LEYTE — Patay ang 65-anyos na lolo nang masunog ang kanyang bahay kamakalawa sa Bgy. Daja Diot, San Isidro.
Kinilala ng pulisya ang biktima na si Clemente Butal, nakatira sa nabanggit na barangay.
Ayon sa ulat, nag-iisa si Butal sa loob ng kanyang bahay nang sumiklab ang sunog.
Dahil sa katandaan ay hindi agad nakalabas ang biktima kaya kasama ito sa natupok ng apoy.
Samantala, inaalam na ng mga awtoridad ang sanhi ng sunog.