Blue Ribbon Committee, In aid of legislation lang, pero mga senador umaaktong ‘prosecutor’ at ‘persecutor’

ni Ka Ambo @Bistado | December 4, 2025

May nagsasabing walang gaanong kamandag ang imbestigasyon ng ICI kumpara sa Blue Ribbon Committee ng Senado.

Masyadong malamlam at walang kakayahang mag-contempt sa mga nagsisinungaling na resource person.

-----$$$--

Gayunman, higit na kagalang-galang ang proseso sa ICI kumpara sa Blue Ribbon na maraming eksena na mailalarawan na “uncivilized” dahil masasabing tinatakot at ‘binu-bully’ ang mga resource person o ang kanilang mga panauhin.

Mamili kayo ICI o Blue Ribbon?

----$$$---

MALAYA ang mga tao na ikumpara ang proseso sa ICI at Blue Ribbon.

In aid of legislation lang ang purpose sa Blue Ribbon pero umaakto ang mga senador bilang “prosecutor” at may ilang pagkakataon na mistulang “persecutor”.

----$$$--

SA kabilang panig, maayos at mahinahon ang proseso sa ICI at kahit nahahalata nilang nagsisinungaling ang mga “respondent” — mahinahon pa rin sila.

Maaaring para sa kanila, ang mga hawak nilang “ebidensiya” ang magpapasya kung guilty o not guilty ang mga resource persons.

----$$$--

SA totoo lang, anumang makalap na ebidensiya at testimonya ng ICI — ay isusumite sa Ombudsman at malaya ang Ombudsman na magpasya kung ito ay sapat upang makasuhan o ideklarang guilty ang mga resource person.

Mas naaayon sa batas at Konstitusyon ang proseso sa ICI taliwas sa Senado na naghari-harian ang mga “interrogator” kung saan mistulang itinuturing agad na “guilty” ang mga resource persons.

----$$$--

PUMUPOSTURA ang ilang “senator-interrogator” na sila ang “nakakaalam ng katotohanan” — at kapag hindi nagustuhan ang testimonya ng kanilang “panauhin” ikino-contempt ito — sa pagsasabing “nagsisinungaling”.

Makikita rito na “kapos sa pang-unawa” ang ilang senador kung ano ang kanilang trabaho at responsibilidad.

Isa itong kahihiyan.

-----$$$--

MAHALAGANG mai-live stream ang proseso sa ICI upang matuto ang mga senador na maging “kagalang-galang” at maiwasan maging “palengke” ang institusyon na kanilang ginagalawan.

Ang pagiging guilty o hindi guilty — ay matutukoy lamang sa lehitimong husgado — hindi sa Senado, hindi sa Ombudsman at hindi rin sa ICI.

-----$$$--

TAMA lang ang pagla-live stream ng imbestigasyon sa ICI dahil batay sa Konstitusyon -- ang bawat suspek, akusado o respondent -- ay kinukonsiderang “INOSENTE” hangga’t hindi nahahatulan ng hukuman.

Taliwas ito sa proseso sa Senado — mistulang “guilty” ang turing sa ilang ‘binu-bully’ nilang mga“panauhin”.

Isa sa hinihinalang biktima — ay ang nagpakamatay na si dating AFP Chief, ex-Defense Secretary Angelo Reyes na sinasabing nagkaroon ng depresyon matapos ang “pagdinig sa Senado”.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Sen. Risa, pilit inilalako na alternative kontra kay VP Sara

ni Ka Ambo @Bistado | December 3, 2025

Mistulang nilamon ng sistema ang Akbayan na kinabibilangan ni Sen. Risa Hontiveros.

Bistadong bumubuwelo na sila sa 2028 election.

Tsk, tsk, tsk.

----$$$--

Marami ang nagtataas ng kilay sa ipinakikita ng Akbayan matapos nilang isigaw sa Trillion Peso March rally sa EDSA noong November 30 ang “Marcos, step up; Sara, step down!”

Step up si Bongbong Marcos?

----$$$---

INAAKUSAHAN ang Presidente na mismo ang itinuturong mastermind ng P100 bilyong budget insertion, base sa mismong salaysay naman ni Zaldy Co.

Pero, isinisigaw din na step down naman si Sara?

Gayung hindi naman nababanggit man lamang si VP Sara sa flood control mess.

----$$$---

MAY nagtatanong bakit ganito ang postura ng mga makakaliwa at progressive na Akbayan bloc?

Inaakusahan tuloy silang nagmamaniobra na para sa 2028 presidential elections.

----$$$---

MAY nagma-marites na may plano ang Akbayan na itulak si “Santa Santita” Risa sa presidential race sa 2028.

Pilit na inilalako ang “soft, clean, feel-good image kuno” na si Sen. Risa bilang alternative kontra kay VP Sara.

-----$$$--

PROBLEMA nila ngayon ay nananatiling sobrang malakas pa rin si VP Sara sa masa at sa kanyang Mindanao base.

Kapansin-pansin din sa rally na hindi man lang nababanggit at binabatikos ng Akbayan si Congressman Martin Romualdez sa isyu sa flood control scandal.

Ngek!

-----$$$--

MAY mga effigy ng ilang senador at kongresista, pero wala ni isang placard laban sa dating Speaker na ayon kay Zaldy Co ay bilyones ang nakuhang kickbacks mula sa ghost projects.

Anti-corruption ba ang Akbayan?

He-he-he!

----$$$--

NATATANDAAN ba ninyo ang hirit noon ni Senator Alan Cayetano na “bakit kapag si Risa, amendment ‘yan, hindi insertion”?

Kapag iba ang gumawa, biglang “insertions,” “pork,” “corruption.”

Ha! Ha! Ha!

-----$$$--

MALINAW ang double standard, lalo na mula sa grupong binansagan ang sarili na “moral compass” ng oposisyon.

May hirit din itong si Rep. Chel Diokno na wala raw siyang political ambitions.

Pero naging kongresista at natalo sa pagka-senador.

Anubayan?----$$$--

PUMALAG sa kanila si Congress-meow Kiko Barzaga.

Ereng Makabayan bloc, diretso ang panawagan: mag-resign ang lahat ng sangkot, mula ulo hanggang buntot.

-----$$$---

KUNG susundan ang paglalarawan, parang totoong drowing ng mga ‘buwaya’.

May ulo, may buntot.

Ho! Ho! Ho!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Nahahati ang mga maka-Marcos ngayon, isang maka-PBBM at isang maka-Imee

ni Ka Ambo @Bistado | December 1, 2025

Disyembre na.

Nagsimula na ang Adviento.

Sinimulan ito sa pakikisawsaw sa maruming pulitika.

-----$$$---

DAPAT ay umiiwas ang mga religious leader sa mga tunggaliang pampulitika.

‘Pag nagbatikusan, madadamay ang kanilang “diyos”.

-----$$$--

BIGLANG sumigla ang maka-KALIWANG grupo.

Huh, nagka-BADYET!

-----$$$--

NAGSAULI ng cash ang dalawang dating DPWH executives na sabit sa flood control projects scandal.

Malinaw na “ligtas” ang malaking bahagi ng kanilang kulimbat.

----$$$--

PINAGDEDEBATEHAN ang P500 budget na pang-Noche Buwena.

Kasya naman ‘yan.

Kasya ‘yan sa “pamasahe sa bus” — patungo sa mga kamag-anak, doon na lang sila makiki-Noche Buena — libre pang alak!

----$$$---

MARAMING gabinete ni PBBM ay hindi kuwalipikado — at walang maitutulong sa kanya.

Ipapahamak lang si PBBM — dahil sa rekomendado ng mga padrino.

-----$$$--

KILALA si dating Pangulong Ferdinand E. Marcos Sr. bilang isang matalino at bar topnotcher.

Pero, sa kabila ng likas na talino, binuo pa rin ni FEM ang Presidential Center for Special Studies (PCSS) na nag-opisina sa Malacanang library.

-----$$$--

OPO, hinugot ni FEM ang pinakamatatalino sa pinakamahuhusay na ehekutibo sa akademya at pribadong sektor para maging consultant sa PCSS.

Kasama rito ang yumaong si Solicitor General Estelito Mendoza.

-----$$$---

PINASIGLA at suportado ni FEM ang Development Academy of the Philippines (DAP) upang mahasa nang todo ang mga career executives at rank-and-file katuwang ang Civil Service Commission (CSC).

Mayroon bang ganyang diskarte si PBBM?

-----$$$--

PAGKAUPONG pagkaupo ni FEM sa Malacanang binuo agad niya ang Presidential Arm for Community Development (PACD) upang makaabot ang serbisyo sa pinakasuluk-sulukang lugar ng Pilipinas.

Pinamunuan ito ng batambatang si Ernesto Maceda.

-----$$$--

NGAYON, sino ang maituturo nating matalino sa gabinete ni PBBM, maliban kay Gibo Teodoro?

Wala po!

-----$$$--

KAPAG matino ang consultant o advisers — makakaligtas sa “blunder” at kapalpakan ang Malacanang.

Nakakalungkot — at kasama tayo sa “nanghihinayang”.

-----$$$--

SA totoo lang, nahahati ang mga maka-Marcos ngayon.

Isang maka-PBBM, at isang maka-Imee.

-----$$$--

MAY ikatlong pangkat ang mga maka-Marcos.

Ito ay ang organic part ng Marcos period — sila ang mga kakontemporaryo o kasabay ni FEM na nagserbisyo sa pamahalaan — mula 1965 hanggang 1985.

-----$$$--

KASAMA sa Marcos Organic ang mga dating kawani at opisyal ng Ministry of Human Settlements (MHS) at Kabataang Barangay.

Sinikap ba ni PBBM at Sen. Imee — na i-reunion man lamang ang mga Marcos Organic?

-----$$$--

NANANATILING iniidolo at minamahal ng Marcos Organic si FEM at Madame Meldy.

Pero, nahati ang mga ito — bilang maka-PBBM at maka-Imee.

Hindi ba’t nakakalungkot?

Nakakapanghinayang!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.