Ipinupursige ngayon ng gobyerno na mapatawan ng excise tax ang junk food sa layong madagdagan ang kita ng gobyerno bukod pa sa mapananatiling malusog ang mga Filipino.
Sa ulat ng National Tax Research Center na Feasibility of Imposing a Junk Food Tax in the Philippines, ipinunto nito na nakasasama sa katawan ng tao ang labis na pagkonsumo ng junk foods.
“However, their savory taste and inexpensiveness drive Filipinos to continuously consume these unhealthy products,” ayon sa NTRC.
Kabilang sa mga pagkain at inumin na itinuturing ng NTRC na junk food ay ang mga ipinagbibili sa “fast food” restaurants tulad ng burger, fries, fried chicken, hotdog, pasta at pizza, at iba pa gayundin ang mga deep-fried at salty snacks; sugary desserts at sweets, at carbonated beverages o soft drinks.
Batay umano sa resulta ng Food and Nutrition Research Institute’s (FNRI) Eighth National Nutrition Survey, sinabi ng NTRC na tatlo sa 10 Pilipino na may edad 20 pataas ang overweight o obese dahil na rin sa pagkain ng junk foods bukod pa sa kakulangan ng exercise o physical activity.
Sa mga bata naman na may edad na lima pababa, tumaas sa limang porsiyento noong 2013 ang
naging obese mula sa 2.4 noong 2003.
“An overweight or obese individual has a higher risk of being afflicted with diseases like coronary heart disease, stroke, high blood pressure, diabetes, cancer, osteoarthritis and other serious chronic illnesses. In addition, habitual eating of junk food can trigger digestive problems, fatigue, depression and may also affect the brain function,” babala ng NTRC.
Dahil dito, isinusulong ng NTRC ang 10 hanggang 20 porsiyentong excise tax sa junk food upang mapuwersang umiwas ang mga tao sa pagkonsumo nito.
Sa pagtataya ng NTRC, ang mga lokal na korporasyon na nasa industriya ng junk food manufacturing at fast food chains ay may taunang kinikita na P541.6 bilyon mula 2013 hanggang 2017 o may average annual sales increase na 8.5 percent.
Ayon pa sa NTRC, kung sisingil ang gobyerno ng excise tax ay maaaring makakolekta ng P36.5 bilyon hanggang P72.9 bilyon kada taon sa susunod na limang taon.
“Results will show that the higher the tax rate, the higher the revenue that will be derived. Similarly, the higher the tax rate to be imposed, the higher the increase in product price will be. Viewed from the perception of discouraging the bad habit of consuming junk food, a higher rate of excise tax is proposed as this will result in high prices and will limit consumers’ consumption,” dagdag pa ng NTRC.