Minahal naman kaya? AKTOR, BINUBUGBOG ANG EX-GF, PARENTS TODO-TANGGOL PA SA ANAK

ni Julie Bonifacio - @Winner | December 5, 2023

Blind item:

Tila malabo na ngang magkaayos ang napabalitang kumpirmado nang naghiwalay na on and off-screen showbiz couple na ito, na kinagigiliwang sundan ng marami nating kababayan.

Ayon sa aming very reliable source, masalimuot at magulo na ang kanilang sitwasyon, na sinamahan na rin ng pakikialam ng mga nakapaligid sa lalaki.

May mga nauna nang napabalitang hindi sila pinangalanan na may pagbabanta ang magulang ng lalaki sa babae na ie-expose ang huli sa gitna ng pagprotekta niya sa sariling anak, ayon sa bersiyon nito sa kanyang magulang.

May mga akusasyon na naglabasan tungkol sa diumano’y ang babae ang may kasalanan sa hiwalayan.

Subalit kung tuluyang hahamunin ang babae, mapipilitan itong ilabas ang kanyang buong kalunus-lunos na kuwento at karanasan sa piling ng lalaking sobra niyang minahal at pinagtakpan kahit sa sarili niyang magulang.

Sa tindi ng maaaring isiwalat ng babae, malamang na hihinto na ang mga naninira sa babae at sumusulsol sa panig ng lalaki. Sapagkat kumpara sa akusasyon ng panig ng lalaki, mas malala ang maaaring ikaso ng babae, na mas bibigyan din ng simpatya ng mga sektor ng lipunan at mga nagtatanggol sa karapatan ng mga kababaihan laban sa pang-aabuso.

Kung magkademandahan, kulungan ang maaaring kasadlakan ng lalaki kahit habang nililitis pa lamang ang kaso.

MISTER NG AKTRES, NADIKIT LANG SA POWERFUL CELEB, SOBRANG ANGAS, PATI BIYENAN, SINISIGAWAN

ni Janiz Navida @Showbiz Special|November 21, 2023

BLIND ITEM:

Naloloka ang mga nakapaligid ngayon sa mag-asawang celebrity dahil sa napansin nilang napakabilis na paglaki ng ulo at pagbabago ng ugali ng mister ng aktres mula nang madikit ito sa isang powerful celeb.

Kung dati ay tahimik lang at misteryoso ang dating ng mister ng aktres, lumabas ang tunay na kulay nito at ang sobrang kaangasan nang madikit nga sa naturang powerful celeb.

Pero ang the height ng kaangasan ng mister ng aktres na hindi na kinaya ng mga nakapaligid sa kanila ay nang sigaw-sigawan ng guy ang kanyang biyenang-babae nang minsang magtalo sila.

Hindi raw nakapalag ang nanay ng aktres dahil galit na galit ang mister ng anak at dahil close nga ito sa isang powerful celeb, may takot din silang naramdaman sa puwedeng magawa ng maangas na guy.

Hay, ang tanong ngayon, kung hanggang kelan at saan mato-tolerate ng aktres ang ugali ng kanyang mister na pati ang nanay niya ay binabastos na.

SOCIAL MEDIA INFLUENCER, SOBRANG BOSSY AT DEMANDING KAYA LAGING INIIWAN NG MGA LALAKI

ni Regge Bonoan @Frankly|November 13, 2023

BLIND ITEM:

Sobrang in love ngayon ang baguhang aktres/social media influencer dahil lahat ng commitment, kayang tablahin kapag tinawagan na siya ng dyowa.

Noon pa ay problema na ang baguhang aktres/social media influencer ng mga taong nasa paligid niya dahil kahit na may pictorial shoot siya para sa product endorsement para sa vlog niya ay hindi niya sinisipot dahil magkikita sila ng dyowa niya. Naloloka tuloy ang ahensiya sa kanya.

O kaya, sisipot siya pero dalawang oras lang ang ibibigay niya para sa pictorial na alam naman ng lahat kung gaano katagal ang kailangang gugulin kapag ganitong shoot.

Magtataray ang baguhang aktres-social media influencer na abala siyang tao at maraming alibi kaya ngayon ay iniiwasan na siyang kunin.

Katwiran kasi ng baguhang aktres-social media influencer ay malaki ang kinikita niya sa vlogs niya kaya kahit wala siyang endorsement ay mabubuhay siya.

“Hanggang kailan siya aasa sa vlogs niya, eh, nagsasawa na nga ang iba kasi walang bago, puro love life ang inuuna,” sambit ng taong kasa-kasama ng baguhang aktres-social media influencer.

Marami na kaming narinig na reklamo tungkol sa taong tinutukoy namin sa blind item at ang pagiging bossy at demanding daw nito ang dahilan kung bakit hindi sila nagtagal ng mga nakarelasyon niya.

“Abangan mo kung hanggang kelan sila ni (dyowa) dahil sa ugali niya,” sambit pa sa amin ng aming kausap.