BF, ‘di man daw mai-flex sa socmed… RUFFA: TOTOO KAMING NAGMAMAHALAN NI HERBERT

ni Ador V. Saluta @Adore Me! | May 16, 2025

Photo: Herbert Bautista at Ruffa Gutierrez - IG

Finally, inamin na ni Ruffa Gutierrez – na napanood namin sa isang clip sa TikTok (TT) nitong Martes, May 13, 2025 – ang relasyon nila ni former QC Mayor Herbert Bautista.

Nag-post si Ruffa ng video nila ni Herbert para batiin sa 57th birthday nito noong May 12.

Sa video na ini-upload ni Ruffa, makikita ang ilang sweet moments nila ni Bistek, kabilang na rito ang pagde-date nila sa isang restaurant, panonood ng NBA game, at pagbisita ni Herbert sa bahay niya.

Sabi ni Ruffa, “One day late but the most unforgettable moments don’t make it to social media.

“Happy birthday, HERBERT CONSTANTINE MACLANG BAUTISTA!”

Maraming netizens ang natuwa at makikita ito sa comments section ng kanyang post.

“I’m so happy for you, Ms. Ruffa. Finally you met your man,” sey ng isang fan.

Sabi naman ng isa pa, “Mahirap turuan ang puso, madalas kung sino pa ‘yung ayaw ng iba

for you, s’ya talaga ‘yung isinisigaw ng puso mo. Maikli lang ang buhay, choose to be happy always, Ms. Ruffa.”

“Na kay Herbert lang pala talaga ang susi sa puso ni Ruffa,” sey ng isang nag-comment na sinundan ng isa pa, “Iba ang happiness nila. ‘Pag tunay na pag-ibig nga naman, kahit matangkad at maliit, eh, pinagtatagpo."

Matatandaang noong June 20, 2024, sa YouTube (YT) vlog ni Karen Davila, unang inamin ni Ruffa ang espesyal na relasyon nila ni Herbert.

Matagal nang nauugnay ang dalawa sa isa’t isa, ngunit wala silang opisyal na pag-amin kung ano ang tunay na estado ng kanilang relasyon.

Sa katunayan, naisyu pa noon na diumano, buntis si Ruffa sa anak nila ni Herbert pero mariin itong pinabulaanan ng aktres.

Nangyari ang pag-amin ni Ruffa nang ibuking ng dalawa niyang anak na sina Venice at Lorin ang tungkol sa lalaking nagpapasaya ngayon sa kanilang ina.

Nagsimula ito nang tanungin ni Karen sina Lorin at Venice kung handa at pumapayag pa ba silang ikasal ang kanilang ina, matapos nitong mahiwalay at ma-annul sa kanilang ama — ang Turkish businessman na si Yilmaz Bektas.

Sey ni Lorin, “I don’t want anything specific for her.

“I want her to be happy and whatever that looks like for her, if it’s being alone with eighty cats, then that’s for her. I just want her to be happy.

“And if it’s getting married, if it’s having a long-term partner, I’ve never really thought too much about it. Me and my sister don’t really get overly involved.”

Bagay na sinang-ayunan naman ni Venice. Aniya, tiwala siya sa kanyang ina pagdating sa pagpili ng lalaking mamahalin.

Sey ni Venice, “I’m sure me and Lorin probably make side comments at the start. But my mom always, usually, most of the time, has good judgment on picking who’s right for her and who’s wrong.

“Her current partner now, he’s lovely, he’s a really nice guy, he treats her very well, and she is ecstatic about him.

“So, of course, I’m very happy for her. And again, like Lorin said, if she’s happy, we’re happy.”

Dahil sa rebelasyon ng dalawa niyang anak, hindi na nakaligtas pa si Ruffa sa pang-uusisa ni Karen tungkol sa relasyon nila ni Herbert.

Paliwanag ni Ruffa, hindi sa itinatago niya ang espesyal na ugnayan nila ng dating alkalde ng Quezon City. Gusto lang daw niya talagang maging pribado kung anuman ang mayroon sila, kaya’t hindi niya maamin noon at hindi rin siya ma-post sa social media.

Paliwanag niya, “I think now, it’s just better that a quiet personal life leads to more happiness.

“You know, it’s not there to flaunt na, ‘Hey, baby, good morning. I love you’ on Instagram (IG). Like, how cringe, ‘di ba? Parang ano, you can flex slightly.”

Hindi man maibida ni Ruffa ang relasyon nila ni Herbert online, nakatitiyak daw siyang seryoso at totoo silang nagmamahalan.

Ibinuking din niya na sa set ng The House Arrest of Us (THAOF) noong 2020 nagsimulang magpakiramdaman sila ni Herbert.

Ang THAOF ay ang romantic-comedy streaming series na pinagbidahan ng dating magkasintahang sina Kathryn Bernardo at Daniel Padilla. Kabilang sa cast sina Ruffa at Herbert, na gumanap bilang mga magulang ng karakter ni Kathryn.

Bigay daw ni Lord… KRISTEL, IKINASAL NA SA BF NA KOREANO SA SOKOR

ni Ador V. Saluta @Adore Me! | May 14, 2025

Photo: Kristel Fulgar - IG

Ikinasal na ang former Star Magic star na si Kristel Fulgar sa Korean boyfriend nitong si Ha Su-hyuk sa South Korea last Saturday (May 10, 2025).

Sa larawang kuha sa newlyweds na in-upload via Instagram (IG), makikita sina Kristel and Su-hyuk na looking radiant in their wedding attire.

Nakilala ni Kristel si Su-hyuk through a mutual friend based in South Korea. 

Kuwento ni Kristel, “Meron akong friend sa Korea na ipinakilala sa akin si Su-hyuk. Matagal na siya dito sa Korea nakatira at kilala niya si Su-hyuk na mabait.

“And that friend, kilalang-kilala rin ako, alam n’ya rin ‘yung personality ko, and alam n’ya rin kung ano ang gusto ko sa guy.

“And so, s’ya ‘yung nagpakilala sa aming dalawa. And then ‘yung una pa lang naming pagkakakilala, para talagang super magical. Hindi ko ma-explain.

“Swak kami sa values, pareho kaming very respectful, pareho kaming conservative. ‘Yung approach n’ya sa dating, very classic and ‘yun din talaga ang gusto ko sa guy,” masaya niyang pagkukuwento.

Aniya pa, perfect ang timing ng kanilang pagkakakilala, noong panahong si Kristel ay praying to find the right person, ready na ito sa relationship.

Kristel knew Su-hyuk was the one when he chose to convert to Iglesia ni Cristo (INC), embracing her faith and beliefs.

“Du’n ko talaga na-realize na God-sent s’ya para sa ‘kin,” ani Kristel.

---

Padir ni Daniel… ROMMEL, TALUNAN BILANG MAYOR SA NUEVA ECIJA

BASE sa official and unofficial results nitong nakaraang midterm elections, may ilang celebrities na hindi pinalad sa kanilang pagtakbo ngayong halalan. May wagi rin namang mga artista.

Kabilang sa mga celebrities na nanalo sa katatapos lamang na midterm elections na ginanap nitong May 12, 2025 ay ang former beauty queen na si Leren Bautista, na kasintahan ng basketball player na si Ricci Rivero. Nahalal siya bilang konsehal ng lone district ng Los Baños, Laguna sa pangalawang pagkakataon.

Ang dating Star Magic Circle star na si Niña Jose-Quiambao ay nanalo ring mayor ng Bayambang, Pangasinan, sa kanyang ikalawang termino.

Ang anak ni Alma Moreno kay Joey Marquez na si Yeoj ay nahalal na konsehal ng unang distrito ng Parañaque City.

Nanalo rin bilang board member ng second provincial district ng Laguna si Tutti Caringal ng 6CycleMind.

Muling nagwagi bilang mayor ng Pandi, Bulacan si Enrico Roque, ang producer ng CineKo Productions.

Sa kasamaang palad, natalo ang actor na si Dan Fernandez sa kanyang gubernatorial bid sa probinsiya ng Laguna, kalaban ang dating ABS-CBN News anchor na si Sol Aragones.

Hindi rin pinalad na manalo ang kanyang anak, ang aktor na si Danzel Fernandez, na tumakbong cong. ng lone district ng Sta. Rosa, Laguna.

Hindi natupad ang pangarap ni Lito Camo na paglingkuran ang kanyang mga kababayan sa Bongabong, Oriental Mindoro dahil hindi siya nanalong alkalde ng kanilang bayan.

Hindi rin nagwagi si Rommel Padilla, ang ama ni Daniel Padilla, na kumandidatong mayor ng Cuyapo, Nueva Ecija.

Tulad ng kanyang kapatid na si Anjo Yllana na tumakbong vice-mayor ng Calamba City, Laguna, hindi pinalad si Paulie Yllana na maging konsehal ng lone district ng naturang siyudad.

Malungkot din ang kinahinatnan ng pagtakbo ni Bobby Yan, ang kuya ng pumanaw na aktor na si Rico Yan, dahil hindi siya nagwaging konsehal sa lone district ng City of Cabuyao, Laguna.

Bida sa Vivamax movie… SEXY STAR NA SI KAREN LOPEZ, 4 NA ARAW NANG NAWAWALA

ni Ador V. Saluta @Adore Me! | May 9, 2025

Karen Lopez - IG

Isang misteryo ang pagkawala ng Vivamax (VMX) star na si Karen Lopez. 

Ayon sa talent manager ng sexy star na si Lito de Guzman, ilang araw nang ‘di makontak ang kanyang alaga na ngayo’y 21 years old na. 

Sa isang panayam, sinabi ni Lito na huli nilang nakita si Karen noong Lunes (Mayo 5) nang 12 PM.

Mula noon ay hindi na sila nagkaroon ng komunikasyon sa isa’t isa.

Pahayag ni Lito sa panayam sa kanya ng PEP.ph, “Dalawang araw na s’yang nawawala. Sinundo raw ng boyfriend sa condo unit n’ya, pero pareho na silang hindi namin makontak.

“Hindi na rin s’ya active sa Messenger, Viber, at WhatsApp kaya kinakabahan na kaming lahat.”

Ayon pa sa talent manager ni Karen, nu’ng Miyerkules (Mayo 6) ang huling araw ng shooting ng sexy star para sa kanyang pinagbibidahang VMX movie na Maalikaya, pero hindi raw sumipot si Karen. 

“Alam naman n’ya na may shooting s’ya today, so expected na sisipot s’ya kasi s’ya ang bida. Alam n’yang may shooting s’ya pero nakapagtataka na hindi s’ya sumipot.”

Dagdag pa ni Lito, “6 AM ang calltime n’ya, hindi naman nale-late ‘yun.

“Natataranta na kaming lahat. Wala s’ya sa set at wala pa sa condo na inuuwian n’ya.”

Hindi pa ipinapa-blotter ni Lito ang pagkawala ni Karen dahil hinihintay niya ang desisyon ng pamilya ng nawawalang VMX star.

Ang tanging hiling ni Lito ay magparamdam si Karen para mabawasan ang kanyang takot at pag-aalala dahil 2 araw na nilang hindi nakikita ang talent niya.

Ayaw pa sana ni Lito na ipasulat ang pagkawala ni Karen, pero pumayag siya dahil sa pagbabaka-sakaling makatulong ito para matukoy ang kinaroroonan ng sexy star.

Si Karen ay napanood sa VMX movies na Habal at Babae sa Butas bago nabigyan ng starring role sa Maalikaya na mula sa direksiyon ni Roman Perez, Jr..

---

MATAGAL nang pinagkukumpara ng mga netizens sina Korina Sanchez at Jessica Soho lalo na noong buhay pa ang prangkisa ng ABS-CBN kung saan mapapanood ang Rated K (RK) ni Korina.

Ewan kung sinadya bang tapatan ng programa ni Korina ang time slot ng Kapuso Mo, Jessica Soho (KMJS) sa GMA-7.

Pero para kina Korina at Jessica ay trabaho lamang ang kanilang ginagawa at hindi nila pansin ang pagkukumpara sa kanila.

Subali’t sa isang pambihirang pagkakataon, nagkita at nagkrus ang landas ng dalawang award-winning journalists sa Pilipinas.

Nangyari ito sa Rome, Vatican City kung saan kabilang sila sa mga mamamahayag sa buong mundo na nagko-cover ng isinasagawang papal conclave na magdedesisyon kung sino ang magiging bagong Santo Papa sa mga susunod na araw kasunod ng pagpanaw ni Pope Francis noong April 21, 2025.

Sa Instagram (IG) nu’ng Miyerkules (May 7, 2025), ibinahagi ng official account ng programang KMJS ang larawan nina Jessica at Korina.

Nakalagay sa caption (published as is): “PBB Collab next edition na ba ito?

“HANDA NA BA KAYO?! I-KMJS NA ‘YAN!

“Korina Sanchez at Jessica Soho sa coverage ng Papal conclave sa Vatican.”

Ang “Handa na ba kayo?” ay tagline ng dating show ni Korina na Rated K at kasalukuyang show niyang Rated Korina. 

Ang “I-KMJS na ‘yan!” ay tagline naman ng news magazine show ni Jessica.

Maraming netizens ang natuwa nang makita ang larawan ng dalawang batikang journalists.

Nu’ng Miyerkules nang gabi, si Korina naman ang nag-post sa IG ng larawan nila ni Jessica na kuha rin sa Vatican. Tinawag pa niyang GMA-7’s icon si Jessica.

Saad niya sa caption: “G (Go)? Why not?”