PhilHealth at MMDA, pinagtibay uli ang partnership para sa public health education

ni Fely Ng @Bulgarific | May 12, 2025

Hello, Bulgarians! Muling pinagtibay ng Philippine Health Insurance Corporation (PhilHealth) at ng Metropolitan Manila Development Authority (MMDA) ang kanilang long-standing commitment sa public health education, na binuo sa anim na taong partnership.

Nanguna sa seremonya ng paglagda ng Memorandum of Agreement (MOA) noong Mayo 8, 2025 sa Makati City sina PhilHealth Acting President and CEO Dr. Edwin M. Mercado at MMDA Acting Chairperson Atty. Romando S. Artes, na sinamahan ng mga pangunahing opisyal mula sa dalawang ahensya. 

Ang panibagong MOA ay minarkahan bilang pagpapatuloy ng kanilang pagtutulungan na palakasin ang kamalayan ng publiko at pag-unawa sa mga benepisyo ng PhilHealth na patuloy na pinahuhusay ayon sa mandato ng Universal Health Care Law.

Sa ilalim ng MOA, gagamitin ng MMDA ang kanilang marketing communication channels kabilang ang digital at non-digital media platform para tumulong sa pagpapakalat ng napapanahon at tamang impormasyon sa mga inisyatiba at kampanya ng PhilHealth. Ang PhilHealth naman ay magbibigay ng mga updated Information, Education and Communication (IEC) materials, at onsite registration sa mga orientation activities.

Binigyang-diin ni Dr. Mercado ang halaga ng pagtutulungan sa pagsusulong ng mga layunin sa kalusugan ng publiko. “Through the signing of this memorandum of agreement we reinforce our joint commitment towards protecting the health and safety of the Filipinos in our shared dedication in delivering Universal Health Care to the Filipino people. Kasama po rito ang pagbibigay ng anunsyo nu’n pong information sa ating mga miyembro,” ani Mercado.

Bilang tugon, sinabi ni Atty. Artes na nag-renew ang kanilang ahensya ng suporta sa PhilHealth’s information drive. “All of our facilities and assets will be used especially in the promotion of this beautiful project,” saad ni Artes.  

Ang magkasanib na pagsisikap ay sumusuporta sa pagpapatupad ng Universal Health Care (UHC) Act sa pamamagitan ng paghikayat sa pampublikong pakikipag-ugnayan at edukasyon, lalo na sa mga matataong lugar kung saan ang komunikasyon sa kalusugan ay mahalaga.

Para sa karagdagang detalye, maaaring tumawag ang mga miyembro sa 24/7 touch points ng PhilHealth (02) 866-225-88 o sa mga mobile number (Smart) 0998-857-2957, 0968-865-4670, (Globe) 0917-1275987 o 0917-1275987 o 0917-109187.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Bagong SSS service office sa Taytay, Rizal, binuksan

ni Fely Ng @Bulgarific | May 10, 2025

Opisyal na binuksan nina Social Security System (SSS) President and Chief Executive Officer Robert Joseph Montes De Claro (ika-4 mula sa kaliwa), Social Security Commissioner Eva B. Arcos (ika-3 mula sa kaliwa), at Mayor Allan Martine S. De Leon ng Taytay, Rizal (ika-5 mula sa kaliwa) ang bagong SSS Taytay Service Office noong Abril 28, 2002, na nagdulot ng mas magandang serbisyo ng SSS sa mga taga-Taytay. Kasama rin sa larawan sina (mula kaliwa) SSS Antipolo Branch Acting Head Richiel R. Madlangbayan, SSS Vice President for National Capital Region (NCR) East Division Benjamin M. Dolindo, Jr., SSS Executive Vice President for Branch Operations Sector Voltaire P. Agas, SSS Senior Vice President for NCR Operations Group Maria Rita S. Aguja, at Barangay Captain Rasel Z. Valera of Barangay San Juan, Taytay, Rizal, at (sa likod, kaliwa) SSS Pasig Mabini Branch Acting Head Marivic M. Gorembalem at SSS Vice President for Public Affairs and Special Events Division Carlo C. Villacorta.

Hello, Bulgarians! Pinasinayaan ni SSS President and Chief Executive Officer Robert Joseph Montes De Claro, Social Security Commissioner Eva B. Arcos, at Taytay, Rizal Mayor Allan Martine S. De Leon ang bagong SSS Taytay Service Office sa Taytay, Rizal, noong 28 Abril 2025, na magbibigay ng mas mahusay na serbisyo sa munisipyo ng binansagang Garments Capital of the Philippines.

Ang SSS Taytay Service Office ay matatagpuan sa loob ng municipal government complex sa 3rd floor ng Manila East Arcade II Building, Don Hilario Cruz, Barangay San Juan, Taytay, Rizal. Nakahanda itong magsilbi sa mga miyembro at employer ng SSS sa Taytay at mga kalapit na lugar mula 8:00 a.m. hanggang 5:00 p.m., Lunes hanggang Biyernes.

Inihayag ni SSS President at Chief Executive Officer Robert Joseph Montes De Claro na ang pagbubukas ng SSS Taytay Service Office ay isang mahalagang bahagi ng pagbabago ng organisasyon tungo sa pagiging mas service-oriented. 

“We are very excited to open our new SSS service office in Taytay, Rizal,” pahayag ni De Claro. “This new office will bring SSS services closer to our members and employers in the municipality and surrounding areas, especially considering the presence of many micro and small businesses in the town. We are confident that this new SSS office will make a significant

difference in their lives.”

Samantala, pinasalamatan ng SSS ang lokal na pamahalaan ng Taytay sa pagbibigay ng lease-free office space, maging sa renovation works at internet connection para sa bagong tanggapan ng SSS. 

Ang SSS Taytay Service Office ay may 75 square meters area at kayang humawak ng higit sa 300 transaksyon bawat araw. 

Ang mga member at employer ay maaaring magsagawa ng iba’t ibang mga transaksyon sa opisinang ito, kabilang ang member registration, issuance of employer certificates of compliance, submission of requests for membership amendments, updates to member records (halimbawa, mga simpleng pagwawasto at pagdaragdag ng mga benepisyaryo), at pagsunod sa Annual Confirmation of Pensioners (ACOP) Program.

--

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga sakit dulot ng tag-init, sagot ng PhilHealth

ni Fely Ng @Bulgarific | Apr. 23, 2025

Hello, Bulgarians! Sa opisyal na pagsisimula ng tag-init at panahon ng bakasyon kung saan marami ang bumibiyahe at nagsasagawa ng outdoor activities, maaaring malagay sa panganib ang kalusugan ng maraming Pilipino.

Mula Enero 1 hanggang Abril 29 ng nakaraang taon, ang Department of Health (DOH) ay nakapagtala na ng 77 kaso ng heat-related illnesses na nagresulta sa pagkamatay ng pito katao.

Dahil dito, nagpaalala ang PhilHealth na may mga benepisyong nakalaan sa sinumang Pilipino na maoospital dahil sa mga sumusunod:

●Heat stroke, heat exhaustion, heat collapse, heat cramp at sunstroke: Php 12,675

●Heat fatigue at iba pang epekto ng init at araw: Php 18,135

●Moderate hanggang sa severe dehydration: Php 7,800

●Bulutong tubig na walang komplikasyon: Php 7,800

●Tipus: Php 19,500

●Sore eyes/conjunctivitis: Php 16,575

●Infectious diarrhea/acute gastroenteritis: Php 11, 700

●Nakalalasong epekto ng pagkadikit sa isda at iba pang lamang dagat gaya ng jellyfish o dikya, starfish o sea anemone: Php 11,115

Ipinapaalala rin na mayroong Outpatient Emergency Care Benefit (OECB) Package ang PhilHealth para sa mga pasyenteng kinakailangang dalhin sa emergency room ng ospital. 

Ang nasabing benepisyo ay magagamit sa alinmang PhilHealth-accredited na ospital sa buong bansa.

Samantala, binigyang-diin din ang kahalagahan ng pag-iingat at pag-iwas sa mga sakit.

“Pinaaalalahanan natin ang ating mga kababayan na uminom ng sapat na tubig, iwasan lumabas kapag tirik ang araw, at ugaliing maghugas ng kamay at maligo nang regular lalo na kung may planong bumiyahe o kaya’y sasama sa mga outdoor activities. Nais natin na ang panahong ito — ginugugol man sa pagninilay o pagpapahinga kasama ang ating mga mahal sa buhay — ay manatiling ligtas at masaya para sa ating lahat,” saad ni PhilHealth Acting President at CEO Dr. Edwin M. Mercado.

Para sa detalye ng mga benepisyo ng PhilHealth, maaaring tumawag sa 24/7 touch points: (02) 866-22588; mobile numbers 0998-857-2957, 0968-865-4670, 0917-1275987 o 0917-1109812.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.