Together again sila ni Bianca… "REUNITED AND IT FEELS SO GOOD" — SHERWIN

ni Ador V. Saluta @Adore Me! | December 30, 2023

Sa gitna ng kontrobersiyang kinakaharap ngayon ng kanyang karelasyong beauty queen-actress na si Bianca Manalo, hindi nagpapatinag si Sen. Sherwin Gatchalian sa mga bashers na pumupuna sa kanilang samahan.

Kahapon, Biyernes (December 29), nag-post ang senador sa Instagram na magkasama sila ni Bianca sa picture. Kasalukuyang nasa bakasyon sa Vancouver, Canada ang dalawa spending the Holiday Season.

Ang kanyang caption: "Reunited and it feels so good."

Maraming friends from showbiz ng dalawa ang nag-comment at isa na nga rito si Ruffa Gutierrez na isa sa mga artistang close kay Bianca. 

Aniya, "Naks! Kasalan na!@stgatchalian74@biancamanalo".

Matatandaang nasangkot sa isyung 'pangangaliwa' si Bianca dahil kay Rob Gomez, ang co-star ng beauty queen-actress sa dating GMA afternoon series na Magandang Dilag.

Starring role sa seryeng nagtapos na si Herlene Budol na sangkot din sa kontrobersiya dahil sa pagkakalantad ng maseselang convo o pag-uusap nila ni Rob.

Sa mga panayam kay Senador Win, tila 'di ito apektado sa isyu ng kasintahan kay Rob at sabi'y mga fake news lamang daw ang mga naglalabasang ulat.

Sa limang taon nilang pagsasama ni Bianca, ngayon lang nadamay sa isyung tulad nito ang beauty queen-actress.

Aktres, kay Maja na raw magpapa-manage… KATHRYN AT DANIEL, LALAYAS NA SA STAR MAGIC

ni Ador V. Saluta @Adore Me! | November 30, 2023

Kaugnay ng tumitinding isyu sa KathNiel, seryoso na ang dalawa na wala nang puwede pang mamagitan sa kanila kung ang pag-uusapa'y pagkakasundong muli o pagkakapatawaran.

Pagkatapos ng hiwalayan, may pasabog umano ang kampo ni Kathryn. Tila kakalas na ito sa pangangalaga ng Star Magic, ang talent arm na nagbigay sa kanya ng malaking pangalan sa showbiz.

Hindi pa man kumpirmado ang paglayas ng Asia's Superstar sa Star Magic, kalat na at usap-usapan ngayon sa social media ang rebelasyon ni Cristy Fermin sa kanyang YouTube show na Showbiz Now Na tungkol sa tambalang KathNiel.

May nakarating umano kasing info kay Fermin na hindi na ire-renew ng Star Magic ang kontrata ng dalaga ngunit aminado naman daw siya na wala pa siyang resibo o patotoo sa tsismis na ito.

"Ang kuwento, hindi na sila ire-renew ng Star Magic. Ang balita, ang kampo ni Kathryn, nakikipag-usap na raw kay Rambo Nuñez, kina Maja (Salvador)," kuwento ni Cristy.

Sina Maja at Rambo ang nasa likod ng Crown Artist Management na nangangalaga rin sa career ni John Lloyd Cruz.

"At ang kay Daniel naman daw ay ibang management," ayon pa sa tsika ng Showbiz Now Na! host.

Well, kung matutuloy ito, tuluyan na ngang mabubuwag ang tambalang KathNiel.

Pinatutsadahan siyang sinungaling… CRISTY: VICE, ‘DI TUNAY NA BABAE!

ni Ador V. Saluta @Adore Me! | November 27, 2023

Tila may namumuong giyera sa pagitan ng Unkabogable Star na si Vice Ganda at sa beteranang kolumnista at showbiz anchor na si Cristy Fermin.

Nag-umpisa ang patutsadahan ng dalawa matapos magbiro si Vice sa isang It’s Showtime contestant na may pangalang "Cristy".

Ani rito ni Vice, "Kumusta ka, Cristy? Ano’ng pinagkakaabalahan mo bukod sa paggawa ng kasinungalingan?"

Hindi lingid sa lahat na matagal nang dinededma ni Vice ang mga patutsada ng beteranang kolumnista na nag-ugat sa "icing lick incident" sa kanilang programa kasama ang "asawang" si Ion Perez.

Ang nasabing eksena ay naging dahilan para patawan ng MTRCB ng 12-day suspension ang programa na nagsimula nitong Oktubre 14 hanggang Oktubre 26.

May espekulasyon umano si Fermin na si Ion ang "malas" sa kanyang buhay at career, simula nang sila’y magpakasal sa US.

Sa kanyang show na Cristy Ferminute, binanatan muli ni Cristy ang Unkabogable Star at tinawag niya ito na umano’y hindi tunay na babae at nagpapanggap lamang.

“Vice Ganda, hindi ka tunay na babae. Lalaki ka! Nagpapanggap ka lang na babae. Kapag ikaw ay bumibiyahe sa isang mahabang kalye, tinawag ka ng kalikasan, bababa ka sa sasakyan, hahanap ka ng puno, at doon ka dyi-jingle. May mga dadaan na mga tao, at ano ang colloquial na biro ng mga tao na nakakakita ng mga umiihi? ‘Hoy, humarap ka! ‘Wag kang tumalikod, traydor ka!’ ‘Yun ang isisigaw sa iyo!” sabi ni Fermin kay Vice.