Dati-rati, ang impresyon namin kay Kuya Escort Ion Perez ay sumasakay lamang sa pagkaka-link niya kay Vice Ganda para sumikat at magkaroon ng career. Pero nang mag-guest siya sa programa ni Boy Abunda, mas nakilala namin nang husto ang dating ramp model na galing sa Concepcion, Tarlac, anak-mahirap at tumutulong sa pagtitinda ng kanyang ina.
Dati na rin siyang nanalong Mr. Universe Tourism bago napunta sa It’s Showtime.
Laking-probinsiya kaya may pagka-naive at old-fashioned si Ion. Tumatak sa amin ang bilin daw ng kanyang ama (na yumao na) na huwag maging madamot sa kapwa, huwag manloloko at huwag gamitin ang katawan para lang umangat sa buhay.
Sa interview na ‘yun, nakita namin na totoong tao si Ion Perez at hindi siya “user” kaya minahal nang todo ni Vice Ganda. He’s a good man with a good heart.