Gulo sa Sudan, evacuation kasado na

ni Mabel G. Vieron | April 22, 2023

Sa patuloy na kaguluhan sa Sudan, napagdesisyunan ng Pentagon na maghanda sa posibleng paglikas ng mga empleyado ng US Embassy sa Khartoum.

Ayon kay US Defense Department spokesperson Phil Ventura, nagsagawa umano sila ng mga pagpaplano at inaalam ang ilang maaaring mangyari sa Sudan.

Samantala, may mga dinagdag silang mga sundalo upang makatulong sa mga lilikas na mga emplyedo ng embahada.

Sumiklab ang labanan sa pagitan ng Sudanese Armed Forces (SAF) na pinamumunuan ni Abdel Fattah al-Burhan, at Rapid Support Forces (RSF), na siyang loyal kay General Mohamed Hamdan “Hemedti” Dagalo na ikinasawi ng mahigit 300 katao, noong nakaraang linggo.

China vs. Taiwan.. ‘Pinas, hindi makikialam

ni Madel Moratillo | April 17, 2023

Iginiit ng National Security Council na hindi gagamitin sa opensiba laban sa China o pakikialam sa isyu ng Taiwan ang karagdagang Enhanced Defense Cooperation Agreement o EDCA sites.

Ayon sa NSC, ang pagpili sa EDCA sites ay nakabase sa Strategic Basing Plan ng Armed Forces of the Philippines at hindi mula sa dikta ng United States.

Layon umano ng pinalalakas na ugnayan ng Estados Unidos at Pilipinas na makatulong sa pagpapalakas ng kapasidad ng sandatahang lakas para sa proteksyon ng bansa.

Paliwanag naman ni Defense spokesperson Arsenio Andolong, layon lang nitong protektahan ang territorial integrity ng bansa.

Inoobserbahan din aniya ng Pilipinas ang One China Policy.

Ang pangunahjng concern aniya ng Pilipinas sa Taiwan ay ang kaligtasan ng mga Pinoy na nakatira at nagtatrabaho roon.

NoKor, nagpakawala ng panibagong missile

ni J. Repol | April 16, 2023

Kinumpirma ng North Korea na muli itong naglunsad ng panibagong Solid-Fueled Hwasong-18 Intercontinental Ballistic Missile o ICBM.

Mismong si North Korean leader, Kim Jong Un ang nanguna sa missile test.

Bagaman nagdulot ito ng pagkabahala sa iba pang mga kalapit na bansa, sinabi ng North Korea na ang missile ay walang malakihang impact sa mga katabing bansa, katulad ng South Korea, Japan, at iba pa.

Ang Solid-fueled ICBM ay mga state-of-the-art missiles na mas mabilis at mas magaan ang paglipad kumpara sa mga liquid-fueled missile.