Hindi umano masyadong nakakaalarma ang pagpositibo ng 18 empleyado ng Senado sa COVID-19 rapid test kit.
Ayon kay Senate President Vicente ‘Tito’ Sotto III, tuloy-tuloy ang pagpasok niya sa Senado kahit pa may nagpositibong mga staff dito.
“Eighteen out of 500 is not too alarming. In my case as Senate President, it’s part of my job to continue the sessions,” pahayag ng mambabatas.
“Siyempre 'andoon ang pangamba mo na dapat mag-iingat ka. Basta ang importante, nag-iingat lang at saka dinadagdagan ko ‘yung dasal,” dagdag pa nito.
Hindi rin umano laging gagawin sa Senado ang rapid mass testing at sinigurong bawat magpopositibo ay sagot ng Senado ang gastos para sa PCR confirmatory test.