Sa iringan ng Marcos at Duterte, nabiyayaan sina Aquino at Pangilinan

ni Ka Ambo @Bistado | May 17, 2025

Malinaw na ang resulta ng senatorial election.

No.1 si Sen. Bong Go at No. 12 si Sen. Imee Marcos.

Ayos ang buto-buto!

----$$$--

Nabiyayaan ng iringan ng Marcos at Duterte sina Bam Aquino at Kiko Pangilinan.

Nabuhay ang Liberal Party.

----$$$--

PERO, tatlong Nacionalista Party ang sabay-sabay na nagwagi.

Bukod kay Imee, nagwagi rin sina Camille Villar at Pia Cayetano.

----$$$--

IPINAKITA sa Halalan 2025 — ang kahalagahan ng plataporma at landmark act na ginamit sa kampanya.

Si Bong Go ay “Malasakit”, samantalang si Aquino ay sumakay sa “Free College”.

----$$$--

NAHULOG sa Senate Magic 12 ang mga tila walang plataporma na sina Bong Revilla, Ben Tulfo, Manny Pacquiao at Willie Revillame.

Inisnab ng mga botante ang plataporma nina Benhur Abalos, Abby Binay at Francis Tolentino.

----$$$--

DAPAT ay kapani-paniwala ang plataporma at hindi dapat tipong nagyayabang o nambobola lang.

Iyan ay dapat suriing mabuti ng mga propagandista!

----$$$--

WALANG duda, magkakaroon ng balasa sa liderato ng Senado na aaktong Impeachment Court.

Nanganganib na masibak si Sen. Chiz.

----$$$--

BUKOD kay VP Sara, biglang lumutang ang mga bagong presidentiables.

Isa nang bigating presidentiable sina Bong Go at Bam Aquino.

Nawalan naman ng tsansa na makabalik sa Malacañang si Sen. Imee na muntik pang malaglag.

-----$$$---

BAKIT daw naging No. 2 si Bam Aquino?

Ito ay dahil ang kanyang inilaladlad ay ang libreng aral sa kolehiyo.

Ibig sabihin, mayorya ng mga botante ay nakakaramdam sa kahalagahan ng edukasyon.

-----$$$--

ANG budget ng bawat pamilya — ay nakapokus sa “gastusin sa eskwelahan” matapos itabi ang panggastos sa sakit o kalusugan.

Sa buong taon ay nakapokus ang aktibidad ng tao sa larangan ng edukasyon — at nasapol iyan ni Bam Aquino.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Tapos na ang eleksyon, panoorin kung paano maghudas mga tao sa paligid ni PBBM

ni Ka Ambo @Bistado | May 15, 2025

Makikita natin ang tunay na sitwasyon bago mag-Disyembre.

Panoorin natin kung paano maghudas o magtraydor ang mga tao sa paligid ni PBBM.

Antay tayo kung sinu-sino ang unang kakalas sa Alyansa at sa poder ng Malacañang.

Sana ay wala, sana nga!

----$$$--

Tulad sa binanggit natin, sinunod ni Sen. Imee ang payo na manindigan, magkaroon ng disposisyon at magdesisyon nang malinaw at kongkreto.

Hinatulan si Sen. Imee, batay sa impresyon ng tao sa kanyang personalidad.

----$$$--

GAMIT ang kulay itim, naging sobrang tapang ni Sen. Imee — at iyan ay nakabuti upang masalalak sa No. 12.

Gaya pa rin ng binanggit natin, nasa bingit siya ng No.13 — dahil sa epekto ng kulay itim!

----$$$--

KUNG tutuusin, kung hindi siya nabiyayaan ng kulay itim, maaaring tuluyan siyang nilamon ng depresyon at malaglag tulad nina Bong Revilla, Abby Binay, Manny Pacquiao, Benhur Abalos at Francis Tolentino.

Pero, pinalakas siya ng itim — at naging matapang siya — anuman ang kahinatnan ng kanyang disposisyon!

----$$$--

MALINAW na malinaw na nagwagi ang mga maka-Duterte at nabigo ang mga maka-PBBM.

Sobrang angat si Sen. Bong Go at maging sina Sen. Bato at Rodante Marcoleta.

Nakapasok ding bigla sina Sen. Imee at Camille Villar na nanganganib na malaglag pero nang itaas ni VP Sara ang kanilang kamay — humugos ang mahalagang boto.

----$$$--

MALINAW na hindi pa nagsisimula ang impeachment trial, pero absuwelto na agad si VP Sara.

Hindi naman merito ng kaso ang hahatol sa impeachment, bagkus ay ang personal decision ng mga senador.

Isa kasing “political exercise” at hindi traditional trial court ang impeachment.

Dahil political exercise, hindi nalalayo sa aktuwal na eleksyon — ang proseso rito — iyan ang isinasaad sa Konstitusyon.

----$$$--

KASABAY nito, malinaw na kontra ang mayorya ng mga mamamayang Pilipino ang pagdakip kay Digong.

Malinaw din na sinasapawan at dinidiktahan ng ICC — ang hatol ng mayorya ng populasyon sa Pilipinas.

----$$$--

ANG ICC ay malinaw na ginagamit lamang bilang “kasangkapan” sa pamumulitika — at iyan ang inirereklamo ng ibang bansa na bumitaw dito.

Kailangang ipakita ng defense lawyer — na “pamumulitika” ang pagdakip.

Mahalagang maunawaan na ang aksyon at disposisyon ni Digong sa paglaban sa droga ay kinakatigan ng mayorya ng populasyon sa Pilipinas.

----$$$--

NANANATILING maka-Duterte ang mga botante dahil sa muling paglaganap ng drug pushing at drug addiction — na sila mismo ang saksi sa kanilang mga barangay.

Nagdesisyon ang mga botante batay sa sarili nilang karanasan at disposisyon — dahil nagbalik ang mga pusher at adik na kanilang mga kapitnbahay.

-----$$$--

TULAD din ng binabanggit natin, tapos na ang “first base” ng 2028 presidential election — kumbaga sa baseball.

Meaning, naka-first base na ang grupo ni VP Sara kung saan, humaharurot si Sen. Bong Go.

----$$$--

PATUNGO sa second base ay posibleng dalawa ang alternatibong papalo sa bola.

Una, sakaling makauwi sa Pilipinas si Digong; dili kaya ay ang ikalawa, sakaling maabsuwelto sa impeachment trial si VP Sara.

----$$$--

WALANG katiyakan ang ICC case kay Digong pero marami ang nagsasabi na sure ball na ang pagbasura sa impeachment trial.

Malinaw na maaabot ni VP Sara ang second base — bago maimaniobra ang 3rd base patungo sa home plate.

-----$$$--

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Makati Subway Project, biglang napurnada, anyare?

ni Ka Ambo @Bistado | May 12, 2025

Hindi matapos-tapos ang isyu sa Makati City.

Ere ba namang Makati Subway Project ay biglang napurnada.

Ang mabigat, imbes na makatulong, nahaharap pa ngayon sa kaso si Makati City Mayor Abby Binay.

----$$$--

KINAMBALAN ang isyu sa purdoy na Makati subway ng kaso rin sa 10 EMBO barangay na sinasabing isasampa rin sa pagdinig sa Senado.

Pero, ang mabigat ay ang kaso na isinampa ng Philippine InfraDev Holdings Inc., contractor ng pumalpak na $3.5 bilyong Makati Subway Project.

----$$$--

NAGSAMPA ang naturang korporasyon ng arbitration proceedings sa Singapore International Arbitration.

Hiniling ng InfraDev sa international arbitration na ibalik ng Makati City ang nagastos nitong P44 bilyon sa Makati City Subway Project.

----$$$--

NATIGIL ang proyekto dahil naging “unfeasible” ang proyekto sanhi ng desisyon ng Supreme Court sa jurisdiction ng 10 enlisted men’s barrios o EMBOS.

Ayon sa auditor ng kampanya, nalugi ang InfraDev ng P44 bilyon sa proyekto – P39 bilyon sa pagbili ng 8,413 ektarya ng lupain noong 2024 na ngayon ay nasa hurisdiksyon ng Taguig City at P5 bilyon sa development cost tulad ng architectural design at master planning ng subway.

-----$$$--

PINALALA ito nang maghain naman ng kasong kriminal at administratibo sa Office of the Ombudsman sina Emilyn Borromeo Cacho at Joahanna Gallardo Junio laban kay Binay sa pagsasara ng mga pasilidad sa 10 EMBO barangay kahit legal na napasakamay ito ng Taguig City.

Residente si Cacho ng Barangay South Cembo, Taguig City at si Junio naman sa Barangay East Rembo na nagreklamo dahil hindi na nila nagamit ang pasilidad.

----$$$---

AYON kay Cacho, hindi siya nakapagpagamot sa health center sa Barangay South Cembo dahil isinara kaya nabigo siyang makakuha ng maintenance medication.

Sinabi naman ni Junio na isa siyang cancer survivor na hindi nakagamit ng mga pasilidad ng East Cembo dahil isinara rin ni Binay.

----$$$--

KABILANG sa mga nakaranas ng negatibong epekto sa pagsasara ng pasilidad ang ilang vulnerable sector tulad ng senior citizens, mga buntis, persons with disabilities.

Mahalagang maayos agad ang gusot na ito.

----$$$--

UMAASA ang mga residente ng Makati at Taguig na mareresolba na ang sigalot sa dalawang siyudad matapos ang eleksyon.

Malinaw na apektado rito ang ordinaryong mamamayan na nagbabayad ng buwis pero hindi nabibiyayaan ng programa ng pamahalaan.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.