Patay ang dalawang bata sa sunog sa Tagbilaran City.
Hindi na nakalabas ng kanilang nasusunog na bahay ang magkapatid na sina Mary Jade, 8, at Mary Joy Arayan, 5.
Ayon sa Bureau of Fire Protection, naiwan sa bahay ang magkapatid, gayundin ang nakaligtas nilang ate na si Mary Jane, 9, dahil nasa trabaho ang kanilang ina.
Gayunman, aksidente umanong natumba sa kutson ang kandilang gamit ng pamilya at mabilis na kumalat ang apoy sa bahay na gawa rin sa light materials.
Wala umanong kuryente sa bahay ng mag-anak nang maganap ang insidente.