabako ay nananatiling pangunahing pinagkukunan ng kabuhayan sa halos 20 probinsya, ayon sa FFF. Ito ang tanging pinagkukunan ng kita ng maraming pamilya sa loob ng maraming henerasyon, dagdag nito.

Kinikilala ng delegasyon ng Pilipinas ang mga realidad na ito, ayon sa FFF.

Sa pagprotekta sa mga magsasaka at mga komunidad na umaasa sa pananim na ito, nagpakita ang delegasyon ng Pilipinas ng awa at katarungan, wika ng FFF.

Piniling pakinggan ng delegasyon ang mga tao na siyang unang magdurusa at higit na maaapektuhan ng panukalang laban sa tabako.

Nagpasalamat ang FFF sa delegasyon ng Pilipinas sa pagsuporta hindi lamang sa pananim, kundi sa dignidad at kinabukasan ng mga magsasaka.

Sigaw ng mga konsyumer, ipanindigan ang Vape Law sa pagpupulong ng WHO

ni Chit Luna @News | November 19, 2025

Photo File

Hinihimok ng iba’t ibang sektor ang delegasyon ng Pilipinas sa pulong ng World Health Organization (WHO) sa usapin ng tobacco control na ipagtanggol at iprisinta ang Republic Act No. 11900 o ang Vape Law bilang modelo ng tobacco harm reduction sa pandaigdigang komunidad.

Nananawagan din sila ng isang balanseng posisyon na kumakatawan sa mga konsyumer at sa pampublikong kalusugan.

Ginaganap ang panawagang ito habang lumalahok ang Pilipinas sa 11th Conference of the Parties (COP11) ng WHO Framework Convention on Tobacco Control (FCTC) sa Geneva, Switzerland, kung saan tatalakayin ang mga bagong polisiya sa tobacco control.

Ayon sa mga tagapagtaguyod, may mga polisiya ang WHO na tila hindi isinasaalang-alang ang siyentipikong ebidensiya at karanasan ng mga konsyumer.

Babala nila, ang sobrang higpit na regulasyon ay maaaring magtulak sa mga tao na bumalik sa paninigarilyo sa halip na sumubok ng mas ligtas na alternatibo. Iginiit nilang ang usok mula sa pagsunog ng tabako—hindi ang nicotine—ang sanhi ng karamihan sa mga sakit na kaugnay ng paninigarilyo.

Bagama’t nakaka-adik ang nicotine, maaari itong maihatid nang walang nakapipinsalang usok.

Ipinahayag ng consumer group na Vaper Ako ang pangamba na ang ilang panukala sa COP11 ay maaaring magtanggal ng consumer choice at maghigpit sa access sa e-cigarettes at heated tobacco products, na posibleng magpahina sa mga nakamit na pagbabago sa Pilipinas. Anila, nakatulong ang smoke-free alternatives sa maraming Pilipinong naninigarilyo upang lumayo sa tradisyonal na sigarilyo.

Ipinunto ng grupo ang kahalagahan ng science-based policy, at inulit na “it is the smoke from burning tobacco, not nicotine, that causes smoking-related diseases.” Dagdag nila, karapatan ng adult smokers na magkaroon ng tamang impormasyon at mas ligtas na alternatibo.

Binalaan din ng Vaper Ako na ang sobrang paghihigpit at pagbabawal ay maaaring magtulak sa mga tao pabalik sa sigarilyo o sa mga ilegal na merkado, na magpapahina sa layunin ng pampublikong kalusugan. Nanawagan sila para sa inclusive at evidence-based policymaking na may partisipasyon ng health experts, siyentipiko, konsyumer, at iba pang stakeholders. Dapat anila tulungan ng pamahalaan na makamit ang isang Pilipinas kung saan may mas mabuting pagpipilian na alternatibo ang bawat Pilipino.

Hinimok din nila ang delegasyon ng Pilipinas na sundan ang ipinakitang direksyon sa COP10 sa Panama noong 2024, kung saan ibinahagi ng bansa ang “tailored, multi-sectoral approach” sa pagpapatupad ng FCTC at binigyang-diin ang kahalagahan ng Vape Law.

Kasabay nito, nanawagan din ang World Vapers Alliance (WVA) ng evidence-based regulation at paglahok ng konsyumer sa global tobacco control discussions. Giit ng WVA, ang harm reduction ay “hindi marketing gimmick, kundi isang public health necessity na suportado ng siyensya at real-world data.”

Binatikos ni WVA director Michael Landl ang proseso ng WHO FCTC, na aniya ay naging “echo chamber for outdated anti-science policies stuck in the past.” Binalaan naman ni WVA director of operations Liza Katsiashvili na “banning flavors in vaping won't protect anyone, but will only send smokers straight back to cigarettes,” at na “heavy taxes and outright bans drive people to the black market.”

Nagsagawa rin ang WVA ng protesta sa paligid ng COP11 venue upang manawagan ng consumer representation sa mga desisyong makaaapekto sa harm reduction products tulad ng vaping at nicotine pouches. Ayon sa kanila, kailangan nang pumili ng mga delegado kung “matututo ba sa facts o uulit-ulitin ang parehong magastos na pagkakamali.”