Tanggap na ‘di welcome sa burol ni Jaclyn, Andi… “BAKIT AKO MAKIKIRAMAY?” - ALBIE

ni Ador V. Saluta @Adore Me! | March 25, 2024

Napansin ng ilang netizens ang hindi pagpunta ng Kapamilya actor na si Albie Casiño sa lamay ng yumaong beteranang actress na si Jaclyn Jose.

Matatandaang nagkaroon ng isyu sa pagitan ng actor at ng anak ni Jaclyn na si Andi Eigenmann matapos pagdudahang si Albie ang tatay ng unang anak ni Andi na si Ellie. 

Humantong pa ito sa pagpapa-DNA test pero sa huli, lumabas ding si Jake Ejercito pala ang ama ng ipinagbubuntis noon ni Andi. 

Apektado ang career ni Albie dahil tinanggal siya ng Star Magic sa isang series, kung saa'y sila ni Kathryn Bernardo sana ang ibini-build-up ng network for a love  team until mapunta ang role kay Daniel Padilla, and the rest is history, sabi nga.

Nasaktan ang young actor noon hanggang nagpa-release siya sa Star Magic at pansamantalang nag-isolate sa showbiz.

Sa isang panayam kay Albie, tahasang inamin ng actor na naka-move on na siya sa nangyari  sa kanyang buhay at nakalimutan na niya ang lahat ng masalimuot na pangyayaring kaugnay nu’n kaya naman nasabi niyang hindi raw siya apektado sa pagpanaw ng beteranang actress.

Dahil sa nangyari, aminado si Albie na hindi pa rin limot ng mga taga-showbiz ang dating kontrobersiya, kaya't paliwanag niya, “Unang-una, I just want to say rest in peace, Ms. Jane, saka condolences sa mga taong nagmamahal sa kanya. Pero like hindi naman ako apektado doon. My presence will not be welcome there, so bakit ako makikiramay?” sabi ni Albie. 

Nahuhulaan na niya na pagtataasan ng mga kilay ang presence niya ‘pag siya'y nagpunta lalo na sa mga kaanak ng namatay na actress. Pagpipiyestahan din ng media ang presence niya roon especially kung magpang-abot sila sa lamay ng kapwa Kapamilya actor na si Jake Ejercito.

Markado raw na pa-fall... NETIZENS KAY KIM: HINAY-HINAY LANG KAY PAULO

ni Ador V. Saluta @Adore Me! | March 15, 2024

Sa mediacon ng What's Wrong With Secretary Kim, tinanong sina Kim Chiu at Paulo Avelino kung na-develop ba sila sa isa’t isa while shooting some intimate scenes ng nasabing adaptation ng Korean series? Unfortunately, pareho nilang idinenay na mayroon silang intimate relationship.

Sa mga naging pahayag ni Paulo, aniya'y close na umano sila ng actress bago paman sila nagsama sa kanilang series na Linlang.

Sa isang panayam ng showbiz insider na si DJ Jhai Ho kay Paulo, sey ng una, “Bago naman ‘yung pagsasama nila sa Linlang ata, parang nagiging close silang dalawa sa ASAP pa lang... ASAP Milan. Tapos parang nagsama sila sa Linlang, nakita natin na may chemistry din talaga, ‘di ba, si Victor at si Juliana.

“So, parang feeling ko naman, isa ‘yun sa mga naging dahilan kung bakit itong si Kim Chiu, eh, talagang napareha ulit para sa What’s Wrong With Secretary Kim? kay Paulo Avelino.”

Dagdag pa niya, “Kasi baka mamaya, ‘yung nasa getting to know pa sila nang mas malalim talaga, eh, dahil sa dami na ng mga taong nagsasabi sa paligid, baka mamaya, nagkakaroon na ng super closeness, tapos ang ending, dahil ang daming nasasabi ng mga tao... baka masira ‘yung binubuo nilang foundation para sa mas deeper na relationship na puwedeng pasukin.”

Gayunpaman, may ilang nagpapayo kay Kim na maghinay-hinay lang sa nararamdaman kay Paulo kung meron man dahil may record daw ang aktor na “pa-fall” pero ‘di naman sineseryoso.

Luh, may ganern!

Rita, 'di nakapagpigil, nagsalita na… ANDI AT UTOL, SINISISI SA PAGKAMATAY NI JACLYN

ni Ador V. Saluta @Adore Me! | March 13, 2024

Bagama't naihatid na sa huling hantungan ang abo ng veteran actress na si Jaclyn Jose, may ilang netizens pa rin pala ang naninisi kay Andi Eigenmann at sa kapatid nitong si Gwen sa pagkamatay ng kanilang inang aktres.

Hirit ng ilang netizens, kung sana raw ay may ginawa para 'di agad ito namatay. 

Pinalagan naman ito ng actress na si Rita Avila at masama ang loob sa mga taong nambabatikos sa mga anak ng yumaong si Jaclyn Jose na sina Andi at Gwen.

Sa post nito sa Instagram, ibinahagi ni Rita ang photo collage ng mga larawan nina Jaclyn, Andi at Gwen.

Kasabay nito ang caption upang ipagtanggol ang mga anak ng aktres.

Ani Rita, "Tulad ngayon, ang daming kuro-kuro. Sana kasi, ganito ang ginawa! Dapat kasi, ganyan ang ginawa. Bakit naman kasi ginanu'n?

"Kasama ka ba nila sa bahay mula ng isinilang ang mga anak ni Jaclyn Jose? Naranasan mo bang pumasok sa isip at katawan nila kaya alam mo ang tinahak ng bawat isa sa kanila?

Nasa lugar ka ba para kuwestyonin at ipa-guilty pa ang mga naiwan?

"I-REST IN PEACE NA MUNA PO ANG ISIP AT BIBIG kung walang buti ang idudulot n'yo sa mga naiwan.

"MASAKIT NA PO MASYADO ANG NANGYARI SA KANILA. Hinay-hinay po.

"Hindi lahat ng nababasa o nakikita n'yo ay totoo. Marami ang nasisilaw. Marami ang makakapal. Parang totoo pero hindi.

"Ipagdasal na lang natin si Jaclyn at ang kanyang pamilya.

"Sa isang post ko na ang wishful thinking ko ay sana may “KATE” din si Jaclyn, mabuting wish ‘yun para sa isang naging kaibigan dahil malungkot nga raw siya sa pagiging mag-isa at dahil alam ko ang advantage ng may kasamang nagmamahal, nag-aasikaso at nagpapasaya sa akin. PERO HINDI KO KINUWESTIYON ANG SITWASYON NIYA. WALANG KINALAMAN ‘YUN SA MGA ANAK NIYA. I TRUST HER AND HER CHILDREN FOR ALL THEIR DECISIONS." 

Mananahimik na nga kaya ang mga bashers?