Flooded ang pondo, pero lutang ang solusyon!

ni Imee Marcos @Imeesolusyon | August 7, 2025

Mga beshie, narinig niyo na ba? Sa 2025 national budget, may naka-allocate na P364.4 BILLION para sa flood control. Oo, bilyones! Pero bakit parang mas lumala pa ang baha sa ilang lugar?

Nawindang talaga ang lola niyo! Imagine — ganu’n kalaking budget, pero hanggang ngayon, baha pa rin ang eksena.

Aba, anong klaseng flood control drama ’to? Bilyun-bilyon ang ginastos ng gobyerno pero lutang pa rin ang solusyon?! Juice colored, tama ba ‘yun?!

Hindi na keri ang band-aid solutions! Kailangan ng matibay at long-term na plano — dredge ang Laguna de Bay, ituloy ang Parañaque Spillway, gawing NEP flagship project ‘yan!

Kung may plano na ang DPWH, ano pa inaantay mga besh? I-implement na agad! Pati ang private sector, isali niyo na! Gayahin ang peg ng San Miguel Corporation — naglabas ng P2B para sa Pasig River, P1B sa Tullahan, walang hinihingi sa gobyerno, klaro ang costing, at may sarili pang checklist. Sana all, ‘di ba?

At si DPWH Sec. Bonoan? Hindi siya newbie ah, kasama na siya sa MMETROPLAN since 1976, nagbigay din ng 60 reco matapos ang ‘Ondoy’ noong 2009, pero waley pa rin long-term plan sa baha?! Grabe!

Habang ang ibang bansa may sponge cities at SMART tunnels, tayo — nasa planning stage pa rin? ‘Di pa rin nakausad?

Real talk: makakatipid tayo ng 90% kung maagapan ang pinsala dulot ng mga pagbaha. Hindi lang pera ang nasasayang dito — buhay, kabuhayan, imprastraktura, at kinabukasan ang nakataya.

Kaya dapat lang magkaroon na tayo ng national flood control plan! Kilos na! Now na!

Trade talks ng US at ‘Pinas, negosasyon kuno?!

ni Imee Marcos @Imeesolusyon | August 1, 2025

Hello mga beshie, nabalitaan niyo na ba ang latest chika? 19% daw ang sisingilin para sa produktong Pilipino tapos 0% naman para sa Amerika! Ha???

Imagine niyo ‘to ha: habang tayo’y todo-kayod para isalba ang ating farmers, manufacturers, at sari-saring lokal na negosyo, aba ang produkto ng U.S. may libreng entrance fee sa bansa! As in, VIP access ang goods nila all the way, samantalang tayo, tinanggap lang ang 19% singil na ibinigay nila! Patas ba ‘yon?! Saan banda naging fair ang trade talks na naganap? I feel beTRADE, besh! 

95% ng produkto ng Amerika ay duty-free na raw. Samantalang sinabi pa ni DTI Sec. Roque na hindi maaapektuhan ang mga produkto nating bigas, asukal, baboy, manok, mais at iba pa. Tapos pinayagan ang 95%? Ang palusot: para raw mabalanse ang trade deficit nila. Wit ganern! Parang potluck na ikaw lahat ang nagluto, nag-serve, naglinis — tapos siya ang may take home.

Hindi ito negotiation, beshie. Bagsak presyo na ito ng dignidad natin. Binarter ang kinabukasan ng mga magsasaka kapalit ng discounted military surplus? Ano ba?!

Kaya ‘wag tayong pauto sa mga press release na puro strategic eme. Obvious naman na ginisa tayo sa sariling mantika, haller?! 17% taripa nga lang ang usapan noong Abril tapos biglang naging 19% pa ang taripa matapos ang negosasyon ngayong Hulyo. Anyare?

Dagdag pa ni Sec. Roque, “It’s really the U.S. who will decide.” Aray ko po! So anong ginawa ng Team Pilipinas sa negosasyon kuno sa Amerika? Nag-antay lang ng desisyon ng kabila? Naku ha!

Walang winner sa trade talks na ‘to dahil dapat patas at pantay ang kasunduan sa magkabilang panig. Kapakanan ng bayan dapat ang inuuna at pinoprotektahan, hindi ng ibang bansa. Agree?!

Hindi ito panahon ng “feeling blessed flex,” ito ang panahon ng malasakit

ni Imee Marcos @Imeesolusyon | July 26, 2025

Beshie, alam kong maulan, malamig at walang pasok ang karamihan. Ang iba ay sige lang sa bogchi at kape habang nagne-Netflix and chill sa inyong mga bahay o condo.

Pero huwag tayong maging manhid, ha? Hindi lahat may ganitong #blessed na life. Habang ikaw cozy at bumabawi sa pahinga, may mga kababayan tayong nilalamon ng baha, napilitang magsilikas, at walang makain!

Hindi porke’t hindi ka binaha, eh wala ka na dapat pake. Ang pagiging makatao — libre ‘yan, besh! Gamitin! Mag-sensitivity check din paminsan!

At eto pa ang masaklap: ginawa pang contest ang ayuda?! May pa-“selfie for e-ayuda” pang nalalaman. Haller! Anong kalokohan ‘yan? Charity ba ‘to o social media challenge? Paano kung wala silang cellphone? Wala na silang karapatang tumanggap ng tulong? Jusko! Mga paandar na walang puso -- forda likes lang!

Pero ang ultimate tanong: Nasaan na ang budget sa flood control projects? Parang mas effective pa ‘yung mga sandbag at timba-timbang panambak ng mga kapitbahay kaysa sa bilyones na ginastos para sa drainage, flood barriers, at kung anu-ano pang ekek na proyekto na wa’ epek naman! Lunod pa rin tayo sa baha ano baaa?!

Hindi na ito funny, mga beshie! Paulit-ulit na lang ang ganitong delubyo taun-taon. Parang hindi na ito resilience -- I smell something fishy na mga teh!

Kaya’t kahit masama pa rin ang panahon, sumugod pa rin ang tanggapan ng nag-iisa ninyong manang sa mga apektado ng baha. Lumusong ang ating Nutri-Jeep para mamigay ng mainit na arrozcaldo, Nutribuns at tubig sa Quezon City, Marikina, Pasig, San Mateo, Cainta, Taytay, Rizal pati sa Ternate at Silang, Cavite. 

Hindi sapat ang shared posts at pa-pray emoji lang! Kung may kakayahang tumulong, why not ‘di ba?!

Marami ang tunay na nangangailangan. Itabi niyo muna ‘yang humble bragging at insensitivity ninyo -- HINDI NAPAPANAHON!

Kaya kung ikaw ay safe, warm at dry today — share the love and your blessings!