Tinalo ang mga pulitiko… SACHZNA, MAY PA-AYUDANG FULL TANK GAS SA MGA DRAYBER

ni Julie Bonifacio @Winner | March 18, 2026

Photo: IG @Sachzna Laparan

Kinabog ni Sachzna Laparan ang mga bigating politicians at celebrities sa ginawa niyang pa-ayuda sa mga kababayan natin.

Libreng gasolina lang naman ang pa-ayuda ni Sachzna. But wait, there’s more, hindi basta libreng gasolina lang dahil ipina-full tank pa nito ang mga pampasaherong sasakyan na magpapa-gas sa tinambayan niyang gasolinahan.

Sa latest vlog ni Sachzna sa kanyang YouTube (YT) channel, sinabi niya ang dahilan kung bakit meron siyang pa-ayuda na gasolina.

“Bigla ko lang naisip na sobrang daming problema ng Pilipinas at gusto kong gumawa ng mabuti ngayong araw. Kaka-graduate lang natin kaya gusto ko ring mag-give back,” pahayag ni Sachzna.

At ang napili niyang tulungan ay ang kababayan nating naghahanapbuhay nang marangal. Alam daw niya na ang price increase ay isa sa mga problema nila.

“At kahit papaano ngayong araw ay mapagaan natin ang buhay nila. Ang gagawin natin ngayon ay ipapa-full tank natin ang kanilang mga sasakyan,” lahad pa ni Sachzna.

Pasok sa mga ipapa-full tank ni Sachzna ang jeep, tricycle at taxi na pinapasada ng mga driver. Kasali rin ang mga sasakyan ng mga drivers for delivery service.

Shocked at hindi makapaniwala ang mga driver sa libreng pa-full tank ni Sachzna. Kaya ang iba ay nagduda kung talagang libre ang ayudang gasolina ng sikat na vlogger.

Dahil dito, umani ng papuri si Sachzna mula sa mga netizens:

“Deserve na deserve ni Sachzna lahat ng blessings n’ya sa buhay. Ingat lagi, Ms. Flawless and congratulations, mahal ka namin!”

“Paano mo naman ‘di mamahalin ang babaeng ‘to. Kaya mahal na mahal ko s’ya. May God bless you more para mas marami ka pang taong matulungan.”

“Thank you Sachzna, napakabuti ng kalooban mo. Timing sa mga drivers natin na naghahanapbuhay. God bless you more.”

“Grabe ka, may boundary na, may full tank gas pa, pati pasahero ay libre. Lalo ‘yung may naka-confine sa ospital, binigyan mo rin ng blessings. God bless you more.”

Sana all.

Babalik pa raw para naman sa leeg… SHARON, NAGPAOPERA NG SPINE SA PINAKAMAHAL NA OSPITAL SA BUONG ASYA

ni Julie Bonifacio @Winner | March 14, 2026

Photo: File / IG Sharon Cuneta

Nagpapagaling na sa Pilipinas si Megastar Sharon Cuneta pagkatapos sumailalim sa operasyon sa kanyang spine sa Singapore.

Nagdalawang-isip si Mega kung ipo-post niya o hindi ang nangyari sa kanya until she decided na i-announce ang pinagdaanang medical procedure sa social media.

Well, ipinost ni Sharon sa Instagram (IG) ang mga ‘little gifts’ na natanggap niya. At sa caption niya ay ini-reveal what she went through recently.

Kuwento ni Sharon, “Hi. I know it’s been a while. I was thinking if I should let you all know what I've been through. Well, I think yes.

“You might’ve heard that I was in Singapore. I wish I went there to vlog, but actually, it was for medical reasons. My spine.

“Remember how I’d been under pain management for about two years for my right hip and leg? Well, I wish I could’ve gone to see my doctor in Singapore sooner. I had a procedure. And I do feel better, but I am still recovering. I also need to go back there in a couple of months because all the tests revealed that I also have stuff in my neck I need fixed. C4 & 5, C5 & 6.”

Sinabihan ni Sharon ang kanyang mga followers na huwag ma-stress sa kanyang medical condition ngayon.

“Don’t stress about it. What’s important is that I am okay, the pain has been dealt with and we got to the root of the problems. Praise God,” paglalahad ni Sharon.

Humingi na rin si Sharon ng paumanhin sa kanyang IG post dahil hindi na siya makakaapir sa grand finals ng Your Face Sounds Familiar (YFSF).

“I am so sorry to my YFSF family and my Sharonians who went for not being able to make it to the Finals. I tried. I missed, miss, and will greatly miss all of you,” malungkot na pahayag ni Mega.

At sa huli ay pinasalamatan ni Sharon ang kanyang doktor at mga nurse sa ospital kung saan siya na-confine sa Singapore.

“Thank you to my great nurses in Singapore, especially my Filipino ones at Mount Elizabeth Medical Center. And thank you most of all to my doctor, Dr. Prem Pillay for his expertise and kindness. God bless us all. Love and miss all of you, my Sharonians. Hope you're all okay,” sabi pa ni Sharon.

Makikita naman sa comment section ang post ng eldest daughter ni Mega na si KC Concepcion. No words pero may limang pink hearts.

Ayon sa mga netizens, ang ospital na pinuntahan ni Sharon sa Singapore ang most expensive hospital in Asia. At ito rin daw ang ospital ng mga royalties sa buong Asya.

Ang taray, ‘di ba?

---

NAG-ANNOUNCE na ang ABS-CBN ng line-up ng mga shows para sa primetime na magsisimula sa Lunes, March 16.

Lubos ang pasasalamat ng ABS-CBN at ni Coco Martin sa milyun-milyong manonood na sumubaybay sa paglalakbay ni Tanggol sa FPJ’s Batang Quiapo (BQ) gabi-gabi na ginawa itong pinakapinapanood na primetime series sa bansa at nag-break ng viewing records mula noong 2023.

Sa pagtatapos ng BQ kagabi, March 13, magbubukas ang ABS-CBN primetime block nang 8 PM sa suspense drama na The Alibi (TA), na pinangungunahan nina Kim Chiu at Paulo Avelino.

Susundan ito ng mystery drama na What Lies Beneath (WLB) sa ganap na 8:45 PM, na patuloy na nagpapakilig sa mga manonood habang sinusubukan nilang hulaan kung sino ang tunay na pumatay. 

Susundan ito ng South Korean romance drama na Love Scout (LS) at 9:30 PM, na pinagbibidahan nina Lee Jun-hyuk at Han Ji-min.

Ipapalabas naman at 10:15 PM ang hit Chinese drama na Forbidden Flower (FF) na pinagbibidahan ni Jerry Yan.

Samantala, ang premiere ng paparating na seryeng Sigabo, na pinagbibidahan nina Coco Martin at Julia Montes, ay inilipat sa ibang araw habang ang mga paghahanda ay patuloy na ginagawa upang maging isang kapana-panabik na handog na magdadala ng bagong karanasan sa panonood.

Sa mga nagkakalat ng sex video ng mga artista… “KARMA IS REAL” — TONY

ni Julie Bonifacio @Winner | March 13, 2026

Photo: IG @tony.labrusca

Nagbigay ng reaksiyon si Tony Labrusca sa mga kumalat na sex video ng mga kapwa niya male stars na sina Arron Villaflor, Gil Cuerva, Nikko Natividad at Ron Angeles.

“I think it’s very disrespectful, distasteful,” dismayadong sabi ni Tony.

Paliwanag niya, “And I’m just so happy that the culture in the Philippines right now just realized it. I think a lot of people realized that it is wrong too, you know.”

Nakausap namin si Tony sa mediacon ng 8th Sinag Maynila Independent Film Festival (SMIFF). Isa sa mga official entries sa Sinag Maynila 2026 ang pelikula ni Tony na All About Her (AAH) directed by Joel Lamangan.

“Actually, I feel bad for them. I think it’s an invasion of privacy, you know. So what you will do behind closed doors I think should remain private. And second, I don’t think people should scandalize it, honestly,” pahayag ni Tony.

Hindi raw dapat kabahan at magpaliwanag ang mga nasa sex video.

“I think sila (nagkakalat) ang dapat kabahan because you know, karma is real. So, good luck na lang po sa kanila,” diin ni Tony.

Dugtong pa niya, “But for those guys, ano lang, we’re in the industry now that’s a lot more flexible when it comes to that.”

Last year, may movie rin si Tony na kasali sa Sinag Maynila. This time, eto namang AAH ay isang psychological thriller-horror film.

Suki na pala siya sa Sinag Maynila, sabi namin kay Tony.

“Ganu’n na nga,” ngiti ni Tony. 

Aniya, “I’m just happy working with some familiar faces and uhm, ‘yun. I hope you guys will like our film. The highlight is going to be our two female leads. I’m just happy to support them. I play William dela Cruz, isa po akong pulis.”

Last time, muntik nang manalo si Tony bilang Best Actor sa Sinag Maynila.

“Yeah,” sabay hinga niya nang malalim.

This time kaya?

“Oh, no. I really love my role here. I don’t think I’m in the running for anything. My character is just to support our two lead stars,” sagot ni Tony.

Ang iba pang entries sa Sinag Maynila 2026 ay ang Ang Bangkay (AB) ni Direk Vince Tañada, Lanaya directed by Clyde Capistrano, Pinikas ni Cris Fuego, Sweet Escape (SE) directed by Rommel C. Ricafort at ang Desperada ni Direk Louie Ignacio.

Ang Cannes Best Director na si Brillante Mendoza ang festival director ng Sinag Maynila at ang producer ng Solar Films na si Wilson Tieng ang founder.

Magsisimulang mapanood ang six official entries sa Sinag Maynila mula March 23 hanggang 29 sa Gateway Cineplex, Eastwood Cinemas, Uptown Cinema Venice Complex at Lucky Chinatown Cinemas.

---

Wig, idinidikit sa anit, super-init daw… 

HILDA, DUSA ANG INABOT SA PAGGAWA NG SISA

NAKABALIK na si Hilda Koronel sa Amerika. Umalis siya ng Pilipinas last Tuesday, March 10. Super-hectic ang schedule ng beteranang aktres after she arrived here noong February. Sunud-sunod kasi ang mga ganap para sa promo ng Sisa.

Sulit na sulit dahil sa malaking success ng pelikula sa box office at sa mga review na natanggap nila from the audience.

Pero ang nakakaloka, pati wig na ginamit ni Hilda sa Sisa ay napagdiskitahan.

Winelcome naman ni Hilda ang mga ganitong comments.

In-explain ng aktres sa kanyang Instagram (IG) kung bakit ganoon ang wig niya sa movie.

Paliwanag ni Hilda, “Gusgusin, brown makeup from top to bottom. Pati talampakan ko, brown. Plus, ‘yang wig ko, naka-glue ‘yan sa anit ko araw-araw at sobrang init, puro pawis my head hanggang paa. ‘Wag n’yo na pag-initan ang wig namin, Hahaha! Hinihimatay na kami sa init. Costume pa….”

Last three days bago bumalik sa US si Hilda ay hindi na siya tumanggap ng anumang commitment.

Time na raw iyon for her children at kanyang mga apo, at may time para makapag-empake ng kanyang gamit.

Kalurks, hindi raw nagkasya sa maleta niya ang mga gamit niya, kaya ang dami-dami pa niyang gamit na naiwan sa Pilipinas.

Hopefully, makabalik ulit ng Pilipinas si Hilda Koronel and do more projects here.