NASAWI ang lima katao habang sugatan naman ang mahigit 20 sa panibagong insidente ng pamamaril sa Texas, USA.
Ayon kay Odessa Police Chief Michael Gerke, tatlong pulis umano ang kasama sa mga nasugatan.
Sa inisyal na imbestigasyon, nagmamaneho ang suspek nang isagawa nito ang pamamaril.
Puwersahan umanong kinuha ng suspek ang U.S. mail carrier truck at saka ito pinaandar habang namamaril.
Matatandaang, isang buwan nang nakalilipas nang mangyari ang naunang insidente ng mass shooting sa El Paso, Texas kung saan 22 katao naman ang nasawi.