‘Pinas, pasok sa bibigyan ng US ng donasyong 80 M doses na Covid vaccine

ni Mary Gutierrez Almirañez | June 4, 2021

Magbibigay ang America ng 80 million doses ng COVID-19 vaccines na hahatiin sa iba’t ibang bansa bago mag-Hulyo, at ang 75% nito ay ipamamahagi sa ilalim ng COVAX program, ayon kay United States President Joe Biden.

Aniya, magdo-donate ang America sa mga prayoridad na bansang sakop ng Latin America, Caribbean, South Asia, Southeast Asia at Africa, kung saan laganap ang virus. Paraan aniya iyon upang masugpo ang pandemya.

"We are sharing these doses not to secure favors or extract concessions. We are sharing these vaccines to save lives and to lead the world in bringing an end to the pandemic, with the power of our example and with our values," sabi pa ni US President Biden.

Naglabas din ng pahayag ang White House sa kanilang website, kung saan mababasa na kabilang ang ‘Pinas sa makatatanggap ng donasyon.

Batay dito, “Approximately 7 million (doses) for Asia to the following countries and entities: India, Nepal, Bangladesh, Pakistan, Sri Lanka, Afghanistan, Maldives, Malaysia, Philippines, Vietnam, Indonesia, Thailand, Laos, Papua New Guinea, Taiwan, and the Pacific Islands.”

Dagdag nito, “The Administration announced its framework for sharing at least 80 million U.S. vaccine doses globally by the end of June and the plan for the first 25 million doses.

“This will take time, but the President has directed the Administration to use all the levers of the U.S. government to protect individuals from this virus as quickly as possible. The specific vaccines and amounts will be determined and shared as the Administration works through the logistical, regulatory and other parameters particular to each region and country,” pagtatapos pa ng kanilang statement.

Sa ngayon ay Pfizer pa lamang ang American brand COVID-19 vaccines na nakarating sa ‘Pinas. Inaasahan namang darating ang 300,000 doses ng Moderna sa ika-21 ng Hunyo.

Matatandaang mas dinumog ng mga Pinoy ang rollout ng Pfizer kumpara sa ibang brand na inaaloka sa bansa, kaya nagpasya si Pangulong Rodrigo Duterte na Pfizer ang gagamitin sa indigent population.

70% target, hinahabol sa Independence Day… Libreng beer sa magpapabakuna sa US

ni Mary Gutierrez Almirañez | June 3, 2021

Pinaplano ng America na mamigay ng libreng beer sa lahat ng mga magpapabakuna kontra COVID-19, ayon kay United States President Joe Biden.

Aniya, "That's right: get a shot, have a beer."

Nakipag-ugnayan na rin aniya ang White House sa mga malalaking brewer katulad ng Anheuser-Busch.

Paliwanag ni White House Press Secretary Jen Psaki, "We're making it even easier to get vaccinated, which we've seen is the key to increasing numbers and getting more shots in arms."

Layunin ng "libreng beer kapalit ng bakuna" na mabakunahan kontra-COVID-19 ang 70% na populasyon ng America sa pagsapit ng Independence Day.

"We're asking the American people for help. It's going to take everyone… so we can declare independence from Covid-19 and free ourselves from the grip it has held over our life for the better part of a year," sabi pa ni Biden.

Joe Biden, llamado, bilangan ipinauulit ni Trump

ni Thea Janica Teh | November 5, 2020

Kampante si Joe Biden na siya ang mananalo bilang pangulo ng Amerika dahil nangunguna na umano siya sa boto kay Donald Trump sa mga natitira pang siyudad.

Aniya, “After a long night of counting, it's clear that we're winning enough states to reach 270 electoral votes needed to win the presidency. I'm not here to declare that we won.

But I am here to report, when the count is finished, we believe we will be the winners." Sa inilabas na resulta ng eleksiyon nitong Martes, makikita na lamang si Biden kay Trump at patuloy na lumalapit sa bilang na kailangan upang manalo sa White House.

Dahil dito, nag-request si Trump nitong Miyerkules na ihinto ang pagbibilang ng balota at muling bilangin upang masigurong tama ang bilang. Kalmado naman itong sinagot ni Biden at sinabi na ang lahat ng boto ay dapat bilangin.

Dagdag pa ni Biden, sang-ayon din sa kanya ang isa sa mga running mate na si Kamala Harris. Ayon kay Biden, ang susi sa kanyang posibleng pagkapanalo ay sa tatlong Great Lake states.

Sa katunayan ay nanalo na siya ng 20,000 boto sa Wisconsis. Bukod pa rito, nangunguna rin si Biden ng 35,000 boto sa Michigan na mas mataas pa sa nakuhang boto ni Trump noong 2016.

Kampante si Biden na makukuha niya rin ang boto ng mga taga-Pennsylvania dahil ayon sa kanya, majority ng balotang bibilangin ay naipadala na at lamang na umano siya ng 78%.