Shocked sa bill, gustong ipa-frame… KIM, NANLIBRE NG P100K DINNER SA HK SA IT’S SHOWTIME FAMILY

ni Ador V. Saluta @Adore Me! | November 7, 2023

Nakantiyawan man si Kim Chiu na manlibre ng dinner sa kanyang It's Showtime family, tiyak na hindi naman ito ikababawas ng kanyang milyones na kinikita dahil sa sunud-sunod nitong proyekto sa ABS-CBN.

Nariyan ang numero-unong serye na Linlang na laging trending ang bawat episode, bukod pa nga sa It’s Showtime.

Kaya naman kahit napasubo, ibinahagi ng Kapamilya star sa kanyang vlog ang halagang P100 K na kanyang nagastos sa isang resto na kanilang kinainan after ng kanilang masayang bakasyon kamakailan sa Hong Kong.

Matapos silang mag-dinner, ipinakita ni Kim kung magkano ang kanilang bill na umabot sa P100 K.

"Ipapa-frame ko po ito. Nabutasan po tayo ng P100K," biro ni Kim.

Nagbiro naman si Vice Ganda at aniya, parang nag-debut lang daw ang Linlang star.

Sa kabila ng malaki nilang bill ay sinabi ni Kim na worth it naman daw ito.

“As the saying goes, family is not defined only by its last name or by blood. It is defined by commitment and by love. It means showing up when needed most. It means having each other’s back. It means choosing to love each other. Even on those days when you struggle to like each other. It means never giving up on each other,” sabi ni Kim.

RICCI, KINUKUNSINTI RAW NG PADIR, BINANATAN NG NETIZENS

ni Ador V. Saluta @Adore Me! | November 3, 2023

Nakakatanggap ng sari-saring batikos ang ama ni Ricci Rivero na si Paolo Rivero dahil umano sa pangungunsinti nito sa hiwalayan ng anak at ng ex-GF nito na si Andrea Brillantes.

Sey ng ilang netizens kay Paolo, nakikisawsaw daw ito sa isyu ng dalawa at ginagamit pa ang pangalan ng Diyos sa kanyang mga posts.

Sinagot ni Ricci ang mga bashers ng ama base sa kanyang Facebook post noong October 29, 2023.

Sa comments section, lumantad ang ama ni Ricci na si Paolo para sagutin ang mga bashers.

Sey nito, "The reason why we always ask God for guidance and blessings is because we know we are on the right side.

"Really, time is the ultimate truth teller. Time will come we will know who's lying and who's not.

"We may be outnumbered now but I truly believe that if God is with you, who can be against you?"

Paliwanag ng netizen, kaya naman daw inulan ng batikos si Ricci ay dahil sa ipinangalandakan pa raw ng basketball player na si Andrea ang nagpupunta sa tinitirhang condo niya at pilit na nakikipagbalikan ang aktres subali't tinanggihan na ito.

Payo ng ilan, hinarap at humingi na lang sana ng dispensa si Ricci nang maayos kung mayroon man itong maling nagawa sa ex-girlfriend.

Sabi pa ng netizen, hindi maiiwasang madawit sa isyu ang bagong girlfriend ni Ricci na si Leren Bautista dahil ito ang sumunod na opisyal na nakarelasyon ni Ricci matapos ni Andrea.

May paliwanag naman si Paolo kung bakit nagpasya ang anak na magsalita sa publiko tungkol sa breakup nila ni Andrea.

Pahayag ni Paolo, "After all the accusations they've thrown to him asking him to explain his side and tell the truth, now that we're all talking, mali pa rin?

"They all made up the stories to make him look very bad, laundry, gamit sa condo, cheater, he is after her popularity, user, wishing him dead, wishing us all to go to hell, messaging us on our private number, do you think after all this time, we're just gonna take this sitting down?

"Anak namin 'yan. Kayo na hindi ninyo sila kilala personally and you think you have the right to tell us what to do and not to do, ok lang kayo?"

Pati raw ang kapatid ni Ricci ay nakararanas ng pambabatikos dahil sa isyu.

"’Yung stress na inabot ng family namin because of those lies and make-up stories hanggang sa bunsong anak namin na nabu-bully sa school dahil iniidolo ng karamihan ‘yung isa and you think, dapat manahimik kami and not tell what really happened?

"Wow! Gusto n’yong magsabi nang totoo and when he starts talking and hindi n’yo gusto ‘yung mga sinabi niya, mali pa rin siya?

"Dapat ‘yung kuwento nu’ng isa, ‘yun ang tama at ‘yun din dapat ang sabihin niya? You can say whatever you want but the truth remains that God knows what really happened and TIME WILL REALLY BE THE ULTIMATE TRUTH TELLER.”

Inayawan na lang daw niya… RICCI: PINUPUNTAHAN AKO NI ANDREA NANG MADALING-ARAW PARA MAKIPAGBALIKAN

ni Ador V. Saluta @Adore Me! | October 27, 2023

Sa kanilang online program na Marites University, nabanggit ng isa sa mga co-anchors ng programa na si DJ Jhai-Ho na ang dahilan ng breakup nina Andrea Brillantes at Ricci Rivero ay third party.

Lumalabas na ang pag-i-split ng dalawa ay dahil kay Los Banos, Laguna Councilor Leren Mae Bautista.

Sa kanyang mensahe ay nilinaw ni Ricci na hindi 3rd party ang girlfriend niyang si Leren.

"Du'n lang tayo sa totoo. Hindi 3rd party si Leren, alam nila 'yan. Huwag silang pa-click bait para makuha ang simpatya ng tao at sirain kami. Nagmu-move on kami nang maayos nang walang nasasaktan dahil hindi na ako papayag na may madamay pang iba para lang sa good publicity nila."

Ipinaliwanag din ni Ricci kung bakit niya sinagot ang tweet ng kaibigan ni Andrea na si Bea Borres.

"Jhai, never akong pumatol sa kanila kahit sa lahat ng pagpaparinig nila. We all know who she's pertaining to sa mga tweets niya from the very start. Nag-reply ako kasi sumosobra na sila and meron naman talaga akong alam sa kanila pareho pero hindi ako nagsasalita kasi hindi ako 'yung tao para manira. You all know me from the beginning."

Sinabi rin ni Ricci na noong May 6 ay sinabi ni Andrea na wala na sila at May 26 nang magkakilala sila ni Leren kaya naniniwala siya na walang overlap na nangyari.

"Nakilala ko si Leren, May 26. And alam nilang mag-bestfriend na wala na kami that time. We broke up a couple of times na early this year kaya magulo na talaga. Nakikipagbalikan siya and nu'ng last time na May 6, sinabi niya na wala na, end na because of the girl na alam naman niya na kasama ng friend ko 'yun na pumunta doon, so paanong overlap doon, Jhai?"

Naibahagi rin ni Ricci na pumunta si Andrea sa kanyang condo para umano makipagbalikan.

"Hindi naman ako nagsasalita nu'ng may mga nakakasama at kausap din silang iba sa bars.

Pumupunta siya ng condo ko nang madaling-araw ilang beses for what? Para makipagbalikan. Nag-yes ba ako? Hindi, kasi ayoko na and sinabi ko 'yan sa kanya paulit-ulit, so I am the bad person here for not publicly telling everyone that I am single. She asked me not to let people know muna kasi baka masira ang image niya, tapos nu'ng hindi ako pumayag makipagbalikan, sisiraan na ako bigla." mahabang paglilinaw ng Unibersidad ng Pilipinas basketball star.