Beth Gelena / Bulgary Files
Maine, namudmod ng tulong sa mga tricycle drivers, tindero, construction workers, etc.
Nakalikom ng mahigit half a million pesos si Maine Mendoza sa loob ng halos one week na fundraising drive sa kanyang DoNation program.
Sa Instagram account ni Maine, sinabi niyang nakapagpaabot na sila ng kanyang team ng financial aid sa 587 families, pero ang latest update ay nasa 600 plus na.
Makikita ang transparency ng mga binigyan niya ng tulong sa kanyang socmed account kung saan nakatala na kabilang du'n ang mga tricycle drivers, street vendors, construction workers, etc..
Post pa ng Eat…Bulaga! lady host, “7 days after the launch of DoNation Drive, we have accumulated a total amount of P587,677.92. We have sent financial support to 587 families for the past 6 days thru GCash.”
Ayon pa sa girlfriend ni Arjo Atayde, “Recipients are randomly picked through e-mail, but must admit to be focusing more on professions that are greatly affected by the 'enhanced community quarantine.'"
Pinasalamatan ng comedienne-actress ang mga nagbigay ng donasyon at aniya, bukas pa rin ang DoNation account sa mga gusto pang magpaabot ng kanilang ayuda.
"I would not make it this far if not because of everyone’s help. But it does not stop here, I shall continue sending financial assistance to as many families as I can," pagtatapos ng tinaguriang Yaya Dub ng Pilipinas.
♥♥♥
‘Di raw tinuturuan nina Kiko at Sharon sa mga sasabihin…
Frankie: May sarili akong utak
Sa social media account ng panganay na anak nina Sharon Cuneta at Senator Kiko Pangilinan na si Frankie, may pagkaklaro siyang mensahe para sa kanyang mga bashers.
Tweet ni Frankie: “You probably know this by now but just a reminder that my personal convictions don’t reflect the rest of my family’s views and vice-versa."
May mga opinion kasi si Frankie tungkol sa gobyerno na hindi nagugustuhan ng mga kapanalig ng administrasyon.
Tahasan din niyang sinabi sa mga kritiko na ang kanyang paniniwala ay tanging sa kanya lamang at walang nagmamaniobra kung ano ang gusto niyang sabihin sa kanyang social media account.
Tweet pa nga niya, "I’m a whole woman with a brain (smiling face emojis) ok?"
May mahaba pang paliwanag si Frankie (as is): "Like still growing up and def. still learning but don’t come for my parents or my family if you disagree with me because I’m the one who should be held accountable for my own choices and actions and I’m committed to growth…"
Ang tweet ni Frankie ay obviously patungkol sa kanyang mga bashers.
Ibig niyang sabihin ay siya raw ang harapin kung may hindi sila gusto sa mga ipinararating niyang mensahe at ‘wag ang kanyang mga magulang ang banatan ng mga kritiko.
Tahasan nang sinabi ni Frankie na hindi niya papasukin ang showbiz. But if given a chance, mas gusto raw niyang maging parte ng pulitika.
♥♥♥
KC, binanatan ang kabagalan ng Bureau of Customs sa pag-release ng medical supplies
Sa Twitter account naman ni KC Concepcion, kinuha niya ang atensiyon ng mga government officials hinggil sa kakulangan ng medical supplies.
Ipinost niya ang screenshot photo ni Senator Panfilo Lacson na may headline na: "GOVERNMENT we need to level up our SENSE OF URGENCY now more than ever.”
Sa parteng ibaba ng screenshot photo ay may sinabi si Sen. Lacson na: “Worst is yet to come unless DOH, FDA act with urgency."
Ani KC: “Donated test kits sitting at the Bureau of Customs due to the slow bureaucratic processes."
Dugtong pa niya: “Hundreds of thousands of rapid test kits for donation by local businessmen & procured from South Korea/China have arrived over a week ago yet a big volume is being held by Customs. Why?"
Tweet pa ng anak nina Sharon Cuneta at Gabby Concepcion, “I am not a politician, there is a reason behind this, however as a Filipino citizen who’s always given our gov. the benefit of the doubt, NOW IS THE TIME TO SEE BIGGER & BETTER SOLUTIONS. There’s no another time!"
"Don’t make me another one who has lost faith in our gov. OR OUR NATION.”
Sumagot naman ang Bureau of Customs sa tweet ni KC.
Ani ng BOC, “Hi @itskcconcepcion, would you have any concrete details of these allegations such as tracking numbers, airway bill or bill of lading of these kits so we can investigate and address this properly? Please do share with us this vital information if available. Keep safe!”
Pinasalamatan ni KC ang BOC at may pasabi pa siya para kay Senador Lacson.
“Please speak with the senator regarding the details. Thank you for your response to this concern (with clap emoji).”
Ipinost din ng BOC ang agarang aksiyon hinggil sa mga nakatenggang test kits.
Ani KC: “Yes!!!! THANK YOU!!! Finally!!!clap clap clap!”
Pinuri si KC ng mga netizens sa panawagan niya sa BOC.
Anila: “Well done KC for using your platform to push these government agencies/politicians to take action!”
“I miss this side of KC, 'yung may social relevance ang mga posts at hindi tulad ng laging self-appreciation posts n'ya sa IG. When people speak out, they get answers. Tulad nito, mabilis pa sa alas-kuwatro ang action ng BOC. Nakakalungkot lang na kailangan munang may pumuna bago umaksiyon ang nasa gobyerno."
♥♥♥
Kapuso at Kapamilya, nag-join force sa kanta laban sa COVID-19
Nagsanib-puwersa ang ABS-CBN at Kapuso artists para gawin ang music video na We Heal As One.
Ang WHAO ay isang inspirational song na produced ng isang community group para ma-inspire ang mga Pinoy.
“To come together and contribute in the fight against COVID-19,” ang ayon sa grupo ay layunin ng kanta.
Ang nasabing kanta ay revival sa official theme song ng 2019 SEA Games na We Win As One kung saan si Maestro Ryan Cayabyab ang nag-compose at ang lyrics ay mula kay Direk Floy Quintos.
Nagsama-sama sa isang music video ang mga Kapamilya artists na sina Lani Misalucha, Apl.de.Ap, Lea Salonga, Gary Valenciano, KZ Tandingan, Jamie Rivera, Martin Nievera, Pops Fernandez, Sarah Geronimo, Menchu Lauchengco, Jed Madela, Robert Seña, Isay Alvarez, Ogie Alcasid, Iñigo Pascual, Michael Williams, Bamboo at Paolo Valenciano.
Sa Kapuso Network naman ay sina Alden Richards, Julie Anne San Jose, Aicelle Santos, Christian Bautista, Mark Bautista, Rita Daniela at Ken Chan.
"It is our collective hope that the new lyrics reflect a timely and humane artistic response to the war we all must win together,” ani ng community group.
Ang music video ay idinirehe ni Frank Lloyd Mamaril.